سودارس : شطب نجم الدين واجبار العجب على الاعتزال واعارة السعودي وتحجيّم بلة جابر

إبراهيم شقلاوي يكتب: يرفعون المصاحف على أسنّة الرماح الهلال لم يحقق فوزًا على الأندية الجزائرية على أرضه منذ عام 1982…. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

شطب نجم الدين واجبار العجب على الاعتزال واعارة السعودي وتحجيّم بلة جابر

قوون نشر في قوون يوم 06 - 06 - 2013

التمرد الذي حدث في معسكر المريخ قبل مهرجان جمال الوالي والذي كان بسبب مطالبة مجموعة من لاعبي المريخ بحقوقهم ومرتباتهم – اثبت ان (اللوردات) البتكلموا عنهم اعلام المريخ (دعاية ساكت).

نجم الدين قالوا دوّر ليك (بيانات) في دائرة الكرة.

وسعيد السعودي قفل كل المنافذ – بما في ذلك تلفونو.

متحرك السلطان عجبنا ..نسف ليك كل ترتبات مجلس اللوردات – (طلعوا قاعدين في السهلة).

الظاهر (لورداتكم) ديل كلهم ماركة (هاشم ملاح).

نسخة مكررة من (هاشم ملاح).

تصريحات ساكت.

بتاعين كلام – ومؤتمرات صحفية – ونحن في الحتة دي.

حتتة شنو؟.

نحن لو عاوزين (كلام) كنا خلينا عصام الحاج.

يا لوردات – عشان تكونوا عارفين نحن ما جبناكم هنا للكلام.

نحن جبناكم للدفع.

انتو الامين العام للجنة التسيير حقت المريخ – لو كان (افتراضا) كدا تصريحاتو الكتيرة دي ..بقولوها بالتلفون ..تلفونو من يوم 23 بقطعوه ليه.

دا لو كان في الاساس عندو تلفون خط.

دا بكون شغال ب (تحويل رصيد).

انا (اللورد) دا ما واثق فيه.

وما بعيد يكون مشغّل الخدمة ..وبصرح بعد منتصف الليل بالخدمة المجانية.

بالله الامين العام لمجلس المريخ تصريحاته اكتر من الناطق الرسمي باسم الحكومة.

يسألوه من ضفر ...يتكلم عن العجب.

يسألوه من الباشا ..يتكلم عن العجب.

يسألوه من نجم الدين ...يتكلم عن العجب.

يا عجب – ديل خصصوا ليك (امين عام) مخصوص.

بس متفرغ ليك.

انت يا جمال الوالي – (لوردكم) دا جنسو شنو؟.

مالو كلامو اكتر من فيضان 46.

الزول دا اكيد (لوردتو) دي جايبها (نقة).

لوردتو دي (دبلوم).

دبلوم شنو؟.

تكون لوردة (اعدادية).

غايتو يا جمال الوالي – من هسع نقول ليك – عندكم لورد ساقط اعدادية.

او احتمال يكون جاب (اللوردنة) دي بالانتساب.

بالتعليم من بعد.

او يمكن زي دكتوراة جمال الوالي ...لوردنة (فخرية) ساكت.

دا شغال (نقة) ساكت.

انا اول مرة اشوف لي (لورد) بتاع كلام.

لورد تخصص (تصريحات).

غايتو (لوردة) زي دي لا شفناها لا سمعنا بيها ...إلا عند امينكم العام (الما عارف اسمو دا).

تصوروا (لورد كلمات) دا ..عامل ليه (نضارة) للكلام.

موش الناس كلها بتعمل (نضارة) للشوف.

(لورد كلمات) دا ...عامل (النضارة) للنقة.

في زول بنق بي نضارتو.

نضارة نقة.

عشان ينق سمح.

بالمناسبة وطول ما انا ما عارف اسمو...ح اسمي ليكم (لورد كلمات).

او لورد تصريحات احسن.

يعني تاني من اقول (لورد تصريحات)...تكونوا عارفين انا قاصد (الامين العام للجنة التسيير).

والكلام دا انا تاني ما بكرروا ليكم – عشان تكونوا عارفين.

اقول ليكم ..ما تشيلوا هم.

لورد تصريحات دا هو واللوردات المعاهو باقى ليهم شهرين ونص.

شهرين ونص وفيهم رمضان كمان.

يعني مرقنا تب من (اللوردات) ديل.

الي جانب لورد تصريحات ...انتوا عارفين في (لورد دواجن)...اي باللغة العربية الفصحى - يعني عندو مزرعة دواجن.

عشان الكلام يبقى واضح.

وفي برضو لورد الغاز.

اي لورد عندو محل غاز.

كدا يكون عندنا كم لورد - افتكر بقوا معروفين ليكم.

(3) لوردات – اي لورد فيهم بي اسمو.

في ايضا لورد (ما بقرأ جرايد) ...ودا يمكن نسحب منو (اللورداية) في اي لحظة.

نحن احرار.

في زول عاوز مننا حاجة.

تنططوا في عيونكم زي (الترزي) الجديد.

زي العراقي الما فيه (جيوب).

