شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف    سقوط منتخبنا.. اليوم والايام التالية..!!    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    شول لام دينق يكتب: كيف تستخدم السعودية شبكة حلفائها لإعادة رسم موازين القوة من الخليج إلى شمال أفريقيا؟    الخارجية ترحب بالبيان الصحفي لجامعة الدول العربية    ألمانيا تدعو لتحرك عاجل: السودان يعيش أسوأ أزمة إنسانية    بعثة الرابطة تودع ابوحمد في طريقها الى السليم    نادي القوز ابوحمد يعلن الانسحاب ويُشكّل لجنة قانونية لاسترداد الحقوق    ياسر محجوب الحسين يكتب: الإعلام الأميركي وحماية الدعم السريع    السعودية..فتح مركز لامتحانات الشهادة السودانية للعام 2025م    كامل ادريس يلتقي نائب الأمين العام للأمم المتحدة بنيويورك    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    ريال مدريد يزيد الضغط على برشلونة.. ومبابي يعادل رقم رونالدو    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



زوجان يصارعان في صناديق الاقتراع

٭ قصة الانتخابات التي ترسم خطى كل المجتمع في تلك الأيام، ولفظ التغيير الذي اصبح اكثر استخداماً في جرائد اليومين دي، المعارض داير يغير الحاكم والحاكم داير يغير سلوكه من اجل عيون الناس، ونحن ذاتنا في ونسة سايقين خط تغيير بختلف طبعاً عن حق كل الناس حقنا برانا ونحنا اسيادو.. وعادي جداً انك تترشح وعادي جداً تفوز ولا تخسر ما انتخابات وكده.. لكن الليلة ونستنا حتكون ثنائية زول وزولة مرشحين في صندوق واحد، اثنين في رحلة من البيت وطلعوا سواء.. فضل السيد عيسى شعيب المرشح لمنصب والي القضارف وحرمه انتصار حسن محمد احمد المرشح للبرلمان.. يعني بلغة ناس مولانا ابيل الير في المفوضية سلطتين في بيت واحد.. المرأة تشرع والراجل ينفذ أو يلغي قراراتها بعبارة كان بقت فاس ما بتقطع الرأس، او بفكرة ثانية الامر ينتظر رأى ناس سمسم القضارف، والزول صغير ما عارف.. يعني ممكن نتيجة الانتخابات تخلي انتصار حرم الوالي او تخلي فضل السيد زوج البرلمانية، أو ترجعهم الاثنين كأنك يا زيد ما غزيت.. في رحلة ما بين كافوري والعرضة جلسنا اليهم في ونسة سياسية مخلوطة بحاجات كتيرة.. ما بين الاثنين جلسنا وخرجنا بالحصيلة التالية:
بدينا بالوالي لأنه يمثل السلطة العليا في البيت الصغير والكبير، الذي ابتدر حديثه بتعريف نفسه قائلاً انه فضل السيد عيسى شعيب، مولود في شمال كردفان 2691م في قرية التميد التي بدأ فيها مراحله الدراسية التي قطعتها لظروف خاصة، إلا انه اكملها بقصة اخري يرويها من خلال وجوده داخل جامعة النيلين كلية القانون التي يدرس فيها الآن كناضج دون ان يحمل شهادة ثانوية، إلا ان خبراته في الحياة التي سردها على مدير الجامعة عوض حاج علي، جعلته يتجاوز كل الاشياء، ويكتب بقلمه الاخضر للشؤون العلمية الرجاء إجراء اللازم الذي تم بموجبه قبوله طالباً للقانون في الجامعة.
٭ لا يعني هذا ان الوالي بدأ مسيرته بالخروج على القانون؟
- بالعكس هذا يفسر مدى الرغبة في التعليم والحصول على الشهادة، بالرغم من أن الحياة مدرسة تمنحك ما لا تمنحك اياه كل الشهادات الجامعية وهذا لا ينهي اهمية العلم. «واضاف ضاحكاً» عشان تبقى والي مثلاً يطالبوك بشهادة، وبالمناسبة انا اتقدمت للترشيح بشهادة قيد من النيلين.
