* جاء في كتاب «الا من اتى الله بقلب سليم» للدكتور سيد جمعة سلام ان المحبة هى اساس كل عمل من اعمال الدين والايمان وان التصديق اساس كل قول من الاقوال بمعنى ان كل عمل يعمله الانسان لابد ان يكون عن ارادة قلبية وهذه الارادة اما ان تكون حباً او كرهاً رغبة وطواعية او رهبة واجبار. النية اساس في الاعمال كلها النية او الارادة والغاية لا تخلو ان تكون حباً او كرهاً اما النية في الاحكام فهى شئ آخر. * المؤمن الذي يعمل الطاعة محباً لها وراضياً بها جزاؤه القبول والرضا اما المنافق الذي يعملها كارهاً كسلاناً جزاؤه الرد والاحباط. * المؤمنون تتفاوت درجات ايمانهم بحسب المحبة والرضا، المحبة اصل اعمال القلوب وشرطاً من شروط لا اله الا الله، فالاسلام هو الاستسلام بالذل والحب والطاعة لله، من لا محبة له لا اسلام له. * «ومن الناس من يتخذ من دون الله انداداً يحبونهم كحب الله والذين آمنوا اشد حباً لله» وجاء في الحديث «ثلاث من كن فيه وجد بهن حلاوة الايمان: ان يكون الله ورسوله احب اليه مما سواهما وان يحب المرء، لا يحبه الا لله وان يكره ان يعود الى الكفر بعد ان انقذه الله منه كما يكره ان يلغى في النار». وجاء في الشعر والفن السودانى: نحن اصلنا ناس محبة زول نعزو وزول نريدو والبفوت ريدتنا يمشى برضو نفرح بي جديدو **** كم سهرت الليل شقاوة وسرت ليك مشوار يفتر والله مسكينة المحبة تمشي لي ناس ما بتقدر **** دنيا الريد محبة ودنيا الريد عذاب ناس تجنى المحبة وناس تجنى السراب **** عشقتك وقالوا لي عشقك حرام يا مجدد نور عيوني يا مبدد نار شجونى ليتهم عرفوا المحبة وعرفوا اسرار الغرام **** باكر يا حبيبى يعلمك الزمن ليه دنيا المحبة للعشاق وطن هدايا الحلقة: 1. واحدة قالت لراجلها اطرد السواق: مرتين كان عايز يقتلنى بي سواقته الكعبة دي، قال ليها معليش نديه فرصة ثالثة!. 2. دبيب لاقى مكوجى في الطريق، الاتنين بخوا في بعض!. 3. ادروب قالوا ليه تمشى الجنة ولا النار؟ قال ليهم القريب من كسلا نمشي!. 4. واحدة قالت لراجلها لمن اموت نور لى قبرى علشان بخاف من الظلام، قال ليها انتى موتى مكيف بجيبه ليك!. 5. زوج منع زوجته من الذهاب لاهلها خايف من عدوى انفلونزا الطيور، قالت ليه ناس امى لا عندهم جداد ولا حمام ولا بط، قال ليها امك بومة!. 6. رباطابي مرته قالت ليه فسحنى قال ليها حأوديك جنينة الحيوانات للقرود منها فسحة ومنها صلة رحم!. 7. واحد من اهل الخيال قعد جمب بتاع الثلج وهو بيكسر في اللوح طار في صدر الراجل قال ليه شنو يا ابو الشباب؟ ما اثلجتم صدورنا!. 8. مسطول سألوه عن الشهد والشهيد قال ليهم الاثنين بتلحسوا!. 9. صاحب خيال قالوا ليه صاحبك بيمشى وينقط موية؟ قال ليهم اسمه حنفى!. 10. عريس مسطول قال لصحبانو ماشين وين؟ قالوا ليه ماشين نجيب الثلج قال ليهم خلاص عزلوا السآآآقط. خاتمة: علامات محبة الله تعالى للعبد: & علامات حب الله للعبد هي حسن التدبير له منذ تربية الطفولة ويكتب الايمان في قلبه وينور له عقله ويستخلصه لعبادته فيشغل لسانه بالذكر وجوارحه بالطاعة ويجعله نافراً من كل ما يبغض الله ويسدد ظاهره وباطنه. بحيث تشغله محبة الله عن كل شئ. & جاء في الحديث «ان الله اذا احب عبداً دعا جبريل عليه السلام فقال انى احب فلاناً فأحبه فيحبه جبريل ثم ينادي في السماء فيقول ان الله يحب فلاناً فأحبوه فيحبه اهل السماء ثم يوضع له القبول في الارض. واذا ابغض عبداً دعا جبريل عليه السلام انى ابغض فلاناً فيبغضه جبريل ثم ينادي في اهل السماء ان الله يبغض فلاناً فيبغضوه ثم يوضع البغض في الارض». & اللهم اجعلنا من المحبوبين وابعدنا عن بغض الله وملائكته وخلقه. آآآمين.