طبعا ما في اي علاقة بين (اللوردية)...والعراقي الما فيه جيوب.

اقول ليكم بي صراحة.

انا رمضان ظهر فيني.

رمضان باقى ليه 33 يوم بس.

والواطة مسخنة ...الواحد لو وقعت منو (زلابية) في الواطة تحرق.

انا مرة عندي (قميص)...عاوز اكويهو.

شريتو في السلك (حرق).

درجة الحرارة طلعت اعلى من المكوة.

مرة جبت لي (فرخة)...قلت اعملها شوربة.

ختيتها في (الحوش) لقيتها (حست).

مرة اشتريت لي (لوح تلج)..قطعت الشارع لقيتو ليك بقى موية..قلت لي بتاع (التلج)..انتوا الحركات البتعملوا فيها دي شنو؟.

لوح التلج في دقيقة يبقى (موية).

بتاع التلج قال لي انت عاوز شنو؟.

قلت ليه عاوز لي لوح تلج.

قال لي لو عاوز ليك (لوح تلج) إلا تشترى ليك (قلاب تلج)...عشان يصل معاك (لوح).

قلت ليه قلاب تلج يصل البيت لوح واحد – ليه دا قلاب وإلا محلية.

غايتو رمضان لو جاكم في السخانة دي ...(لوح التلج) ح يبقى متل الخروف.

هسع الموضوع دا ما تسربو لينا.

يقوم التلج من هسع يولع نار.

ما تديهم (فكرة) زي دي.

خلينا هسع في التمرد القالوا حصل في العرضة جنوب.

تتخيلوا تمرد في القلعة الحمراء.

هي البلد ناقصة (تمرد).

كمان عاوزين تجيبوا لينا التمرد في (الرد كسل).

انتوا وقت ما قادرين تحسموا تمرد ناس سعيد السعودي – ح تحسموا ياتو تمرد تاني.

والله الواحد بقى يشفق.

تمرد في العرضة جنوب ما قادرين تحسموه.

طلعتوا (لوردات) بتاعين جرايد بس.

معسكر المريخ – قالوا اتحول الي معسكر (كلمة).

حالة صعبة.

ضفر من تمغرب بحوم بي عكازو.

وبلة جابر جوزو بدور من اربعة.

اللاعبون من خمسة – اتخارجوا من المعسكر – رفضوا القعاد في المعسكر ...قالوا معسكر شنو؟..ومرتباتنا ما عاوزين تصرفوها لينا.

اتخيلوا انتوا بس (17) لورد اقل واحد فيهم عندو (مزرعة دواجن)..ما قادرين يصرفوا مرتبات (ضفر – وبلة جابر – وسعيد السعودي).

وعاملين لينا فيها كمان (لوردات).

كان تصرفوها ليهم (فراخ).

انبوبات.

بيض.

اي حاجة – بدل تخلوهم في الحالة دي.

عصام الحاج كان معذور عشان (التقشف)...انتوا (17) لورد يعذروكم على شنو؟.

هو عليكم الله – لو ما ساكت ...مرتبات الجماعة ديل مرتبات – مربتاتهم ممكن جمال الوالي ينزلها (اسكراتشات) في تلفونو.

(17) لورد...اللورد ينطح اللورد ...غلبهم يدفعوا مرتبات اللاعبين.

في واحد من لاعبي المريخ – قال لي والله اخير ايام (تقشف) عصام الحاج.

على الاقل عصام الحاج ما كان بطلع في الجرايد وبقول عاوز يعمل ليه (مدينة طبية).

مدينة طبية يعملوا بيها شنو؟.

اتخيلوا انتوا كدا ...زول يكون ما صارف مرتبو – وعندو مدينة طبية.

حاجة تغيظ.

في نفس الوقت بتكلموا عن تحويل نادي المريخ الي شركة مساهمة.

انتوا يا جماعة – مرتبات اللاعبين ما عاوزين تدفعوها – البجازف معاكم منو – وبدخل (مساهم) في نادي بي الشكل دا.

يساهم عشان يدفعوه المرتبات.

الزول القال ما بقرأ جرايد داك – كمان ما عارف انو ناس (ضفر) ديل ما صارفين.

انت لا بتقرأ جرايد ..لا بتجيب قروش ...ولا بتصرفوا ليهم.

فالحين لي بس في الكلام.

والله عصام الحاج وازهري وداعة الله ما خاطي عليكم.

شابكننا ح نحول المريخ الي شركة مساهمة ...وح نعمل نادي اسري – ومول تجاري...و...و...

كلو كلامهم طلع (فشوشة) ساكت.

كدا اصرفوا ليهم اول.

جمال الوالي طبعا غضب شديد – كيف يكون في تمرد يوم تكريمو.

الموضوع دا ما (عجبو).

عشان كدا – اعتبر الموضوع (محاولة تخريبية).

طوالها حسبها ليك كدا.

محاولة تخريبية لي مهرجانو.

قام عمل شنو؟.

شطب ليك نجم الدين عبدالله (المسكين).

عشان شنو؟.

عشان قال عاوز قروشو.

الظاهر كدا اللوردات ال (17) ديل ..عجبهم ليك الشطب عند الامين البرير.

