سودارس : القون الاول (قولة خير) ..التاني (خطوبة رسمية).. الثالث (عقد عديل)

أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

القون الاول (قولة خير) ..التاني (خطوبة رسمية).. الثالث (عقد عديل)

قوون نشر في قوون يوم 23 - 01 - 2015

جميلة ومستحيلة لمحجوب شريف ..منو الما شالها في (بطاقتو) الشخصية..وخطاها بخط عريض في غلاف كتاب الجغرافيا
كانت أغنية (اقابلك) تشكل أماني الناس ...وحلمها ..اي واحد كان شايل ليه (قفة اماني) في دواخله..ويبحث عن طريق للمقابلة
ما كنت بتخيل يجي زمن ويكون في زول شايل ليه (كورية طلس) منقرة او مزلطة بتعابيرنا العادية.. او (حلة لبن قديمة) مكتدبه وعاوز ليه شوية حنان
بلة جابر وعنبكة بيجيبوا اقوانكم ..وما بتخجلوا..بتتكلموا عادي كدا ..بتمشوا في الشارع زي الما حصل حاجة
* قلت لعبدالوهاب وردي في حوار عن ذكرى رحيل وردي الثالثة التى سوف تكون بعد ايام في العشرة الاواخر من شهر فبرائر القادم...هل عادة وردي ان يبدأ حفلاته ب (اقابلك)؟ ..فقد كانت حفالات عديدة للفنان محمد وردي في السنوات الاخيرة قبل رحيله ان يبدأها ب (اقابلك).
* وكانت (اقابلك) تشكل اماني الناس ...وحلمها ..اي واحد كان شايل ليه (قفة اماني) في دواخله..ويبحث عن طريق للمقابلة.
* البكون متواضع ..وخجول وما قادر يقول حاجة ..بكون شايل ليه (كيس) اماني وعاوز يقابل زولو بي اي طريقة.
* والمقابلة هنا لا فيها مليء استمارة ولا فيها مكتب استقبال ..عندما تلتقى العواطف تسقط تلك الرسميات ..والبرتكولات الثقيلة.
* عبدالوهاب وردي ..قال ان ايقاع الزمن ..وعجلة الناس هو الذي جعل وردي يبدأ حفلاته في هذا الزمن باغنية (اقابلك) وهي اغنية خفيفة – رغم ان وردي كان يري في الاغنية بعدا فلسفيا عميقا.
* اهلنا الكبار البفهمو بقولوا في افتتاحية النص (فلسفة) ... الزول لو كان ما عارف ممكن يروح فيها.
* ممكن تضيع ..وما تعرف اسمك ذاتو منو (أقابلك في زمن ماشي .. وزمن جاي ..وزمن لسة...بشوف الماضي فيك باكر ...أريت باكر يكون هسة).
* توقيت الاغنية قريب.
* وفيها مواقيت الزول لو ما كان واقع من السما ما بعرفها.
* نحن لو متنا ..شقّينا المقابر.
* الاغنية كتبها اسحق الحلنقي ..وهي من الاغاني التى تأتي في مؤخرة الاغاني التى جمعت بين وردي والحلنقي.
* وردي غنى للحلنقي اكثر من (17) اغنية ..بدأت من (يا اعز الناس حبايبك نحن زيدنا قليل حنان).
* ما كنت بتخيل يجي زمن ويكون في زول شايل ليه (كورية طلس) منقرة او مزلطة بتعابيرنا العادية.. او (حلة لبن قديمة) مكتدبه وعاوز ليه شوية حنان.
* كمان الحنان بيشحدوه.
* قادر الله.
* والله علم...نحن الحاجات دي ما كنا بنعرفها ..ولا كانت بتقع لينا ..ولا كنا فاهمين فيها حاجة.
* الحلنقي شرّع شحدة الحنان ...(زيدني قليل حنان).
* بنعرف زيادة الفول.
* زيادة اللبن.
* زيادة العجور.
* لكن (زيادة الحنان) دي جديدة علينا.
* نحن كان مالنا.
* انا ذاتي الخلاني ادخل المنطقة دي شنو؟.
* دي منقطة صعبة ..الخروج منها صعب ..ونحن بكرة عندنا كورة.
