الدب.. حميدتي لعبة الوداعة والمكر    ⛔ قبل أن تحضر الفيديو أريد منك تقرأ هذا الكلام وتفكر فيه    إلي اين نسير    منشآت المريخ..!    كيف واجه القطاع المصرفي في السودان تحديات الحرب خلال 2025    صلوحة: إذا استشهد معاوية فإن السودان سينجب كل يوم ألف معاوية    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته    إجتماع بسفارة السودان بالمغرب لدعم المنتخب الوطني في بطولة الأمم الإفريقية    بولس : توافق سعودي أمريكي للعمل علي إنهاء الحرب في السودان    البرهان وأردوغان يجريان مباحثات مشتركة    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    بعثه الأهلي شندي تغادر إلى مدينة دنقلا    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    ياسر محجوب الحسين يكتب: الإعلام الأميركي وحماية الدعم السريع    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تكوين لجنة عليا لدرء اثار الامطار والفيضانات والسيول وهدف بويا
الاهداء نشر في قوون يوم 14 - 09 - 2013


وانت كأنك ما عارف ...او عارف..

الكهربة جات ..قطعت تاني...(دخلنا في ضفورنا).

الموية عكرانة ...الغرف في بيوت الجالوص زي كأنها سمعت حاجة...بتتنح من غير مطر.

الدعم رفعوه...جانا (شافع) جاري بي فردة نعال ..ونخرينو ذاتها جارية ...قلنا ليه الحاصل شنو؟.

قال لينا سعدوب ود الجرتب.

= قلنا ليه سعدوب ود الجرتب مالو؟.

قال لينا سعدوب ود الجرتب ..طقاهو قطر.

= قلنا ليه طقاهو وين الزول النصيبة دا؟.

قال لينا في (المنشية).

= قلنا ليه لكن (المنشية) ما فيها قطر..

الشافع قال لينا ما عارف ..يمكن دا (رفع الدعم من المحروقات) البقولوه دا.

عبدالماجد عمرو (7 شهور)...قال لي صحي يا ابوي رفع الدعم من المحروقات بيأكل الناس.

محمد

»««««««««««««««««««««««

جزء من النص مفقود

يا جمال الوالي انا بختصر ليك الكلام ..عشان ما تقعدوا تغالطوا ساكت...السنة كلها تغالطوا زي (الروس).

عصام الحضري دا تاني ما بجدد ليكم.

لو عاوزنو يجدد ليكم ...سجّلوا ليه (عبداللطيف بويا) في المريخ...او اقنعوا (بويا) يبطّل يعمل الحركات البعمل فيها دي ..في زول بشوّت ليه (كورة) بالصورة دي...كورة بي (دخانها).

انتوا قايلين الحضري دا جاء السودان ضمن حملة الدفتردار الانتقامية ...في داعي تضربوه كدا.

والله عملية (بويا) دي في (ارنب) ما مقبولة.

وين جمعيات حقوق الحرّاس؟.

الحضري لو مشى مجلس الامن ...المحكمة الجنائية بتصدر قرار (توقيف) لعبداللطيف بويا.

»««««««««««««««««««««««««««««««««««««««««««

مسكول

رئيس لجنة تسيير المريخ اللورد جمال الوالي طالب المريخاب ب (النسيان).

الجماعة ديل فتروا.

يا جمال الوالي بعد كدا ناسكم ديل إلا تغيّروا ليهم (الذاكرة).

ركبوا ليهم ذاكرة جديدة (قيقا واحدة) قدر فريقهم (الرديف)..فريقكم الكبير دا اقنعوا منو؟.

ديل تاني ما بنفعوا إلا مع عمر الجزلي في برنامج (اسماء في حياتنا)..خلوا هيثم مصطفى وكلتشي واكرم الهادي سليم والباشا وعلاءالدين يوسف يحكوا ليكم عن تاريخهم في الهلال.

»««««««««««««««««««««««««««««««««««««««««««««

لوردات المريخ كسروا كراسي (الرد كاسل)

من اعلام المريخ ...تعودنا واعتدنا وحفظنا قبل اي مباراة وبعدها الحديث عن (الحكام)..واصبح ذلك من شروط العمل في صحف المريخ ...اذ يتحدث اعلام عن الحكام ..بصورة تجعلك تظن ان المريخ يتضرر ضررا كبيرا من الحكام ..مع ان المريخ اكثر الاندية استفادة من الحكام ..وقد ثبت ذلك حتى على النطاق الخارجي ايضا عندما تم ضبط جهاز لاب توب وجلاكسي جديد في مباراة القمة الافريقية ..وقبل ذلك كانت اشارة مدرب الاسماعيلي الواضحة في احد المباريات التى جمعت بين المريخ والدراويش في استاد المريخ ومنح فيها الحكم فريق المريخ ضربتي جزاء...واعاد الحكم تسديدة فيصل العجب اكثر من مرة الي ان سجل منها الهدف ..فقد كان الحكم يعيد ضربة الجزاء كلما اهدرها فيصل العجب...لمن الكورة جات في النهاية ..ولو لم تأت ..كان العجب ما اعتزل ..كان الي الان العجب بنفذ في الضربة.

