شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين"    شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان    شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني    شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها    مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية    شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك"    بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية    بسبب ضعف الراتب.. وزير الثروة الحيوانية بالسودان يبحث عن عمل إضافي    هل من أمل في الكرة السودانية؟    إيطاليا تقترب من المونديال    ما حقيقة أسر العميد محمد منصور قائد اللواء 16 مشاة بالكرمك؟    رئيس الوزراء يصدر قرارًا بشأن الرسوم الجديدة في المعابر    بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر    تقارير تكشف عن تحرّكات كبيرة للجيش السوداني    توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء    محمد عبد الباسط يكتب: لهذا تحركت باكستان الآن للوساطة بين أمريكا وإيران    مسؤول الطيران المدني يعلن جاهزية مطار الخرطوم لاستقبال الرحلات الإقليمية    الكرمك: ليس حدثاً عابراً    إيلون ماسك يطعن في حكم تغريمه 2.5 مليار دولار في قضية "تويتر"    ترامب ينهى تقليدا عمره 165 عاما متعلقا بالدولار.. ما القصة؟    الأهلي يُعيد النظر في رواتب اللاعبين لإنهاء "فتنة أوضة اللبس"    هدف واحد يفصل مبابى عن لقب الهداف التاريخى لمنتخب فرنسا    ماذا قال العميد طارق كجاب بعد إحالته المفاجئة للمعاش؟؟    حتى لا نخسر ما كسبناه    السكوت على هذا الأمر لا يرضي الله ولا رسوله!!    عمرو دياب يحيى حفلا غنائيا فى تركيا 2 أغسطس    دراسة : النشاط البدني مفتاح الوقاية من السكري رغم زيادة الوزن    ارتفاع أسعار الذهب في السودان    أحمد العوضي : بشكر جمهوري إنه عمره ما خذلني وصاحب الفضل فى نجاحي    شيماء سيف تنشر فيديو طريف مع زوجها محمد كارتر على إنستجرام    لأول مرة.. حكم يحمل إنستغرام ويوتيوب المسؤولية عن إدمان وسائل التواصل    دراسة تكشف ترابطا بين أمراض معدية وخطر الإصابة بالخرف    10 أطعمة يجب تناولها لعلاج نقص البوتاسيوم    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    هل مخالفة ترامب خلل في الكون؟!    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



البشير قاد حملتي الانتخابية
ونسة مع مزارعية في قلب البرلمان

٭ أروع ما فيهم بساطتهم ومعدنهم أغلى من الذهب.. هكذا هم اهلي بالسودان كما جاء على لسان الدسوقي، وهكذ كان حالنا في رحلة البحث عن ونسة الجمعة التي سترتدي اليوم البساطة في كل شيء، وزي ما بقول المثل الدنيا دي فيها شنو ما اخرا «كوم تراب»، ودي قصتنا ذاتا الليلة تراب وموية وتيراب وسمسم وعيش واضافات وخلطات سياسة وبرلمان وقضايا زراعة، حيث سنبتدر حوارنا من المزموم، لنمر على عدة مدن في السودان، متوقفين في دار الحنان ام درمان، وتحديداً جنب قصر الشباب والاطفال، وعلى مقربة من السلاح الطبي مع ناس الوالي وقوش وباقي الجماعة في البرلمان، وتحديداً مع زولة من ناس ال 52%.. امرأة أخرى خطت باقدامها هناك لتعبر عن قضايا اهلها وتساهم في بناء الأمة وتشريع القانون ومراقبة الوزراء والاداء عموماً.. قاطعة المسافة من الدالي والمزموم.. ونسة ستتم فيها الممازجة ما بين الزراعة والسياسة، فضيفتنا اليوم زولة حشاشة وطورية ومنجل وسلوكة وضحوية وضهرية.. حازت على جائزة افضل مزارع، وكرمها رئيس الجمهورية ومن بعده اهلها الذين اختاروها ممثلة لهم في البرلمان، ومتحدثة بأصواتهم، ومعبرة عن قضاياهم، واخترناها نحن في ونسة لتمازج ما بين السياسة والزراعة، لتقول وعلى طريقتنا من الواسوق طلعت ونسة ولا احلى.. فالي تفاصيلها:
٭ بداية من أنتِ؟
- انا علوية الرضي جبريل، المولودة في المزموم، تلك المدينة الحالمة التي تنام على أصوات الرعد لتصحو على الخير الوفير سمسم وعيش ودخن وناس طيبين طيبة تجنن، وقضيت طفولتي هناك.
