سودارس : ناس الهلال كل ما يتعادلوا ..يعملوا (يوم ترفيهي)

شاهد بالفيديو.. فنان سوداني يدون بلاغ في مواجهة زميله ويطالبه بتعويض 20 ألف دولار هيئة مياه الخرطوم: تحصيل فاتورة المياه لا يشمل القطاع السكني حتى الآن شاهد بالفيديو.. الفنان "الشبح" يرد على زميله "ريحان": (رددت الأغنية في حضورك وأنصحك بعدم البحث عن "الترند" بهذه الطريقة) شاهد بالصورة والفيديو.. سيدة الأعمال ونجمة السوشيال ميديا الحسناء "ثريا عبد القادر" تستعرض جمالها بثوب "التوتل" الأنيق مناوي .. استمرار الدعم السريع في ارتكاب جرائم ممنهجة بدعم خارجي يهدد وحدة السودان واستقراره شاهد بالفيديو.. شيخ الأمين يكشف معلومات هامة عن "الإنصرافي": (هذا هو اسمه بالكامل.. يقيم لاجئ في هذه الدولة ويعمل في تجارة المخدرات) زيارة تفقدية لوالي سنار إلى محلية سنجة إلزام أبل وجوجل بتعديلات تعزز عدالة متاجر التطبيقات "واتساب" تُتيح إجراء المكالمات من المتصفح ارتفاع طفيف لأرباح زين السعودية إلى 604 ملايين في 2025 دراسة تؤكد أن للضوضاء تأثيراً كبيراً على الطيور وتكاثرها هدى الإتربي تكشف كواليس مسلسل "مناعة": تجربة مختلفة بتفاصيل إنسانية مدينة على القمر خلال 10 سنوات.. هل يتراجع حلم المريخ؟ مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن علاجك من أحلامك.. دراسة تتوصل لإمكانية استخدام أحلام الشخص فى العلاج النفسى 7 أطعمة للإفطار لا ترفع مستوى السكر في الدم الرابطة والتوفيقية يتعادلان في مباراة الأحداث المثيرة الموسياب يبدع ويقسو على الأمل بثلاثية نظيفة وزير التعليم العالي السوداني: العودة إلى الدراسة خطوة استراتيجية الهلال ينفرد بصدارة الدوري الرواندي ضياء الدين بلال يكتب: قوش وآخرون... جرد حساب! رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا عاطف حسن يكتب: بنك الخرطوم.. اعتذارك ماااااا بفيدك .. !! شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام) بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! ارتفاع وارد الذرة واستقرار أسعار السمسم في بورصة محاصيل القضارف الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات ارتفاع في وارد المحاصيل الزراعية بسوق القضارف عثمان ميرغني يكتب: كبري الحلفايا... شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ناس الهلال كل ما يتعادلوا ..يعملوا (يوم ترفيهي)

قوون نشر في قوون يوم 21 - 04 - 2013

انتوا عصام الحاج قال السنة دي موسم (الخبت) وإلا موسم (الفسخ)؟

· لو نظرنا الي الامور في الهلال سوف نجد ان الهلال كلما يفشل في الفوز في مباراة ...تقوم دائرة الكورة ومجلس الادارة (مشكورا) بعمل (يوم ترفيهي) لاللاعبين.

· انتوا البتترفهوا ليها شنو؟...ونحن خرجنا من البطولة الافريقية للاندية من دور ال (32).

· ومازلنا نخسر في النقاط في بطولة الممتاز ..حيث خسرنا نقطتين امام المريخ كنا الاقرب منها لولا التفريط..وخسرنا نقطتين امام الاتحاد مدني في مدنى ..واتينا وخسرنا نقطتين في استادنا امام هلال كادوقلي.

· ومع كل خسارة ...كان هناك (يوم ترفيهي) للاعبين.

· قبلنا الخسارة والخروج الافريقي ...لكن (الترفيه) بعد هذه النكسات في شنو؟.

· يعني تطلعونا من البطولة الاندية الافريقية للابطال من دور ال (32) ..وتتعادلوا مع هلال (الجبال)..وتمشوا بعد دا ترفهوا في (الجبل).