ولا تنسى الناس اتهامات الصحف الجزائرية التى وجهت لبعثة المريخ بشراء الحكم عندما كان يلعب المريخ امام شبيبة القبائل.

اما على النطاق المحلي فحدث ولا حرج ..اهداف من (تسلسل) تحسب للمريخ (اسكت كب) ..وبغض النظر عن الهدف الذي سجله رمضان عجب في الهلال وشكك في صحته فان هناك هدف من تسلل واضح جاء في هلال كادوقلي منحه حكم المباراة للهلال.

وقبل هذا الحدث كان محسن سيد الذي يلعب فريقه امام المريخ ..فقد هاجم محسن سيد الحكم ..واشتبك احد لاعبي فريق مريخ الفاشر بسبب التحيّز الواضح لحكم المباراة لصالح المريخ الاب.

وهناك الكثير من الوقائع التى تؤكد استفادة المريخ من الحكام بشكل مخجل..فقد سبق ان سجل (قلق) هدفا بيده في شباك الامل عطبرة ..جعل المريخ يفوز ببطولة الدوري وقتها.

حديث اعلام المريخ الممجوج عن الحكام اصبح ممل ..ومكشوف وبقى ما بجيب حقو..لأن الكل يضحك على المريخاب في تلك (الخدعة) التى يروج لها اعلام المريخ.

الجديد في المريخ ..هو الاستعلاء والاستخفاف الواضح بجماهير الهلال ..والتى يحاول اعلام المريخ ومجلسهم دائما استفزاز جماهير الهلال ..بصورة يمكن ان تظهر ردود افعال خطيرة.

اصبح من المعتاد بعد كل مباراة قمة ..ان يتحدث اعلام المريخ والمجلس ..عن اصابة حصلت بين جمهور المريخ ..من قبل جماهير الهلال ..وكأن جمهور المريخ بدخل الاستاد وهو محمل بالود والتقدير والازهار.

وصار طبيعيا الحديث عن (الكراسي) وما حدث فيها من تلف...رغم من الاستاد تحرسه الحكومة كله ...وتأمنه (الشرطة)..لكن (الضعف) الذي يعاني منه المريخ جعلهم يستمتعوا بان يظهروا في كل مرة في صورة (ضحايا) جمهور الهلال الصعب.

الغريب ان اعلام المريخ الذي يتحدث عن اصابات بين جمهور المريخ في مباراة القمة ..اغفل عن قصد لونية المشجع الذي رحل في استاد المريخ ..وهو ينتمي لجمهور الهلال.

والموت في استاد المريخ ..امر ليس غريب ..فقد سبق ان مات صحفي تنزاني في مباراة الاحداث الشهيرة التى جمعت بين سمبا التنزاني والمريخ في الخرطوم.

من ثم نقول ان هذا السلوك ان ظهر وان وجد سببها اللغة (الفظة) التى يتحدث بها اعلام المريخ ..بل ان مجلس المريخ هو الذي ساعد في تعكير الاجواء وفي هذا الشحن والتوتر بسبب (البيان) الذي اصدره مجلس اللوردات فاجج النيران بين جمهور الهلال والمريخ.

مجلس المريخ بحكم (الرعونة) والطيش الذي يتعامل به هو السبب في هذه الاحداث ان وجدت ..ولوردات المريخ ...هم الذين حطموا وكسروا (كراسي) الاستاد ..اما بالوهم والخداع ..واما بي بياناتهم وتصرفاتهم الرعناء.

»«««««««««««««««««««««««««««««««««««««««««««««««««««

قصة قصيرة جدا

روسي لاقى ليه روسية في شارع اتجاه واحد ...قال ليها اسمعي ...مباراة الهلال والمريخ انتهت كم؟.

الروسية قالت ليه : ما عارفة .. لكن الحكومة رفعت الدعم من المحروقات!!.

غايتو الشيء الفاهمها انا ... عمر بخيت (رفع) الكورة من نص الملعب ...والحكومة (رفعت) الدعم من المحروقات.

رفعت عمر بخيت جات قون .....رفعت الحكومة ...ان شاءالله تجيب قون للشعب.

الفهم فهم ...والما فهم ..تاني ما يسألني من الاستعداد للسيول والامطار والفيضانات وصواريخ عبداللطيف بويا.