٭ مراحل التعليم؟
- أنا درست الابتدائي في المزموم والثانوية العامة في سنجة، وأكملت الثانوي في كوستي، واكتفيت بهذا القدر لأدخل الى ميدان الحياة العملية، ولكن الآن انا في طريقي لاكمال تعليمي الجامعي ان شاء الله.
٭ اشتغلت وين؟
- انا بديت الشغل في مصنع نسيج الدويم، ومنه لمصنع نسيج كوستي، بعداك عملت في ديوان الحكم المحلي في مجلس ابو حجار وحدة المزموم الإدارية، والآن أعمل مفتش إدارة في محلية الدالي والمزموم، واضافت ضاحكة وعضو برلمان قومي من نفس الدائرة.
٭ انتِ هسه شغالة ده كلو وشلتِ جائزة افضل مزارع؟
- اول حاجة مزارعة ما مزارع، والزراعة دي يا أخوي شغلة الناس كلهم، ومفروض السودانيين ديل كلهم أي زول يشيل ملودو ويدور في الواطة دي، والله تاني زول بلحقنا مافي، بس انتو ابقوا على الزراعة والباقي خلوهو على الله.
٭ انتِ بتزرعي من متين؟
- أنا مما قمت اتربيت في المزموم، والمنطقة مشهورة بالزراعة، وأي زول هناك بعرف الزراعة وما بعرف شيء غيرها، وحتى الونسة كلها زراعة في زراعة والمطرة جات ولا لسة وخريفكم كيف وباقي التفاصيل التانية. يعني بالعربي كده انا مما قمت لقيت روحي في الخلاء، ولقيت امي الله يديها العافية بتزرع.. عشان كده مافي خيار غير انو نحنا نزرع.. يعني نظريتنا زراعة من المهد الى اللحد.
٭ هسة الزراعة دي ما دايرة عدل؟
- هو كان مافي عدل مافي زراعة، وانا بعرف اعدل رأسي واصلح اموري. وبالمناسبة دي انا اول امرأة يتم تمويلها من قبل البنك، يعني التمويل زمان كان خاص بالرجال بس، لكن عشان أي زول بتتحدد حاجته قدر عمله، ولانو مافي راجل أخير من امرأة والمرأة هناك بتقوم بدور كبير مع الرجال الكتف بالكتف، وطالما إنك بتقدر ترجع حق التمويل فالبنك ما عندو خيار غير يمولك.
٭ يعني كنت طوالي بتدفعي حق البنك؟
- أيوه وعلى طول.. ما انت القروش دي بتحتاج ليها يعني التمويل ده زى الصندوق بتدفع بتلقى حقك قاعد، عشان كده انا كنت بدفع على طول، وبصراحة نحنا النسوان ديل بنخاف من حق الناس ما زى الجماعة..
٭ انتو وكت ما قدر الجماعة بتزرعوا شنو؟
- القاليك منو نحنا ما قدرهم.. نحنا قدرهم واكبر كمان.. وانا دي مساحة ارضي قدر حقت كتار واكتر من حقت تانين.
٭ بدوري الشغل كيف؟
- يعني زيِّ وزى أي زول بدير مؤسسة، وباختار ناظر يكون مسؤول عن السواقين والعمال، وأي زول بقوم بدوره يعني مواطنة عديل حقوق وواجبات، وأنا بوفر كل المقومات وباستخدم أسلوب الحسم عند التقصير.