· امس بعد مران الصباح ..قامت دائرة الكورة باقامة يوم ترفيهي لاللاعبين في منطقة جبل اولياء.

· لي شنو؟...والله ما عارف؟.

· اعتقد ان المحتاج لليوم الترفيهي ...هو (جمهور الهلال) ..الذي انصرف عن الدخول لمباريات الهلال بعد ان كانت تمارين الهلال وحدها تشكل تدافع جماهيري كبير.

· الان مباريات الهلال لا يشاهدها الجمهور وذلك كان نتيجة للخسائر التى تعرض لها الهلال في فترة وجيزة ونتج من ذلك احباط كبير يعاني منه الجمهور.

· جمهور الهلال الان اكثر حاجة لليوم الترفيهي من اللاعبين...ونحسب ان اللاعبين يجب ان يحسوا بالحسرة والالم الذي يعيش فيه جمهور الهلال.

· على الاقل شاركوا الناس شوية في (الحسرة)..وحسوا ببعض معاناة جمهور الازرق.

· لكن دائرة الكورة تبعدهم عن ذلك الاحساس ..وتقوم باخراج اللاعبين من هذه الحالة وذلك بالترويح لهم في ايام ترفيهية.

· لذا كان كلما خرج اللاعبون من ازمة ومن حالة حزن عبر (اليوم الترفيهي)..عادوا بنا من جديد الي حالة الاحباط بعد اليوم الترفيهي.

· حتى صارت عندنا الايام الترفيهية تشكل لنا ازعاجا كبيرا ..لأن بعد اليوم الترفيهي عادة الهلال يخسر.

· وهذا ما نخشاه ونخاف عقباه والهلال يلعب يوم الاربعاء القادم امام الامل في عطبرة.

· يمكن ان يذهب الهلال الي عطبرة ..ويخسر نقطتين (لا قدر الله)..ويعود من هناك فيجد ان دائرة الكرة عاملة (يوم ترفيهي لاللاعبين).

· وقفوا الايام الترفيهية دي ..(نحن ما ناقصين).

· اعرف واشعر بخسرة اللاعبين ..وبانهم ضحايا لما يحدث في الهلال الان ..وان الظروف المحيطة بهم تجبرهم على ان يفقدوا كل هذه النقاط.

· لكن برضو ما للدرجة التى يعملوا فيها (يوم ترفيهي).

· المشاركة في الحزن والاحساس على الاقل تخفف بعض الشيء على جمهور الهلال المغلوب على امره.

· شاركوهم (الحزن)..طالما فشلتوا ان تصنعوا لهم (الفرح).

· ما معقول ..(تحزنونا) الليلة ..وبكرة تمشوا (يوم ترفيهي).

· ليست مقتنع بحكاية (الايام الترفيهية) تلك ..على الاقل يجب ان يعيش اللاعبون الحزن والحسرة مع الجماهير التى تعيش في هذه الايام في حالة من الاحباط والشجن والحسرة الطويلة.

· هذا نحسبه منهم ..اضعف الايمان.

· ما معقول نخسر الليلة ..وبكرة تعملوا لينا (يوم ترفيهي).

· شنو يعني (الرفاهية) دي؟.

· الناس في شنو؟..وانتوا في شنو؟.

· يوم ترفيهي ...نحن في مدرسة ..ناس الاهلي شندي بعد كل هذه العروض الرائعة التى يقدمونها ما بعملوا (يوم ترفيهي)..تجوا انتوا يا ناس الهلال بعد هذا التراجع والفقدان تعملوا (يوم ترفيهي).

· يوم ترفيهي ...يا البرير!!.

· والله بقى جلدكم (تخين) عديل كدا.

· غايتو ناس الهلال لو قاصدين بالطريقة دي يطلعوا اللاعبين من الحالة العايشين فيها ..(بعد التعادلات) الكثيرة في الممتاز ...فان مجلس ادارة نادي المريخ محتاج يعمل ليه (شهر ترفيهي) عديل كدا وليس (يوم ترفيهي) كما فعلوا في مجلس ادارة نادي الهلال.

