خطوة أمريكية تربك ميليشيا الدعم السريع    لافروف: أوروبا تتأهب لحرب كبرى ضد روسيا    المنتخب الوطني يتدرب بمجمع السلطان قابوس والسفير السوداني يشّرف المران    السودان..مسيرات تستهدف مروي والفرقة 19 توضح    الرومان ينهون استعداداتهم ويرحلون صباحاً الى المناقل لمواجهة مصيرية    المريخ يوالي إعداده و الصربي يركز على الهجوم    أسد :يواصل التأهيل ويقترب من العودة    شاهد بالفيديو.. حسناء مغربية فائقة الجمال تتحدث اللهجة السودانية بطلاقة وتعلن دعمها الكامل للشعب السوداني وتؤكد (لا فرق عندي بين المغرب والسودان)    شاهد بالفيديو.. "بدران" الدعم السريع يتعرض لأقوى "زنقة" ويحاول التخلص بتحريف منها أحاديث نبوية    شاهد بالفيديو.. ناشطة الدعم السريع "أم قرون" تهدد بفضح قيادات المليشيا بكشف ما حدث في 15 أبريل بعد أن رفضوا منحها حقوقها المالية: (أنا طالبة من الدولة ما من جيب أبو واحد فيكم وحميدتي ما بقدر يحميني حقي)    شاهد بالفيديو.. ناشطة الدعم السريع "أم قرون" تهدد بفضح قيادات المليشيا بكشف ما حدث في 15 أبريل بعد أن رفضوا منحها حقوقها المالية: (أنا طالبة من الدولة ما من جيب أبو واحد فيكم وحميدتي ما بقدر يحميني حقي)    شاهد بالفيديو.. حسناء مغربية فائقة الجمال تتحدث اللهجة السودانية بطلاقة وتعلن دعمها الكامل للشعب السوداني وتؤكد (لا فرق عندي بين المغرب والسودان)    شاهد بالفيديو.. "بدران" الدعم السريع يتعرض لأقوى "زنقة" ويحاول التخلص بتحريف منها أحاديث نبوية    الحكومة السودانية تقدم أربع ملاحظات حاسمة على عرض الهدنة إلى الآلية التقنية للمجموعة الرباعية    السجن 15 عاما على مشارك مع قوات التمرد بأم درمان    الطاهر ساتي يكتب: أو للتواطؤ ..!!    والي الخرطوم يعلن عن تمديد فترة تخفيض رسوم ترخيص المركبات ورخص القيادة بنسبة 50٪ لمدة أسبوع كامل بالمجمع    غرق مركب يُودي بحياة 42 مهاجراً بينهم 29 سودانياً    أردوغان يعلن العثور على الصندوق الأسود للطائرة المنكوبة    اتحاد أصحاب العمل يقترح إنشاء صندوق لتحريك عجلة الاقتصاد    اشتراطات الكاف تجبر المريخ على إزالات حول "القلعة الحمراء"    وزارة الصحة تناقش خطة العام 2026    "كرتي والكلاب".. ومأساة شعب!    كأس العالم.. أسعار "ركن السيارات" تصدم عشاق الكرة    شاهد بالفيديو.. على طريقة "الهوبا".. لاعب سوداني بالدوري المؤهل للممتاز يسجل أغرب هدف في تاريخ كرة القدم والحكم يصدمه    شاهد الفيديو الذي هز مواقع التواصل السودانية.. معلم بولاية الجزيرة يتحرش بتلميذة عمرها 13 عام وأسرة الطالبة تضبط الواقعة بنصب كمين له بوضع كاميرا تراقب ما يحدث    انتو ما بتعرفوا لتسابيح مبارك    شرطة ولاية الخرطوم : الشرطة ستضرب أوكار الجريمة بيد من حديد    عطل في الخط الناقل مروي عطبرة تسبب بانقطاع التيار الكهربائي بولايتين    كُتّاب في "الشارقة للكتاب": الطيب صالح يحتاج إلى قراءة جديدة    لقاء بين البرهان والمراجع العام والكشف عن مراجعة 18 بنكا    السودان الافتراضي ... كلنا بيادق .. وعبد الوهاب وردي    وزير الطاقة يتفقد المستودعات الاستراتيجية الجديدة بشركة النيل للبترول    أردوغان: لا يمكننا الاكتفاء بمتابعة ما يجري في السودان    أردوغان يفجرّها داوية بشأن السودان    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    مركزي السودان يصدر ورقة نقدية جديدة    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