حاولوا يعملوا ليهم (قرار).

ويكون عندهم (كلمة)...زي البرير.

قاموا عملوا شنو؟.

شطبوا (نجم الدين).

فيصل العجب ..قالوا لاز يعتزل.

يعتزل ليه؟.

عشان قاعد يتمرد.

العجب دا قائد التمرد ذاتو.

لا بد من ان يعتزل.

سعيد السعودي (انفوه) في اي نادي تاني.

اعيروه.

بلة جابر ..ادوه فرصة اخيرة.

ضفر ...اخصموا من مرتبو – اصلو ما عندنا ليه مرتب.

الطريف في الامر ..نحن اي حاجة نعملها ...ناس المريخ بعملوها.

شطبنا البرنس.

قالوا ما بجددوا للعجب.

قالوا العجب لازم يعتزل.

عبجهم ليك الشطب عند هيثم مصطفى.

سجلنا اولاد صغار – صعدوا اولاد من فريق الشباب.

يعني الحاجة البتتعمل في الهلال بقلدوها في المريخ.

(17) لورد بقلدوا في الامين البرير.

البرير مسكين في التسجيلات شغال براهو.

لورد واحد ما معاهو.

ناس المريخ اللوردات ال (17) معاهم كمان الحكومة.

لوردات بي حكوماتهم.

والله لو دا حال (لوردات)...نحن اول من سوف يطالب الوزير بالتمديد للوردات ديل.

ديل لوردات (الحنية) كاتلاهم.

انت تعال هنا (مكسيم) اتشطب ليه؟.

مكسيم برضو اتمرد.

قالوا (مكسيم)...لقوه واقف في الشباك بقول : والله يا حليل زمن عصام الحاج.

على الاقل ايام عصام الحاج ...الفول كان بدخل المعسكر (مصلح).

هسع قالوا ليك في زمن اللوردات ديل (الفول) بقى يجيهم بدون زيت.

فول سادة ساكت – غير الملح ما فيه اي حاجة.

المهم يا جماعة.

نهايتو كدا.

عاوز ارسل العمود.

وعاوز اختصر ليكم الحكاية.

بالمحاولة التخريبية دي يكون جمال الوالي اتخلص من كل ولاد المريخ الاصليين.

هسع المريخ بقى تحت سيطرت اولاد الهلال.

ناس سفاري وقلق والعجب ونجم الدين وضفر وبلة وموسي وسعيد السعودي ..خلاص شوكتهم اتكسرت.

الباشا ذاتو كلموه يعمل حسابو.

اي مطالبات بي حقوق.

بقوم يعيروه الي ليبيا.

ملحوظة : عصام الحضري مسك (اللوردات) كدا.

هوامش

الهلال ضم علي النور ...افضل طرف يمين في الدوري الممتاز.

مدربه في الامل قال عنه انه فاروق جبرة جديد.

البرير لو سمع الكلام دا بشطبوا ليكم في التسجيلات دي.

البرير ما عاوز شبه اي لاعب هلالي بي لاعب بالمريخ.

علي النور نجم التسجيلات الحقيقي.

افضل طرف في الممتاز.

مع افضل لاعب في دار الرياضة ام درمان ..تكون كدا ما عندنا اي مشكلة.

مروان اشاد به المريخي المتابع عادل محمد نور شقيق الفنان عصام محمد نور ..الذي راهن على نجاح اللاعب وقال ان دار الرياضة ام درمان من هيثم طمبل لم تخرج لاعبا اخر غير مروان الحرية.

والحرية معروفة بانها تخرج دائما افضل المواهب.

بقى عندنا اطراف ...بطيروا عديل كدا.

واحد شمال – وواحد يمين.

يا ترواري ...تاني تجيك من الشمال ..وتجيك من اليمين.

والنص فيه سيدي بيه ..ومهند ونزار.

تاني عاوز شنو؟.

تسجيلات مية المية.

احسن حاجة ان الهلال ابقى على الحارس بهاءالدين عبدالله.

بهاءالدين عبدالله ما في حارس متلو في الساحة.

على الاقل لا يوجد افضل منو؟.

خليفة (جوكر)..وبيلعب في كم خانة ..وطاقة جبارة ..يجب أللا يشطب.

غير هذا فان خليفة لاعب ملتزم ...وخلوق ..نتمنى من البرير ان يمنحه فرصة اخرى.

مالك مدافع مريخ الفاشر ...من افضل المدافعين في الممتاز.

كنا نتمناه في الهلال.

الهلال اقترب من صانع العاب من احد اندية الممتاز.

حسن كمال اقترب من الهلال.

وربما تسمع جماهير الهلال اخبار سعيدة في الساعات القادمة.

محترف الهلال العاجي ينتظر ان يصل صباح اليوم.

ألحقو السيستم.

ان شاءالله السيستم يقفل على ناس المريخ.

باقى نحن اتلدغنا قبل كدا من السيستم ..البقولوه دا.

عاجل :

العجب قال عاوز قروشو (اسهم) في المريخ...العجب طلع مفتح.

انقر هنا لقراءة الخبر من مصدره.