سودارس : تزوجت مرة واحدة فقط لأسباب اقتصادية.. وأنا لا ملياردير ولا مليونير

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تزوجت مرة واحدة فقط لأسباب اقتصادية.. وأنا لا ملياردير ولا مليونير
ونسة سلام مع أتيم قرنق

الصحافة نشر في الصحافة يوم 23 - 04 - 2010

٭ ضيفنا راجل ونّاس جدا، بتاع سلام، يستقبلك ببشاشة وابتسامة يحرص في ونسته معاك على توزيع كمية من النكات والامثال الشعبية والمواقف الطريفة، يودعك بابتسامة اخرى وضحكة من الاعماق، اسمه اتيم قرنق، نائب رئيس المجلس الوطني، قيادي بالحركة الشعبية لتحرير السودان يتعامل بأريحية مع الجميع دون تمييز
٭ نبدا بي معنى «اتيم» في لغة الدينكا.
من الصعب شرح الاسم، لان الاسم عندنا يتم توريثه حيث يسمى الحفيد على جده والجد على جده وهكذا يصعب ترجمة الاسماء من لغة الدينكا الى اللغة العربية لكن عموما هناك اشياء كثيرة طبيعية في منطقتنا يطلق عليها «اتيم» يمكن ان يكون سموني عليها.
٭ زي شنو؟
على سبيل المثال «اتيم» نوع من انواع الثعابين او قد يعني المقرراو الحاكم.
٭ يعني توقعات اهلك طلعت صحيحة وطلعت حاكم؟
«يضحك» لا لا الاسم في مناطق كثيرة قد لا يتفق مع صاحبه.
٭ الميلاد كان وين؟
في منطقة شمال بور بولاية جونقي.
٭ سنة كم؟
انا عندي ميلادين او اكثر كمان.
٭ كيف؟
يعني انا مثلا عندي تاريخ ميلاد ادونا ليه في المدارس بالتسنين بقولوا انا من مواليد سنة 1954 ودا حسبوه لي حسب سن الوالدة والوالد.
٭ وتاريخ ميلادك الحقيقي؟
انا بشوف ان ولادتي كانت سنة 1949
٭ والبأكد كدا شنو؟
انو انا لما كنت صغير كنت شاهد عيان على احداث 1952 واحداث 1953 وكمان وانا دخلت المدرسة الاولية سنة 1959 وفي الريف لا يمكن ان تدخل مدرسة عمرك 5 سنة دا طبعا بينفي انني انا ولدوني سنة 1954 حتى في المدارس في المدن زمان ما في طفل بيدخل المدرسة الا بعد يتم سبع سنة بالتالي انا بقول دائما ان تاريخ ولادتي دا «مضلل» وانا اكبر شوية.
٭ اتيم في فترة الطفولة كان اقرب الى الام بحنانها وتدليلها ولا للاب بقسوته وصرامته.؟
التربية عند الدينكا تختلف بعض الشيء عندنا هناك في الريف الطفل بعد الفطام مباشرة يعني في عمر سنتين اما ان يذهب الى حبوبتو ام والده او الى حبوبتو ام والدته وانا فضلت ان اذهب الى اهل حبوبتي والدة والدي.
٭ ليه؟
لان الحبوبة والده الام عندنا دائما تحب وتعطف على اولاد وبنات بناتها ولو كنت مشيت ليهم كنت بعيش في جو دلال زائد وعند الدينكا الولد البتربيه حبوبتو ام امو بطلع «مايع» او «رخو» يعني زي البنات اما عند الحبوبة ام الوالد بطلع قوي وراجل شجاع ما مدلل.
٭ وانت شافع صغير لسع كنت مسالم ولا متمرد؟
كنت بتمسك بحقوقي وما بتنازل عنها ابدا حتى للوالد وبتذكر لما كنت عمري 4 سنوات طلعت مع الابقار في موسم الصيف من القرية الى مناطق المستنقعات محل المويه والقش ونحن بنسميها «التوج» او «التيجان» وهناك كان نفذت اول اضراب عن الطعام والشراب.
