سودارس : الاخ هناك ...(لورد) برضو

البرهان يطلع على أداء ديوان المراجع العام ويعد بتنفيذ توصياته مساعد البرهان يتحدث عن زخم لعمليات عسكرية تقارير صادمة عن أوضاع المدنيين المحتجزين داخل الفاشر بعد سيطرة الدعم السريع لقاء بين البرهان والمراجع العام والكشف عن مراجعة 18 بنكا شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالفيديو.. من أعلى المنبر.. شيخ "الجنجويد" يفاجئ الجميع ويطلب من قائده "حميدتي" أن يزوجه من المذيعة تسابيح خاطر وساخرون: (متعودين على الشفشفة ومبروك يا سبوحة) السودان الافتراضي ... كلنا بيادق .. وعبد الوهاب وردي د.ابراهيم الصديق على يكتب:اللقاء: انتقالات جديدة.. إبراهيم شقلاوي يكتب: يرفعون المصاحف على أسنّة الرماح لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الاخ هناك ...(لورد) برضو

قوون نشر في قوون يوم 30 - 07 - 2013

الاتحاد العام لكرة القدم طلع فيه (لورادت) تركيب
السيد الوزير الذي انتظر السيد جمال الوالي (6) شهور عشان يرجع (ارجع تعال عود لي) ..(وكيف نرفض رجوع القمرة لي وطن القماري)..ولم يقم بتعيين اي لجنة او اي شخص يسد مكانة الرئيس (المستقيل) جمال الوالي السيد الوزير هذا الان (شمّر عن سواعد الجد)..(ودخلوها وصقيرها حام) فهو يكاد ان يدخل في صدام (دموي) مع (الفيفا) بسبب تدخله السافر على اهلية وديمقراطية الحركة الرياضية.
ولا خاسر من هذا الصدام غير السودان الذي تنتهك فيه اهلية الحركة الرياضية على عينك يا تاجر.
والسيد الوزير الذي ذهب لاستجداء السيد جمال الوالي في بيته من اجل العودة ب (17) لورد ..(تقول عاوزين تحرروا القدس)...الان ما عارف يعمل شنو؟.
انت يا سيادة الوزير ما قلت عندك (لجنة تسيير) عاوز تعينها؟.
اها وينها (لجنتك) دي؟.
الظاهر السيد الوزير ما لاقى ليه (لورد) في المنطقة اصلو الجماعة ديل كبوا (اللوردات) كلهم في سلة واحدة وقعدوا يتلفتوا.
لورد حايم بالغلط ساكت ما في تاني؟.
غايتو إلا تعملوا ليكم (لورد) تجميع كدا ...وتفكوا للهلال.
عليك الله انت يا السيد الوزير وقت ما لاقى ليك (لورد)...ما تخلي لينا (شرعيتنا) دي بي حالتها دي.
نحن عاجبانها.
على السيد الوزير ان يعلم ويعرف ان الهلال ليس هو المريخ ...وانك لو اتيت ب (99) لورد من لوردات (الحلة الفوق)..لكانوا مرفوضين في الهلال ان اتوا بغير حق ..او دخلوا عبر كسر قاعدة قانونية.
الهلال لحمه مر ..وإلا ما كان صلاح ادريس الذي خرج من الهلال (مستقيلا) يبحث عن العودة الي الهلال الان فلا يجد الي ذلك سبيلا.
لا اهلي شندي ...ولا لجنة تسيير يمكن ان تأتي بها وزارة الشباب والرياضة في ولاية الخرطوم على طريقة عصارة (الزيت) في ضواحي الجيلي.
صلاح ادريس استقال ...قالوا ليه : تاني السما قريب ليك.
داخ السبع دوخات ..عشان يرجع ...ما لقى طريقة.
ناس المريخ ...خلوا كرسي الرئاسة خالي (6) شهور ...واحد مشى عليه ما في انتظارا لعودة جمال.
الحاجات دي في الهلال مافي ....يمين (تدقس) ساكت ..تلقى نفسك في كفر البطيخ.
