إسحق أحمد فضل الله يكتب: (وفاة المغالطات)    الهلال لم يحقق فوزًا على الأندية الجزائرية على أرضه منذ عام 1982….    لجنة المسابقات بارقو توقف 5 لاعبين من التضامن وتحسم مباراة الدوم والأمل    المريخ (B) يواجه الإخلاص في أولي مبارياته بالدوري المحلي بمدينة بربر    شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    لماذا نزحوا إلى شمال السودان    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    المالية توقع عقد خدمة إيصالي مع مصرف التنمية الصناعية    أردوغان: لا يمكننا الاكتفاء بمتابعة ما يجري في السودان    مناوي .. سلام على الفاشر وأهلها وعلى شهدائها الذين كتبوا بالدم معنى البطولة    وزير الطاقة يتفقد المستودعات الاستراتيجية الجديدة بشركة النيل للبترول    أردوغان يفجرّها داوية بشأن السودان    بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو"    اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….")    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    عقد ملياري لرصف طرق داخلية بولاية سودانية    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



رئيس (جلاكسي 4)
قوون نشر في قوون يوم 30 - 11 - 2013

الظهور الاول للحاج عطا المنان..يجعلنا نقول ان الهلال جاب ليه رئيس (محترف).

يعني المرة دي اتجاوزنا حتة ...مهاجم محترف ...ومدافع محترف ...ولاعب ارتكاز محترف ..وجبنا لينا (اداري) محترف.

المشكلة في الاندية ...كانت في الادارات ..ورغم فتح باب الاحتراف في اللاعبين والاجهزة الفنية إلا اننا كنا نفتقد للاحتراف الاداري.

الان خلاص ..جبنا لينا رئيس محترف.

زمان عندنا زول لمن تجيب ليه (موبايل)...اول حاجة بقول ليك ..كاميرتو كيف؟.

وهو اول ما ينظر للموبايل بنظر لكاميرا حقتو...ولو عاوز يشكر الموبايل بقول ليك ...والله فيه كاميرا (نضيفة نضاف)...اسكت خليها ساكت.

دحين نحن وانطلاقا من نفس الفهم ..بنقول الحاج عطا المنان ..كاميرتو نضيفة.

على الاقل هذا ما شعرنا به في الانطباع الاول ..ويبقى من تاني حق ان نختلف او نتفق معه.

ويمكن ان نذهب (تكنلوجيا) ابعد من ذلك ..ونقول رئيس الهلال الجديد (جلاكسي4).

كدا بالواضح ..نختصر ليكم الحكاية.

رغم ان هناك رسالات جديدة ظهرت في الجلاكسيات ..لكن تقريبا للناس ..واختصارا لهم نقول ليهم الحاج عطا المنان جلاكسي 4.

عشان نختزل القصة.

اقول ليكم رئيس الهلال الجديد ...رئيس بي سماعتو ..فيه (4) سماعات خارجية.

غير الذاكرة ال (32) قيقا.

طيب دا اوصلها ليكم كيف؟.

اشرح كيف؟.

الايامات دي طبعا البلد فيها ازمة (شرح).

البتقعد تشرح ليه ..كلو يقول ليك البلد فيها ازمة غاز.

انا ما عارف علاقة الشرح بالغاز شنو؟.

اعود الي الحوارات التى ظهر فيها امس رئيس الهلال في عدد من الفضائيات ..ونقول ان السياسة كانت واضحة في خطاب الحاج عطا المنان..لذلك كانت معظم اجاباته دبلوماسية.

لكن في مجمل الكلام وضح ان رئيس الهلال عنده الكثير الذي سوف يقدمه للهلال ..وواضح ان رئيس الهلال من اعضاء المجلس سوف يكون عندهم كلام تاني.

اللجنة ورئيس الهلال ونائب رئيس الهلال كمان ..امتحانهم الحقيقي سوف يكون في التسجيلات التى سوف تبدأ غدا.

في التسجيلات سوف تضح اي شيء ...يا ابيض يا اسود.

