سودارس : كمان عاوزين تجيبوا لينا الفيفا في (شروني)

شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية البرهان يتفقد مستشفى الرباط ويوجّه بتطوير الخدمات الطبية الشرطية شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) بوتين: روسيا مستعدة لاستضافة الألعاب الأولمبية في المستقبل شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كمان عاوزين تجيبوا لينا الفيفا في (شروني)

قوون نشر في قوون يوم 25 - 07 - 2013

* زمان كان عندنا استاذ لغة عربية ...بدرسنا تلاتة سنوات في (الجغرافيا).
* ما حصل في يوم درسنا - (عربي).
* مع ذلك كان نسميّه استاذ اللغة العربية.
* وكان في الجدول ..وفي (اجندة) مدير المدرسة - مصنف على انه استاذ اللغة العربية.
* مع ذلك كان كل ما يدخل الفصل ..ويكتب التاريخ ..بدرسنا (جغرافيا).
* والحصة في الاساس (عربي).
* ما عارف (الفلسفة) المقصودة من الحكاية دي شنو؟.
* يمكن عشان عندو قميص احمر ..(بكفكفو) السنة كلها - وثقافتنا في ذلك الوقت كانت بتعتقد ان استاذ اللغة العربية لازم يكون عندو قميص احمر اكمامو مكفكفة.
* ما عارف العلاقة بين اللون الاحمر ...واستاذ اللغة العربية شنو؟.
* يمكن دي (فلسفة) روس.
* ويمكن ثقافة فرنسية.
* ولو افترضنا كدا ان هناك علاقة بين اللون الاحمر واللغة العربية ...العلاقة شنو بين (الكفكفة)....والعربي؟.
* غايتو بتجيبوا ليكم حاجات من رأسكم.
* ما عارف في (نظريات) كدا ما مفهومة.
* حصل كلمتكم عن (النظريات) دي - ويمكن نرجع ليها في هذه الايام من وقت لاخر.
* نرجع ليها ب (فهم).
* في نظرية بتغيّظ.
* ما تقعدوا (تشرطوا) ساكت.
* سمعتوا بي نظرية (ركشاوية) كدا.
* ليه لمن تكون واقف نص النهار في الشارع ...وعاوز ليك (ركشة)....اي ركشة تآشر ليها بكون راكب فيها زول (طبعا غير السواق).
* تقوم تنفعل وتتغاظ ...(الركشة القادمة) تقوم ما تآشر ليها...انقروا ما بطلع (الركشة) الما اشرت ليها دي - ما فيها زول.
* تطلع (فاضية).
* تفتكروا (النظرية) دي مقصودة..وإلا الحكاية (صدفة).
* الغريبة ...الحكاية دي بتتكرر الف مرة ...(يعني في ترتيبات بتسبقها).
* نرجع لاستاذ اللغة العربية الذي كان يدرسنا (الجغرافيا) - يمكن الزول دا نظرتو كانت بعيدة ..وكان عارف السودان بتقسم على هذا النحو.
* اي (طرف) بطلع على المركز ..وبستقل بي طرفو.
* زمان (بعيدا عن استاذ اللغة العربية)...كان عندنا (مروحة)...وقت تفتحها في تلاتة - كانت المروحة كلها بتجيك (نازلة) تحت ...زي (الطاب).
* بتعرفوا (الطاب).
* البعرفو خلاص ..والما بعرفو ..يعدي بس.
* تجيك نازلة جناح - جناح.
* عشان كدا (المروحة) دي كنا بنحرص على ان نفتحها في نمرة واحد.
* واضعين ورقة عليها تحذير شديد اللهجة ...يحذر من فتح المروحة في تلاتة ...حفاظا على الارواح والممتلكات.
* هسع عاوز اطبق ليكم (النظرية) دي في ارض الواقع.
* والله الايامات دي اشبعكم (نظريات)...لمن تعرفو حاجة.
* السيد الوزير ...(وزير الشباب والرياضة بولاية الخرطوم)..حالته اقرب لحالة (المروحة) تلك.
