سودارس : آثار الزومة .. كشوفات جديدة لمستقبل اقتصادي أفضل للمنطقة

الجيش السوداني يحرق 4 تريليونات جنيه من ميزانية مليشيا الدعم السريع في نيالا شاهد.. وسط سخرية واسعة من الجمهور.. حكومة "حميدتي" تنتج فيديو كليب لمجموعة كورال تأسيس الغنائي بمناسبة العام الجديد شاهد بالصورة والفيديو.. من ميناء بورستودان.. مصرية تغني للجيش السوداني والقوات المشتركة ووتغزل في البرهان: (قائد عظيم وحالف يخلي العدو نادم) بالصورة.. في مفاجأة غير متوقعة.. والد الفنانة إيمان الشريف يعلن إنفصال إبنته من زوجها العازف "إيهاب" ويؤكد: (رغم انفصالهما إلا أن العلاقة بينهما حميمة مبنية على المودة والاحترام) بوركينا فاسو تفرض على السودان مواجهة صعبة مع السنغال جابر يشدد على الحسم في ضبط الوجود الأجنبي بولاية الخرطوم تفاصيل مثيرة عن عملية عسكرية للجيش السوداني قرار للحكومة السودانية بشأن معبر أدري السفارة السودانية بالقاهرة تشن تحركًا أمنيًا صارمًا ضد الجريمة داخل الجالية "صمود" يرفض ترحيب رئيس مفوضية الاتحاد الأفريقي بمبادرة كامل إدريس 5 حقائق عن الخلاف السعودي الإماراتي في اليمن حصاد مبادرات المسؤولية المجتمعية لشركة MTN السودان خلال عام 2025 مواجهات المنتخبات العربية في دور ال16 لكأس إفريقيا 2025 تحرك صيني ومصري لمواجهة إسرائيل بالصومال قرارات لجنة الاستئنافات برئاسة عبد الرحمن صالح في طلب فحص القوز ابو حمد وإستئناف الصفاء الابيض هلال كريمة يفتتح تجاربه بالفوز على أمل الدويم رئيس القوز ابوحمد : نرفض الظلم المقنّن ولن نتراجع عن حقنا إسحق أحمد فضل الله يكتب: (اللغم يتكتك) إنشاء مسالخ ومجازر حديثة لإنتاج وتصنيع اللحوم بين مصر والسودان وزيادة التبادل التجاري بين البلدين مجلس الوزراء يجيز بالإجماع الموازنة الطارئة للدولة للعام المالي 2026 محافظ بنك السودان المركزي : انتقال الجهاز المصرفي من مرحلة الصمود الي التعافي والاستقرار الخارجية الإماراتية: نرفض الزج باسم الإمارات في التوتر الحاصل بين الأطراف اليمنية لماذا تجد صعوبة في ترك السرير عند الاستيقاظ؟ بعد تأهل صقور الجديان للدور الستة عشر في البطولة الافريقية إبياه: تحررنا من كل الضغوط عبده فايد يكتب: تطور تاريخي..السعودية تقصف شحنات أسلحة إماراتية علنًا.. التحالف: نفذنا ضربة جوية استهدفت دعما عسكريا خارجيا بميناء المكلا الفنّانُ الحق هو القادر على التعبيرِ عن ذاتِه بما لا يخرج عن حدود خالقه الخرطوم .. افتتاح مكتب ترخيص الركشات السودان..مسيرات في الشمالية والسلطات تكشف تفاصيل المداهمة رئيس الوزراء يهنئ المنتخب الوطني بفوزه على غينيا الاستوائية في بطولة الأمم الإفريقية 5 أطعمة تخفف أعراض البرد في الشتاء الحقيقة.. كرة القدم تجرّنا جرّاً رئيس الاتحاد السوداني ينعي الناظر طه فكي شيخ الجامعة العربية: اعتراف إسرائيل ب"إقليم أرض الصومال" غير قانوني الجزيرة .. ضبط 2460 رأس بنقو بقيمة 120 مليون جنيهاً الوطن بين احداثيات عركي (بخاف) و(اضحكي) السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن لميس الحديدي في منشورها الأول بعد الطلاق من عمرو أديب شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية مشروبات تخفف الإمساك