سودارس : جمعة (هزموه ونزارها حام)

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جمعة (هزموه ونزارها حام)

قوون نشر في قوون يوم 29 - 06 - 2012

امشوا الاستاد بدري الليلة عندنا نظرية جديدة ..عاوزين نطبق الليلة في

المقبرة اغنية الفنان الراحل محمد وردي (بشوف في شخصك احلامي) في الهدف

الثاني.

نظام شنو؟.

نظام أي زول يشوف حلمو في (الهدف الثاني).

التوزيع الموسيقي ...مساوي.

الكلمات...مهند الطاهر.

الاداء ...بكري المدينة.

الكورس ...جمهور الهلال.

الزول البسجل ما مشكلة بعد كدا ..مهند – كاريكا – نزار حامد ..دي ما قضيتنا.

المهم الهدف فيه الروعة البتخليك تشوف احلامك فيه ...زي الشاشة 55 بوصة.

هدف زي (الحفلة).

بمناسبة (الحفلة) دي.

مرة مشينا لينا حفلة ...لقينا ليك الفنان طالع في (شجرة) وبغني في (النار ولعت).

من شفنا طالع في (شجرة)..نفسنا مرقت من الحفلة ...عرفناها ليك طوالي

....الحفلة دي (معرجة).

الحفلات الزي دا غالبا ..يكون العريس ما شاف العروسة.

والعروسة ذاتها مجبورة ساكت.

معقولة حفلة ب (النار ولعت).

كنا عاوزين نرجع...قلنا دي حفلة وإلا معسكر؟.

هسه الواحد لو طلع يلقى باص الولاية واقف.

اكيد السيرة جات في باص الولاية...طول ما الفنان بغني في (النار ولعت).

دي شنو اللخبطة البتحصل دي؟.

صبرنا شوية ...خلينا الفنان انتهى من (النار ولعت)...قلنا نشوفو بنغني شنو تانى؟.

الفنان ما كذب دخل بعد (النار ولعت) في اغنية (دخلوها وصقيرها حام).

قربنا نقنع.

قلنا دا شنو دا ؟..قعدنا نتلفت زي (التكاسي) الجديد ...لو (رمشوا) ليه

...(يفرمل)....ويجي الراجع.

التكاسي الشفقان ..يجيك راجع بعد ما يفوت منك ..ويقول ليك انت اشرت ليّ.

الفاصل انتهى ..قلنا يمكن الفاصل الاول دا (وطني) كدا ...مخصوص.

يمكن دا نظام جديد دخله اتحاد المهن الموسيقية.

مشينا على اخو العريس ..لقينا ليك (محدر) طاقيتو زي خزان الرصيرص.

هسه خزان الرصيرص ذنبو شنو؟.

قلنا لي اخو العريس ..انتوا الفنان (الحربي) دا جايبنو من وين؟.

الفنان دا ما عندو (لو بهمسة)...ما عندو (عشرة الايام)...يا زول (تقوم

بينا العربية) ساكت ما عندو...شنو من جينا شابكنا (النار ولعت)؟....ان

شاءالله (سنتر الخرطوم).

النار تولع اكتر من كدا كيف؟.

درجة الحرارة وصلت الخمسين.

كيلو اللحمة 40 جنيه.

والله انتوا (تولعوها)..وما بتنستروا.

اخو العريس ..قال لينا اصبروا ...(المفاجأت) كلها في الفاصل التاني.

جابو لينا العشا.

لقينا ليك العشا (عصيدة) لو ما دردمت يدك ما بتقدر تدخلها في الصحن.

قلنا طبيعي ...يعني فنان شابكنا من الفاصل (النار ولعت) ح يكون عشاه

شنو؟...غير (عصيدة) الفتريتة دي.

الفاصل التاني بدأ..استبشرنا ليك خير.

الفنان دخل لينا في (لن نزل ولن نهان).

قلنا دا شنو؟...يا جماعة دا عرس وإلا تخريج طلبة عزة السودان.

فى واحد قام ..ما عجبو كلامنا ...قال لينا ..اسمعوا هنا ..دا غنانا ودي

حفلتنا ..تاني بعد (التقشف) دا ما عندنا ليكم غير الغنا دا.

انتوا عاوزين تهيصوا بي (اعز الناس)...وحبك للناس ......ونسيتنا انا

وخلاص يعني ..وما جايبين خبر للدنيا.

عاوزين غنا البلابل موش!!.

لقطنا (عيونا) واتخارجنا من الحفلة ..قلنا والله لو عارفين الحفلة كدا

..كنا جينا لابسين رسمي.

هسع الكلام دا كلو في (الهدف الثاني).

قلنا ليكم اهداف الهلال الايامات دي خيالها واسع.

واحد من البلد ...جاء مخصوص للخرطوم ..عشان (هوبة) مهند الطاهر.

اليوم داك ..دخل ليك استاد الهلال من الساعة اتنين..والمباراة الساعة تمانية.

أي زول يجي فوقو ..بثبتو ..بتاع الترمس ..بتاع الفول ..بتاع الموية ..بتاع الشاي.