جمال الوالي بعد (11) سنة رئاسة بعملوا ليه (استقبال)
قوون نشر في قوون يوم 22 - 07 - 2014

كوليبالي وقت شاطر كدا في الأهلي مالو في الهلال بسقط في الجغرافيا
"""""""""""""""""""
في أخبار الأمس (يحضر تحالف دعم الشرعية بنادى المريخ استقبالاً حافلاً للسيد جمال الوالى رئيس نادى المريخ عند وصوله إلى أرض الوطن يوم الخميس المقبل)
""""""""""""""""""""""""""""
حكاية (استقبال) جمال الوالي بعد (الزعلة) أو بعد (11) سنة رئاسة في المريخ ذكرتني ليك ب (عادل إمام) في مدرسة المشاغبين وجملته التى أصبحت مثلاً : (بعد 14 سنة خدمة ثانوي بتقولي أوقف)
""""""""""""""""""""""""""""
الطلاب الجدد وقت يدخلوا الجامعة بعملوا ليهم حفلة استقبال الطلاب الجدد...(مرة واحدة – ما كل سنة)
"""""""""""""""""""""""""""""""
· قبل أي حاجة...(بيني وبينكم العيد باقى ليه 6 يوم).
· ما عاوزين نتكلم عن (عثمان ميرغني).
· في زول هسع جاب ليكم سيرة عثمان ميرغني – براكم بتقطعوا ليكم حاجات من رأسكم.
· أنا ما قلت عثمان ميرغني.
· ولا لمحت...(انتوا بتتخيلوا براكم).
· قبل (الفهم) دا.
· عشان الموضوع يقع ليكم من قولة (تيت).
· وما تقعدوا تتلفتوا لي زي (الحمام المشوي).
· أول الحمام المشوي بتلفت.
· الزمن دا أي حاجة بقت تتلفت.
· اقرأوا معاي الخبر الذي نشر أمس في عدد من المواقع وجاء على ذلك النحو:
· (يحضر تحالف دعم الشرعية بنادى المريخ استقبالاً حافلاً للسيد جمال الوالى رئيس نادى المريخ عند وصوله إلى أرض الوطن يوم الخميس المقبل قادمًا من الإمارات العربية المتحدة ، وكان الوالي غادر إلى الإمارات بداية شهر رمضان المعظم ، وعدل الوالي عن قرار التنحي في أكتوبر المقبل وأرجأ الأمر إلى الموسم القادم استجابة لرغبة الكبار وانحيازًا لنبض الجماهير).
· ح يستقبلوه.
· ح يستقبلوه يا جماعة.
· الكلام دا أنا ما قاطعوا من رأسي.
· ولا جايبو من لوري قصب.
· ولا لوري تراب.
· تراب شنو؟.
· أنا قلت تراب هنا.
· ولا لاقاني صدفة في كوبري النيل الأزرق.
· ولا شلتو من كراسة رسم بياني.
· علاقة كراسة الرسم البياني بالكلام دا شنو؟.
· بتجيب ليك حاجات في كوبري كوبر ما موجودة.
· كوبري كوبر ذاتو الدخلو هنا شنو؟ - (لو ما عاوز ليك سبب ساكت).
· جمال الوالي شغال في المريخ على كيفو.
· يزعل يقعد في بيتو...(زول يقول ليه حاجة ما في).
· يزعل (6) شهور....(يحنسوه).
· يرجع يعملوا ليه حفلة استقبال.
· يقوم تاني يزعل.
· يستقيل – يسافر برة (45) يوماً...(المريخ حالو يقيف).
· يوم (يحنسوه)..يرجع تاني.
· يعملوا ليه (استقبال) تاني.
· يا جماعة دا شنو اللعب البتعملوا فيه دا.
· شنو (المسخرة) دي.
· يزعل يسافر.
· يستقيل يحنسوه.
· يرجع.
· يعملوا ليه (حفلة استقبال).
· معقولة زول ليه (11) سنة في رئاسة المريخ وإلى الان بعملوا ليه في حفلات الاستقبال.
· ديل لو جمال الوالي مشى فداسي وجاء راجع بعملوا ليه (حفلة ستقبال).
· انتوا جنيتوا يا جماعة.
· الطلاب الجدد وقت يدخلوا الجامعة بعملوا ليهم حفلة استقبال الطلاب الجدد...(مرة واحدة – ما كل سنة).
· السنة التانية بعملوا حفلة استقبال للطلاب الذين دخلوا للجامعة في هذا العام.
· يعني ما كل سنة بعملوا ليهم حفلة استقبال لنفس الطلاب.
· ما بقعدوا يستقبلوا في الطلاب الجدد إلى أن يتخرجوا من الجامعة.
· ناس المريخ هسع (شبكوا) ليك فيها.
· بقوا كل (زعلة) لجمال الوالي يعملوا ليك بعدها (استقبال).
· أنتوا (الاستقبالات) الحايمة الأيامات في البلد دي شنو؟.
· أي زول عمل ليه (شنطة) غريبة كدا – عملوا ليه (استقبال).
· غايتو الزول وقت يكون عندو قروش..كل ما يسافر زعلان بعملوا ليه (حفلة استقبال).
· ويكوِّنوا ليهم لجنة للاستقبال.
· ولجنة الضيافة.
· ولجنة الإعلام.
· ولجنة للمتابعة.
· وكل لجنة من اللجان دي تنبثق منها عدد من اللجان.
· وأي لجنة بتصرف ليك الشيء الفلاني في برنامجها.
· وكلها بتكون من خزينة الدولة.
· في لجنة في السودان بتصرف من جيبها.
· كل اللجان بتصرف من خزينة الدولة.
· خاصة اللجان البتكون عندها علاقة بجمال الوالي.
· لجنة التسجيلات.
· لجنة الاستقبال.