وتسهل حركة الأمعاء منى أبو زيد يكتب: جرائم الظل في السودان والسلاح الحاسم في المعركة شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة «صقر» يقود رجلين إلى المحكمة كيف واجه القطاع المصرفي في السودان تحديات الحرب خلال 2025 إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل شرطة ولاية نهر النيل تضبط كمية من المخدرات في عمليتين نوعيتين استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ قبور مرعبة وخطيرة! عزمي عبد الرازق يكتب: عودة لنظام (ACD).. محاولة اختراق السودان مستمرة! مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا الشتاء واكتئاب حواء الموسمي "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

آثار الزومة .. كشوفات جديدة لمستقبل اقتصادي أفضل للمنطقة

رحاب ابراهيم نشر في الوطن يوم 17 - 04 - 2014

قدّم عالم الآثار الدكتور محمود الطيب محمود من قسم دراسات آثار البحر الأبيض المتوسط بجامعة وارسو بولندا رئيس البعثة البولندية التي قامت بالتنقيب عن آثار الزومة مطلع هذا العام، أقام ندوة علمية عن الاكتشافات الأثرية مساء أمس الأول بنادي الزومة بالخرطوم، وقد سلط الدكتور محمود الضو على الكشوفات الأثرية الأخير في الزومة خلال العام 2014م، حيث أكد أنها تسمى مدافن وأهلنا في الزومة يقولون عليها قناطير وعددها (30) ومنها 8 أكوام كبيرة وغالب ما تكون في الفترة من (400م حتى 550م) تم حفر بعض منها ووجد بداخلها مجموعة من الاواني الفخارية وأواني من الطلس وعظام حيوانات، كما جرت العادة فى المدافن المروية إلا أنه ما يميزمدافن الزومة عن غيرها وجود عظام إبل في تلك المدافن على غير العادة، وأيضاً تتفرد مدافن الزومة بشكل لا يوجد مثلة في الحقبة المروية وهو شكل المدفن في شكل U في اللغة الانجليزية وأكبر هذه المدافن على الاطلاق هو المدفن رقم 7 طوله حوالي 13متراً وعرضة حوالى 40 متراً وجميع المدافن بها انفاق يتفاوت طولها.. ولكن مداخلها حوالي 4 أمتار وجميعها حفرت لتوصل للمدفن الرئيسي مما يوحي بأنها لم يحفرها لصوص الآثار وجميع تلك المدافن نهبت بكل أسف في العهود القديمة .
--
الدكتور محمد سيف الدين عميد كلية الموسيقى والدراما ورئيس اتحاد المهن الموسيقية:
الفنانون الشباب غير منتظمين في الحضور .. وأحمد الصادق ما بجي نهائي
أنا لم أسمع بحمادة بت .. وطه سليمان ليس عضواً في الإتحاد وهو لم يكمل إجراءات العضوية
حوار / أيمن عبد الله - بركة
جالسنا بكل هدوء وترحاب؛ وتكلم بترتيب كنظام مكتبه المرتب الوثير؛ الرجل برغم أننا أثقلنا عليه جداً في أسئلتنا وأطلنا الحوار إلا أنه صبر علينا وكان غاية في التأدب والإحترام وهو يرد على كل الإتهامات.الدكتور محمد سيف الدين عميد كلية الموسيقى والدراما ورئيس اتحاد المهن الموسيقية باغتناه في مكتبه وفتحنا النار عليه حول ما يدور في الساحة الفنية ودور الاتحاد وغيابه عن الساحة .. فأجاب ..
٭ عدد المنتسبين لاتحاد المهن الموسيقية؟
- عضوية الاتحاد ما بين (400 و500 ) طبعاً العضوية الفعلية زي (200) ديل الممارسين أو العضوية الفاعلة لأن غالبيتهم من كبار السن ومنهم من ترك الغناء لكنهم متواصلين مع الاتحاد ويشاركون في المناسبات العامة والخاصة.