· اخير نحن ..ناس المريخ حالتهم اسوأ.

· الهلال بتعادل ..وهو متصدر الممتاز مع كل هذه الاحباطات وقد خرج من البطولة الافريقية في اخر الثواني بعد ان سجّل ثلاث اهداف دفعة واحدة.

· ناس المريخ خرجوا من البطولة الافريقية بالخاسرة في ملعبهم ...وخسروا في الممتاز امام الاهلي شندي 0 / 1..واتوا وكرروا الخسارة نفسها في استادهم امام الخرطوم الوطني.

· لذلك نحن بنشوف ان لاعبي المريخ محتاجين ل (30) يوم ترفيهيه.

· اما الاخ بلة جابر فقد اتضح بعد هدفه في المريخ ....انه محتاج الي اجازة مفتوحة ترفيهية.

· يمشي طوالي اهلو.

· اصلو ما يقعد هنا.

· الزول دا طوالي مفروض يشيل شنطتو ويسافر (اركويت) في شرق السودان عشان يطلع من الحالة دي شوية.

· الزول دا لو ما طلعتوه من الحالة دي ..بقوم يفتكر نفسو (مهاجم).

· ودي فيها احساس بالعظمة كدا ..شعور يخليك بدون ما تشعر تجيب ليك (هدف).

· جايب ليك هدف في المريخ يا بلة جابر ..هيثم طمبل ايام مجدو وقت كان في الهلال ما جابو في المريخ ...تجيبو انت يا بلة مع انك ليس مهاجم.

· في باك في الدنيا ..بسجل ليه هدف بالطريقة دي.

· غايتو هدفك دا نحن ما شفناه إلا في الدوري الفرنسي.

· هدف زي دا في الدوري السوداني ..ما في.

· ولا بنكضب.

· الطريف في الامر ..والشيء البحير بالجد كدا ..هو ان بلة جابر قال في تصريحات صحفية ان رونالدو ذاتو جاب ليه هدف عكسي.

· شوفوا الكلام.

· كمان بلة جابر بتفاصح.

· والله كلامك دا يا بلة اسوأ من الهدف السجلتو في المريخ.

· انت عارف رونالدو جاب كم هدف لريال مدريد ...الزول دا بسجل بمعدل اكثر من هدف في اي مباراة.

· يعني ورنالدو دا لو في كل اسبوع جاب ليه (هدف عكسي) ما في زول بسألو.

· لو جاب ليه (بطولة عكسية)...ما في زول بقول ليه حاجة.

· تجي انت يا بلة جابر تسجل في شباك المريخ ..وتقول رونالدو ذاتو بسجل في شباكو.

· يعني دي الحاجة القدرت تقلدها في رونالدو.

· الزول دا عندو مليون موهبة ..انت ما بتقلدوا إلا في (الهدف العكسي).

· على كدا يعني لو في زول سجل ليه هدف بي ايدو والحكم منحو (كرت احمر)..اللاعب ممكن يقول للحكم : (ماردونا ذاتو سجل بي ايدو).

· وممكن كمان (ضفر) ذاتو يعملها.

· ضفر ممكن (ينطح) ليه زول ..يقولوا ليه عملت كدا؟.

· يقول زين الدين زيدان ذاتو (بنطح).

· ضفر شنو بساوي مع زين الدين زيدان؟.

· والقياس على هذا يساق.

· موسى الزومة يشوت ليه (قارورة).

· يسألوه ليه يا الزومة؟.

· يقول هيثم مصطفى.

· هسع بلة جابر دا ما لقى حاجة يقلدها في رونالدو غير (الهدف العكسي).

· هيع ...جنب والله.

· حكاية بلة جابر دي ذكرتني ليك بي فنان كدا ...(بس الكلام دا ما يطلع من العمود دا).

· قالوا ليك (فنان) شاب جابوه من الشمالية ...جديد لنج.

· فنان قالوا بقلد الفنان الكبير الراحل النعام آدم.

· جابوا ليك الفنان ..ودخلوه ليك استديوهات قناة النيل الازرق ..بعد ان اعلنت القناة قبل اسبوع عن فنان بقلد النعام آدم.