الغريب في الامر ان الوزير بنفس الطريقة يبحث الان عن التمديد للجنة تسيير المريخ...(لجنة ال 17 لورد).
عاوزين يمددوا ليهم؟...في شنو ما عارف؟.
وينو (مولكم)؟.
وينها مدينتكم الطبية؟.
وينها شركة مساهمتكم؟.
بل وينو (طوبكم)؟.
وينو سيخكم؟.
ما شفنا اي حاجة وبعد دا قالوا عاوزين يجددوا ليها.
لوردات في الفاضي ساكت.
خسارة (لوردات)..وبازر عديل كدا في لجنة ...ما شفنا منهم اي شيء ...غير تصريحات واستعراضات في الاسبوع الاول بعد التعيين في الصحف والفضائيات.
لورد التصريحات ...(والله ما عارف اسمو)...ما خلى ليه (شروق) حايمة ...ما سجل ليها.
صاحبكم بقى زي (محمد موسي)...بقى اكتر من (الشروق مرت من هنا).
دا لورد هسع قول واحد.
في لورد تاني بتاع الاتصالات ...اها اللورد دا ظهر مرة واحدة كدا في الجرايد ..وقال عاوزين نحول المريخ الي شركة مساهمة عامة.
من ديك وعيك ...تاني ما ظهر ..ما عارفين الحصل شنو؟..ولا عارفين موضوع (شركة المساهمة العامة دي وصلت وين؟).
عليك الله وبي امانة كدا هسع (التصريح) دا عاوز ليه لورد ...اي لاعب من قدماء اللاعبين ممكن يقول الكلام دا.
لكن انتو الكلام لو ما طلع ليكم من (لورد) ما بتندهشوا ولا بتشتغلوا بيه.
ال (17) لورد ...(الما بنعرف ليهم اي شيء)...واحد فيهم قالوا لورد بتاع فراخ.
قلنا ليهم لورد فراخ كيف يعني؟.
قالوا لينا يعني عندو مزرعة دواجن.
قلنا ليهم طيب علاقة مزرعة الدواجن بالكورة شنو؟.
قالوا لينا ما شرط تكون في علاقة ...هسع وزارة الشباب والرياضة في ولاية الخرطوم عندها علاقة بالرياضة.
او في الاساس عندها علاقة بالشباب.
انت بتتكلم كيف؟.
غايتو لو الاستثمار دور في المريخ استاد المريخ الحالي دا فيه حلاة مزرعة دواجن.
انتوا اول منتظرين من اللوردات ديل شنو؟.
اي واحد في الجماعة بفكر قدر (مزرعتو).
بشوف (المصلحة) وين؟..وبفكر على هذا الاساس.
في (لورد) من اللوردات الواقعين هبطرش ديل (لورد غاز).
والغاز دخلو شنو بالكورة مزرعة الدواجن عرفناها.
كيف علاقتو شنو؟....هسع موسى الزومة دا لو انبوبتهم اثناء المباراة قامت قطعت ...يتصرف كيف؟.
لازم يكون في (لورد) بتاع غاز جاهز ...عشان لورد الفراخ داك لمن يجيب ليه (فرخة) في المعسكر يكون في (غاز).
الشغل مكمل لي بعضو يا جماعة.
الشغل شغل جماعي ما في لورد قاعد ساكت.
نرجع للورد القال ما بقرأ جرايد.
كمان ما بتقرأ جرايد.
والله دي مشكلة.
يا اخوي يا (لورد) انت ...دي مشكلتك انت ما مشكلة الجرايد.
انت (لورد) على شنو؟.
وإلا الزول وقت يكون عندو قروش كتيرة ...(محرق روحو)..بقوموا يقرأوا ليه الجرايد.
شوفوا الراحات دي.
تعب على قراية الجرايد ذاتها ما عاوز يقوم بيها..(نظام اللورد حساس شديد ومرهف ..وما بستحمل كلام الجرايد).
يا ربي دا عندو كم موظف (لقراية الجرايد).