٭ المغنون الشباب؟
- هو ذاتو مصطلح فيهو الكثير من الآراء هل تقصد الصغار عمراً.
٭ قاطعته .. نعم الصغار عمراً وتجربةً، مقارنة بالكبار .. أعني من هم في جيل أحمد الصادق وطه سليمان وأقرانهم ..
فواصل حديثه بابتسامة قائلاً :
- ناس أحمد الصادق وشكر الله وحسين وطه ومحمد حسن حاج الخضر .. ديل كلهم معانا في الاتحاد فهيمة كل الناس ديل أعضاء بس عندهم اشكالية.
٭ قاطعته للمرة الثانية وبسرعة سألت .. مشكلتهم شنو..؟
- هم كلهم فنانين عندهم تجربة وموسيقاهم الخاصة ؛ والأهم من دا كلو هم ما مغنيين ساي بل فنانين بمعنى الكلمة لأن هسي عدد الناس البغنوا بقى كتير وإذا الزول ما مميز وعندوا المقدرة والصوت ما بقدر يقيف وسط الكم الكبير ده ..
٭ لم تخبرنا بالمشكل حتى الآن ..؟
- هم غالبهم طبعاً يبدأون من منازلهم يا من مركز أو من الجامعة.. وبعدين المشوار الواحد يقول ليك ساكن في الخرطوم والتاني يقول ليك أنا في الكلاكلة؛ وبالتالي علاقتهم بالاتحاد شوية ضعيفة .
٭ كيف يعني .. قصدك انهم ما بوفوا بألتزاماتهم تجاه الاتحاد ؟
- هم بس بجوا عشان يعملوا بروفة أو البجيك مرة في الاسبوع البتلاقي مرة بالنهار؛ وهم لديهم مدير ارتباطات والاتفاقات قعد تحصل بالتلفونات ودي من المحاذيرلانو دي مؤسسة والحماية ونحن شايفين القضايا البتحصل؛ وطبعاً نحن عندنا مدير ارتباطات مسؤول عن كل التعاقدات بصورة قانونية وبعقود موثقة.. وعلاقتهم بالاتحاد بجوا لكن في الغالب تقريباً من من المنتظمين بالحضور .. فهيمة .. شكر الله قاعد يجي .. لكن أحمد الصادق ده ما قاعد يجي نهائي.
٭ قاطعته .. طه سليمان ..
- رد بوضوح حازم: لا، لا طه سليمان ما بجينا .. رغم إنو بنلاقيهو وأنا إن شاء الله .. وبعمل بروڤاتو لكن ما جاء كمل الإجراءات .. وكل زول حسب فهمو.
٭ ماهي شروط الحصول على رخصة التغني وأمتهان الغناء في السودان لدى مجلس المهن الموسيقية ..؟
- الجانب بتاع الصوت وأختيار الأعمال الغنائية المقنعة وإجازة الصوت وعندك وجمهور .. وهم بطالبوك بالضرورة تنتمي لاحد الجهات .. وعندك ناس الطمبور .. اتحاد فن الغناء الشعبي.
٭ غياب القيود ربما تؤثر على نوعية الغناء كحالة ظهور الغناء الجارح والهابط ..؟
- كدي خلينا نشوف كل الدول من حولنا .. بنجد كل العالم بحتفل في مناسباتو بطريقة جماعية في أوروبا والعالم العربي .. وافريقيا كل المكان بكون مشارك في الحفل والحضور كلو.. كما في كل الفنون الشعبية .. وهو لا يترك مجالاً لغناء هابط أو كلام جارح.
٭ الشيء الجديد الدخل ويمكن يكون جانا من مصر وده باعتباره إجتهاد شخصي .. والإجتهاد لا يمكن بأي حال إعتباره مرجع علمي .. وهو إنو أصبح الناس يجلسون ويستمعون لمغني واحد وهو يتحكم في ما يقدم في الحفل وبالتالي يتحكم في أذواق الناس ويمكنه أن يصدر مجموعة كلمات قد تكون جارحة أو خادشة ودلك لأن العمل الفني يخرج على ذوق وفهم المغني؛ وعادة هذا المغني يكون لديه مستشارون وهذا ما كان يحدث في الحالة المصرية (ام كلثوم وعبد الحليم حافظ) وعادة ما يكون هولاء المستشارون من المقربين للمغني أو أصدقاءه ويكون مستواهم الفكري متقارب فيكون المنتوج شبيه بالإستشارات التي تقدم.
