المريخ لا محتاج امكانيات ولا محتاج محترفين ولا محتاج استعدادات ولا معسكر المريخ يحتاج فقط الى (الصبر) """"""""""""""""""""""""""""""""""" كشف الهلال الافريقي مطلوب ان يترك فيه (5) خانات شاغرة لتملأ بعد شهر يونيو وبعد ان تتضح الرؤية ويظهر مستوى المحترفين """""""""""""""""""""""""""""""""""""""""" مكسيم في مرمى الهلال واحتياطيه جمعة يعني حراسة المرمى في الهلال بقت (اجنبية) لي جنا الجنا """""""""""""""""""""""""""""""""""""""""" لا بد من المساندة والتشجيع ..والدعم المعنوي للهلال قبل المادي رغم الصرف الخرافي للفريق هذا الموسم """""""""""""""""""""""""""""" • ربما تعامل مجلس الهلال مع فريق الهلال الحالي بشكل (اسعافي) وكان مجبورا على ذلك ..وبحث عن حلول آنية فكان ان استعان بهذا العدد الكبير من المحترفين والمجنسين لخوض غمار الموسم الجديد. • كشف الهلال الان فيه (10) لاعبين من اصول (اجنبية) – طبعا بعد تجنيس (6) لاعبين...ضمنهم كان جمعة جنيارو الذي جاء للهلال معارا من (كوبر). • الاعارة التى حيرت المريخاب وناس اهلي شندي ..عندما فكر مجلس الهلال في (ثغرة) قانوينة اصبح بعدها جمعة جينارو لاعبا للهلال. • الاعارة دي طبعا كانت اعارة معلمين. • قد تكون الحلول الاسعافية هى التى اجبرت مجلس الهلال الى اللجوء الى هذه الطرق. • نسأل الله ان تنجح اختيارات مجلس الهلال – لأن نجاح (المحترف) مهما كان اسمه وامكانياته يحتاج الى صبر...وهو امر غير مضمون. • نجاح المحترفين محفوف دائما بالمخاطر – وهذا يستوجب من جماهير الهلال ومن الاعلام الهلالي الصبر على الهلال مع اننا نعرف ان جماهير الهلال واعلامه ما بعرفوا الصبر وبرفضوا ان يكون فريق كورة القدم للتجريب. • نحن ما زي ناس المريخ. • ممكن نصبر (شوط كامل) – لكن اكتر من كدا ما بنصبر. • ولا بنكضب. • ناس المريخ ممكن يصبروا (10) مواسم – ما يقولوا حاجة. • بيني وبينكم اللعب في دور ال (64) عاوز ليه (صبر). • انت لا محتاج امكانيات ولا محتاج محترفين ولا محتاج استعدادات ولا معسكر انت محتاج الى (الصبر) اذا كنت بتلعب تمهيدي. • اهم مقومات التمهيدي الصبر وطولة البال. • يعني ما عاوزين ليكم شيء اكتر من (الصبر) يا ناس المريخ وانتوا بتلعبوا في دور ال (64). • مجلس الهلال واضح انه وضع اهتماما وعناية خاصة بالفريق الرديف وهذا امر جيد. • المحترفون ما مضمونين ركزوا مع (الرديف) لأن الهلال يمكنه في هذا الموسم الاستعانة بخمسة لاعبين من لاعبي الرديف. • مهم جدا اضافة لاعبين على الاقل من الرديف في كشف الهلال الافريقي وان كان ذلك بعد يونيو. • ومهم ايضا ان تترك (5) خانات خالية لتكملة كشف الهلال بعد التأهل للمجموعات ان شاءالله. • عماد الطيب عليه ان يلتفت الى هذا الامر – مطلوب ترك (5) خانات في كشف الهلال شاغرة لتملأ بعد شهر يونيو وبعد ان تتضح الرؤية ويظهر مستوى المحترفين وتبان حقيقتهم. • ويمكن للهلال في تسجيلات يونيو ان يضيف لاعبين محترفين على مستوى اعلى ان تقدم في البطولة الافريقية. • كذلك يمكن ان يفرز (رديف) الهلال لاعبين يمكن ان يفيدوا الهلال افريقيا – لذلك يبقى مهم جدا ان تترك (5) خانات شاغرة في كشف الهلال – خاصة وان الادوار الاولى في البطولة الافريقية سوف يواجه فيها الهلال فرق ضعيفة بعض الشيء. • يبقى من المهم الاهتمام برديف الهلال – لأن عضم الهلال الان اصبح في (رديفه) – في ظل المواهب الممتازة التى تلعب في الرديف...والتفريغ الذي حدث في الفريق الاول. • هذا الى جانب الكم الهائل من الاجانب في الفريق الاول (وبصراحة كدا الاجانب ما بعتمدوا عليهم). • ديل لو اتأخرت مرتباتهم ساكت ممكن يقفلوا تلفوناتهم وتاني ما تلموا فيهم. • لو مرضن امهاتهم ..انتوا بتمشوا وين؟. • (10) لاعبين من اصول اجنبية في كشوفات الهلال – مع الاعتذار لجمعة جينارو واتير توماس اللذان اعتبرتهما السياسة (اجانب) ونحن محكومين بالسياسة. • الهلال بقى زي (الفيلم الاجنبي). • الواحد لو (دقس) ساكت بكون طلع من الشبكة. • ما بفهم اي حاجة. • في حراسة المرمي الكاميروني (مكسيم). • والقصة ما في (مكسيم)..القصة في ان مكسيم احتياطيه (جمعة جينارو). • يعني حراسة المرمي في الهلال بقت (اجنبية) لي جنا الجنا. • في اطراف الهلال على الرواق الايمن السنغالي سيسه وعلى الشمال الاثيوبي بوتاكو. • الجدعة في الهلال بقت (اجنبية). • في دفاع الهلال السيرياليوني سيمبو والمالي كوناتيه...