· البرنامج استضاف الفنان الشاب ..والمذيع فرحان في الاستديو عشان لقى ليه زول يقلد (النعام آدم).

· البرنامج بدأ..قالوا ليه : يلا يا استاذ قلد لينا النعام آدم.

· الفنان الشاب قام (غمض).

· المذيع طوالي قال نطلع فاصل ونرجع.

· في الفاصل غيّروا الفنان الشاب ...قالوا ليه نحن لو على (الغميض)..كنا جبنا (بلة جابر) يقلد لينا النعام ..ما كان تعبنا وجبناك من الشمالية.

· هسع عليك الله ما لقيط حاجة تقلد فيها الراحل المقيم غير عدم الشوف.

· امشى الله يقطعك.

· الي جانب بلة جابر ...هناك ايضا لاعبين يحتاجون الي الايام الترفيهية اكتر من غيرهم في المريخ.

· واي حاجة نحن عندنا بي نظام.

· بنمشي معاكم ..خطوة ..خطوة ما عاوزين كلام كتير.

· ما تقعدوا تنظروا لينا كتير.

· اول اولئك اللاعبين ..هو اللاعب فيصل العجب ..(كابتن فريق المريخ).

· الزول دا واضح انو نفسياتو تعبانة ..نحن اول مرة نشوف العجب زعلان كدا وقت استبدلوه في مباراة المريخ والخرطوم وطني.

· العجب دا قرب يتفجر.

· والله ..العجب دا لو لقى ليه (قارورة) اليوم داك كان شاتها.

· عليه نوصي ب (21) يوم ترفيهي للكابتن فيصل العجب.

· العجب بي طريقتو دي بطق ليه عرق.

· اللاعب الثالث ..الذي يحتاج الي ايام ترفيهية ايضا هو اللاعب احمد الباشا ..الذي كان نجما الي وقت قريب ..وتراجع مستواه في الفترة الاخيرة بصورة كبيرة.

· حتى ان احمد الباشا ..والذي دخل تشكيلة المنتخب الافريقي اصبح (احتياطيا) في مريخ ضفر وبلة جابر وموسى الزومة.

· لذلك احمد الباشا يحتاج الي (15) يوما ترفيهيا ..على عاجل السرعة.

· الباشا لو ما عاوزين ترفهوا ليه ..اعيروه ليبيا.

· بعد احمد الباشا ..الحالتو صعبة هو اللاعب اكرم الهادي سليم ..الذي اختفى حتى من الكنبة ..وصار يوجد في كنبة المريخ حارس المراحل السنية.

· اكرم الهادي سليم ..نفسو مرقت عديل كدا من الكورة ..واهتزت ثقته في نفسه ..ووزنه زاد كمان.

· لذا نوصي على الاقل ب (10) ايام ترفيهية الي اكرم الهادي سليم ..عسى ولعل يعود بعدها اكرم الي (كنبة) المريخ.

· اما محترفي المريخ فان امرهم مختلف ..وحالتهم تستوجب العطف ..والرحمة لأنهم وصلوا لمرحلة خطيرة من الاحباط.

· وهؤلاء ...الايام الترفيهية لن تجدي معهم ...ديل طالبوا بالفسخ عديل كدا.

· انتوا تعالوا هنا عصام الحاج دا قال السنة دي موسم (الخبت)..وإلا قال السنة دي موسم (الفسخ).

· اي محترف في المريخ ..قال عاوز يفسخ عقدو.

· الحكاية دي بدأت من كلتشي ..الذي غادر الي امريكا وطالب من هناك ب (فسخ) عقدو.

· كلتشي رجع ..عصام الحضري غادر.

· عصام الحضري طبعا هو المتعاقد مع المريخ ...وهو بمشي ويجي على كيفو..وما في زول يقدر يقول ليه حاجة.

· عصام الحضري (المالك) ...قالوا (فسخ) عقدو من طرف واحد ..(يعني ما اشتغل حتى بالمريخ).

· اصلو الزول دا ما شغال بالطرف التاني.

· حاجاتو كلها كدا ..من طرف واحد...(هو ما قاعد يعد ناس المريخ ديل).

