سودارس : قصص بفرز الوان

لدى مخاطبته حفل تكريم رجل الاعمال شكينيبة بادي يشيد بجامعة النيل الازرق في دعم الاستقرار شغل مؤسس عثمان ميرغني يكتب: لا وقت للدموع.. السودان..وزير يرحب بمبادرة لحزب شهير الهلال السوداني يلاحق مقلدي شعاره قانونيًا في مصر: تحذير رسمي للمصانع ونقاط البيع "ناسا" تخطط لبناء مفاعل نووي على سطح القمر تيك توك يحذف 16.5 مليون فيديو في 5 دول عربية خلال 3 أشهر ريال مدريد الجديد.. من الغالاكتيكوس إلى أصغر قائمة في القرن ال 21 الناطق الرسمي باسم قوات الشرطة يكشف عن إحصائيات بلاغات المواطنين على منصة البلاغ الالكتروني والمدونة باقسام الشرطةالجنائية وفد المعابر يقف على مواعين النقل النهري والميناء الجاف والجمارك بكوستي وزيرا الداخلية والعدل: معالجة قضايا المنتظرين قيد التحرى والمنتظرين قيد المحاكمة صقور الجديان في الشان مشوار صعب وأمل كبير الشان لا ترحم الأخطاء والي الخرطوم يدشن أعمال إعادة تأهيل مقار واجهزة الإدارة العامة للدفاع المدني الإسبان يستعينون ب"الأقزام السبعة" للانتقام من يامال تكية الفاشر تواصل تقديم خدماتها الإنسانية للنازحين بمراكز الايواء السودان.."الشبكة المتخصّصة" في قبضة السلطات ريال مدريد لفينيسيوس: سنتخلى عنك مثل راموس.. والبرازيلي يرضخ مقتل 68 مهاجرا أفريقيا وفقدان العشرات إثر غرق قارب السودان..إحباط محاولة خطيرة والقبض على 3 متهمين توّترات في إثيوبيا..ماذا يحدث؟ مسؤول سوداني يردّ على"شائعة" بشأن اتّفاقية سعودية إعلان خارطة الموسم الرياضي في السودان غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