تقول فارش.

المهم الزول دا وقت جات الساعة تمانية ...الاستاد بقى زي

بيتو...الاستاد كلو بعرفو.

الصف القدامو ..والصف الوراهو شربو ليك شاي.

زول صعب.

زول شفت.

ما بحسبها.

والحالة بقت واحدة.

الهلال دا لما دخل يسخن ..زولكم طلع عمتو ..وطلع الجلابية ..والمركوب

..وبقى قاعد بالعراقي والسروال.

قلت ليكم الحالة بقت واحدة.

صاحبكم عاوز يستمتع بالكورة.

عاوز (يتقهو) بي تمريرة هيثم مصطفى حفظه الله ورعاه ..ويتكيف بالهوبة.

مزاجة في الدنيا دي الهوبة.

الكورة لما بدأت ..زولكم بقى بالفانلة الداخلية.

المهم وقت مهند الطاهر وصلتو الكورة ...ونزل ليك جداول الضرب كلها في

مدافع الاسماعيلي الاول ...وخلى ليك المدافع التاني يلقط نجيلة استاد

الهلال دي نجلاية – نجلاية.

زي الحلاق يوم الوقفة.

وقال كدا مهند الطاهر مشي خطوة وشات زي (سواة العاصفة في ساق الشتيل النيّ).

عمكم الجا من البلد ...شاف ليك الهدف ..وقام على حيلو ..وقال للناس في

المدرج ..والله نحن في البلد (ام شعيفة) كاتلانا ساكت ..فطور وغدا وعشا

..انتوا هنا يا ناس الخرطوم لاقين لي الاسكريم والبيرقر والسمك والحمام

الموشي ...واهداف مهند الطاهر تهضموا (الزلط).

يمين نحن هدف مهند الطاهر دا نلقاه في البلد ..نطلع بيه (بترول) عديل.

والله البلد دي تلقي ليها 5 تمريرات من سيدا و3 اهداف من مهند الطاهر

بالشكل الهندسي دا ..مشاكلها كلها تتحل.

المشاكل السياسية ..والاقتصادية ..والخارجية ...كلها بتنتهي.

غايتو نحن الليلة عاوزين نمشي استاد الهلال ..(المقبرة) عاوزين نحل أي مشكلة.

العندو ...(ازمة)..وضيق في التنفس ..يمشي الاستاد الليلة بدري.

ما يكتر في الشاي.

يركز بس في تمريرة (سيدا) ....التمريرة بتريحو ليك في عضمو.

دكاترة الزمن دا بقوا ما مضمونين ..الدكتور يقعد معاك 5 دقائق غير انو

يلغي ليك كلام الدكتور السابق ما بعمل ليك حاجة.

عشان كدا الليلة أي زول عندو ازمة ..او التهابات في الصدر ..او قرحة

..او مبادي قرحة ..او أي حاجة عندها علاقة بالصدر والرئة ..يمشي بس استاد

الهلال.

يقعد وينتظر (التمريرة)..التمريرة بتشيل ليه (التقرحات) بشكل النهائي.

دا بالنسبة لامراض الصدر.

اما الالم الضهر ..والمفاصل والسلسة الفقرية ..والركب والاعصاب ..دي

كلها حلها (هوبة) قبل الاكل.

دا اختصاص مهند الطاهر.

عندنا واحد ...من الثانوي بشكي من ضهرو الي ان نزل معاش ..وقعد في

الكرسي قدام الباب.

الزول دا من عرفتو بشكي من ضهرو.

أي فرصة بلقاها ..بشكي من الضهر.

يعني لو لاقاك ..بقول ليك (الضهر).

لو ضرب ليك تلفون ..بقول ليك (الضهر).

لو مسكل ليك ..ترجع ليه ..بقول ليك (الضهر).

دا مرة ضرب لي ناس التلفزيون ..وقال ليهم ممكن اشارك.

المذيعة قالت ليه : ممكن تشارك.

قال ليها : ممكن اهدي.

المذيعة قالت ليه : ممكن تهدي.

صاحبكم ما كذب قال للمذيعة : ممكن اشكي.

المذيعة ما قصرت معاه ...قالت ليه ممكن تشكي.

الراجل قعد يشكي من الضهر...لمن الاتصال قطعوه ..والمذيعة قالت بصورة

ظريفة يبدو ان الخط قطع..على العموم نتمنى يحاول تاني المتصل السابق.

الدكاترة غلبو معاه ..ما خلى ليه اشعة ما عملها.

سافر تركيا ...ورجع برضو بشكى من الضهر.

اخر حاجة عمك تفتيحة ..قال ليه ..يا زول ضهرك دا اسألني منو انا ..غير

(هوبة) مهند الطاهر ما في حاجة بتريحك.

الراجل (اتكركر) ومشي على استاد الهلال...مهند ما كذب ..كشحو ليك بي

(هوبة) من اول 5 دقايق...شالت ليه وجع الضهر نهائي.

شالت ليه الالم ..في وقتها.

عمكم هسع بيلعب كورة شاطئة في رمال بري.