· لجنة تكريم جمال الوالي باعتباره الرئيس الأكثر شعبية في الوطن العربي.
· لجنة الاستاد.
· لاحظوا إني إلى الان ما جبت سيرة (عثمان ميرغني)...لا من بعيد ولا من قريب.
· ولا لمحت تلميحة ساكت.
· عثمان ميرغني الجاب سيرتو منو؟.
· ما تلافحوا في الكلام ساكت.
· ما تقولوني كلام ما كتبتو.
· تقطعوا ليكم حاجات من رأسكم ..وتعملوها فينا.
· حكاية (استقبال) جمال الوالي بعد (الزعلة) أو بعد (11) سنة رئاسة في المريخ ذكرتني ليك ب (عادل إمام) في مدرسة المشاغبين وجملته التى أصبحت مثلاً : (بعد 14 سنة خدمة ثانوي بتقولي أوقف).
· سبق أن كتبت عن هذه المسرحية كثيرًا – وعرضت لهذا الحوار في عدد من الكتابات في مواقف مختلفة.

· جميل أن نعيد الحوار تاني – جمال الوالي بعد11 سنة رئاسة بعملوا ليه استقبال.
· خلونا نشوف فهم عادل إمام شنو؟..ونعيد الحوار تاني ...(عشان تعرفوا نحن ما بنقطع حاجة من رأسنا).
· تدخل المدرِّسة عفت عبد الكريم (سهير البابلي) للفصل ويكون هذا الحوار بينها وبين عادل إمام (بهجت الأباصيري).
- بهجت..
= نعم.
- بهجت قوم أوقف.
= نعم يا أختي!!.
لمن تتكلم مع المدرِّسة بتاعتك احتراماً لها تتفضل تقوم توقف.
= (بهجت وهو ينظر في اتجاه مرسي الزناتي ) يقول : طيب حد فيكم يكلمها... بلاش أنا.
= المدارس باظت يا جدعان.
= بتقولي أوقف.

= بتقولي أوقف.
= بعد 14 سنة خدمة في ثانوي بتقولي أوقف.
= إيه ..هي دي بقت مدارس يا جدعان.
= فين زمان رفاعة الطهطاوي؟.
= فين أيام رفاعة الطهطاوي ؟.
= يا سلام.
= الله يرحمك يا طهطاوي.
= الله يرحمك يا طهطاوي.
= دا رفاعة الطهطاوي وقاسم أمين وعلي مبارك وزكي جمعة.
= مين زكي جمعة؟.
· تعود (عفت عبدالكريم) وهي تصرخ.
اتفضل قوم أوقف.
= يا جدعان حد يقول ليها حاجة.
= ولاَّ عيب دا نحن البندهن الهواء دوكو.
- برضو ح تقوم توقف يا بهجت يا أباصيري لو سمحت.
= لا واثقة من نفسها..يعني ارجوك يا بهجت قوم أوقف.
- لو سمحت. ..ما دام كدا ما عاجبك يبقى قوم أوقف.
· عفت تشبك في بهجت ..وتمسكو من ضراعو.
· بهجت الأباصيري يلتفت نحو (مرسي الزناتي) الذي كان قد تعرض لإصابة سابقة في كتفه من (عفت عبدالكريم) ويقول له :
= هو ضراعك بيوجعك أوي يا ود يا مرسي؟.
قوم أوقف.
= طيب اتفضلي.
- اتفضل.
= نعم يا فندي.
- من فضلك يا بهجت عاوز أديك سؤال في (المنطق).
= ما معاييش حاجة اخد فيها...ما معاييش.
= بكره الصبح..بكره الصبح أجيب معاي سلطانية اخد الانت عاوز تديني ليه .. عاوزي تلفي لي فى ورقة لفي...بس لو ادلق يبقى ما ليش دعوه.