دا يكون عامل ليه شركة قراية عديل كدا ...مع جرايدنا الكتيرة دي.
يعني بكون هنالك موظف ..بصرف ماهية ...وبجي من سبعة كل يوم ...مهمتو في الدنيا دي بس ..يقرأ عمود مزمل ابوالقاسم.
وبكون هناك موظف ..متخصص في عمود بابكر سلك ...وموظف لعمود معاوية الجاك ...وموظف لعمود احمد محمد احمد.
شفتوا كيف؟.
شفتوا (اللورد) دا مرتاح كيف؟.
قراية ما عاوز يقرأها.
طيب دا يا ربي بياكلو ليه برضو.
اكيد اللورد دا ما بيأكل فول ...يقوم يعمل شنو؟.
يقوم يجيب ليه زول يأكل ليه فول.
ما اظن (اللورد) دا ..يتعب معدتو مع (الفول).
عالم راحات.
وعلى كدا ...(اللورد) الما بقرأ جرايد دا ...بكون جايب ليه (موظف) يتابع ليه المسلسلات.
مسلسلات شنو البضيّع فيها وقتو.
هو زول جرايد ما بقرأها تفتكروا ح يحضر المسلسلات.
المسلسلات دي خلوها لي ناس عصام الحاج فاضين ..وما عندهم مشكلة في الوقت.
الحلقة يحضروها (4) مرات.
ينطوا معاها من قناة لي قناة.
الشيء الغريب هسع (اللوردات) الما عملوا اي حاجة ديل ...عاوزين يمددوا ليهم.
على شنو؟.
على عدم قراية الجرايد.
يمين ما شفنا ليهم اي حاجة غير (عدم قراية الجرايد).
مرة بالمناسبة (الشترة) دي ...لقيت لي زول ...قال لي تصوّر انا ما بقرأ جرايد.
طوالي قلت ليه : الاخ (لورد) برضو.
بعد شوية قلت ليه اكيد عاوز تعمل ليك شركة مساهمة وقت ما بتقرأ جرايد.
غايتو يا السودانيين ديل ...(عدم قراية الجرايد بتفاخروا بيها).
حاجة غريبة ...دي اول مرة تحصل في الدنيا.
اي واحد كدا عمل ليه (مزرعة دواجن)...وعمل فيها (لورد).
والعجب لو قال ما بقرأ جرايد ...(يبقى لورد على اصلو).
هسع لو سألتكم سؤال.
سؤال عادي كدا ما فيه اي شيء والله.
اللوردات ال (17) ديل عملوا شنو للمريخ غير انهم اجبروا فيصل العجب على الاعتزال.
الحاجة الوحيدة العملوها ...اجبروا العجب على الاعتزال.
شوفوا المفارقة الغريبة دي.
مجلس عصام الحاج بتاع (التصريف)....سجّل هيثم مصطفى في المريخ.
مجلس ما كان فيه ربع كيلو لورد ...سجّل هيثم مصطفى.
ومجلس التسيير الفيه (17) لورد اجبر فيصل العجب على الاعتزال.
عليكم الله وبي امانة شديدة كدا ...اعتزال العجب دا عاوز ليه (17) لورد.
جايبين ليكم لوري بتاع (لوردات) عشان تجبروا العجب على الاعتزال.
دا زي لوري البكا.
الحلة كلها تتلملم في اللوري دا عشان تمشي تدي الفاتحة وترجع.
الحاجة العجيبة ..البلد ظهروا فيها (لوردات) تاني.
هو انا ناقص.
تاني جابت ليها (لوردات).
مجموعة (التطوير) المسكوا اتحاد الكورة ديل هسع ديل ما (لوردات).
ديل فرقهم شنو من (اللوردات).
عالم قاعدة ساكت.
كمان قالوا فيها تطوير.
تطوير شنو ؟..ديل من تصفيات بطولة الشأن طلعوا في بلدهم.
المجموعة دي لا عندها شغلة بالكورة ولا حاجة.
ديل شغالين لي نفسهم.
لورد بتاع اعلان ...ولورد وكالة سفر ...ولورد مشاتر كدا ...ولورد من سفرية لي سفرية.
