سودارس : سيدي بيه دا مفروض يودوه (اغاني واغاني)

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

سيدي بيه دا مفروض يودوه (اغاني واغاني)

ناس الهلال ديل حيرونا نشر في قوون يوم 18 - 07 - 2013

يقعّدوا في الكلام (4-4-2).
وقت يدوروا يرفعوا ليهم (شيء) برفعوها السما.
كمان وقت يقبلوا ليك من شيء ...الدنيا كلها تقبل منو.
يمسخوها على اهلها.
شبكوا ليك (وارغو) عندما جاء ليلعب في المريخ (نجيهة)..اكلو ليك لحمو.
ما خلوا ليه حتة او صفحة ينقلب عليها.
وارغو المسكين من (النجيهة) قالوا ليك يكون ماشي (الفرن)..بلقى نفسو في (الصيدلية).
يكون ماشي (الموقف)...بلقى نفسو في (زريبة الفحم).
رأسو شطب.
اتلخبط في الدنيا جنس (لخبطة)...يكون عاوز يلبس (النضارة)...يلقى نفسو بيلبس في (الطاقية).
نفسو تدخل في (طعمية)...بلقى نفسو بيأكل في (قنقر).
زولكم ما عرف الحاصل شنو؟.
دخلتو ليك (شفقة)..بقى زي (الخريف) المطرشق.
انتوا تعالوا هنا ناس الارصاد ديل قصدهم معانا شنو؟...كل مرة يقولوا لينا ح تجيكم (مطرة) الاسبوع القادم.
رمضان انتهى ....ما شفنا لينا اي مطرة.
عليك الله (المطرة) خليها.
خلينا هسع في (وارغو).
وارغو دا جاء السودان اخطر من (طمبل)...رجع ليك من السودان ...(بلة جابر) بس.
بقى بلة وارغو.
بلة نيجيريا.
الكورة العندو طارت ليه في رأسو.
قالوا ليك وارغو في نيجيريا عمل ليه (مصنع تلج) ...وشال فكرة الكورة من رأسو نهائي.
بقى بتاع (تلج) ساي.
رغم ان عمر وارغو الان لا يتجاوز ال (22) عاما.
يعني وارغو مفروض يكون هسع في سنوات نضجه الكروي.
دا كلو من الهلالاب...شبكوا ليك وارغو (تقطيع)...ما بحصل في (اللحمة المفرومة).
طمبل ذاتو في الهلال كان (الهداف العالمي) ما في زول بقدر يقول ليه حاجة.
طمبل في الهلال قرب يبقوه (محافظ بنك السودان) مهاجم السودان الاول....ولا كلمة.
طمبل دا وقت مشى المريخ ...طلعوا ليك (طمبج)...زي الزول الرايح ليه (مفتاح).
ناس الهلال خطرين ..في الحاجات الزي دا ما بتلحقوا ...ولا بجاملو.
انتوا ما شفتوا (هيثم مصطفى) وقت كان في الهلال كان (عظمة).
هيئة دبلوماسية.
هيثم في الهلال كان عندو (15) لقب.
البرنس وسيدا ...والسفير..هسع ولا (لقب) ...ناس المريخ كانوا عاوزين يعملوا ليه (لقب) محلي ...يخصهم براهم ...قاموا قالوا عليه (الظاهرة).
لقب دقوه ليه في (المنطقة الصناعية).
اها (الظاهرة) الاطلقوها على هيثم مصطفى (5) دقائق ما صمدت.
هيثم ذاتو هسع لو قلتوا ليه (الظاهرة)...ما بتلفت ...ولا بشتغل بيك.
هيثم الي الان حتى في صحف المريخ شغال ب (القابه القديمة)...ألقابه التى جاء بها من الهلال.
وألقابه التى جاء بها من الهلال ذاتها ...لمّوا فيها ناس موسى الزومة وضفر وجهجهوها ليه.
الهلالاب الايامات دي فاتحين في (سيدي بيه)...انا ما عارف عاوزين يعملوا شنو ب (سيدي بيه) دا.
عملوها ليك (ساحر) عديل كدا.
غايتو نحن الي الان ما شفنا ليه (سحر).
لكن ناس الهلال قلت ليكم وقت يكونوا عاوزين يرفعوا الشيء ...برفعوها.
