سودارس : مباراة بايرن ميونخ و(نقط نقط )

في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي مسيرة جماهيرية بسنار احتفاءً بانتصارات القوات المسلحة بمحاور القتال في كردفان "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ كاكا قال لدوائر فرنسية إنه يتوقع إنهياراً وشيكاً لقوات التمرد السريع تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة تحديث ذكي جديد ل"واتساب" في آيفون لو ليك فى الرومانسى.. لا تفوت هذه المسلسلات فى دراما رمضان 2026 نائب البرهان يفجّرها بشأن حل مجلس السيادة واتّهام قادة كبار في جوبا اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج عقوبة مالية على الإتحاد وإيقاف عضو الجهاز الفني لنادي المريخ قرارًا جديدًا لوزير التعليم العالي في السودان والي النيل الأبيض يشيد بالليلة الثقافية الأولى لهلال كوستي الجيش يفشل هجومًا عنيفًا لميليشيا الدعم السريع (ده ماهلالك ياهلال؟؟) مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة ذكرى رحيله.. قصة حب نور الدمرداش وكريمة مختار وزواجهما الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مباراة بايرن ميونخ و(نقط نقط )

قوون نشر في قوون يوم 30 - 12 - 2013

زمان نحن في شندي نتراسم فرحة - فرحة ونتقاسم الضحكة ...وشندي مدينة شوارعها زي البيوت ..فيها نفس الالفة ..والمودة ..والعشرة والملاح.

تلقانا حايمين في الشوارع متل (حوض الجرجير)...حايمين بالفرح كلو..نتقاسم مع الناس عشم باكر.

اول حوض الجرجير بحوم.

والله البلد دي أي حاجة فيها بتحوم ..ما في حاجة قاعدة في الواطة.

ننزل من قطر لي قطر.

محطة شندي ذاتها زي (المسرح)..كانت مسرح كبير فيها الناظر والركاب والقطر والرصيف والطعمية.

الطعمية في شندي مركبة ماكينة (لحمة).

ما بتتلحق.

الوقت داك ما كان في حاجة اسمها (رفع الدعم عن المحروقات)...ولا بنعرف حاجات زي دي..ولا حصل سمعنا بيها.

رفع الدعم عن المحروقات كانت عندنا زي (الغول)...حاجة لا وجود لها.

ولا بحكوا لينا بيها.

ما تعاينوا لي كدا ..الكلام دا ما كان بعيد.

تعاينوا زي الشنط في السير.

اول (الشنط) بتعاين.

لا فى رفع دعم عن المحروقات ...ولا في (واتس آب)...عشان ما تفتكروا عندي قصد.

الواتسآب دا فيه حاجة.

زمان كان مافي.

عندنا واحد (قاطعو من رأسي دي) ..قاعد يقح ...الدقيقة والتانية يقح..عاوز يموت بس.

قلت ليه مالك عامل كدا زي المشترك في خدمة (الواتسآب)..الدقيقة والتانية يجيك جرس رسالة...(دي القحة يعني).

زولكم طوالي الله افتكرو.

راح فيها.

ما يروح أن راح ..انتوا قايلنو صغيّر..عمرو فوق التمانين.

عشان كدا طقيتو ليكم (شبه).

الحرفنة برضو سمحة.

خليك حريف.

شندي كانت انضر واجمل واحلى مدينة على وجه الارض...الناس فيها لابسين (الشالات) زي يوم العيد العصر.

كنا نضرب فول عند ابوالزيك ..(احد اقباط شندي)...ونمشي نتمها (باسطة) في كشك حامد.

شفتوا التسامح الديني دا كيف؟.

ما في أي مشكلة.

أي حاجة ظابطة.

وبعد كدا نمشي على نادي السكة الحديد ...نحضر المسلسل...ونتقسم بعد كدا على (الحفلات).

شلالات من الفرح ...والانس الجميل.

الحفلة الكاربة وين؟.

في مربع 16.

البلد كلها تلقاها في مربع 16.

ما في زول بعزم ليه زول ...ولا كان في حاجة اسمها كروت دعوة ..أو رسالة اخطار.

الناس جت بتمشي الحفلة ..المعزوم والما معزوم (المشكلة شنو يعني؟).

كنا شفوت...الوقت داك ...الحاجة البنكون عاوزين ندسها ..بنقول عنها (نقط نقط).

يعني ممكن صاحبك يلاقيك ويقول ليك : اسمع الليلة قابلت (نقط نقط).

طوالي انت بتفهم (نقط نقط) دي منو؟. ..لا بالله ..اصلو ما معقول ..قابلتها وين عليك الله؟...والله انت زول محظوظ في عمرك دا.

