الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي    الجمعية السودانية لعلوم الفلك والفضاء: 18 فبراير أول أيام شهر رمضان    مهارات يامال تعجز مبابي ونجم مانشستر سيتي    كباشي .. القوات المسلحة ماضية بعزم لا يلين في ملاحقة ما تبقى من "بقايا المليشيا المتمردة" والقضاء عليها    عارفين ليه ياهلالاب!!    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها)    الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة»    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الطب الشرعي الرقمي صائد جديد لمجرمي الإنترنت والذكاء الاصطناعي    ترامب ينشر فيديو مسيئًا لأوباما وزوجته ثم يحذفه    دواء جديد يعيد ضبط الساعة البيولوجية ويقلل اضطراب السفر    ابتكار بخاخ أنفى يساعد على الوقاية من الإصابة بالأنفلونزا    السفارة في العمارة    ذكرى رحيله.. قصة حب نور الدمرداش وكريمة مختار وزواجهما    الهلال يتلقى أول خسارة بدوري المجموعات أمام مولودية الجزائري    أبل تفتح CarPlay أمام تطبيقات الذكاء الاصطناعي الصوتية    8 علامات تنذر بمشكلات في الأمعاء لا ينبغي تجاهلها    بمشاركة واسعة بالخرطوم... الاتحاد السوداني للتربية البدنية يناقش معوقات المعلمين والبروف أحمد آدم يؤكد دعم تطوير المنهج والتدريب    السودان يرحّب بالقرار 1591    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    أحمد عزمى.. "الجوكر" الذى خلع عباءة الأدوار الثانوية ليبرع فى الشخصيات المركبة    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مفاجأة الهلال عاجي يجيّد (7) لغات امام المرمى
قوون نشر في قوون يوم 05 - 06 - 2013


مكسيم محترف اشاد به هيثم مصطفى وفيصل العجب


المحترفون ديل زي (البطيخ)...شختك بختك بس.

والبطيخة ممكن تطلع (حلوة)...وممكن تطلع (مرة).

والمر في المحترفين اكتر.

اقصد في (المريخ) اكتر.

البطيخة اصلو ما عندها (نظرية) يمكن تعرف بيها سرها حلو وإلا مر؟.

بغض النظر عن حجمها وسعرها.

انت وحظك.

يعني ممكن تجيب ليك (محترف) ما فيه اي كلمة زي (وارغو)...ويطلع اي كلام.

تشرب ما تروى.

يقعد ليك تلات سنوات في الكشوفات ...(كورنر) زي الناس ما يرفعو ليك.

واول الشهر يقول عاوز المرتب.

يلعب ما يلعب ما فارقة معاه.

وارغو قال لما رجع من السودان الي نيجيريا اهلو في نيجيريا قالوا ليه كورة (بلة جابر) دي ما بتلعبك معانا.

المسكين بقى زي (بلة جابر).

تذكروا وقت المريخ سجل وارغو ...قالوا شنو؟.

قالوا المريخ ح يكون بوابة وارغو الي اوروبا ...وجمال الوالي قال في المؤتمر الصحفي..نحن جبنا (وارغو) دا عشان نستثمر فيه.

ونحن نشيل ونصدق.

دفعوا فيه (3) مليون دولار ....يعني مهرجان جمال الوالي دا في تلاتة.

قارورة موية ما استثمروها فيه.

وارغو دا المريخاب نفخو فيه نفخ.

الولد صغير في السن ..قرب يطق.

اعلام المريخ طبعا في التسجيلات اي واحد فيهم بركب ليه (بابور) طاحونة في ضهرو..ويقعدوا ينفخوا في اللاعب.

وارغو دا نفخوه ليك لمن بقى (ميسي)...يمشى ويترفع في الواطة تقول العمدة.

انت يا زول عندك (اطيان) معانا.

انت يا زول البلد دي عندك فيها نص.

في النهاية وارغو رجع (نيجيريا).

الكورنر بقى يرفعها في (الكشافات).

اهلو يقولوا ليه : دا شنو يا وارغو البتعمل فيه دا مالها كورتك بقت تمشى الكشافات؟.

يقول ليهم (موسى الزومة) برفع الكورة كدا.

ما كنت كدا يا وارغو.

خربتو (طبعو).

الكورة الفى رأسو طارت منو.