· ناس المريخ ..جاءهم خطاب ..فيه افادة ب (فسخ) عصام الحضري لعقده.

· كأنو عصام الحضري دا كان متعاقد مع (تلاجة موز)...عشان يفسخ عقدو ب (الايميل).

· ب (الايميل) يا مزمل.

· تذكر ايميل سادومبا المسحوه.

· اها هسع جاكم ايميل الحضري الفسخوه.

· واحدة بي واحدة.

· موضوع (الفسخ) يا ريت لو وقف هنا.

· باسكال ذاتو طالب ب (فسخ) عقدو.

· باسكال المسكين ...زهج ..وقال ما بقعد في المريخ تاني ...انا ما عارف المريخ الايامات دي فيه شنو؟.

· اي محترف عاوز يمشي منو؟.

· ناس مكسيم وسلمانو ..طبعا المريخ هو الذي سوف (يفسخ) التعاقد معهم.

· يعني ما في اي محترف في المريخ ح يستمر في الكشوفات الحمراء.

· كلهم طالبوا بفسخ التعاقد ...والحضري (فسخ) عقدو فعلا.

· في ظل هذه الاوضاع ..ربما هيثم مصطفى ذاتو (يفسخ) تعاقده مع المريخ.

· الزول دا الي الان ما استلم قرش من ناس المريخ.

· والقروش العاوزة منكم .ممكن يتبرع ليكم بيها لي جامعكم.

· عشان نخلص من الدوشة دي.

· ولو المريخاب جابوا (غارزيتو)..هيثم مصطفى اليوم التاني طوالي بفسخ تعاقدو.

· هو هيثم في الهلال ما قعد مع (غارزيتو)..عاوزني يقعد مع غارزيتو في المريخ.

· الموضوع دا بكرة بنرجع ليه بالتفصيل.

· ملحوظة : الكوكي لو عاوز يرجع للاهلي شندي ..إلا يمشي (مدرب للحراس).

هوامش

· الاهلي شندي كما ثبت للجميع ..تعرض لظلم كبير من الحكم المورتاني الذي نقض له (3) اهداف ..لو كانت في (زحل) كان حسبوها.

· الاهلي شندي قادر على التعويض في الاسماعيلية ..خاصة ان الاسماعيلي سوف يلعب امام الاهلي شندي بدون جمهور.

· لاعبو الاهلي بامكانياتهم ..ومقارنة مع مستوى الاسماعيلي قادرون على تجاوز الاسماعيلي ان شاءالله والانتصار عليه في الاسماعيلية.

· عودنا الاهلي بالعودة بنتائج مشرفة من خارج السودان.

· المريخ سوف يلعب امام الموردة بعد غدا.

· بلة جابر وين الان؟.

· في معسكر المريخ ام في معسكر الموردة.

· برضو عاوزين نعرف رأسنا من كرعينا.

· بلة لو لعب يوم الثلاثاء احسن يلبس من البداية شعار الموردة.

· الواحد ما فاضح.

· ضفر دا عاوز يعرف بلة جابر معاه وإلا مع التانين.

· يس يوسف في تمارين المريخ بقوا يدبوا فيه كيف يتعامل مع كور بلة جابر.

· لكن ناس الموردة مفروض يوم الثلاثاء يركزوا على موسى الزومة.

· موسى الزومة هدف بلة جابر عجبو.

· بس ما قادر يقول حاجة.

· غايتو يا بلة جابر انت اكتر لاعب اثبت تعاطفك مع فيصل العجب.

· لو غارزيتو مشى المريخ ..مشاطيب المريخ في يونيو طلعو.

· علاءالدين يوسف (حلاقتك) دي ما ح تكملها في المريخ.

· احمد آدم سوف يكون في اختبار حقيقي يوم الاربعاء القادمة امام الامل عطبرة.

· تاني ما بنفرط في نقطة.

· ولا نقطة.

· شولة ساكت ما بنفرط فيها.

· عاجل :
طمبل يعود للمريخ في يونيو ...(تابعوا التفاصيل بعد شهر و10 ايام).

انقر هنا لقراءة الخبر من مصدره.