قصص بفرز الوان

قوون نشر في قوون يوم 21 - 08 - 2011

قالوا ليك (باك) مشى يقلع (ضرسو) ، بعد ما سكت عليه تسع سنوات ما شكا منه .
نائم بيه نوم .
تسع سنوات ما قال ليه لى زول عندى وجع ضرس .
وقت الوجع دخل عليه وظهر حتى فى لعبو ، بقى فى كل مباراة يأخذ ليه كرت اصفر ، قال احسن اقلع (الضرس) دا وارتاح منه ، قبل ما يبقى لى سبب ويشطبنى من الفريق .
دخل على الدكتور ، وقال ليه يا دكتور عليك الله اقلع لى الضرس دا ,بقى لى زى حكم الراية البعمل نائم فى التسلل .
ى حكام كدا السنة كلها نائمين .
الواحد ما بحلى ليه النوم إلا فى المباراة .
زى مباريات (ريال مدريد) تكون منتظرها الاسبوع كلو ، فى اول خمس دقائق من بدايتها تشيلك نومة .
الغريبة (النوم) ما بجيك إلا مع ريال مدريد .
المهم الدكتور قال للباك يا ود الناس (ضرسك) دا ساكت عليه كيف ؟ .
الضرس ملتهب وحالتو صعبة وكان ممكن يعمل ليك تسمم وتروح فيها .
طبعاً الدكاترة عندهم (الحنك) ، الواحد لو مشى ليهم عندو (نزلة) عادية ، يطلعوا عندو سل وتايفود وفشل كلوى .
وما بعيد كمان يقولوا ليه اكشف لينا (النظر) واعمل لينا (ترسيب دم) لى ود خالتك, وطلع لينا رخصة العربية .
وجيب لينا شهادة بحث من اللجنة الشعبية .
عندنا واحد كان زى (الحصان) يجر التمساح من بحرو ، وشنبو تقيف فيه كتيبة كاملة ، مشى ليه لى دكتور عشان يزوره ساكت .
الدكتور لمَ فيه طلعو ليك عندو امراض المنطقة الساخنة كلها .
اى مرض فى الدنيا دى, طلع مصاب بيه.
شاف ليه قاموس امراض وقعد ينظر ليه ، امراض سمعنا بيها وامراض اول مرة نسمع بيها .
جنس امراض .
زولنا (اتوهم) ياجدعان ، ما بنوم الليل من الوهم .
بقى من دكتور لى دكتور ، و من ركشة لى ركشة .
فحوصات ساكت ,باع البيت .
وقت جا للاشعة باع عداد الكهرباء .
يعمل ليكم شنو ؟ .. يتقطع يعنى, زول بدين ليه زول, فى الزمن دا مافى .
صاحبنا الكان متل الجبل ، فى اسبوع بقى متل (الصفقة) ، الخفة كاتلاه .
خفة شنو؟ الغنماية بقت تاكل عشاه .
الله يقطع سنين (الوهم) .
تستاهل انت البوديك للدكاترة شنو ؟
الاسبوع التانى نشوف ليك (صيوان) قافل الشارع .
ومن تلقى ليك (صيوان) قافل الشارع اعرف طوالى انه فى هوا .
يا جماعة هنا فى شنو ؟
قالوا لينا صاحبكم مات .
عاد كيفن ما يموت وهو امراض الدنيا كلها عنده ؟.
المهم دكتور الاسنان بعد ما قال الموال البقوله لى اى زول ، جاب الحقنة بتاعة البنج ، وقال يطعن بيها (الباك) عشان يقلع بيها الضرس .
الباك صعب طبعاً ، قال ليه بنج شنو ؟ البنج دا اعملو لى زول تانى ، نحن ولدونا فى الدنيا دى (باكات) ، بناكلها حارة ، الضرس دا اقلعو ساكت وما تقيف ليك فى (بنج) .
يا ود الناس الموضوع دا صعب والبنج دا بنعملو لى اى زول .
يا زول كلامك دا ما تقولو لى ، البنج دا اعملو لى زول ما بيلعب (باك) .
الدكتور ما كضب قلع ليه الضرس بدون بنج .
الباك قام يتنفض زى التقول عاوز ينفذ ليه ضربة تماس .
نوع دا يلعبو معاه كيف ؟
المباراة الما بدوه فيها (كرت احمر) ، بيراجع مستواه ، والليل كله ما بنوم ، والباكات فى الحلة بيشيلو حالو .
الكرت الاصفر عندو متل كرت (القبول) ما بفوتو .
قالوا ليك (باك) جابو ليه ولد .
سمى ليه بعد عشر سنوات ، قال خليه (يترزع) فى الكنبة دى ، عشان يفهم حاجة .
نظام (الباك) عندو خبرة وكدا .
قالوا ليك باك (اتقدم) يطلب ليه ايد واحدة .
ابو البت قال ليه انت (متسلل) ، اصلو الاب كان (حكم راية) .
باك ... البخليك (تتقدم) شنو ؟ تستاهل .
باك دخلو ليه (كراعو) فى الجبص .
اليوم التانى لقوه فى التمرين ... اصلو عندو (دستة كرعين) ما فارقة معاه لو دخلو واحدة فى الجبص .
باك (مرزوع) فى الكنبة خمس سنوات .
(عتت) فى الكنبة عتيت .
الكنبة دى يغيرو فيها مدرب , مدرب, وهو قاعد .
المدرب البحن عليه ، بقول ليه سخن .
يسخن ويقعدو تانى فى الكنبة .
اها مرة فى مدرب بتاع مجازفات ، قال يغامر شوية ويدخلو فى المباراة .
ساعة قال ليه قوم ، المساطب الشعبية دى كلها قامت ، قالت المدرب المجنون دا عاوز يعمل شنو ؟