٭ انت يا اخوى بالحساب ده تاجر ضل طريقه للسياسة؟
- أيوه انا تاجر وحافضل تاجر، ودخلت السياسة لاصلاح حال السوق، وانت عارف العلاقة ما بين الاقتصاد والسياسة والاستقرار.
٭ لكن دخلت السياسة بالبوابة الخطأ؟
- انا دخلت صاح ولو قاصد حزب الحقيقة الفيدرالي ده نتاج لتجربة سياسية كبيرة كنت قد خضتها وبدأت بانضمامي لحزب الامة القومي وظللت عضواً في داخله 82 سنة.
٭ وخليتو ليه؟
- لأنه لا يحقق طموحاتي في انجاز التغير، أو اكون اكثر وضوحاً هروباً من حالة الكنكشة في مفاصل الحزب من زول واحد. وشوف انت المعادلة توني بلير ولدوه ودخل المدرسة واتخرج من الجامعة ووصل لرئاسة الوزراء وقضى فترته فيها، وما زال رئيس حزب الامة هو رئيسه، وما ينطبق على حزب الامة ينطبق على بقية الاحزاب الاخرى في السودان.. ما اخير الزول يفر بلجده.
٭ اها جلدك ده ما لقيت حتة تحكوا فيها غير القضارف؟
- قرار ترشيحي في ولاية القضارف قرار اتخذه الحزب، وانا بنفذ فقط في هذا القرار، واتمنى انو احقق طموحات الحزب وافوز بالمنصب عشان اخدم اهلي وكل السودان. خصوصاً ان القضارف تمثل قلب سلة غذاء العالم وهو السودان.
٭ عندكم رمز غريب التراكتور ده جبتو من وين؟
- التراكتور او البابور هو رمز أهل السودان ناس الزراعة، ونحن اخترناه عشان تدوس بيه كل المنافسين عبر برنامجنا الانتخابي الذي يحقق طموحات كل الناس، وتحرث به الارض لتنبت زرعاً يفيد كل الناس.
٭ بيني وبينك تركترك ده يفوق لاندكروزرات الجماعة؟
- يفوتن والواطة ضحى، وبعداك المؤتمر الوطني ذاتو بقى نمر من ورق في ظل هامش الحريات الموجود الآن. ونحن على استعداد عشان نوجه ليه الضربة القاضية، وتشرق شمس الحقيقة، وبعد تحقيق الفوز حتكون السيرة تراكترات في كل السودان ما القضارف بس.
٭ تركترك ده راكبين فيهو ناس تانين؟
«نظر شماله حيث تجلس مرشحة الحزب زوجته وابتسم قائلاً» احتمال تكون فيهو كل السلطة التنفيذية، لانه نحنا ناوين في حالة تحقيق الفوز نعطي 07% للآخرين للمشاركة معنا في إدارة شؤون الناس.
!٭ أنا قاصد الزولة الجنبك دي؟
- هى مرشحة في الاول باعتبارها مواطنة لها كل الحقوق التي منحها لها الدستور داخل ولاية القضارف وفي المجلس الولائي، وباسم حزب الحقيقة الفيدرالي، اتمنى لها الفوز بالمنصب لتقديم خدمة لناس المنطقة.
٭ لو خيرناك تخسر انت ولا تفوز هى؟
- أنا حاختار حزب الحقيقية الفيدرالي دون تفسير أكثر من ذلك.
٭ هل كان لك دور في ترشيحها؟
- نحن بنتناقش في قضايا الحزب والهم العام واتفقنا على المشاركة في الانتخابات، وفي القضارف بعيداً عن انها زوجتي فهى تعتبر من الكوادر النشطة داخل الحزب، ولها طموحات تريد تحقيقها، وانا شخصياً سعيد بوجودها معي.
٭ الموضوع ده هسة ما بخلي البيت زي البرلمان سياسة في سياسة؟
- كلامك صاح، لكن برضو مافي مفر من السياسة، وبصراحة اليومين دي مع برنامج الحزب والقواعد والقوائم والحملات الانتخابية الملاح ذاتو بقى طعمه ما زى زمان، والواحد بفكر يعرس الرابعة. وأضاف ساخراً أنا اتفوق على كل المرشحين بانو لو بقيت والي حيكون في 3 نواب لمنصب الوالي وفيهم واحدة برلمانية كمان.