الزولة دي لي منها شهر ونص ما شفتها.

طبعاً انتوا عاوزين تعرفوا (نقط نقط) دي منو؟.

أو ممكن واحد يقول ليك ...ناس (نقط نقط) عندهم حفلة ..جايبين ليهم فنان من الخرطوم.

انت طوالي بتفهم ..وبتعرف الحفلة دي حقت منو؟.

الموضوع من يكون فيه (نقط نقط)...اعرفوه بكون موضوع خطير ..وممتع.

الحاجات البدسوها اصلاً بكون فيها اثارة اكبر ...والناس ذاتها بتشوق ليها ..وبتكون عاوزة تعرفها.

لمن يكون معاك (هوا) ..بتقول لي صاحبك ..اسمع بعدين صلّح (نقط نقط)..وبجي عليك.

تمشي ليه تلقاه صلح ال (نقط نقط).

النقط نقط هنا يا جماعة (الفول)...عشان تفكيركم ما يمشي لي بعيد...لكن (الفول) ذاتو لمن تصلحو بتعمل ليه (شفرة).

انتوا قايلين (الفول) ساهل.

ناس صحيفة الاسياد امس ..قالوا إن الموقع الرسمي للبايرن تجاهل المريخ واهتم بالكويتي.

اول الموقع الالماني شن خبرهم بالمريخ.

قالت الاسياد : ( ابرز موقع بايرن ميونخ أن الفريق سيلعب ترويحية بقطر حدد زمانها والفرق التى سيلتقيها ومن بينها فريق كويتي فيما لم يتطرق للقاء يجمعه مع المريخ وكتب التاريخ على أن يحدد لاحقاً الفريق ويبدو أن البافاري ترك الامر مفتوحاً لشركة التسويق وتظهر الصور هنا أن اسم المريخ غير موجود على اللائحة ما يجعل الحديث عن الاستعانة بكروجر للحصول على معلومات من قبل البافاريين اقرب للمزحة منه إلى الواقع).

يعني موقع بايرن ميونخ ...خلى خانة الفريق الذي سوف يلعب معه (نقط نقط).

بايرن ميونخ ح يلاقى نقط نقط.

ونقط نقط دي ممكن يكون المريخ ..وممكن يكون الاسماعيلي أو وادي دجلة أو الظفرة.

الحكاية مفتوحة.

قول ناس بايرن ميونخ عرفو انهم سوف يواجهوا في الدوحة (المريخ).

قول عرفوا.

وقول كمان عرفوا أن المريخ بيلعب فيه سعيد السعودي وموسى الزومة وضفر وبله جابر وعنكبة.

قول عرفوا.

قول ناس بايرن ميونخ ديل شالوا ليهم معلومات من كروجر عن المريخ.

قولوا الكلام دا كلو حصل.

هم برضو المريخ عندهم فريق مجهول..وما معروف ..ونقط ..نقط.

يعني يعرفوا ليهم المريخ بي شنو؟.

يقولوا ليهم المريخ دا كان بيلعب فيه (فيصل العجب)..ومشى هسع يلعب في المريخ الفاشر.

يقولوا ليهم ...المريخ دا ...فريق استادو فيه (طابق تاني).

يقولوا ليهم ...جمال الوالي رئيس نادي المريخ (رئيس طوالي).

وروني انتوا يقولوا ليهم شنو عن المريخ ..ويعرفوه ليهم كيف؟.

إلّا يقولوا ليهم المريخ النادي الذي يفصله من الهلال شارع واحد.

لذا المريخ بالنسبة للالمان ديل نكرة ..ما بعرفوه ليكم ..ان كتلتوا رقبتكم.

انتوا قايلين بايرن ميونخ دا (الظفرة).

انتوا فاكرنوا (الوحدات الاردني).

الالمان ديل لا بعرفوكم ..ولا عاوزين يعرفوا ليهم زول ..ديل المان كمان بلعبوا.

يا جماعة خلوا الحكاية مبلوعة شوية.

لذلك خانة الفريق الذي سوف يلعب مع بايرن ميونخ في الدوحة ...مخطوط فيها (نقط).

نقط ساكت.

ما بدوكم اكتر من كدا.

الشيء المضحك أن منتديات المريخ صممت شعار لمباراة بايرن ميونخ والمريخ اقصد بايرن ميونخ ونقط نقط.

جابوا صورة الفرنسي فرانك ريبيري وهيثم مصطفى.

شوفوا الناس ديل نكروا ناسهم كيف؟.

