سودارس : الشعب لا يريد تحويل (الطبق)

محمد عبدالقادر يكتب: شهادة البوشي.. و"فضيحة صمود " السودان.. وفاة لاعب كرة قدم قرارات لجنة المسابقات باتحاد الكرة الدامر من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا السودان.. وزير يشرع في تكوين قوّة عسكرية ضاربة..ماذا هناك؟ شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الشعب لا يريد تحويل (الطبق)

قوون نشر في قوون يوم 01 - 03 - 2014

خالد الاعيسر مدير قناة النيلين (المستقيل) كان اكتر واحد مجتهد في حكاية (تحويل) الطبق.
اي تصريح يطلقو ..يقول ليك فيه : (حولوا الطبق نحو الشرق 26 درجة).
الناس تقعد كدا تحول في (الطبق) من حتة لي حتة زي (مروحة التربيزة).
عشان الطبق يلتقط ليكم القمر (عرب سات) ..ويطلع من مدار الطبق (نايل سات).
انا ما عارف (النيلين) دي شنو قناة ولّا (ركشة)؟ البقعدوا يحولوا ليها (الطبق) كدا عشان يلتقطها.
(جدادة) هي البقعدو يسكوها كدا.
الاعيسر كان في الصحف وفي الاذاعة وفي التلفزيون وفي صفحته الخاصة في الفيس بوك شغال بي ماكينة واحدة.
شغال بس (حولوا الطبق نحو الشرق بمقدار 26 درجة).
حولوا الطبق.
حولوا الطبق يا عالم.
الناس حولوا (الانظمة) وغيروها ..ونحن قاعدين نحول في (الطبق).
يعني كل شعوب الوطن العربي بتهتف الشعب يريد تغيير النظام ..ونحن هنا برانا بنهتف (الشعب يريد تحويل الطبق).
اقصد الشعب لا يريد تحويل الطبق.
نحن افتكرنا وقت ح نحول (الطبق) الي ذلك الاتجاه ..اتخيلناه يجيب لينا حاجة سمحة.
اتخيلناه يجيب لينا الدوري الاسباني او الدوري الانجليزي او الايطالي.
او على الاقل يجيب لينا (طبق) سمك طاير.
تتخيلوا الطبق بعد (التحويلات) دي جاب لينا شنو؟.
جاب لينا الدوري السوداني.
الدوري السوداني نحن عاوزين بيه شنو؟.
اول ما حولت (الطبق) كدا ..شفت ليك ناس (بلة جابر) حايمين...قلت دا شنو؟.
زي ناس البكا.
هسع انا تعبان التعب دا كلو عشان ناس بلة جابر ديل.
في واحد معانا في الحلة حلف يمين ..قال والله لو عارف الموضوع ح يرسى على ناس بلة جابر ديل (درجة) واحدة ما بحول الطبق.
كرسي ما بحولوا.
هسع عليكم الله ناس بلة جابر ديل بستاهلو الواحد يحول ليهم الطبق (26) درجة.
ناس الدوري الممتاز ديل تحويل (تربيزة) من غرفة لي غرفة كتيرة عليهم.
في واحد تاني قال لي ..شنو الاعيسر شابكنا في اي حتة حولوا الطبق ..حولوا الطبق ..حولوا الطبق...هو (طبق) ولا جهاز البحث عن الدهب.
نحن يا الاعيسر جهاز البحث عن الدهب ما قاعدين نتعب فيه كدا ..عشان نتعب في (طبقكم) دا ..عشان في النهاية كدا ..يجيب لينا (الدوري السوداني الممتاز).
في واحد تاني خالص.
ما عندو اي قضية بالكورة.
قال انا ممكن احول ليكم الطبق دا (26) درجة ..لكن بي شرط.
قلنا ليه شرطك شنو يا ود الناس؟.
قال ما عاوز اشوف ناس سعيد السعودي في التلفزيون بعد (التحويلات) دي.
في واحد سمع الكلام (طراتيش) كدا ...قال هي (التحويلات) ذاتها وقفوها.