هسع دي قصة ..وينها القصة هنا؟.

»««««««««««««««««««««««««««««««««««««««««««««

تعريجة

الحضري اتقدمت بيه السن ..بصورة واضحة ..لدرجة انو كورة عبداللطيف بويا المفكوكة من جبال كرري...الحضري افتكرها (كديسة).

في كديسة بتقول (شووووو).

الكديسة بتقول (ناو) يا حضري.

بعد كدا شوف ليك (مدرسة) احرسها ...(مرمى) ما بتقدر عليها.

»«««««««««««««««««««««««««««««««««

فيصل سيحة لاعبو الهلال يحتجوا يقول كرتوّهم ..يسكتوا يقول سكاتهم يدل على صحة قرار الحكم

فقرة (مع الامبراطور) ...في برنامج عالم الرياضة بتلفزيون السوداني (المريخي) وليس (القومي)..مفروض يسموها (مع اللورد)..بدلا من اسم (مع الامبراطور)...فقد ثبت ان (فيصل سيحة) بعد هذا العمر برضو (لورد) لم يتخل عن الانتماء الضيّق قي تحليله للحالات التى حدثت في مباراة القمة ..ففيصل سيحة بعناية يحسده عليه اللورد عبدالصمد شخصيا ..يتخيّر حالات معينة في المباراة فقط من اجل ادانة الهلال او تأكيد القرار الذي اتخذه الحكم لصالح المريخ.

ربما ابتعاد فيصل سيحة من لجنة الحكام المركزية هي التى جعلته يظهر بهذه الحالة التى يحاول فيها دائما تأكيد سوء الحكم ..وسوء قراراته ..الي جانب طبعا انتماءه للمريخ ..والذي عرف به ..فقد كان فيصل سيحة من (خدام) المريخ في لجنة الحكام المركزية ...وعندما تم ابعاده من اللجنة فضل ان يخدم المريخ بهذه اللقطات التى يختارها لادانة الهلال ولاعبي الهلال في الوقت الذي يدافع فيه عن لاعبي المريخ.

انظروا ماذا حدث من هذا الحكم المتعاقد في حلقة عالم الرياضة امس بتلفزيون السودان المريخي.

عندما تعرض الصورة والمشهد احتجاج للاعبي الهلال على بعض قرارات الحكم ..يقول فيصل سيحة ان الحكم كان متساهلا ..وكان يفترض ان ينذر لاعبي الهلال (خاصة اللاعب الذي رفع ايدو في وجه الحكم)..بينما عندما تعرض كاميرا تلفزيون (المريخ)..احتجاج للاعبي المريخ على بعض قرارات الحكم فان فيصل سيحة يقول حينها ...ان هذا الذي يفعله لاعبو المريخ ليس احتجاج ..وانما كلام مع الحكم...وهو امر عادي ما فيه شيء..طبيعي.

ما هي المقايس التى يبني عليها فيصل سيحة تحليلاته ..ونعرف كيف ان كان ذلك الشيء احتجاج ...ام كلام ساكت ..القياس الوحيد الذي يعمل به سيحة هو ان كل اعتراضات لاعبي المريخ مع الحكم (كلام)..اما اعتراضات لاعبي الهلال مع الحكم فهي (احتجاجات) يجب ان ينذر فيها المحتج.

اغرب من كل هذا ..ان فيصل سيحة ..في (تنظير) غريب ..يطالب ان ينذر لاعبي الهلال عندما يحتجوا على الحكم ..وعندما لا يحتج لاعبو الهلال فان فيصل سيحة يأخذ ذلك دليل صحة قرار الحكم ..فقد قال السيد فيصل سيحة ان هدف المريخ التاني صحيح ولم يأت من تسلل ..لأن لون النجيلة (غامض) شوية ..ثم اكد ذلك بقوله ان لاعبي الهلال لم يحتجوا على قرار الحكم.

طيب يا سيحة فهمنا الحتة دي ..الناس ديل يحتجوا تقولوا كرتوهم ..(الحكم خلاص اتخذ قراره ولا يمكن ان يتراجع)..ما يتحجوا تقولوا هذا دليل على صحة قرار الحكم...(ورينا يتصرفوا كيف؟).

ان التحليل الذي يقوم به فيصل سيحة في فقرة (مع اللورد سيحة) في برنامج عالم الرياضة ..تحليل يبني على الانتماء الضيق ..وسيحة يختار لقطات معينة ويقوم بعرضها على المشاهدين ..وبالتأكيد ان هذه اللقطات التى يختارها سيحة تأتي على حسب هواه ولونيته.