لذلك على اللجنة ان تترك الان اي شيء ..وتنصرف كليا نحو التسجيلات.

(20) يوم ما عاوزين منكم اي شيء غير التسجيلات.

اتفرغوا للموضوع دا ..عشان بعد التسجيلات الدرب سوف يكون سالكا لو نجحتم في التسجيلات.

اتفق مع الاخ الزميل محمد الجزولي ان ترشيحات اللاعبين الذين سوف يدخلون كشوفات الهلال ..تشريحات دون المستوى وغير مرضية ، واغلبها صادم .. وهي تشريحات مخيفة ..ويمكن ان تقود الهلال الي الوراء.

الهلال يحتاج الي اضافات قوية بعد ان تعرض (عضم) الهلال في السنوات الاخيرة لهزة كبيرة..افقدته الكثير من البطولات ، واثرت حتى في استقرار الفريق اداريا وفنيا.

حال الهلال يمكن لنا ان تعرفه من خلال المدرجات التى اضحت خالية وذلك لغياب اللاعب السوبر.

جمهور الهلال يعشق اللاعب الموهوب ..وصاحب الامكانيات الفنية الكبيرة ..وعندما يفتقد الهلال لمثل هذا اللاعب في التسجيلات فان ذلك ينعكس سلبا على مدرجات الهلال في الموسم الجديد.

الامين البرير نحسب له انه سجل لاعب من الوزن الثقيل ...بعد منافسة عنيفة وقوية مع المريخ ..و استطاع الامين البرير ان يكسب توقيع لاعب الامل عطبرة السابق نزار حامد ..وذلك بعد ان اصبح الهلال يفقد اي لاعب (سوبر) يدخل في صراع فيه مع المريخ.

نزار حامد كان اللاعب الوحيد الذي كسبه الهلال وهو النجم الاول فنيا واعلاميا في التسجيلات.

واظن لولا نزار حامد وانضامه للهلال لاصبح هناك فراغا فنيا كبير في الهلال.

ايضا يمكن القول ان تراوري وسيدي بيه كانا صاحبا امكانيات فنية كبيرة ..وقد ساعدا بشكل واضح في عودة الجماهير للمدرجات ..واستطاع سيدي بيه ان يعيد الفرحة والبهجة للهلال في المباريات الاخيرة بعد ان افتقدت جماهير الهلال ذلك منذ انتقال هيثم مصطفى الي المريخ.

هذا يثبت ان اللاعب الموهوب وصاحب الامكانيات الكبيرة يحظى باهتمام وسعادة كبيرة من جماهير الهلال.

والهلال يحتاج للاعبين اصحاب موهبة كبيرة في التسجيلات القادمة ..حتى تعود الجماهير ويرجع الهلال الي سيرته الاولى.

الاسماء المطروحة الان للدخول لكشوفات الهلال ..اسماء مخيفة ..وهي اسماء ادنى من ان تأتي من (لجنة شعبية) ناهيك عن لجنة سمي اعضاءها بالجنرلات.

اذا فشلت لجنة تسيير الهلال في التسجيلات التى سوف تبدأ غدا ..فانه سوف تكون اطلقت رصاصة الرحمة على الهلال والذي تنتظر جماهيره اضافات تعيد لهم الثقة والفرحة والبهجة.

نتفق مع الزميل محمد الجزولي ان الهلال اضاع مالك اسحق وباسيرو مطلقا السراح ..وذهبا للمريخ بالبارد.

ويمكن ان نعتبر ان السلطة والوزير تسببا في هذا الامر وهما يجعلان ذلك الفراغ الاداري في الهلال.

ولولا الضغط الاعلامي والجماهيري كان يمكن ان نفقد كاريكا ومساوي وخليفة ومحمد عبدالرحمن وسيدي بيه.

لكن الضغط الهلالي والانسحاب من بطولة كأس السودان ..جعل الوزير يتدارك الوضع ويعلن عن اسماء لجنة تسيير الهلال.

على لجنة التسيير ان تلحق نفسها ..وان لا تستسلم للتوجيهات الاعلامية في خطة التسجيلات ..لأن كل الاسماء التى طرحتها الصحف الرياضة وفرضتها اسماء لا جدوى منها.