غايتو مع الكلام البكتبوها عن سيدي بيه في الجرايد الايامات دي بوديه برنامج (اغاني واغاني) طوالي.
الزول دا بالكلام البتقولوا عنو ...مفروض يمشي يقعد مع ناس معتز صباحي وجمال فرفور وطه سليمان ومصطفى السني.
يعني بالواضح كدا (سيدي بيه) بي حاجاتو دي مفروض ما يقعد مع ناس الشغيل وخليفة.
سيدي بيه ...قالوا ليك بعمل حاجات غريبة في الملعب ...الكورة يلملمها ليك زي (الملاية).
بعد ما يملمها ليك بالصورة دي يقعد يوزعها ليك زي (المرارة).
هسع امس الناس الشاهدوا مباراة الهلال والاهلي الخرطوم ..قالوا ليك (اتسحروا) ليك بتمريرات (سيدي بيه).
محمد احمد كاكا ...ذاتو ما قصر ...هو برضو (اتسيد) ليك في الملعب.
نرجع ونقول سيدي بيه دا مفروض يمشي (اغاني واغاني)...خاصة وان برنامج اغاني واغاني السنة دي محتاج لي (جكة).
عاوز ليه (فنان) يرقع ايقاعو زي (سيدي بيه).
برنامجكم دا بالطريقة دي يا ناس النيل الازرق ما بغطي.
عشان كدا ألحقوه ب (سيدي بيه).
امس (سيدي بيه)...ما فاضل ليه إلا يغني ليكم في مباراة الهلال والاهلي الخرطوم (لو بهمسة) للفنان محمد وردي.
قالوا سيدي بيه عمل اي حاجة.
للامانة انا ما شفت حاجة.
لكن قالوا لي.
غايتو لو سيدي بيه طلع زي الكلام البكتبوه عنو ..بنعمل لينا (مستوصف) طبي.
ما عارف انا ليه عندي احساس انو (سيدي بيه) دا ممكن يفرتك (اللوردات).
مباراة القمة في اغسطس القادم ...ليكم عليّ ...(سيدي بيه) يفرتك ليكم (اللوردات).
كل (لورد) يوديه حتة.
اللوردات ال (17) ديل مفروض ...يوزعوهم على اندية الممتاز.
يعني (لورد) يمشي النسور ...لورد يمشي الاهلي الخرطوم ولورد الاتحاد مدني ولورد الاهلي عطبرة.
الاهلي شندي والامل عطبرة ما عاوزين (لوردات) ديل.
اللورادات البفرتكهم (سيدي بيه) لا بنفعوا معانا ولا حاجة.
سيدي بيه اول تمريرة في مباراة القمة القادمة ..بفرتك بيها (لورد) مزرعة الدواجن.
تاني تمريرة ..بفرتك بيها لورد (التصريحات)...والله ما عارف اسمو.
تمريرة تالتة بفرتك بيها لورد (الغاز).
اما (لورد) الاتصالات ...بتاع السلام روتانا ...دا للامانة عاوز ليه (قون) عديل عشان يتفرتك.
يعني يا سيدي بيه ...لازم تكون عارف من هسع ...لو عاوز (تفرتك) لورد الاتصالات في مباراة القمة إلا تجيب ليك (قون).
التمريرة اللورد (الما بقرأ جرايد) ما بتعمل ليه اي حاجة.
بعد مباراة القمة ...بضمن ليكم ال (17) لورد ديل يتفرتكو لورد لورد.
والله ما نخلي لينا (لورد حايم).
لورد عندو (فرن) ساكت ما بنحرمو.
عشان كدا مباراة القمة القادمة...من الان بنقول عليها مباراة فرتكة (اللوردات).
لذلك اي (لورد) يعمل حسابو.
اي لورد يجّهز (نضارتو).
خلاص ايام (لورداتكم) قربت.
تاني ما عاوزين اي (لورد) في المنطقة.
انتظروا مباراة القمة القادمة ...وخلوا الباقى علينا ...ح نسحب (اللوردنة) من اي واحد.
ح نقطعها معاكم.
الشيء الغريب ...الجماعة ديل ح يتفرتكو قبل ما يعملوا اي حاجة.
اللوردات ديل الي الان ما عملوا حاجة.
اشتغلوا لينا (تصريحات)..طيروا لينا (قلبنا) ساكت.