لورد السفريات دا ...هو (مجدي شمس الدين)...باقى اللوردات اعرفوهم براكم.
الكورة السودانية مع لوردات الاتحاد العام ديل اقنعوا منها.
اقنعوا ساكت.
وقد حصدنا نتاج اتحادنا هذا ..فشل وخسارات في كل المنافسات.
الكورة السودانية عليها العوض ومنها العوض.
بقينا قاعدين ساكت.
قاعدين في السهلة.
قاعدين في الصقيعة.
ملحوظة : لوردات الاتحاد العام ديل لوردات (تركيب)...او تجميع ..القروش عملوها في شارع البلدية.
هوامش
منافسة كأس السودان ..نهاها (الاتحاد).
الاتحاد العام واتحاد مدني.
معقولة فريق في الممتاز يتغلب خمسة.
ويلعب المباراتين في ام درمان.
زمن الدكتور كمال شداد ...ما كان في حاجات زي دي.
ما في حاجة اسمها اتفاق بين الناديين.
دا شغل (لوردات) ساكت.
هزيمة مرة للمنتخب السوداني في تصفيات الشأن ...وخروج رغم التعادل ذهابا وايابا ..لنخسر من الضربات الترجيحية.
يلا اشبعوا (تطوير).
تطوير شنو مع ناس مجدي شمس الدين ديل.
اقنعوا ساكت.
نحن قنعنا.
وخلوا الوزير يتم الناقصة ...ويعيّن ليه (لجنة تسيير).
بس دي الفالحين ليها.
وزير الشباب والرياضة في ولاية الخرطوم ...ما بتحس وتشعر بيه إلا مع لجان التسيير.
زولكم عرف مجلس الهلال فترتو قربت تنتهى قال يعمل ليه (لجنة تسيير).
مليتوا البلد كلها لجان وقعدتوا.
يسيروا شنو؟.
ما في حاجة ذاتها يسيروها.
الكورة السودانية تتراجع الي الخلف بصورة مخيفة.
ولسه ماشيين لي ورا.
كمال شداد كان وحده القادر على الضبط ..والالتزام.
معقولة ناس مجدي يلغوا البطولة ..ويرجعوا في 5 دقائق.
لوردات الاتحاد العام ديل ....سرهم عند لوردات المريخ.
جمال الكيماوي ارتكب اكبر الحماقات بدعمه وتحركه المريب لدعم مجموعة التطوير.
كمان فرحان.
الشغل كلو واضح انو كان فيه (تكتيك) عالي.
اتحاد الخرطوم افتقد بصورة واضحة وكبيرة الشاذلي عبدالمجيد.
الاتحاد مدني (9) اقوان في مبارتين.
يا حداثة عليك الله شوف ليك شغلة غير الكورة ما تقعد تتفاصح ساكت.
ابقى عضو برلماني.
او عضو مفاوضات.
الكورة دي خليها.
وكمان بصرح.
على شنو يا حبة؟.
الاتحاد مدني اتغلب (9) في مباراتين...والاتحاد العام اتغلب عشرة.
مستوى الاتحاد العام اضعف من مستوى اتحاد مدني.
واتحادنا العام فيه اكثر من حداثة.
اسامة عطا المنان بكون بفكر في (تذاكر السفر).
ومجدي شمس الدين بكون بفكر في (نثريات) الرحلة.
والقاعد في الفندق.
خربت.
الحكاية بايظها من اتحادها العام.
متى يتجرأ الوزير ويعلن عن لجنة التسيير.
كل يوم يقولوا ليك الوزير يعلن عن لجنة تسيير الهلال.
لجنة تعطيل السودان.
مع اتحاد الفشل هذا ..الكورة ذاتها افضل يجمدوها.
احسن من هذه الفضائح.
.....
عاجل : افتحوا ليكم توكيل غاز في (اكاديمية) كرة القدم يا ناس الاتحاد ...نحن الكورة قنعنا منها.

انقر هنا لقراءة الخبر من مصدره.