٭ ليه السبب شنو؟
من المتعارف عليه انو في الصيف لقلة الماء والاكل الابقار ما بتنتج لبن كتير والوالد كان سلطان بجي القرية يقسم لينا الابقار ويرجع للمحاكم في القرى والمراكز الحكومية ولو قسم لي زول بقر تاني ما في طريقة يغيروا بي بقر ثاني في التوج الا بعد اذن من رئيس الاسرة وحصل مرة ادوني بقر ثم غيروه ببقر اقل انتاجية منه طوالي عملت اضراب عن الاكل وشراب اللبن مطالبا بحقوقي ورجعوها لي.
٭ وانت طفل حقاني اتجلدت كثير؟
عند الدينكا الطفل بعرف حقوقو وواجباتو من عمر 4 سنة بعدما يطلع مع الفرقان يرعى الاغنام والخرفان والعجول الصغيرة ثم الابقار وبتعلم مع الايام الصح والخطأ ودائما يكون معاه زول كبير يحب الخير والعدل برجع ليه في الصغيرة والكبيرة لذا اذا الطفل والده او والدته غضب منو وسكت دون ان يخبره بسبب الغضب الطفل بكون ما رضيان ويبكي بكاء فيه مرارة اما اذا الطفل غلط ودقوه بعد ما وروه انو اخطأ في الشيء الفلاني ببكي لكن دون حرقة.
٭ ليه اولاد الدينكا ودينكا بور بالذات متميزين عن باقي الاولاد في القبائل الثانية؟
قد تكون احد الاسباب ان اول كنيسة من الكنائس التي اهتمت بتعليم الناس فتحت في منطقة بور سنة 1905 ووجد اولاد بور فرص في التعليم وصارت المنطقة جاذبة حتى ان المدرسين من اولاد بور انتشروا في مناطق مختلفة وايضا نجد ان الدينكا والشلك والنوير عندهم الاسر الممتدة يعني اذا مدرس مولود في بور ونقلوك منطقة يرول او واو يجي اقرباءك واولادهم عشان تعلمهم. ودي من الاشياء الاعطت منطقة بور التميز.
٭ اتيم درس وين؟
درست الاولية في القرية الولدوني فيها واسمها قرية «كنقر» واستاذي الدرسني سنة 1960 موجود الان بمدينة مدني بحي الدباغة اسمه فاروق ابراهيم ان شاء الله ربنا يطول عمرو.
٭ والوسطى؟
في مدرسة بور وهناك وقفت من الدراسة مدة سنين نسبة لحوادث حرب سنة 1965
٭ والثانوية؟
في مدرسة ملكال الثانوية.
٭ والجامعة؟
تخرجت في مصر جامعة عين شمس سنة 1978
٭ الكلية؟
درست علم الاجتماع
٭ العمل بعد التخرج؟
عملت في السودان ضابط مجلس ثم مفتش بالحكومات المركزية.
٭ الانضمام للحركة الشعبية كان متين؟
سنة 1984 بعد ما نظمنا الناس ومشوا وعرفنا انهم اتمكنوا من التكوين.
٭ الراحل قرنق اول مرة لاقيتو ومتين ووين؟
اول لقاء مع الراحل جون قرنق كان في صيف سنة 1983 بمدينة ملكال تعرفت عليه بواسطة اشخاص اقرباء يعني قبل حوادث بور تقريبا بشهر او شهرين.
٭ حسب معلوماتي انك خشيت برتبة رائد في الجيش الشعبي؟
لا انا خريج جامعي ودخلت بي ملازم اول واترقيت لي رتب عالية.
٭ اثر النقلة دي من طالب بمصر ام الدنيا الى محارب في الغابة..!
والله انا كنت مؤمن بي قضية ودا اهم عندي من اي خلفيات اخرى بل الخلفيات دي ادتني تصميم زيادة لتحمل اي اوضاع اخرى حيث تحولنا وقتها من اكل الكسرة وشراب اللبن الى اكل البليلة واحيانا كنا ننوم بالجوع.
٭ زواجك كان تقليدي؟
ايوه زواج بتاع دينكا. سنة 1984 بدأ باجراءات عادية اخترت الزوجة وكلمت اهلي ومشوا كلموا اهلها ووافقوا ومشينا المراح واخترنا البقر.
٭ انت ود سلطان معناها جبت بقر كتير؟
عندنا في دينكا بور بنقدم البقر للزوجة حسب عدد افراد اسرتها اذا استحقوا خمسين نديهم خمسين اذا مية ندفع ميه اذا ثلاثين نجيب ثلاثين ولو الزوجة عندها 01 اعمام ندفع لكل عم 01 بقرات، اما عند دينكا بحر الغزال الوضع مختلف هناك بدفعوا مهر بقر كتير جدا بغض النظر عن عدد افراد الاسرة.
