لوشفتي حالي وراك كيف في الغربه والزمن الصعب في بلاد مليانه زيف غرقانه في الشقا والتعب لانسمه بتهب يوم علي لاغنوة لانغمة طرب في الجحيم عائش وحيد في حيره من امري وعجب بتذكرك ساعة الرحيل والدمع جاري وانسكب ودعتك الله ياجناي ياضي عيوني المانضب وانا من ساعة الوصول دمعي سال والشوق غلب فكرت يمه في الرجوع خائف يقولوا شن كسب شن سوا شان يرجع سريع ويقولوا طش كمان رسب ودا يمه مالدايرو ليك داير اجيلك بالطلب بالعلم مرفوع الجبين وتعيشي في نشوة وطرب لكني خايفو يكون سراب اصلي في صبري انغلب بكتبلك يالوالده الحنينه واشواقي ليك ماليها حد بكتبلك طالب رضاك ياهو الامل ياهو السند مكتوبي من بلد الشقا بلد الخداع دون عدد كلما حاولت اصبرالقي منها كل صد وكلما اقول قربت ارجع القي الظروف واقفالي سد وكلما اقول قربت ارسي القي الرياح عاتيه واشد والقي كل القالوه صاح انو العواصم مابلد وانو شندي بلد الاحبه انو المتمه جميله جد تايه انا من كم سنه كمل الصبر قلّ الجلد وفي ختام جوابي ليك قولي سلامي للبلد حتي الشوارع والازقه ماتنسي زول ماتخلي فرد بكره راجع ليك يمه وبكره تفرحي بالسعد دعاك يمه لي كتير دعاك لي ياهو المدد