لا جابوا موسى الزومة ..لا ضفر ..لا الباشا ..لا سعيد السعودي ..لا اكرم الهادي سليم.

جابوا هيثم مصطفى في بوستر المواجهة.

عرفت من متين؟.

يعني هيثم مصطفى دا لو الهلال ما شطبو ..كنتوا بتخلوا خانة لاعب المريخ فاضية.

كانوا برضوا وضعوا نقط نقط.

واضح أن المريخاب ما مقتنعين بي اولادهم ..عشان كدا أولاد الهلال لمن يمشوا المريخ ببقوا سناير.

اكرم الهادي سليم ..مسكين ..فلاحتو يعملها هنا مع ناس النسور.

الباشا ..ممكن كل 7 شهور ..يقدموا ليه (وشاح) عشان ما يزعل.

فيصل العجب ..بودوه (مريخ الفاشر) عشان ما يعمل زحمة في المريخ لقائد الهلال السابق.

وهيثم مصطفى لأنه كان كابتن الهلال ..يختوا ليكم في الصورة ..ويضعوه في بوستر الترويج للقاء بايرن ميونخ والمريخ.

ما في زول بقدر على الحاجة دي غير هيثم مصطفى.

انا كنت في البداية فاكرهم ح يضعوا صورة جمال الوالي.

جمال الوالي عاوز يلعب ليكم كورة.

لكنى هيثم مصطفى طلعهم من الحرج ..سنتروه ليك طوالي في البوستر.

يا حليل فيصل العجب ..مرقها للفاشر.

نحن ولدنا وقت يشطبوه ..خانتوا فاضية في المريخ.

وانتوا ولدكم وقت يعتزل ..بمشي يلعب في مريخ الفاشر.

شفتوا الفرق كبير كيف؟.

قلنا ليكم الكلام دا مية مرة.

لكن بتغالطوا ساكت.

وانتوا حاجتكم كل يوم ..بتكشف انكم (ضل)..وانكم (وصيف)...وانكم (نقط نقط).

اكضب عليكم يعني.

دي الحقيقة.

وإلّا في زول عندو رأي تاني.

والله بايرن موينخ مع (البرد) دا يضربكم (17).

عليكم الله ما تنسوا شيلوا معاكم (سيوترات).

واكرم الهادي سليم دا بالذات ..كلموه يشيل ليه معاه (9) بطانيات.

ملحوظة : عشان بعدين ما ترجعوا وتقولوا لينا البرد.

هوامش

قالوا اكرم الهادي سليم دخل واتسآب ...لقى ريبيري.

ريبيري في الواتسآب ...جاب في اكرم (9) اقوان.

حالتو اكرم طالع.

طالع من الخدمة ما طالع من القون.

يا ربي دا في ارض الواقع يأخد كم.

يا اكرم ..إن شاء الله جوازك يكون فيه صفحات كتيرة فاضية.

وارغو ح يبلس الفانلة رقم (7).

وسيدي بيه ح يلبس الفانلة رقم (8).

وصلاح الجزولي ح يلبس الفانلة رقم (14).

والله الحاجات دي (ضفر) لا بفهمها ليكم ولا حاجة.

ما تغشوا نفسكم ساكت.

الموضوع دا صعب عليكم.

ما تقعدوا تطيروا لي عيونكم زي حلة الكوارع.

اول حلة الكوارع بطير عيونها.

نصرالدين النابي مدرب صاحب اسلوب هجومي.

والهلال الموسم الماضي بدون كوليبالي..وبدون وراغو وبدون صلاح الجزولي وبدون وليد علاءالدين ..كان صاحب افضل هجوم في الممتاز.

حالتها دي بي صلاح محمد آدم.

مع نصر الدين النابي دا ح تعملوا شنو؟.

كتروا الحراس.

واعملوا ليكم دورة تدريبية مقفولة للباكات.

تاني الكورة اقل من (7) ما نقبل بيها.

انتوا عارفين مباريات الهلال القادمة في الموسم الجديد ...ح ترجع تاني ظاهرة (قصب السكر).

تذكروا زمان الجمهور كان بقيف في الصف ويأكل قصب السكر.

الحاجات دي انتهت في المواسم الاخيرة.

لكنها في الموسم الجديد ح ترجع ظاهرة (قصب السكر).

ناس صلاح الجزولي ديل ..برجعوا قصب السكر تاني.

....

عاجل : ما عارف ليه الأيامات دي جدول (تسعة) حايم في رأسي ..اذكركم أن جدول (سبعة) حام لي في رأسي قبل مباراة الوحدات مباشرة.

انقر هنا لقراءة الخبر من مصدره.