وارغو بقي لو ادوه (املاء) في الكورة يجيب (اعد).

بقى ما عندو اي شيء.

وارغو في نيجيريا ...قالوا من الساعة تلاتة بطلع (كنبتو) قدام البيت ويقعد فيها.

صاحبكم اتعود على قعاد (الكنبة).

وكمان قالوا وارغو من تمغرب بقوم من (الكنبة) يسخن ...زي ما كان بقوم هنا يسخن في اخر (5) دقائق.

وارغو كان بقوم مع (الحكم الرابع)..وقت يرفع الزمن البدل الضائع.

مسكين جابوه بي كورتو ..رجعوه (فشل في الارسال)...كورة ما بقدر يرفعها.

قطع عديل كدا.

والله (الكنبة) دي لو قعد فيها (رونالدو) تفك منو ...ويبقى زي محترف المريخ البورندي سليمانو.

بعدين ناس موسى وبلة وضفر وسعيد السعودي الكورة الفي رأسك بطيروها منك.

بجففوها.

بعملوا ليها (نضب).

تبقى (ناضبة) خلاص.

وارغو بقى ما عندو حاجة.

عامل كدا زي الزول البيقيف قدام الفرن.

قبل ما تدخل يقول ليك ما في (رغيف).

زول فقري.

عشان كدا المحترفين ديل اصلهم ما مضمونين.

اوعكم تتكلوا على (المحترفين) ديل.

الوطني ما في احسن منو.

الثابت هو الثابت.

المحترفون زي (البطيخ).

البطيخ الايامات دي طار السماء ...هو ذاتو بقى زي (المحترف).

البطيخة ب (40) جنيه.

دي بطيخة شنو دي؟.

وبعد ما تدفع الاربعين جنيه بتنتظر (الكرت).

يمكن تطلع حلوة ويمكن تطلع مرة.

مرة مشيت اشترى لي بطيخة.

عزلت لي بطيخة معقولة كدا.

قلت ليه دي بي كم؟.

قال لي : (50) جنيه.

قلت ليه : طيب وينها سيرتها الذاتية اكيد البطيخة دي كانت مزروعة في النشاط بتاع (اكسفورد).

يا حاج دي (بطيخة) وإلا (صرفة) البي (50) جنيه دي.

صاحب البطيخ ما قدر يقول لي اي حاجة قال لي خلاص شيلها بي (20) جنيه.

قلت ليه من (50) لي (20)...دي (بطيخة) وإلا (سلفية).

طبعا الزول لمن تقول ليه سلفني (50) جنيه بقول ليك معاي (20) جنيه بس.

نخلى البطيخ نرجع للمحترفين.

ممكن تجيب ليك (محترف) بدون اي ضجة وضوضاء ..وينجح ليك زي (قودوين).

قودوين دا قالوا جاء البلد دي بتاع تلفونات.

قام مشت معاه قلب كورة.

هسع سليمانو دا ..جابو البلد دي (الدهب).

ناس عصام الحاج قالوا جابوه من (قبقبة).

لو ما مصدقين كلامي دي شوفو كرتو بتلقوه مرسل من اتحاد (قبقبة) للدهب.

ما شفتوا (سليمانو) دا المباراة كلها يقوم ويقع.

وقت يقع ...بحفر في الواطة.

بفتش في الدهب.

نحن الحاجات دي بنعرفها.

الحاجات دي حافظنها كويس.

نحن (شفوت).

بعدين يا جماعة الموضوع بالمنطق كدا واضح.

ايام (التقشف) ايام عصام الحاج ..محترفو المريخ ديل كلهم كانوا بمشوا الدهب (خميس وجمعة).

بس يا جماعة عشان ما تحرجونا مع ناس الضرائب (الكلام دا ما يطلع من العمود دا).

تطيروا في عيونكم كدا ...زي (المروحة) المفتوحة في خمسة.

بعد عودة فريق المريخ من معسكر تونس ..كنت قد التقيت باللاعب هيثم مصطفى ..وسألته عن المحترف المميز في المريخ الان فاشار الي الكمروني (مكسيم).

هيثم قال (مكسيم).

هيثم مصطفى عاد وقال يبدو ان مكسيم يشكي من (اصابة) ..لذلك لم يظهر بمستواه الحقيقي...لكن (فنيا) يمتلك هذا اللاعب امكانيات كبيرة.