اما رضا مصطفى الشيخ ..فهو قاعد ساكت في هذه الفقرة ..كأنه امام (امبراطور) فعلا ...لا يسأله ..ولا يجادله ..يذهب فقط للاتجاه الذي يذهب اليه فيصل سيحة ويدعمه في رايه.

على العموم ..الفقرة امس كانت مضحكة ..فعندما كان يحلل فيصل سيحة في هدف المريخ الثاني ..كان التلفزيون يعرض صورة لتهديفة غاندي..وقد فشل المخرج في اعادة اللقطة او ارجاعها ..وقالوا في عطل في جهاز الفيديو ..بالله دي كلام...تقول عاوزين يعيدوا (معركة كرري).

اجهزتكم قدر منطقكم وعلى مستوى حالكم..لا بد ان (الجهاز) بطنو طمت من البتعملوا فيه دا يا رضا مصطفى الشيخ.

عليك الله يا رضا في الجمعة القادمة جيب لينا (ابوجريشة) عشان يقول ليكم هدف بويا جاء من تسلل واضح.

طبعا سيحة لو ما عامل السن ..كان ممكن يعمل نفس الشيء.

غايتو تلفزيون السودان (المريخ) ...مفروض يكنسلوه ..وإلا يشوفوا ليه (دلالة)..بلا تلفزيون ..بلا لخمة معاكم.

قال شنو؟.

قال ثبت لي ان هدف رمضان عجب صحيح من (لون) النجيلة..شفتوا (التقنية) دي كيف؟..في العولمة دي فيصل سيحة بحلل بي لون النجيلة ...لون النجيلة وإلا لون فيصل سيحة ...هسع عليك الهدف لو كان جابوا الهلال كان بتقول كلامك دا...وكان بتجتهد كل هذا الجهد ..وإلا كان في الافضل الاحوال بتقول الصورة ما واضحة...مشي يا مجدي مبيوع ..مشي.

روح ..عالم تجيب الغم.

»««««««««««««««««««««««««««««««««««««««««

قلق فعل ما عجز فيه (7) اجانب

الهلال في الفترة الاخيرة كان يعاني من مشاكل كثيرة ..اثرت في شكله الفني وضربت حتى باستقراره الاداري والفني داخل الملعب.

وكنا نجد العذر لكل اخفاقات الهلال ..فما تعرض له الهلال بسبب (السلطة) والمعارضة ..لو تعرض له (جبل) لتفتت مثل (حلاوة قطن).

لذا فنحن نعترف ان الهلال ليس في افضل حالاته ..وهو الي الان فيه اشكاليات لا يمكن ان تغفلها العين.

لكن مع هذا فشل المريخ ب (7) اجانب ضمنهم الاجنبي الهلالي هيثم مصطفى...و(17) لورد من الفوز على الهلال او حتى التعادل معه للحفاظ على فارق النقاط الخمسة.

فشل اجانب المريخ السبعة فيما نجح فيه مشطوب المريخ ..ولاعبه السابق بدرالدين قلق الذي استطاع ان يدرك التعادل لفريقه الاهلي عطبرة في اخر دقائق المباراة التى جمعت بين الهلال والاهلي عطبرة في مدينة الحديد والنار.

ما حققه (قلق) مع الاهلي عطبرة ..فشل فيه (7) اجانب ضمنهم الهرمي عصام الحضري ..والذي استقبلت شباكه (3) اهداف ..لا تسجل في شباك حارس مبتدئ...ناهيك عن الحضري الذي يصف نفسه بانه الافضل في افريقيا.

»««««««««««««««««««««««««««««

احتمال

محمد عبدالله ضفر ..لاعب المريخ ..لو كتب مذكراته بعد (20) سنة ...يا ربي ح يكتب شنو؟.

اكيد مع الهزائم دي يكتب (طوكر) عاصمة فرنسا.

ويكتب جمال الوالي رئيس الجالية (الهندية) في الخرطوم.

طلعتوا (هنود) يا الباشا.

واضح انو (ضفر) ، حسب معلوماتي الخاصة بلخبط بين الصيف والشتاء. زولكم دا لسه فاكر هيثم مصطفى بيلعب في الهلال.

هسع دا احتمال.

»«««««««««««««««««««««««««««««

افتراض

البلد دي لو فيها استثمار صاح...يفتحوا فيها فصول محو الامية للحضري.

واضح من (نشرة ستة) ان الحضري عندو مشكلة في التهديفات التى تأتي له من بعيد.

والحكاية دي ما بتتعالج بالتمارين.

الحكاية دي اعملوا ليها فصول محو الامية ...وخلوا (عمر بخيت) يدرس ضفر والباشا ورمضان عجب.

هسع دا افتراض دا.

انقر هنا لقراءة الخبر من مصدره.