٭ في حد اقصى لعدد الزوجات عند الدينكا؟
الدينكا بتزوجوا زواج مفتوح حسب عمرو وطاقتو المادية وطاقتو الجسمانية ودا مبدأ سليم.
٭ انت عندك كم زوجة؟
انا اتزوجت واحدة بس لاسباب اقتصادية افتكر انها اسباب ايضا جعلت بعض المسلمين مع انهم محلل لهم الزواج من اربع يكتفون بزوجة واحدة فقط حتى في المدن الكبيرة.
٭ سمعنا انك مليونير في طريقك لتكون ملياردير.؟
يا ريت، انا حتى في احلام ما حلمت اكون مليونير ولا ملياردير لان دا محتاج لي مداخلة ومن اين تبدأ.
٭ العمل بالسياسة ما مجزي ماديا؟
لا هو مزعج ماديا ومعنويا لان الناس بتشوف منصب السياسة الكبير بتقارنو طوالي بحجم المال العندو وزي ما انت عارف ان البلد فيها فساد اول ما جاء عبود وعمل انقلاب قال جيت عشان واحد اتنين تلاتة من بينها محاربة الفساد وجعفر نميري جاء لمحاربة الفساد والانقاذ جات لمحاربة الفساد عشان كدا الناس بتشوف اي مسؤول في الدولة تقول انو شبعان وعندو قروش كتيرة عشان كده العمل بالسياسة مقلق ومكلف ماديا.
٭ زوجتك طبيعة عملها شنو؟
تخرجت في القسم العلمي بالمدارس الثانوية وتخصصت في مجال التغذية بأحد معسكرات اللاجئين في كينيا ولها الفضل في تنشأة الابناء لاني كنت مشغولا وقتها بالحرب.
٭ طريق اولادك الاكاديمي اخترتو ليهم انت؟
انا بديهم توجيهات بس. وليهم حق القبول والرفض، وانا زمان كان قدامي كلية الاداب لغة انجليزية وشرقية وجغرافيا تاريخ واجتماع ويا ريت لو لقيت قريب او صاحب نصحني لدخول قسم اللغات الشرقية لانو التاريخ كلو مرتبط بيها حتى اليونان مع اننا بنعتبرها جزء من الغرب دراسة لغتها مهمة.
٭ اولادك اين هم الآن؟
الكبير 32 سنة يحضر الان في الدكتوراة في استراليا والاوسط داير يكون معماري والصغير يحب الرياضيات جدا وبدخل منافسات على مستوى ولايتو باستراليا ويحرز نتائج متقدمة جدا احتمال يتوجه لدراسة الهندسة او الفلك.
٭ عندهم ميول سياسية؟
الكبير مهتم جدا بتاريخ السودان يدخل عادة في نقاش حاد عبر مواقع الانترنت ويخبرني دائما بآخر المقالات السياسية ويقول لي قريت كلام فلان داك.
٭ موقعك وين من المسيحية بعيد ولا قريب؟
في ديننا ما في قرب وبعد الدين دا زي البيت انت حر فيه تاكل او ما تاكل وتاكل شنو وتخلي شنو.
٭ بتلقى وقت تمشي الكنيسة دائما؟
في ديننا ما بتصلي عشان الناس يشوفوك او تجبر اهلك على الكنيسة وما ممكن يجوك جماعة يقولو ليك شهرين ما شفناك في الكنيسة لانو كدا ايمانهم بكون قل لكن ممكن يصلوا ويدعو ربنا عشان ترجع للكنيسة واذا رجعت يقولوا ربنا استجاب للدعاء.
٭ بتمارس اي نوع من الرياضة؟
رياضة المشي.
٭ هلالابي ولا مريخابي؟
انا هلالابي من زمان
٭ منو من اللعيبة الان بتشجعهم؟
انا مهتم هذه الايام بنتائج المباريات النهائية اكثر من اللعيبة.
٭ الهلال ما لو الموسم الفات؟
الهلال مشكلتو في الادارة وهي العمود الفقري لاي فريق عندنا في العسكرية ما في جيش بطال لكن لو القائد بطال الجيش يكون زيو.