وهسي أنا أديك مثال بسيط في زول اسمو (الجزار) قدم تجربة جميلة وله معجبين وجمهور.
٭ في اتهام من المغنيين الشباب بأنهم غير مقبولين في الاتحاد .. وهناك طرد بطرق غير مباشرة ..؟
- لو في زول واحد قال الكلام ده جيبوهو .. واصلو الاتحاد ده قام زول قال ليهم اطلعوا برة .. ده كان زمان قبل عشرة خمستاشر سنة لكن هسي الهواء مفتوح ومافي طريقة للمضايقات.
وهسي كل الفنانين الشباب عندهم علاقة بالاتحاد أو بأعضاء الاتحاد.
هناك اتهام آخر عن عدم دعم الاتحاد لعضويته .. وندلل على ذلك بتجربة العازف إيهاب وأمثاله..؟
- هذا الكلام غير صحيح ..( ثم طلب منّا التوقف عن التسجيل لأن الحالات الإنسانية تبدأ ثم تتناقلوها كصحفيين بكرة وبعد بكرة وتبقى موضوع).
٭ ماذا قولك عن الإتهام أن الاتحاد بعيد عن الساحة الفنية ولا يلعب أي دور رقابي؟
- منو القرر الكلام ده .. المجلس الأعلى للفنون هو المسؤول ونحن لا نمثل أي دور رقابي ..
قاطعناه .. ألاّ تشكلون مرجعاً لها .. للمجلس الأعلى..؟
: لا، ليس بالضرورة .. وحتى اللجنة التي تمنح الرخص يتم اختيارها من المختصين والاكاديميين بعيداً عن اتحاد المهن الموسيقية .. وبالتالي نحن لا نملك حق منع أي شخص من الغناء .. والكثير من المراكز والاتحادات تعطيك بطاقة عضوية وهي بالتأكيد تلعب نفس الدور الذي يلعبه الاتحاد في الموسيقى .. لكنا لا نستطيع أن نلزمهم بذات لوائح العمل التي يعمل بها اتحاد المهن الموسيقية.
نحن من قدمنا لمجلس الوزراء مطالتنا بضروروة تكوين جسم يعمل على حماية الموسيقى والغناء ومجلس الوزراء طلب منّا أن يكون عندنا مجلس أعلى للفنون التمثيلية والموسيقية ذو صلة برئاسة الجمهورية مباشرة.
ونحن ما عندنا دخل كبير عشان يقوم بدور رقابي .. نحن كل البناخدو من العداد 2 % فقط .. يعني قرابة الاتنين جنيه من المليون.
لماذا لا يوفر الاتحاد مداخل أخرى من خلال إقامة حفلات جماهيرية للفنانين وبالتالي يكون لديه القدرة المالية التي تمكنه من القيام بدوره الرقابي ..؟
- الكلام ده جميل .. بس هسي بحصل .. ياخ الجهات أصبحت كتيرة .. مثلاً وزارة الثقافة تقيم حفلات وهناك شركات خاصة تنظم حفلات وتجد في مناطق عدد كبير من الحفلات.
٭ قاطعته .. طيب ده ما دوركم يا دكتور ..؟
- فأجاب بحدة .. دورنا لكين الداير يسمعنا منو .. الصحفي عندو رأي المستمع عندو رأي الفنان الشاب عندو رأي .. أي زول يقول براهو .. ونحن الفنانين الشباب ديل اجتمعنا بيهم كذا مرة وتواثقنا وجماعة منهم بكوا وخلاص اتفقنا .. لكين في أرض الواقع.