عمكم دا كل ما اجي طالع ..بقيت القى طالع في عمود الكهرباء ..بوصل ليه في سلك.

رجع (فت).

هوبة مهند الطاهر بتريح في (الاعصاب).

اما الزول العندو مشاكل مع سيد البيت الساكن فيه ...وما قادر يدفع قروش

الايجار ...ننصحو لي اهداف كاريكا.

كاريكا دا اهدافه تسكنك في الطابق التاني.

العندو متأخرات ...الما قادر يتم البيت ..العندو اسمنت ناقص ..طوب ما

قادر يجيبو...مديون من سيد الدكان ..من صاحبو ...اي زول عندو مشكلة

بالشكل دا يمشي الليلة استاد الهلال.

هدف كاريكا ..بحل ليه أي اشكالية.

ديون ..متأخرات ..ايجار ...شفتوا مشاكل (اخر الشهر) دي كلها بحلها مدثر كاريكا.

الناس الما قادره تعبر عن مشاعرها ...وعندها انسداد في التعبير العاطفي

...ديل حلهم عند نزار (الصاقعة).

نزار حامد.

العاوز يلمح ..العاوز يكتب جواب ...العاوز يتقدم رسمي وما عندو الشجاعة

الادبية الكافية..الكاتم اشواقهو.

ديل كلهم يمشوا الليلة على استاد الهلال نزار الصاقعة كفيل بحل هذه

(الانسدادات) الوجدانية.

شفتوا كيف؟.

نحن أي حاجة مقسمنها.

أي حاجة عندنا بي نظام.

ملحوظة : عشان العلاج يمشي كويس ...وما تحصل أي انتكاسة ..ما في زول

يجيب الليلة سيرة موسي الزومة.

هوامش

المنتخب الرديف ..بعيدا عن الاضواء ..وبعيدا عن الاعلام ..يحقق

الانتصارات ويتقدم في بطولة العرب.

انصراف الاعلام عن هذه البطولة ..ليس استخفافا بالمنتخب السوداني ولكن

استخفافا بالبطولة العربية.

مفروض السودان ما يشارك في بطولات العرب ..منتخبات او اندية ...طالما

هناك استخفاف بالسودان من قبل الاتحاد ..ومن قبل الفضائيات العربية.

رغم مشاركتنا في بطولة (العرب) إلا ان السودان لا يصنف عربيا عند

الكثير من الفضائيات العربية.

قاطعوا هذه البطولات.

عارفين معاوية فداسي (ودالحلة) بمد لسانو على منو كلما يسجل هدف.

طبعا اكيد ما بمد لسانو على صديق علي صالح ..او عادل ابوجريشة.

فداسي صغير السن ..وطويل القوام ...وهو اضافة حقيقية لدفاع الهلال.

الجميل في فداسي انه مع عنفه هذا ..ودفاعه ..يمتلك قدرة هجومية كبيرة.

بدليل انه في مبارتين سجل هدفين.

دي ناس سكواها ما بعملوها.

كلما اشاهد (عنكبة) المطلوب من الاتحاد السعودي .اقول كيف فرط الهلال

في هذا اللاعب.

كان يمكن ان تطلق الخرطوم سراح عنكبة للهلال او تعيره كما فعلت مع محمد

احمد وكايا.

يا البرير انت الزول دا اصلو ما صادفك.

نتمنى ان ينتقل عنكبة الي الاتحاد السعودي ..لأن الاتحاد السعودي من

اكبر الاندية العربية..واذا انتقل عنكبة الي الاتحاد من غير شك سوف

يستفيد استفادة كبيرة..والسودان بشكل عام سوف يكسب مهاجم كبير.

معلق قناة دبي الرياضية كان رائعا ...علق على المباراة وانصف السودان

وهو يتحدث عن المنتخب السوداني الرديف بكل روعة وادب.

العرب ديل كلو مرة ذكروهم ان السودان يشارك بالرديف.

عشان ما يقعدوا ينظروا لينا ساكت.

تسمم صالح الامين ..اعتقد من ناحية الاختصاص ..مسؤول منه دائرة الكرة

في الهلال ..وطبيب الهلال.

دائرة الكورة في الهلال في أي مشكلة تحصل بتأكد لينا انها قاعدة ساكت.

الجو بديع اليوم ان شاءالله ...وخمسة اهداف ما كتيرة الليلة في سيركل.

بس الحكاية دي في يد الجمهور.

الله يكفينا شر العوارض بس.

نزار الصاقعة ..هل يسجل اول اهدافه اليوم مع الهلال ...نتمنى ذلك.

هوبة مهند ..امر لا بد منه.

وكاريكا وسادومبا وبكري المدينة ثلاثتهم ..مطلوب من التسجيل اليوم.

عاوزين الليلة نعمل حفلة كبيرة في (مقبرة) الخصوم.

مهم ان لا يستقبل الهلال هدف في شباكه.

عاجل : يا مهند لو تنيت (الهوبة) زي الجبنة ..ما كعبة معانا.

انقر هنا لقراءة الخبر من مصدره.