٭ انت الزولة دي ممكن تخليها تسوق التركتر ده؟
- عادي جداً ممكن تسوقه اذا ما قواعد الحزب اختارت انو تكون رئيسة حزب، وحيكون الموضوع عادي في البيت وما حيتأثر.
٭ يعني هسه لو ما كنت انت رئيس الحزب كانت حتشتغل سياسة
- ده سؤال توجه ليها هى «وختم حديثه متمنيا ان تتسع مساحات المشاركة لكل السودانيين في إدارة شؤون بلادهم دون وضع لاعتبارات العرق والدين والجهة أو النوع من أجل إحداث التغيير وبناء وطن الغد الذي تغوص إطارات التراكتور فيه داخل باطن الارض لاخراج خيرها واعادة توزيعه في خدمة مشاريع التنمية والتعليم والصحة والمياه، وهو البرنامج الذي ينطلق منه حزب الحقيقة، بل يجب أن تنطلق منه كل القوى السياسية لأجل تحقيق تطلعات الشعب.
وفي رحلتي ما بين مبنى رئاسة الولاية في قضارف الخير ومبنى البرلمان، توقفت في محطة تناول كوب من الشاى المنعنع بايادي ست البيت قبل أن تبدأ رحلتها في عالم السياسة.. انتصار حسن محمد أحمد المولودة في امدرمان وتحديداً في حي الوردة، ورحلتها التعليمية بدأت هناك من الخزان في الروصيرص لتكمل المشوار في مدرسة امدرمان النموذجية، ومنها لجامعة شرق النيل، حيث درست تقنية المعلومات والسكرتارية، لتنتهي الرحلة بأن صارت زوجة لوالي قيد التنفيذ وعضوة في حزب ومرشحة في حكومته القادمة.
٭ ما هى علاقتك بالسياسة؟
- الرجال هم البعلموا النسوان السياسة، لأنهم يحتاجون لطريقة معينة في التعامل من أجل الحفاظ على الموارد المتاحة وعدم تبديدها، وذلك من خلال نقاشات ماشي وين وجاى من وين، ويجي التقرير اليومي وتقرير الباشا كله الحزب والحكومة والمعارضة والانتخابات، وفجأة بتلقى روحك بقيت جزءا من العالم ده.
٭ يعني فضل السيد كان مدخلك للسياسة؟
-ايوه في البداية بس، لكن بعداك الزول يبدأ يكتشف انو عالم السياسة اكبر من كل الرجال، ويتجاوزهم لقضايا كل الناس، ويحدث الاختلاف.. يعني هسة مفهومي للسياسة اختلف تماماً، وبقت عملية لتحقيق أهداف سامية نسعى معاً لتحقيقها على أرض الواقع لاصلاحه.
٭ موقعك في الحزب شنو؟
- عضو في قطاع المرأة، «وأضافت ضاحكة»: وسكرتيرة رئيس الحزب.
٭ خايفة الفاس تقع في الرأس؟
- لا المسألة ما عندها علاقة بموضوع السكرتيرة، بس مقدراتي هى الخلتني اعمل في الموقع ده، لا أكثر ولا اقل.
٭ يعني لو ما كنت زوجة فضل السيد كنت بشتغلي سياسة؟
- احتمال ايوه واحتمال لا، والظروف هى التي تحدد هذا الامر من عدمه.
٭ موضوع السكرتيرة خليناه ما كان تترشحي في الموردة؟
- القضارف ما برضو جزء من هذا السودان الواحد الموحد، بعداك هناك الفوز ضمان، ولو خسرت منصب البرلمان حاكون زوجة الوالي، يعني اكثر من خيار.
٭ لو خيرناك حتختاري شنو؟
- منصب الوالي لحزب الحقيقة الفيدرالي هو خيار يسعى الجميع لتحقيقه، باعتبار ان الذي يدخل المنافسة هو رئيس الحزب، وتبقى مسألة فوزه ضرورة من اجل ضمان استمرارية النشاط والسعي لتحقيق مكاسب اكبر في المستقبل.