السعودية وقفت (التحويلات) المصرفية ..وانتوا يا ناس السودان لي هسع شغالين لي ب (تحويل) الطبق.
طبق شنو؟.
الدولارات وقفت.
وماسكين لي في حاجات فارغة.
في واحد من ناس الكورة حول الطبق ...عمل بالنظرية ذاتها حول الطبق نحو الشرق 26 درجة.
النيلين نزلت.
لكن في نفس الوقت (طيور الجنة) طارت من القمر ..عشان طيور الجنة في نايل سات فقط.
الشفع اعترضوا ..قالوا عاوزين (طيور الجنة).
بي صراحة (النيلين) بي الدوري الممتاز ما بتنافس مع (طيور الجنة).
معقولة نقعد نحوحي في (النيلين) كدا.
الليلة الهلال عندو مباراة هامة في مالي.
احسن حاجة في الموضوع دا ..قناة النيلين قالت انها لن تنقل المباراة.
والله دي احسن حاجة تعملوها يا ناس قناة النيلين.
دي احسن حاجة تعملوها في تاريخكم كلو.
ما في زول ذاتو فاضي لي (تحويلاتكم) دي.
اتخيلوا الليلة المباراة منقولة على قناة النيلين ...الناس دي كلها كانت طلعت فوق رؤوس البيوت.
كلهم كانوا حولوا الاطباق.
لكن الليلة الله شاف الاطباق ..المباراة لن تكون منقولة على قناة النيلين.
يعني دوشة (التحويلات) دي ما ح تكون موجودة.
ولا ح نزحم رأسنا.
بعدين الناس اعصابها بايظة يقوم واحد يطلع ليه في رأس بيت ..يجي واقع من فوق.
الفايق للحاجات دي منو؟.
والعندو اعصاب ذاتو منو..عشان يطلع ليه في رأس بيت في اليوم دا.
الطريف في الامر ناس النيلين قالوا المباراة غير منقولة على قناة النيلين.
طيب يا ناس النيلين ..انتوا المباراة القلتوا منقولة ..وعملتوا ليها اعلانات ورعاية نقلتوها.
مباراة كمبالا سيتي والمريخ قالوا منقولة وما نقلوها.
هسع مباراة الهلال والملعب المالي من بدري قالوا ما منقولة.
احسن حاجة.
مباراة الاياب في استاد الخرطوم عليكم الله كملوا جميلكم وما تنقولها لينا.
مباراة على قناة النيلين اخير عدمها.
احسن تكون ما منقولة.
لكن اقول ليكم حاجة ..اعملوا محاولات كدا ..يمكن الطبق يلتقط ليكم (المباراة).
ناس التلفزيون المالي قالوا عاوزين (70) الف دولار عشان يعطوا اشارة البث للفضائيات السودانية.
ناس التلفزيون المالي عارفين قيمة الهلال كويس.
الهلال ما عندو مباراة اقل من السعر دا بتتنقل.
الغريب في الامر ناس تلفزيون الشروق ..المباراة التى كانت منقولة (مباراة المريخ وكمبالا سيتي) مشوا ادخلوا فيها ..وحاولوا ينقلوها ..وخالد الاعيسر قال ان قناة الشروق دفعت (40) الف دولار عشان قناة النيلين ما تنقل المباراة.
طيب يا ناس الشروق انتوا وقت بتدفعوا في عدم النقل (40) الف دولار ..كتيرة على الهلال كي تنقل مباراته ان تدفع القناة (70) الف دولار.
يا جماعة انتوا وقت بتدفعوا (40) الف دولار في عدم النقل ..ما تدفعوا (70) الف دولار على النقل.
على العموم يا جماعة اعملوا محاولات الليلة.
كدي حولوا الطبق لي فوق 120 درجة يمكن يجيب ليكم عبداللطيف بويا.
حولوه 180 درجة بجيب ليكم سيدي بيه.
انتوا جربوا.
ما خسرانين حاجة انتوا.