= ايوا بصراحة.
- من فضلك يا بهجت عاوز أسألك سؤال في المنطق.
= تسأليني أنا.
= شوفي يا ست هانم السؤال لغير الله مذلة.
= حرام تسأليني أنا العبد الفقير إلى الله.
- وبعدين...بعدين.
= أهو.. يوم ما فايت أنا عارف.
- ح أسألك سؤال وح تجاوب عليه...ما هو المنطق؟.
= كلنا ح نُسأل يوم القيامة كلنا.
- ما هو (المنطق) وبسرعة لغاية ما أحضر السؤال التاني.
= طبعاً.
= ايه البتقول عليه الست دي (وهو ينظر في اتجاه مرسي الزناتي وأحمد الشاعر)...ما تقولوا لينا حاجة يا جدعان. كلمتين وأقول على طول.
= أخوكم مزنوق.
= وكلنا ح ننزنق الزنقة المنيلة دي ..اشمعنا دي الوقت طناش يعني.
= زعيم اونطة أنا بقأ ولّا ايه؟.
= كلمتين بس ..وأنا ح أقول على طول.
- بهجت ما هو المنطق؟.
= هو نحن عندنا حاجة في المقرر اسمو منطق؟.
= في حاجة علينا اسمها منطق.
= أنا ما عارفش بجيبوا لينا الأسماء دي من وين؟.
= أنا ما اعرفش يا ست هانم ..أنا لو أعرف أقول على طول.
= هو أنا اخبيء على حضرتك ليه هو في لا مؤاخذة بيناتنا محاكم ولاَّ أولاد.
- اتفضل اقعد.
= اتفضل اقعد ..اتفضل قوم....ايه؟.
= هي شغلانة ..ايه اتفضل قوم واتفضل اقعد ..بنشتغل عند أهاليكم نحن.
· وجمال الوالي يتفضل يسافر يتفضل يرجع.
· يتفضل يزعل يتفضل يعود.
· يتفضل يستقيل يتفضل يمارس نشاطه مرة أخرى.
· وفي كل حركة من الحركات دي بيكون في (استقبال).
· في المريخ دا طبعاً في جماعة شغالين في الدنيا دي بس (استقبال).
· ما عندهم أي شغلة تانية غير (الاستقبال).
· جاءوا لهذه الدنيا من أجل (الاستقبال).
· ...
· ملحوظة : هدف كوليبالي راح ساكت.
هوامش
· يبقى فريق الأهلي الخرطوم فريق محترم ورائع وبقدم كورة جميلة.
· لكن الأهلي فشل في أن يحافظ على تقدمه على المريخ وجاء ليخسر في الزمن البدل الضائع.
· هسع لو صمدتوا شوية مالو؟.
· عشمتونا في خسارة المريخ ساكت.
· لكن يبقى المريخ فريق متواضع – وممكن أن يتعرض لخسائر كتيرة في الدوري الممتاز.
· فريق ما مفهوم وما عندو أي روح – وكلو لتيق ساكت.
· جيبوا لينا فريقكم الملتق دا بعد ما يتأهل الهلال إلى دور الأربعة في البطولة الأفريقية وتعالوا شوفوا البحصل عليكم شنو؟.
· فريق بغلب بالحظ.
· وبتمها بالحكام.
· موسى الزومة واقف يتلفت على هدف المريخ التاني.
· يا الزومة كورتك دي في الدرجة التالتة ما بتلعبك.
· مصعب عمر أيضاً كان بتفرج على الباشا القادم من الخلف.
· بالطبع لم يكن هناك تعمد من موسى الزومة ومصعب عمر في ذلك الشرود والسهو – الناس ديل أصلاً كورتهم كدا.
· .........
· عاجل : وقت ما بتقدروا تنستروا بتجيبوا ليكم قون من الدقيقة العاشرة مالكم؟.

انقر هنا لقراءة الخبر من مصدره.