٭ في اتهام بأنه السياسة شالت ست البيت؟
- ده اتهام مرفوض وتقليل من شأن السلطة التشريعية ومن حق المرأة السودانية التي تكون في قمة الحرص على انجاز مسؤولياتها المنزلية على احسن صورة، وتطبيق نظرية أقرب طريق لقلب الرجل معدته، وتحقيق مطالبه وتوفير أكبر درجة من الاهتمام، وهو امر سيظل الاصل ومن ثم تأتي الفروع.
٭ تجربة النشاط السياسي ما بتأثر؟
- ده يتوقف على درجة تحديد الأولويات ومسألة التفاهم ما بين الناس. وعموماً أى نشاط لا يمكن ان يؤثر على عملية انسياب النشاط المنزلي الذي يستمر.
٭ انتِ داخلة على تجربة جديدة؟
- الترشح في الانتخابات هو تجربة تبدو امتدادا لتجربة دخول معترك السياسة نفسها، وهى شيء جديد، لكن أنا واثقة من تجاوزها بل الفوز فيها بالمنصبين عبر الصعود على مقعد التراكتر لتجاوز الجميع، وتحقيق تطلعات كل الناس بإذن الله، وذلك من خلال دعم الحزب ووقوف الرئيس بجانبي.
٭ يعني نقول السيدة البرلمانية؟
- قول السيدة الأولى في الولاية والبرلمانية الاثنين معاً.
٭ وكان بقت واحدة؟
- بتمناها منصب الوالي، عشان أقعد في القضارف مع الناس البسطاء والطيبين هناك.
٭ يعني الناس ديل كان فوزوك وطيروا الوالي حتكوني برلمانية من خرطومهم؟
- لا تبقى قضايا الناس هى الاهم، بدون ما يؤثر ده على حاجات تانية في العلاقات، ورئيس الحزب حيفهم الوضع ولا شنو؟ «حرك رأسه مبتسماً بصيغة الايجاب».
٭ قالوا السياسة بتكون ضرة؟
- لا عمره الاهتمام بقضايا الناس ما بكون عائق بين الاسرة الواحدة، بل على العكس بزيد من درجة التواصل والتفاهم، لأن الذي يكون فيه خير للغير لا بد ان يكون فيه خير لاهله، لذلك لا بد من التفاهم والتعايش من قبل الزوجات مع مثل هذه الامور.
٭ حتعملي شنو في الحملة الانتخابية؟
- حاركب التراكتور وابشر بالتغيير، وأشارك في جميع الانشطة، عشان أأكد أنو البلد دي ما حقت الرجال براهم، ونحنا معاهم نستطيع ان نلعب نفس الادوار وبنفس القدرة، وكان هم عندهم حلاقيم للنضمي نحنا عندنا حلاقيم بتنضم وبتزغرد.
٭ لو بقيتِ برلمانية حتسوي شنو؟
- حأعذب الوالي عذاب السنين، يومي قرارات في البيت وفي المكتب..!!
٭ بتقدري على حقت البيت؟
- يحاول.. الما في شنو؟ وانا ذاتي بكون واثقة من انو القرارات حتتنفذ لأنها منطلقة من نفس البرنامج.
٭ ولو ما اتنفذت؟
- طالما انها قرارات متعلقة بمصالح الناس ورغباتهم في العيش الكريم اذا تأخرت بقدم طلب بسحب الثقة من الحكومة، وإذا نجحت في ده بقدم استقالتي وبنجي راجعين الخرطوم سواء أنا والحكومة.
٭ عندك رغبة في انك تكوني رئيسة حزب؟
- اذا نزل فضل السيد بركب انا طالما انو قواعد الحزب راضية بوجودي على قمته.
٭ لو وصلتوا الحكومة حتعملوا شنو؟
- حانفذ برنامجنا الانتخابي لتحقيق رفاهية الشعب، بتوفير التعليم المجاني والصحة والمياه والكهرباء، ودعم الشرائح الفقيرة باعتبارها وقوداً لإشراق شمس الحقيقة.

انقر هنا لقراءة الخبر من مصدره.