* يعني الوزير دا مفروض يشتغل بي نمرة واحد.
* لو اشتغل بي نمرة تلاتة ..بجي نازل تحت ...بجيب لينا (الفيفا).
* ونحن والله في (سودانا) دا ما ناقصين اي (فيفا).
* البلد ما ناقصة - الفيها مكفيها.
* كمان عاوزين تجيبوا لينا الفيفا.
* والله الفيفا تدخل البلد دي ...إلا تقلبها ليكم من فوق لي تحت.
* حاجات كتيرة ما ح تعجب (الفيفا).
* احسن ليكم تكونوا زي (مروحتنا) تشتغلوا بي نمرة واحدة.
* والله العظيم (نمرة تلاتة) ما بتقدروا عليها.
* ما تغشوا نفسكم ساكت.
* انتوا قايلين نفسكم شغالين بي (قوانين).
* انتوا شغالين ب (لائحة) في ملجة ما بتنفع.
* الفيفا لو دخلت البلد دي - اول حاجة بتسألكم من (تصريف مجاري الخريف).
* هو وينو (الخريف)؟.
* رمضان قرب ينتهي ما شفنا لينا اي (مطرة).
* الارصاد شابكنا ليك الاسبوع القادم سوف تهطل امطار في ولاية الخرطوم.
* اسبوع يجي واسبوع يفوت.
* ما في اي (مطر).
* يمكن (الخريف) حنّ على حالتكم دي ..شاف (مصاريف) المياه ما شايلة حيلها ...قام صرف (نظر) عنكم.
* اقصد صرف (مطر) عنكم.
* عشان كدا ما جاتكم مطرة.
* جاتكم (الفيفا).
* شفتوا (الفيفا) اول حاجة ح تقول ليكم دا شنو البتعملوا فيه دا في استعدادكم للخريف؟.
* انتوا بتقطعوا من رأسكم.
* الفيفا برضو ..ما ح تسيبكم في حكاية موقف (شروني) دا.
* هسع دا موقف.
* انا اول مرة اشوف لي موقف كدا - الركاب بنزلوا في (موقف) - يقوموا يتحركوا (كداري) عشان يمشوا يركبوا من (موقف) تاني.
* يعني الموقف البتنزل فيه - هو غير الموقف البتركب منو؟.
* دا كلام.
* شغل ملخبط زي دا (الفيفا) ما عندها.
* ولا بتقبل بيه.
* انتوا ما سعمتوا بي القصة.
* قالوا ليك (راكب)...مواطن عادي - زعلان من حكاية تحويل المواقف دي ..وكلو يوم في رمضان دا ..ضارب (الكداري) من الاستاد الي شروني.
* الزول المواطن (الصالح) دا ...الحكاية دي ما عجبتو...عشان كدا قال عاوز يوصل الموضوع للفيفا.
* اصلو (اللخبطة) دي ما بتحلها إلا (الفيفا).
* وانا قلت ليكم قبل كدا - لو الفيفا جاءت البلد دي ح تكشف ليها (خرابات) كتيرة.
* اول حاجة ح ترجع موقف شروني دا لي حتتو.
* تاني حاجة ح تقول ليكم وين السكة الحديد؟.
* ثالث حالة بتسألكم من (مشروع الجزيرة).
* و..و...و....و..خلوها مستورة ساكت.
* انتوا دا شنو السويتو في السلم التعليمي دا.
* الواحد يخش الجامعة ويقرأ طب ..ويتخرج ويشتغل (سباك).
* انتوا كلياتكم دي بقت (تخرج) سباكين.
* زول في امانة الله ...يتخرج من كلية الهندسة ...يقوم يشتغل في (ركشة).
* قلت ليكم - السلم التعليمي اتلخبط ..بقى ما مفهوم.
* الطالب يمشي المدرسة ...يجي الترحيل يشيلو من قدام البيت ..عشان يودي (حدائق السلام).
* الطلبة بقوا حايمين في الحدائق.