نتمنى ألا يكون تشدد التلفزيون المالي في عدم منح الفضائيات السودانية اشارة البث ..ليس من اجل حماية حكام المباراة من (التجاوزات) التى يمكن ان يقعوا فيها في المباراة.
عادة المباريات التى يمنع تلفزتها ..ويرفض منح تلفزيون الفريق المنافس حقوق البث ..في الغالب تحصل فيها كوارث تحكيمية.
نرجو ألا يكون عدم نقل المباراة قصد منه ضرب الهلال.
ونسأل الله ان يتفوق الهلال على الفريق المالي وعلى كل الظروف التى يمكن ان يتعرض لها في مباراة اليوم.
وان يعود لنا الهلال من مالى ظافرا بالنقاط الثلاث ..والهلال جدير بهذا.
مع كل المخاوف والتحذيرات.
ومع مستوى الهلال الاخير الذي ظهر به وكان غير مطمئن..نتوقع ان يقدم الهلال اليوم مباراة كبيرة في مالي.
ونتوقع في اسوأ الظروف ان يعود الهلال من مالي بنقطة ان لم يعد من هناك باذن اله وتوفيقه (منتصرا).
لا نستبعد انتصار الهلال اليوم في ظل الخبرة الافريقية الجيدة لمدرب الهلال التونسي البلجيكي نصرالدين النابي.
كم ان معظم لاعبي الهلال يتمتعون بخبرات كبيرة ..وامكانيات فينة لا خلاف حولها.
قادرون هم باذن الله ..ان يحققوا اليوم انتصار على الفريق المالي.
ولا نملك غير الدعوات لابطال الهلال اليوم.
كما نسأل الله ان يوفق ابناء الاهلي شندي في مباراة اليوم ...ليعيدوا على الاقل بنتيجة مريحة ..تسهل من مهمتهم في مباراة الاياب.
الامل معقود اليوم على الهلال وعلى الاهلي شندي.
وما التوفيق إلّا من عند الله.
والنصر لنا.
ملحوظة : قلتوا لي موضوع (الطبق) دا حاصل فيه شنو؟.
هوامش
صلاح ادريس يجب ألا يستقل مثالية المهندس الحاج عطا المنان ويؤكله لتجديد عضويته.
الحاج عطا المنان هو رئيس الهلال الان وهو وكيل كل الهلالاب ..ولا يجوز ان يكون وكيلا لصلاح ادريس.
نتمنى ان ينتبه الحاج عطا المنان لذلك ..فهو لا يمثل نفسه ..هو يمثل الهلال بحكم المنصب.
يا الحاج عطا المنان اعرض عن هذا.
اي عضو في المجلس يمكن ان يقوم بهذا الامر ...اما رئيس النادي فيجب ألا يدخل نفسه في تلك التصنيفات.
ربما كان من الذكاء ان اعلن الحاج عطا المنان عن التوكيل قبل ان يفاجيء الناس به.
قلنا ان خبرات النابي كبيرة في مجاهل افريقيا.
وقد احسن النابي التعامل مع (جواسيس) الملعب المالي.
وبالتأكيد هو عارف لهذه الالاعيب جيدا.
نكرر ان الهلال قادر اليوم ان شاءالله بالعودة بنتيجة مشرفة من مالي.
قادرون على ذلك باذن الله.
كولبيالي سوف يبدأ رحلته نحو لقب الهداف من مالي.
واتير توماس ذاتو ما بقصر.
الاهلي شندي رغم غياب ديمبا وحمودة بشير ونادر الطيب إلّا انه ايضا قادر على تحقيق نتيجة جيدة.
الاهلي شندي يمتلك توليفة جيدة.
ربما نقطة ضعف الفريق الوحيدة ..تتمثل في الفاتح النقر الذي لا خبرات له في التنافس الافريقي.
لكن يبقى في كل الاحوال ..النقر افضل من يقفل.
قفل يا كوتش.
اما الهلال فنحن في انتظار انتصاره.
نعم انتصاره عديل كدا.
....
عاجل : الليلة ما في زول يمشى ليه على (طبق).

انقر هنا لقراءة الخبر من مصدره.