هيثم مصطفى طبعا نظرتو خطيرة في اللاعبين ...بعرف ليك اللاعب من مشيتو.

فيصل العجب سألته قبل ايام قليلة ايضا عن المحترف الجيد في المريخ فقال من غير تردد (مكسيم).

واضاف (مكسيم) دا ممكن يهبل المهاجم ...بثبت وبراوغ وبطلع صاح.

وعاد العجب وذكر نفس ملاحظة هيثم مصطفى ..وقال يبدو ان (مكسيم) جاء للمريخ وهو بشكي من (اصابة) لذلك لم يظهر بمستواه الحقيقي.

لكن الان واضح انه اتعالج من الاصابة ..وعاد يتألق وقد ظهر مكسيم بمستوى مدهش امام الاهلي المصري.

انا لا ارد عدم ظهور (مكسيم) لاصاباته وانما ارجع ذلك للمدرب (الكوكي) الذي حكم علي مكسيم في مرحلة الاعداد ...واصدر ضده حكم جائر وظالم وصدر انطباعه للاعلام والجمهور.

بينما كانت رؤية هيثم مصطفى وفيصل العجب ابعد من رؤية الكوكي.

الكوكي نهى مكسيم بتصريحه.

واعلام الهلال ما برحم.

فكيف الحال اذن اذا وجدوا تصريح من مدرب المريخ الكوكي يقول فيه ان (مكسيم) خارج حساباته.

انت يا الكوكي عندك (حسابات).

حساباتك كلها (فشنك).

تاميها (صلعة) ساكت.

الكوكي هذا هو الذي نهى (مكسيم)...وواضح ان هناك اكثر من لاعب في المريخ قضى عليه الكوكي.

من بين اولئك اللاعبين ...اللاعب نجم الدين عبدالله الذي تعامل معه المريخ بصورة فظة وكان غليظا معه.

وكل ذلك ..لأن نجم الدين عنده رأي في الكوكي.

علما ان كل لاعبي المريخ عندهم رأي في (الكوكي).

بل حتى اعلام المريخ ...وجماهيره عندهم رأي في (الكوكي).

لكن (التقشف)...ولا شيء غيره هو الذي يبقى (الكوكي) في المريخ الان.

صلاح ادريس يحسب له انه كشف (الكوكي) صاحب الشخصية الضعيفة جدا ...والقدرات المحدودة.

ويمكن ان نعود يوما ونذكر آراء بعض لاعبي المريخ في هذا المدرب الذي يصرف راتبا اقل من راتب (كلتشي).

اراهن منذ الان ان (الكوكي) سوف يجعل المريخ يخرج من كل البطولات هذا العام وصيفا.

ومع ان المريخ الان يتصدر الممتاز بفارق (5) نقاط من الهلال إلا ان المريخ سوف يأتي ان شاءالله ويخسر الممتاز بسبب هذا المدرب المتواضع.

الي جانب تواضع الكوكي ...فهو غير محبوب من لاعبي المريخ وليس له كلمة وسط لاعبي المريخ.

الكوكي هذا اضاع على المريخ المحترف الجيد (مكسيم)..واضاع كذلك اللاعب الوطني (نجم الدين)...ويمكن ان يفقد المريخ اكثر من لاعب في الفترة القادمة في وجود الكوكي.

الامين البرير عنده رأي واضح في اي لاعب قادم من المريخ ...ولولا ذلك لطالبنا ضم (مكسيم) لكشوفات الهلال.

لكن البرير لو شطبتوا ليه (الباشا) لن يسجله في الهلال.

على ما يبدو ان البرير غير مقتنع بي اي لاعب في المريخ.

وليس هناك لاعب في المريخ ...يمكن ان يملأ عين الامين البرير الذي يرسم ويخطط لبناء هلال قوى قادر على ان ينتفع منه الفريق لسنوات طويلة.

البرير في حضرة الاستاذ رمضان احمد السيد بدأ يعلن عن محترف الهلال القادم.

والذي سوف يصل في فترة اقصاها (48) ساعة ...وهو محترف عاجي الجنسية.

مفاجأة الهلال تسعة تلات سينات.

قالوا ليك مهاجم الهلال الجديد بجيّد (7) لغات قدام المرمى يعني ما بتلفت.

الكورة التصلو قون طوالي.

ما بسميها.