٭ الحل شنو؟
الهلالاب يقعدوا ويفكروا ويسترجعوا امجاد الهلال السابقة احتمال يمشوا لي قدام والقضية ايضا حلها في اهتمام الدولة بالرياضة وبعدين الجو العام في السودان كان ليه اثر في نفسيات اللاعب يعني مثلا لو لاعب عندو قريبو ناشط سياسي سجنوه في كوبر ما بقدر يلعب اضافة للوضع الاقتصادي الذي يؤثر ايضا في نفسيات اللاعب سلبا وايجابا.
٭ ليه ما ظهر فريق من الجنوب في الدوري الممتاز؟
الحرب ما سمحت للجنوبيين باللعب كانوا ما لاقين ياكلو ويشربوا لكن كانت في جوبا وملكال وواو فرق قوية زي الرابطة وكتوروغيرها وظهر عدد من اللعيبة الجنوبيين في مناشط اخرى غير كرة القدم.
٭ رأيك شنو في تجربة اللاعب الاجنبي؟
اللاعب الاجنبي المحترف هنا ما يقدم جديد وخطر على الرياضة ودا اعتراف مننا بالعجز مع انو نحن استضفنا كأس الامم الافريقية وفزنا بيه وظهرنا كأحسن فريق قومي في افريقيا.
٭ بتسمع منو من الفنانين؟
بسمع للفنانين القدام عثمان حسين واحمد المصطفى وفي مصر استمعت الى الفن المصري الراقي الخفيف واتذكر الليلة التي غنى فيها عبد الحليم حافظ قارئة الفنجان وقتها سهرنا مع المصريين وايضا استمع للفنانة فيروز وام كلثوم والان لا اعرف الفنانين الشباب في السودان واسمع الناس يتحدثون عن هبوط الاغنية وفي رأيي ان سبب الهبوط سياسي واقتصادي.
٭ المرأة نصف المجتمع وانتوا اديتوها في البرلمان نسبة تمثيل 25% بقيتوها ربع المجتمع؟
المرأة كل المجتمع نحن دايرين ليها مقاعد اضافية لانها مظلومة ونحن ورثنا الظلم دا واي شيء موروث عندنا بنعتبروا موجب حتى لو كان سالب يعني البت تمشي مع الولد المدرسة سوا يكونوا في صف واحد لكن لما يرجعوا البيت يقولوا ليها يا بت قومي غسلي والولد راقد مرتاح تمشي تجيب ليه الشاي.
٭ دا هنا في المدينة وفي الريف كيف؟
عندنا في بور الولد عندو واجبات وتكليف مثل رعي البقر ومسك العجول عشان ما ترضع اللبن والطريف في المدينة ان المرأة تتقبل الظلم يعني لو قعدت مع رجال في طاولة وكانوا دايرين مويه هي اول واحدة ح تقوم تجيبا.
٭ شنو البعجبك والما بعجبك في الشباب الجنوبي؟
الشباب حتى الآن يعانوا آثار الحرب وهي آثار متشعبة من بينها عدم وضوح المستقبل والشباب لو ما اتسيسوا ما بقدروا يعرفوا ماشين وين والمشكلة لو اتسيسوا معناها حي يتوجهوا لي شي معين والعلماء بقولوا الافضل الشباب ما يتسيسوا الا لما يكبروا عموما الشباب والشابات واعين وعندهم اهتمام بقضايا منطقتهم والمناطق حولها وهم قاعدة لمستقبل ناجح جدا.
٭ علاقتك مع شريككم في الحكم ورئيس البرلمان شكلها شنو؟
ما في حساسية بيناتنا ولما يكون هو رئيس الجلسة بديني فرصة وتمييز بصفتي النائب.
٭ عندك اصدقاء كتار في المؤتمر الوطني؟
ليه لا. بعدين نحن كلنا سودانيين والمؤتمر دا عمرو كم سنة الناس ديل بنعرفهم من بدري.
٭ امنيات وتوقعات ؟
اهل السودان يتحدوا اكثر من اول لان القضايا الجايه تحتاج لتكافل وتعاضد.
امامنا قضية دارفور والازمة الاقتصادية ومحكمة الجنايات الدولية كلها قضايا تحتاج لتكافل وتعاضد.

انقر هنا لقراءة الخبر من مصدره.