حتى اللاعب وليد علاءالدين هو لاعب ضعيف البنية ..ويحتاج الي الكثير حتى يمكن للهلال الاستفادة منه افريقيا.

ويمكن القول ان موهبة وليد علاءالدين وصغر سنه يغفر له للدخول لكشوفات الهلال.

لكن لا يعقل ان يكون كل الذين سوف يدخلوا كشوفات الهلال اصحاب بنية جسمانية ضعيفة.

اللاعب اسماعيل صديق لاعب الخرطوم الوطني لاعب جيد ..ليس في ذلك شك ..لكن بنيته ضعيفة ..وافضل منه في الموهبة والبنية والخبرة لاعب اهلي شندي فارس عبدالله.

على لجنة تسيير الهلال ألا تذهب للحلول الاسهل...مطلوب منها ان تأتي لنا بلاعبين كبار وان كلفهم ذلك الكثير من المشقة والاموال والجهد.

عبدالرحمن حمدي حارس بري ..لا مقارنة بينه وبين عبدالرحمن الدعيع (مطلق السراح).

ولا يعقل اذا خيرت اللجنة بين عبدالرحمن وعبدالرحمن ..ان تختار عبدالرحمن بري لأن اللاعب لا يكلف اللجنة كثيرا.

عبدالرحمن حمدي ..بهاءالدين عبدالله افضل منه ..على الاقل الاخير يمتلك خبرة كبيرة...وهو ليس كبيرا في السن.

نذكر ان مالك اسحق وباسيرو كلاهما يتمتع بقوام رياضي قوي ..ويمتلكا خبرة عريضة مع الاهلي شندي في المنافسات المحلية والافريقية.

عليه نرجو ان تتدارك لجنة تسيير الهلال الوضع مبكرا ..وان يلحقوا انفسهم سريعا ..فكل هذه الاسماء المرشحة الان للدخول لكشوفات الهلال اسماء غير مقنعة.

واظن اننا لو طلعنا من موسم التسجيلات بهذا (الحمص) فان الاحباط سوف يكون كبيرا.

كما ان جماهير الهلال لن تصبر على اللجنة في الموسم الجديد ..وان صبر عليها الاعلام الهلالي.

ما يحدث في التسجيلات الان ..جعلنا ارجع الي ما حدث مرة في فريق المريخ ...عندما كان المريخ يديره مجلس (حكومي).

ناس المريخ طبعا كان عندهم مشكلة في (صناعة اللعب).

مرة جابوا ليهم صانع العاب من بلغاريا ..قالوا لينا اسمو (مشاوي).

اتذكر ناس المريخ ..قالوا لينا وقتها (مشاوي) البلغاري دا ..كورتو زي هيثم مصطفى.

زولكم طلع ما عندو اي علاقة بي هيثم مصطفى.

بس كان بلبس تمانية.

المريخاب ...(صانع الالعاب) دا ..قدر ما فتشوا ليه ..ما لقوا ليهم صانع العاب زي هيثم مصطفى.

في بحثهم عن صانع العاب ...المريخاب وصلوا حتى تونس ..وجابوا من تونس عبدالكريم النفطي.

النفطي كورتو الفى رأسو ..طارت وقت جاء ليلعب في المريخ.

المريخاب ديل قالوا ليك الحكومة وقت يكون عندها اجتماع عشان تناقش فيه ازمة البلد ...هم بعتبروا ازمة البلد الحقيقة انو ما فيها (صانع العاب).

ناس نورالدين عنتر ..وفيصل موسي ...جابوهم عشان يصنعوا اللعب ..ما صنعوا اي شيء.

الواحد فيهم كان بالغ كدا بصنع ليه (كباية ليمون).

قالوا ليك الحكومة مرة كان عندها اجتماع مغلق.

اي واحد قال المشكلة شنو من حسب وجهة نظرو.

واحد قال المشكلة ...البلد دي ما فيها (زراعة)...الناس خلوا الزراعة وقعدوا يتابعوا لي في (ملكة جانسي).