اتخيلوا الحكاية دي تراوري وكاريكا والعاجي وسيدي بيه ونزار ومهند الطاهر.

تاني في زول عاقل كدا ..بيقف قدام الهلال.

غايتو إلا زول (قنعان) من نفسو.

ما في زول بجازف.

تفاصيل اوفى لاحقا.

يعني قائمة المحترفين في الهلال سوف تكون مشكلة ومن دولة مختلفة.

تراوري من مالي مع سيدي بيه ...سنكارا بوركيني ...المامي سنغالي...ومهاجم من ساحل العاج ...اضافة الي اتر توماس من جنوب السودان.

واظن ان هذه التوليفة سوف تعطي الهلال قوة ولن تكون هناك (كتلة) في الهلال من دولة واحدة كما كان في عهد المدرب الفرنسي غارزيتو.

ننتظر ان تكتمل تسجيلات الهلال بالمهاجم العاجي والمدافع الطائر علي النور والاصيل اتير توماس ..مع اضافات جديدة في الفريق الرديف.

ثم نتمنى ان يكمل مجلس الهلال انجازاته في التسجيل بالتعاقد مع مدرب اجنبي كبير.

وبعد كدا اسألوني (من الغلاف للغلاف).

ملحوظة : بس يا البرير اعملوا حسابكم من (السيستم).

هوامش

ما قصة التمرد الذي كان في معسكر المريخ قبل مهرجان الوالي.

الوالي زعلان ..تمرد في مهرجانو.

عشان كدا اي زول اتمرد نوى عليه.

رفضوا العجب.

وشطبوا نجم الدين عبدالله.

وببحثوا عن (اعارة) سعيد السعودي.

وانذروا بلة جابر.

وقبل ذلك ...كانوا قد طفشوا بدرالدين قلق.

الجماعة ديل فتفتوا (روح) المريخ.

روح المريخ الان اضحت (غريبة).

ان شاءالله الباشا يتم الناقصة ..ويمشي ليبيا.

فلاحتكم في العجب وبلة جابر ونجم الدين.

هسع عصام الحضري دا اي حاجة في رأسو ما قاعد يعملها.

فيكم (لورد) واحد كدا منكم قادر يقول ليه حاجة.

تشتطروا بس على بلة جابر.

والله بلة جابر ما خاطي عليكم ان جاب فيكم هدف عكسي.

المريخ انتهى.

والناس ح تشوف ذلك بعد ذهاب المجموعة التى كانت تمثل روح المريخ.

العجب دا كان عامل حلقة الوصل بين كل اللاعبين في المريخ.

والمريخ سوف ينشكف بعد فيصل العجب.

معقولة المريخ كلو بقى اجانب ومن الهلال.

شفتوا البرير دا عندو عزة نفس كيف.

قال ولا لاعب من المريخ.

كلهم ما مقتنع بيهم.

هسع لو دا عصام الحاج ...كان يشيل ويسجل.

الخلعة كعبة.

والزول لمن عينو تكون مليانة ما في زيو.

ونحن.

ونحن.

ونحن اي حاجة عندنا بي نظام.

المحترف العاجي دا عاوز ليه من الغلاف للغلاف.

بس اصبروا انتوا.

(والعجب) لو كروجر جاء.

تكون الناقصة تمت.

الامين العام للجنة التسيير (الما عارف اسمو دا ) شغال تصريحات.

ما افتح لي موقع.

إلا والقى ليك قاعد يصرح.

يا جماعة الزول دا سكتوه شوية.

كلامو كتير.

يا ربي هو ما عارف باقي ليه شهرين ونص.

يعني بالواضح كدا.

طوبة ما شفناها في (المول).

والنادي الاسري.

والمدينة الرياضية.

وتحويل المريخ الي شركة مساهمة.

تتكلموا ساكت.

ما شفنا حاجة.

ديل التسجيلات من الفلسة اتجهوا الي تصعيد لاعبين من الشباب.

اها يا جماعة في فلسة اكتر من كدا.

قال مول قال.

ونادي اسري كمان.

ومدينة رياضية.

يا الحضري ...لو رجعت تعال بي (جردلك)...اللوردات ديل شكلهم كدا ما عندهم ليك (حوض سباحة).

عاجل : والله (كضبكم) دا اخير منو (تقشف) عصام الحاج.

انقر هنا لقراءة الخبر من مصدره.