قالوا ح يحولوا المريخ الي (شركة مساهمة).
وقالوا ح نعمل (مول تجاري).
ومدينة طبية.
ونادي اسري.
الحاجات القالوها دي ...ما شفنا منها غير عودة الحضري.
انتوا من البداية ما كنتوا تقولوا ح نرجع عصام الحضري ..وتختصروا الحكاية.
بدل تقعدوا تغشوا في الناس ساكت.
البسمع تصريحاتكم ...يقول القبة تحتها (لورد).
والله شغلكم دا اخير منو شغل عصام الحاج.
على الاقل ايام عصام الحاج ..الكهربة في المريخ كانت بتقطع ب (فهم).
لكن تعال شوف الحاصل الليلة في المريخ.
شبكونا ليك (مولات).
ما شفنا ليهم (طبلية).
رفعتوا لينا سعر (الطوب) في الفاضي.
(17) لورد ...والكهربة في المريخ الي الان بجيبوها ب (رزق اليوم باليوم).
قروش الكهربة بدفعوها...من قروش تمارين هيثم مصطفى.
يعني هيثم مصطفى بصرف على المريخ.
هيثم مصطفى بصرف ليه على (17) لورد.
غايتو اصبروا بس لي شهر اغسطس ...عشان نكمل للوردات ديل فهمهم.
بس اوعوا تتخارجوا قبل مباراة القمة.
شايف جمال الوالي قالوا مرشح للوزارة.
جمال الوالي قنع من (اللوردات).
لورداتكم ديل ..لو كانوا في الموردة كانوا سفلتوا الشارع.
هسع في المريخ ما مستفيدين منهم اي شيء.
قاعدين ساكت.
ملحوظة : بزار لوردات في الفاضي.
هوامش
بطولة كأس السودان في ظل توقف المنافسات الاخرى ...عملت ليها رواج.
بطولة كأس السودان اعادت الجماهير الي الملعب ...بسبب عدم التلفزة.
يكفى ان دخل مباراة الامس (70) مليون جنيه.
الجماهير ممكن تعود الي الملاعب ...اذا ارتفع مستوى المباريات.
بكري المدينة في وجود صلاح محمد آدم عاد الي التألق ...ورجع الي سيرته الاول.
بكري المدينة عاد الي تسجيل الاهداف.
وينتظر تألق بكري المدينة اكثر في المباريات القادمة ..اذا وجد الدعم والمساندة والمشاركة بي استمرار في المباريات.
محمد عبد الرحمن ينتظره مستقبل كبير ...رغم من انه شارك في الزمن البدل الضائع ...(اخر 4 دقائق) من عمر المباراة ...مع ذلك استطاع ان يسجل.
الهلال مع غياب الدوليين قدم مباراة جيدة ...وفاز بالثلاثة امام فريق الاهلي الخرطوم المكتمل.
عودة الاهداف ..وكثرتها في الهلال امر ضروري.
الانتصار بهدف او بفارق هدف ..امر غير جيد..وشيء يحرق الاعصاب ..ويتلفها.
في الدورة الاولى للممتاز ..فقدنا الكثير من النقاط ..وتعادل الهلال مع عدد من الاندية بسبب ان انتصار الهلال كان بفارق هدف.
صلاح محمد آدم ...عليه مراجعة هذا الامر ...وعليه البحث عن غزارة الانتاج والاهداف.
عودة ترواري وحل اشكاليته امر لا بد منه ...على مجلس البرير ان يحل هذه المعضلة.
وجود تراوري في الهلال في المرحلة القادمة امر في غاية الاهمية.
الهلال بدون تراوي سوف يفقد نصف قوته.
لا يعقل ان يأتي (سيدي بيه) ويجد تراوري مافي.
طيب الفائدة شنو؟.
يعني لازم في اي مرحلة يكون عندنا مشكلة ...ولازم يكون الهلال ناقص.
الفرحة في الهلال ما بتكتمل.
عاجل : يا ناس الخرطوم اعملوا ليكم شيء ..ما تبقوا كدا زي ناس (النيل الحصاحيصا).

انقر هنا لقراءة الخبر من مصدره.