واتير توماس من جنوب السودان. • ديل ناس بكري المدينة ولا يفكروا يجوا ماريين بي عندهم. • احسن بكري المدينة وتراوري من هسع يشوفوا ليهم بلد. • دفاع الهلال بي الاحتياطي صار (اجنبي). • في وسط الهلال هناك المالي سيدي بيه والغاني نيسلون. • وفي الهجوم البوركيني كيبي. • (10) اجانب ما شاءالله في كشف الهلال. • ديل كلهم بصرفوا بعملة صعبة ..وعاوزين تذاكر للسفر لبلدهم والعودة وعاوزين وسيارات خاصة وسكن خاص. • الاجانب في الهلال ما انتهوا هنا. • الجهاز الفني للهلال هو الاخر (اجنبي). • ما فيه سوداني واحد غير محمد الفاتح حجازي. • المدير الفني البلجيكي باتيرك...ومساعده فرنسي ومدرب الاحمال فرنسي ومدرب الحراس جزائري. • هذا الامر يثبت ان صرف الهلال المالي هذا الموسم سوف يكون عاليا بصورة ربما هي الاكبر في تاريخ الهلال. • لاحظوا ان الهلال هذا الموسم احدث ثورة شاملة في كل قطاعات الفريق ..بداية من الرديف والشباب والناشئين. • وهناك مناشط اخرى حدثت فيها كذلك نهضة كبرى مثل السلة والطائرة وبقية الالعاب الاخرى. • يبقى الهلال في ظل هذه الوضعية يحتاج الى الدعم من الاقطاب والمساندة من الجماهير. • ربما يخفف عقد الرعايا الذي ابرمه مجلس الهلال مع الثريا هذه الاعباء ..لأن مليون دولار يمكن ان يسير نشاط الهلال. • الاكيد ان صرف الهلال في الموسم لن يقل عن 2 مليون دولار ..تتمثل في مرتبات المحترفين والجهاز الفني والرديف والشباب والناشئين والمناشط الاخرى بالنادي. • مطلوب من جماهير الهلال ان تكون حاضرة – ربما مشاهدتها لمباريات الهلال في هذا الموسم يمثل حجر الزاويا في هذه النهضة. • يحتاج الهلال الى جماهيره بشكل خاص في هذا الموسم. • الجماهير كذلك مطلوب منها (وعي) في هذا الموسم وفريقها يحدث فيه كل هذا التجديد والتحديث. • لا بد من المساندة والتشجيع ..والدعم المعنوي للهلال قبل المادي رغم الصرف الخرافي للفريق هذا الموسم. • واهم من كل هذه الامور هو ان ندعم جميعا الفريق الرديف – الذي نرجو ان يكون تحت عين اعلام وجماهير الهلال. • عدم وجود منافسات حقيقية امر قد يجعلنا نفقد الكثير من المواهب في الفريق الرديف. • لذلك لا بد من المتابعة الاعلامية والجماهيريه لفريق الرديف. • ولا بد كذلك من منح عناصر الفريق الرديف الجيدة فرص المشاركة مع الفريق الاول. • ......... • ملحوظة : ركزوا في الرديف. هوامش • بطاقات محترفي الهلال اخبارها شنو؟. • الى الان لم نسمع اخبار عن بطاقة المالي كوناتيه. • كوناتيه دا اصلا عوارضه في وصولو كانت كتيرة. • يبدو ان عوارضه انعكست كمان على بطاقتو. • ابراهومة وشمس الفلاح – حبابهم في الهلال. • ناس المريخ لو ما كان الحقوهم ببعثة المريخ في القاهرة كان الهلال يصطحبهم طوالي الى الامارات. • مصر الايامات دي قالوا (تلج). • المعسكر الصاح في الامارات. • لكن انتوا تعالوا هنا ناس الهلال ديل بتجرجروا كدا مالهم؟. • كل يوم يعطلوا المعسكر يوم. • الحمدلله ان اغلب اجانب الهلال وصلوا. • الفريق القومي في ظل اجانب الهلال واجانب المريخ إلّا يتموه تاني من اتحاد المهن الموسيقية. • القطاع الرياضي للهلال تعامل مع الامور بعلمية...وعمل مؤتمر صحفي واعلن عن برنامج الفريق. • دا الشغل. • ناس المريخ ح يقلدوكم في الموضوع دا. • ح يمشوا ويجوا يعملوا ليهم مؤتمر صحفي. • امين زكي يبدو ان شغال شغل كبير. • الهلال يجب كذلك ان يستفيد من شوقي عبدالعزيز. • استفاد الهلال من امين زكي ومن علي قاقارين ومن الفاتح النقر وعاكف عطا ومحمد حمدان وخالد جوليت..وهذا امر رائع ..وممتاز. • يا ريت الاستفادة من شوقي عبدالعزيز. • ويا ريت كمان الاستفادة من قدرات اللاعب هيثم طمبل. • هيثم طمبل صاحب امكانيات عالية وفهم احترافي كبير...وهو هلالابي يحمل كل الود والتقدير والحب للهلال رغم من انه ختم مسيرته في المريخ. • عودة هيثم طمبل للعمل في المجال الفني للهلال امر غاية في الاهمية. • يجب الاستفادة من قدرات لاعبي الهلال السابقين. • ............ • عاجل : طيب يا ناس المريخ انتوا وقت ابعدتوا ابراهومة وشمس الفلاح ما كان تبعدوا رمضان عجب كمان.