٭ إنتِ كنتِ أفضل مزارعة أحكي لينا القصة؟
- كانت قصة جميلة، واحساس أجمل أن تُكرَّم من قبل رئيس الجمهورية في لحظة انجاز، وكونه اكون افضل مزارعة ده تكريم للدور الكبير للمرأة السودانية، وتأكيد على عدم صحة «كان بقت فأس ما بتقطع الرأس».
٭ يعني هسة بتقطعي؟
- بقطعوا.. نحن ما بقينا كتار وفي كل المجالات، وقادرات على عمل أي شيء، والزول البقول كان بقت فأس ما بتقطع يجي يمد رأسه لانو ده الرأس الدائر قطع جد جد.
٭ يعني هسة إنتِ سايقة خط ضد الرجال؟
- انت داير تسوي ليك خط ساكت.. انا ما قلتو بالعكس.. نحنا ما سايقين خط ضد الرجال ولا حنقدر لانو المجتمع ده زى طريق السكة حديد بمشي بقضيبين، ولو انقطع واحد فعلى التاني السلام، وبالعكس الرجال لهم ادوار كبيرة، وبالمناسبة دي خليني احيي راجل وهو شريكي في الحياة الاستاذ زكريا عبد الباقي، والذي يؤكد بعمله على ان نجاح كل امرأة وراه رجل عظيم ومتفهم، ولولاه لما صنعت شيئاً.
٭ كدي خلينا نمرق من حتة الزراعة دي؟
- نمشي وين؟
٭ نشوف برنامج السياسة؟
- أنا بديت العمل السياسي عام 0991م من خلال اتحاد المرأة، وانا من ما بديت طوالي بديت رئيس لاتحاد المرأة بالدالي والمزموم، واستمريت في المنصب من خلال تجديد الثقة حتى عام 0002م، ودخلت عضوية المجلس المحلي وكنت رئيس اللجنة الصحية، وعملت كذلك امينة للمرأة بمحلية الدالي و،المزموم وعملت أمينة مال للرياضة النسوية بولاية سنار.
٭ كدي وصفي لينا طريقك نحو البرلمان؟
- القصة بدت بالترشيح من قبل الكلية الشورية للمؤتمر الوطني بولاية سنار، واختتمت بالاختيار الجماهيري من قبل مواطني الدائرة الجغرافية، «ضحكت» يعني دخلت مزارعة بلون الخضار وجيت بلون الشجرة الأخضر للبرلمان.
٭ حملتك الانتخابية تمت كيف؟
- أنا حملتي الانتخابية كانت بقيادة البشير رئيس الجمهورية، فلولا حالة الحب التي يحملها له الشعب السوداني وانتقلت بدورها لكل المرشحين عبر المؤتمر الوطني وشجرته ذات الأصل الثابت، لما نجحت هذه الحملة، فوجود البشير على رأس القائمة كان اول مداخل نجاح الحملة الانتخابية، والناس كانوا يسألوا انتو ناس البشير، والموضوع كمل بالنهاية السعيدة.
٭ وتاني؟
- الحملة الانتخابية ساهم فيها الجميع، وخصوصاً حملات المرشحات، يعني قعدات الجبنة والونسة والكلام بجيب أخوه، والناس عرفوا المرشحات، ونقلوا البرنامج من حتة لاخرى، ودي فرصة انو الزول يشكر كل من ساهم في دخولي للبرلمان من اهلي الطيبين في محلية الدالي والمزموم وسنجة وابو حجار وود التيل وكل الحلال والفرقان الهناك.
٭ لقيت البرلمان كيف؟
- عضوية البرلمان تمثل نقلة في حياة أي زول بسعى لتقديم خدمة لشعب يستحقها، وفي نفس الوقت يزيد من حجم المسؤوليات، وخصوصاً إنو دي حتكون اخطر واصعب دورة برلمانية يمكن للسودان فيها ان يكون واحداً موحداً، أو لا قدر الله ينفصل.