انتم مقتنعون بأن دوركم رسالي ومن أقدس واجباتكم حماية الفن الغنائي السوداني .. هل يرضيكم أن يكون هناك مغني زي (حمادة بت) ..وكل (الحمادات )النسخ الأخرى منه .. وهل عضو معكم في الاتحاد..؟
- ده منو ده هو أقسم لك بالله إني ما بعرفو.. هو في زول بغني اسمو كده .. والله ما بعرفو ولا سمعت بيهو إلا منك هسي.. ٭ بغني بقول شنو ده؟.
قاطعته .. في زول زي ده بمارس وعندو رخصة ..
فارتفعت حدة الكلام وقال :
لو في زول زي ده بغني يبقى نتاج المجتمع ونتاج الصحافة ونتاج الجهات البتعرف تجيبو .. أنا ما بعرفو.
٭ إنتاجه موجود .. من الذي منحه رخصة هو وأمثاله للتغني ..؟
- أنا عضو في اتحاد المهن الموسيقية ورئيس اتحاد المهن وعضو في مجلس المهن الموسيقية.. لكن أنا شخصياً لست عضواً في لجنة الاختيار.. ولا أمنح أحد رخصة الغناء. لذلك لست مسؤولاً عمن منحهم رخصة التغني .. وهل يعقل إنو الاتحاد ولا المجلس ولا الحكومة بي وزراءها كلهم يمنعوا ممارسة موجودة في المجتمع.
قاطعته ..
٭ عندهم رخصة لمزاولة مهنة الغناء ؟
- لا لا أنا ما بعرفهم الناس ديل .. ولا هم أعضاء في الاتحاد.
٭ ماهو موقف الاتحاد من ظاهرة الحمادات ..؟
- لا، لم أسمع بهم ولا كل الاتحاد يسمع بهم ولا نريدهم .. يعني أنا بقول ليك موافق ما منطقي إني أرفض.. والفنون بتدور في إطار الخير والحب والجمال .. وأي حاجة غير كده بتكون ما مقبولة.
٭ هذه الدورة في الاتحاد من أفقر الدورات من ناحية المنجزات؟
- أول حاجة نحن ورثنا دورة في وكت شوية صعب .. في زمن المجتمع السوداني كلو .. التطور الحاصل يحدث في مجتمعات أخرى .. نحن عندنا برامج ثقافية تقدم وبرامج موسيقية وغنائية في القنوات والإذاعات والمسارح.. عندنا أربع غرف للبروڤات وعندنا بروڤات طوااالي شغالة ودورات موسيقية؛ ضف إلى ذلك كل المشاركات في المناسبات الرسمية التي يقوم بها فنانون.
٭ هناك إتهام يتحدث عن غياب الرئيس عن كل المناسبات الرسمية .. ولا يظهر إلا في المناسبات التي تخص وزارة الثقافة ..؟
- أنا لا أتغيب .. ولكن يصادف أن تكون هناك أربع دعوات في وقت واحد لا تستطيع أن أذهب أي واحدة.
يقال عنك غير موافق على التكريمات الاخيرة ( ابن البادية ود الأمين البلابل) لذا لم تكن موجوداً فيها ..؟
- كل التكاريم انا كنت قاعد .. بس ما قعدت قدام مع الوزراء .. لكين تكريم البلابل مافي زول جاب لي دعوة .. ياخ جيب لي دعوة عشان أنا أجيك لكن انت ما تدعوني ما بجيك .. لكن يقولوا لي عايزين نكرم زميل ليك أنا ما أقبل لا يمكن .. بل أفرح له بالتأكيد.
٭ إنت رجل مشغولياتك كثيرة ولا وقت لديك للاتحاد ..؟
- أنا بجي هنا الساعة سبعة صباحاً وبقعد هنا لحدي الساعة اتنين ومن الساعة اتنين لحدي الساعة تمنية ليلاً في مباني الإتحاد .. واتحدى أي زول جاء في الوكت ده وما لقاني قاعد طوال الخمستاشر سنة الأخيرة دي .. اتحدى أي زول.
- أنا أشكر لكم الحضور لاستبانة الحقائق .. ونتمنى أن يحذو بقية الصحفيين حذوكم في معرفة المعلومة من مصادرها الحقيقية.

انقر هنا لقراءة الخبر من مصدره.