واحد قال المشكلة... البلد دي ما فيها (احزاب).

وواحد قال ما فيها (سكر).

واحد قال ما فيها شعب.

واحد من ناس المريخ قام ..وقال والله البلد دي مشكلتها واضحة ..اي مساعد مدرب بعرفها.

الجماعة قالوا ليه : اها مشكلة البلد دي شنو؟.

المريخابي قال ليهم مشكلة البلد دي ما فيها (صناع لعب).

عشان كدا الحكومة فتحت باب استيراد غيار صناع اللعب.

فتحوا ليهم باب (التجنيس)..وعاروا ليك فيه.

لكن حتى (التجنيس) لم يحل مشكلة المريخ في ازمة (صناعة اللعب).

عشان كدا في واحد مفتح من المريخاب ديل قال ليهم ..انتوا ما عندكم حل...إلا تنتظروا (17) سنة ..عشان الهلال يشطب ليكم هيثم مصطفى ..وتجيبوه يلعب معاكم في المريخ.

دا الحل الوحيد.

ملحوظة : عليكم الله هسع دا حل.

هوامش

من الاشياء التى تحمد للامين البرير انه كان يشترط ان يكون اللاعب صغير في السن..وصاحب بنية جسمانية جيدة.

طبعا الشرط الاول ان يكون (موهوب).

نادر الطيب وعنكبة وصلاح الجزولى من المهاجمين الجيدين في الساحة ..اذا اراد الهلال مهاجما يجب ان يكون من بين هذه الاسماء.

محمد كوكو وكول ايضا تميزا بشكل واضح في دوري هذا العام ..ومع المنتخب الوطني.

والهلال لو اضاف الي كشوفاته كول لاعب اهلي مدني ما بطال ..خاصة ان اللاعب صاحب حركة جيدة في الملعب.

فارس عبدالله اولا ثم اسماعيل صديق اذا اراد الهلال طرف شمال جيد.

الهلال عليه ان لا يقفل باب التفاوض مع مالك اسحق وباسيرو وان يقدما لهما عرضا كبيرا افضل من العرض الذي قدمه المريخ.

تراوري يتفوق على سادومبا في انه لاعب صغير السن.

سادومبا عمره تجاوز ال (32) سنة.

رئيس الهلال عنده دبلوماسية شديدة ..ونائب رئيس الهلال اللواء عبدالله البشير كان اكثر منه صراحة ..وقوة في التصريحات.

غير ان الدبلوماسية مطلوبة في الرئيس والحماس مطلوب في نائب الرئيس.

الحمدلله ان رئيس لجنة التسجيلات نائب الرئيس.

والتسجيلات ما عاوزة اي دبلوماسية.

اقول ليكم حاجة ..اتفاقية الجنتلمان ذاتها ما عاوزنها.

سجلوا من طرف ساكت.

ناس طارق ديل ما بنفع معاهم اتفاقية ولا حاجة.

المريخاب طاردوا كاريكا لمن فتروا ..وجوا الان يتحدثوا عن اتفاقية الجنتلمان.

اتفاقية الجنتلمان ..كدا خلوها بعد التسجيلات.

ابراهومة لاعب شباب المريخ ..لاعب جيد ..وممتاز ..يا صعدوه ..يا ابعدوا لينا منو.

نحن اي لاعب صغير في السن ..بنقول ليه حبابك في الهلال.

اذا ذهب مالك وباسيرو الي المريخ ..لا بد ان يأتي الدعيع وفارس ونادر الطيب للهلال.

مفاوضة الاهلي شندي يجب ان تكون من الان ..قبل ان يسد الباب عليكم.

لجنة التسيير عليها ان تركز في التسجيلات.

اي موضوع تاني ..خلوه بعد التسجيلات.

فترة التسجيلات كلها (20) يوم.

.....

عاجل : ناس المريخ ديل ..مالهم بقوا يرجفوا كدا من (لجنة التسيير).

انقر هنا لقراءة الخبر من مصدره.