٭ وحا تسووا شنو؟
- حنعمل كتير، أول حاجة سوف يكون عملنا خلال برنامج المؤتمر الوطني والوعد الذي قطعناه على انفسنا باستكمال النهضة، وبالتالي ستكون كل التشريعات في هذا الاتجاه، وسنسعى لفرض رقابة على الاداء في كل المناحي باعتباره واجبنا.
٭ في ناس بقولوا النسوان ديل تمامة عدد ساكت؟
- نحنا اول حاجة ما جينا بحق زول.. جينا بالقانون والدستور وبأصوات الناخبين.. عشان كده بنكون مساءلين امام الناخبين، وحتشوف براك النسوان ديل بسون شنو في البرلمان.
٭ حنشوف شنو يعني؟
- نحنا أول حاجة حنعمل جادات من أجل أن تمشي الوحدة ما بين الناس، وانتو عارفين انو نقة النسوان لما تدور، ومن هسة النقة بس حتكون وحدة لحدي ما تتحقق، ونحافظ على وطن عزة ومهيرة ورابحة الكنانية.. ونحنا حنعمل العلينا بس ساعدونا بالجكة.
٭ وماذا ستفعلون في ما يتعلق بقضايا النوع الاجتماعي؟
- نحنا مع التميز الايجابي للمرأة، وبالتالي فإن وظيفتنا الأساسية هى إعادة واستمرار بناء الوطن الذي تسود فيه المساواة من جانب، ومسؤوليتنا من جان آخر هي دعم قضايا المرأة في ما يتعلق بقضاياها الخاصة المتعلقة بالأمومة والطفولة ومحاربة العادات الضارة، وسنخوض حملة شعواء ضد الخفاض الفرعوني وتوابعه من القضايا الأخرى التي تقف حجر عثرة أمام تطور المرأة وحصولها على حقوقها.
٭ يعني حتدورها مع الرجال جوه؟
- حا ننسق، وان دعا الامر فإن النوع للنوع رحمة، لكن أنا واثقة إنو ما حيصل اشتباك، فالرجل السوداني أخو أخوان، ويعطي المرأة حقها ويقدرها.
٭ أها وناس الزراعة؟
- بالمناسبة أنا كنت وسأظل مزارعية، والزراعة دي مرضة وإدمان زيها وزي السياسة، يعني لا فكاك منها، والحياة بدون زراعة ما حياة، وسأظل مع المزارع قلباً وقالباً من أجل حل مشاكله.
٭ زى شنو؟
- أولاً مشكلة التمويل الذي يجب ان يفي بالحاجة، حتى لا يجد المزارع نفسه مجبراً على التعامل مع نظرية طاقية ده في رأس ده، خصوصاً في ما يتعلق بمسألة توفير التقاوى، فالدولة تتكفل بالجازولين ولكن المزارع يجد نفسه مجبراً على بيعه من أجل الحصول على التقاوى مما يؤدي للإعسار.
٭ ماذا عن مشروع النهضة الزراعية؟
- ده برضو فيه مشاكل، أولها ان الاستفادة منه محصورة في الزراعة المروية، ولا يستفيد منه اصحاب الزراعة المطرية.. وناس الزراعة المطرية ديل شغالين بشختك بختك.. وربك يهون عليهم.
٭ والتمويل كيف؟
- ما دي المشكلة ذاتها، فحتى الجدولة الجابوها عشان تعالج المشكلة طلعت مشكلة تانية، فالبنوك الحكومية طبقتها والبنوك التجارية ما التزمت بالقرار، وده أثر كثيراً على المزارعين، والوضع بقى ازمة.. ويا ناس الموسم الحقوا الموسم، وفروا التمويل، والتقاوى تكلفتها عالية وتشكل خطراً على الموسم بأكمله، ودي دعوة إلى الناس لتخفف الأعباء على المزارعين، فهم ناس الجلد والرأس في البلد.
كلمة أخيرة؟
- شكراً للاستضافة، واتمنى تخفيف الأعباء على المزارعين.. وزي ما قلت ليك كان حيين بنتلاقى.
{}{

انقر هنا لقراءة الخبر من مصدره.