* حدائق (حبيبي مفلس).
* لذلك - يا جماعة دخول (الفيفا) ما في صالحكم.
* انتوا قايلين ما بتسألكم من ارتفاع الاسعار.
* ليه كيلو اللحمة ارتفع كدا.
* كورة الزبادي ذاتها طارت السما؟.
* والغاز اتعدم عديل كدا.
* الغاز دا كمان عندو نظرية جديدة.
* اقول ليكم (نظريتو).
* ليه الزول وقت يكون شايل انبوبة (ابرسى) غاز وحايم بيها - اي محل بمشي عليه ...بقول ليه في (امان) بس.
* الايام تلف ودور ...والزمن يفوت...بعد شهر تكون حايم بي (امان) - اي محل تمشي ليه يقول ليك (ابرسي) بس.
* ليه المعاكسات دي.
* الفيفا حاجات زي دي ما بتفوتها ليكم.
* والاخطاء الطبية.
* والاخطاء الطبية مالها كمان؟.
* الواحد بقى يدخل المستشفى عادي ...ما عندو اي شيء ...بس (شفقة) ساكت.
* يقوم يطلع (ميت) من المستشفى بي خطأ طبي.
* انتوا موش عندكم مثل بقول (المرض ما بكتل ليه زول).
* عارفين البكتل شنو؟.
* بتكتل (الاخطاء الطبية).
* الاخطاء الطبية بقت اخطر من (حوادث الحركة).
* الاطباء ديل تقول شغالين بي (شهادة اعدادي).
* او تقول هم دبلوم صناعة.
* اها عشان اكون واضح معاكم - الفيفا ح تفتح الباب دا.
* لذلك ..وقبل ما تجيبوا لي نفسكم الهوا - احسن ليكم تسدوا الباب دا.
* والباب البجيب الريح سدو واستريح - والله نحن ما ناقصين.
* الفينا مكفينا.
* الفيفا مكيفانا.
* عاوزين بعد العمر دا كلو - تلخبطوا لينا كمان (الرياضة).
* بدل ما تعملوا (المدينة الرياضية).
* وبدل ما تصلحوا (الملاعب).
* تقوموا تلجنوا (الشرعية).
* يا جماعة عليكم الله (لو سمحتم) ما تدخلوا لينا في الحاجات دي.
* خلوها (نضيفة).
* الناس ذاتها (قرفت)..وبقى ما عندها (حيل) للحاجات دي.
* ما تقعدوا تتلفتوا لي كدا.
* ارجع ليكم للشغيل.
* اسيب (النظريات) دي.
* عارفكم انا ما بتستحملوا (النظريات) دي.
* احمد الحاج ضرب لي امس ...قال لي انت ما شفت (الشغيل) دا عمل شنو امس؟.
* قلت ليه عمل شنو؟...اوعى يكون انضم للجنة التسيير.
* قال لا ابدا.
* والله الشغيل امس امام البن لعب ليه كورة ...من الله خلقو ما لعبها.
* كورة كدا (متمرة) وجديدة.
* جديدة على الملاعب السودانية.
* قلت ليه دا الشغيل يا احمد.
* قال لي ايوا الشغيل انت قاعد وين؟.
* وحقيقة الامر ..انا هذه الايام ما متابع (المباريات) كويس - برة الشبكة عديل.
* لكن اخذت كلام احمد الحاج على مأخذ الجد.
* قلت ليه ما مشكلة ...الظاهر كدا (الشغيل) مع صلاح محمد آدم وسيدي بيه وبكرى المدينة ح يرجعوا لينا (الصفوف) من اربعة.
* طلاب جامعة السودان - يطلعوا من الجامعة يركبوا في الصف.
* طلاب النيلين ..يصنقروا فوق السطوح عشان يتفرجوا من اماكنهم.
* خلاص (صفوف الكورة) ح ترجع.
* وقصب السكر ...والتبش.
* بس ترجع وين للحاجات البتحصل دي.