الحكم اداه اشارة الدخول ، صاحبنا ما كضب ، ودخل الملعب بى كنبتو .
الاستاد دا كلو وقف .
الحكم صفر ، دخَّل الكنبة وطردو هو .
نوع دا يقولوا عليه شنو ؟
انا احترت .
ملحوظة : يا باكات العالم اتحدوا .
هوامش
لسه بيناتنا المسافة
والعيون ... واللهفة والخوف والسكوت
ورنة الحزن البخافها
تعدى بى الفرحة تفوت
وامشى بالحسرة واموت
زماناً طويلاً كانت كل الخطابات المرسلة تصل بهذه الافتتاحية ، كأن صلاح حاج سعيد إختارها قدراً لكل (الرسائل) التى تصل الى القرى فى اخر اليوم ، والطيور تعود الى مساكنها وهى بطان .
زماناً طويلاً تداولنا هذا النص فى لغتنا الخطابية ، عندما كانت (المسافات) لا تقطع بالجوال السيار ولا يتحايل عليها بالرؤية الهاتفية .
وكان (السكوت) اجبارى .
ابدع صلاح حاج سعيد عندما وضع (المسافة) عارض وحاجز تبقى بين القلبين والعيون التى تمنعها السكة من حق التواصل .
دع صلاح حاج سعيد والمسافة التى تبقى بيننا وانظروا الى (احمد مطر) فى هذه اللافتة :
صباح هذا اليوم
ايقظنى منبه الساعة
وقال لى : يا ابن العرب
قد حان وقت النوم
لافتة كان يحملها طلاب الجامعات عندما كان عطاءهم يخلص فى اركان النقاش الى هذا المقطع .
كان الاحساس وقتها يملأ المكان ويجبره على الاستيقاظ رغم دعوة المنبه الى (النوم) .
جميل هذا من مطر الذى حول نشاط المنبه من داعى الى الاستيقاظ الى داعى للنوم .
اذكره وهو يقفز بسنواته المتعجلة الى (شباب) يفرض عليه الكثير من الوقار ، ويضع عليه (هيبة) الشيوخ .
اتذكره وهو مهموم بهموم الغير ، وشائل فى خاطرو ، انه ما يجرح ليه زول.
الشباب فى ذلك الوقت شئ من (المستحيلات) ، فكل شيوخ الحلة يحكون عن (الشباب) على انه كان حلما مر سريعاً.
كانوا جميعا يقولون بصوت ، تعمدوا ان يتركوا (خطه) فى الحيط والجدران ، واغلفة الدفاتر القديمة (ألا ليت الشباب يعود يوما فاخبره بما فعل المشيب) .
عندما بلغ هو مرحلة (الشباب) ، كان يبدو ان (الشباب) يحتفل به ويختال ، وهو يراقب منه ذلك ، فى استمتاع يتعمد اغفاله .
كثيراً جداً كان يقول لنا ، ونحن (الدهشة) تسيطر على كل حواسنا :
( لا تصالح ولو منحوك الذهب
أترى حين افقأ عينيك
ثم أثبت جوهرتين مكانهما .. هل ترى؟
هى اشياء لا تُشترى ) .
الكلمات لامل دنقل ، كان نتسارع بهذا (الاسم) ، ادعاءً لفهم النص ، وحقيقة الامر اننا لم نكن نتوقف عند (النص) ولا ندرى مقصده ، ولكننا كنا نتظاهر بالعكس .
نصدر بعض (الهمهمات) ، ونطلق لاسنانا العنان ، فتخرج ابتساماتنا شاردة ، ونحن نتصنع بها (الفهم) .
كثيرون يضحكون (للنكتة) التى لم يفهموها اكثر من ضحكهم (للنكتة) التى فهمومها.
احياناً يرهقنا قول المثقفين ، ويستفزنا ، تحس انهم يتكلمون بلغة ثانية ، غير هذه اللغة التى نتكلم بها ونكتب .
لكن مع ذلك لا تستطيع ان تنكر اعجابك بنصوصهم ، وهم من ذلك (الاعجاب) يصنعون قدرتهم على الادهاش .
كان يقول لنا قول (عدنان الصائغ) :
نسيتُ نفسى على طاولة
مكتبى
ومضيت
وحين فتحتُ خطوتى فى
الطريق
اكتشفت أننى لا شئ غير
ظل لنص
اراه يمشى أمامى بمشقة
ويصافح الناس كأنه أنا
كان ابهى ما يكون عندما يحدثنا عن (مصطفى سيد احمد) ، وكان يمعن ان يقول له (مصطفى ود سيد احمد) ، ونحن كنا نشاركه (بالدهشة) التى تقرب من السقوط من (افواهنا) ، إلا اننا كنا نلحقها وهى على وشك ملامسة الارض .
مجنون بمصطفى وفرض علينا ان نكون اكثر جنونا منه بمصطفى سيد احمد .
يجلس فى (الحوش الكبير) ، ويعين على كل العيون (الفة) ، وينصب (باكاته) مراقبة لكل حركاتنا التى يصدرها قبل ان تصدر ، لنكون فى سكنة الاستماع لمصطفى .
رحل مصطفى وترك (القيود) تحاصرنا ألا نبدل مقاعده .
وكان يحدثنا عن عبدالعزيز العميرى بمثل (اللطف) وهو يمتلئ (هيبة) من بحر الذى يتحدث عنه .
الرائعون دائما يرحلون سريعا لكنهم يتركون ما ينوب عنهم ويشكل حضورهم وإن غابوا جسداً .
عاجل : الليلة ما عاوزين كورة.

انقر هنا لقراءة الخبر من مصدره.