* تدخلات ..ومفوضية واستئنافات ...الكورة بقت زي (الورثة) محاكمها شغالة زي الطلقة.
* تقول نحن في نيابة الاراضي.
* يا جماعة خلوا الناس تشتغل ..وما تضايقوا المواطن اكتر من كدا.
* غاز مافى ..وموقف بعيد ...كمان عاوزين تحلوا المجلس الشرعي للهلال.
* والله دا الفضل.
* واللهم اني صائم.
* ملحوظة : يا الشغيل ..ما قلنا ليك (الازرق يليق بك).
هوامش
* تراوري دا برجع متين؟.
* حل اشكالية تراورى اهم من كل هذا الذي تفعلونه الان.
* ما الجهة التى وراء ابعاد تراوري من الهلال.
* يا البرير ما تشتغل بالموفضية ولا الاسئتنافات - دي اجسام (وزارية) ساكت- شوف لينا موضوع (تراوري).
* خليك في المهم.
* يا حسن علي عيسي ...شوف موضوع (تراوري) احسن.
* حلوا اشكاليته واعيدوه الي الهلال قبل انطلاق الدورة الثانية للممتاز.
* اتحركوا يا جماعة - الوقت ما في صالحكم.
* بكري المدينة براهو ما بعمل حاجة.
* الهلال بقى عندو فريقين.
* فريق في الهلال - وفريق في المنتخب.
* والله ما في اي مشكلة.
* في ظل هذه التداخلات ...والاحداث الخفية ...من حقنا ان نخاف على (شداد).
* الله يكون في عون كمال شداد.
* الممتاز سوف يعاود انطلاقته في شهر اغسطس ..اي بعد اسابيع قليلة.
* والهلال الي الان في مشاكله وصراعاته وخلافاته.
* الوزير الي الان ما قادر يعمل (لجنة تسيير).
* ما قلتوا بتقدروا.
* وينها لجانكم.
* انتوا فاكرين الهلال دا ساهل.
* الهلال دا قلعة وطنية ..قلعة الديمقراطية ..والقانون والشرعية.
* بدون شرعية ...ما في زول بقدر يدخل الهلال.
* واي لجنة تسيير (معينة) تبقى عند امة الهلال مرفوضة ...حتى لو كان في هذه اللجنة (عدلي منصور) ذاتو.
* هو انا ناقص يا جدعان.
* المريخ ما قدر على هذا (الدواس)...عشان كدا ح يسافر الي الامارات.
* انتوا دا القدرتوا عليه يا (لوردات).
* البسمع كلمة اللوردات يقول ح يعسكروا في (المانيا).
* 17 لورد وتعسكروا في الامارات.
* عليكم الله هسع دي عاوزة ليها (لورد).
* شرعية البرير اقوى من مفوضية الوزير.
* المنتخب الوطني بعيد عن العين ..وبعيد عن القلب.
* ما في زول جايب خبرو.
* الحاصل شنو على المنتخب.
* السبت القادم ..انتخابات الاتحاد (العام).
* عوامة في وحل.
* شداد ساكت فوق رأي.
* ومعتصم جعفر تاميها (لوردات).
* الكورة السودانية في هذه المرحلة تحتاج الي شداد.
* اي (صوت) واعي وعاقل كدا وبحسبها صاح يجب ان يذهب الي (شداد).
* مصلحة البلد عاوزة كدا.
* في واحد قال لي انت البرير دا جاب تلفون (الفيفا) من وين؟.
* لو هبشوا (هبشة) يضرب للفيفا.
* الغريبة الفيفا بتستجيب تقول في (الوادي الاخضر) - اليوم التاني ترد على البرير.
* البرير اكشتف (السر).
* تاني ما في زول بثبتو.
* لكن برضو يا جماعة (السيستم) قفل.
* هو اذا كان (البلف) ذاتو قفلوه ..الما بقفل (السيستم) شنو؟.
* اي حاجة (قفلوها).
* عاجل : لكن الشغيل فتح.

انقر هنا لقراءة الخبر من مصدره.