* اغنية (اعز الناس) التى كتبها الحلنقي وكانت اول اغنية يغنيها وردي للحلنقي...مليانة بالفرح ...والشغب العاطفي الجميل.
* (دا العمر زادت غلاوتو معاك..وصالحني الزمان ...كنت من قبلك ..بشيل الليل دموع...واطويهو هم...انا كنت بخشى ...على الأماني الطفلة ...يفنيها العدم..وجيت لقيتك بين ضلوعي شموع...وغنيتك نغم).
* ما في فرح اكتر من كدا.
* الاماني الطفلة دي ذاتها اكتشاف للحلنقي ..إلتقاط جميل ورؤية خاصة لاسحاق الحلنقي للاماني.
* عبدالواهاب وردي عودة الى اجابته ..قال ان وردي لمن الزمن كان تقيل شوية ..والناس ما عندها ذلك الملل الذي اصبح الان كان بيدأ حفلته ب (جميلة ومستحيلة).
* وجميلة ومستحيلة لمحجوب شريف ..منو الما شالها في (بطاقتو) الشخصية..وخطاها بخط عريض في غلاف كتاب الجغرافيا.
* (جميلة ومستحيلة) كل الناس كانت تشكل لهم الحلم الخاص للحبيبة العصرية بمواصفات محجوب شريف العميقة.
* (يامراسى الشوق تعالى..لا اليالى تمر بدونك هى الليالى..من ضواحى الدنيا جيت...وعليْ رحالى..لمداين في عيونك يا محالى).
* عليكم الله انا الدخلني في الحتة دي شنو؟.
* انا عارف لو قمت جبت سيرة وردي بالغلط ..بقوم تاني ما اطلع.
* تاني المرقة بتبقى لي صعبة.
* وبكرة عندنا مباراة.
* لكن ما مشكلة ..بقوم اتحرفن ليكم.
* بقوم اعمل ليكم عملية في العمود دا ..زي البكون ماشي عديل وبدون ما يرمي اشارة يقوم يلف.
* الشارع كلو ..يكورك فيه.
* انا بعمل ليكم نفس العملية.
* نفس الحركة.
* لمن كنا بنسمع ناس المريخ بتكلموا عن المريخ ..ويفرط الاعلام الاحمر في التفاؤل واظهار المريخ كمارداً احمرا كنا نظن ان القبة تحتها فكي.
* وان المريخ هذا الموسم ممكن يظهر بشكل غير.
* جينا شفنا المريخ امام شالكة...لقيناهم من الفقر الابداعي عندهم ان ناس المريخ ما اتحركوا خطوة.
* الناس ديل لسه في بلة جابر وعنبكة.
* تتخيلوا اقوان المريخ في شالكة جابها بلة جابر وعنبكة.
* حليل ناس طمبل.
* حليل ناس كلاتشي.
* حليل ايداهور.
* بلة جابر وعنبكة بجيبوا اقوانكم ..وما بتخجلوا..بتتكلموا عادي كدا ..بتمشوا في الشارع زي الما حصل حاجة.
* دي شالكة شنو؟.
* شالكة في بلدنا دي.
* الالمان ديل كورتكم فكت وإلّا شنو؟.
* بقى ما عندهم رأس.
* قلنا يمكن (التصوير) كعب في مباراة المريخ شالكة ..قلنا نشوف مباراة المريخ وكمبالا سيتي.
* مباراة المريخ وكمبالا سيتي طلعت تقول منقولة من ميدان عقرب.
* دافوري بس.
* ما شفنا اي كورة.
* الغريب انهم قالوا (اكرا) طلع نجم المباراة.
* واكرا المباراة كلها يدخل ويطلع تقول (طبيب الفريق).
* صاحبكم مصاب..وحركتو شوية فيها صعوبة.
* عموما ..نحن بنقول مستوى المريخ هذا يجعله يخسر على الاقل من الهلال ثلاثة صفر.
* فرق كبير بين الهلال والمريخ في فترة الاعداد.
* عشان كدا لو طلعتوا يا مريخاب خسرانين تلاتة بس ..اعملوا ليكم كرامة.
* نحن المباراة دي بالمناسبة عندنا ليها فهم برانا.
* الهدف الاول ..ح نعتبروا قولة خير.
* وقولة الخير ما بمشي فيها ناس كتيرة.
* ما اكتر من عشرة.
* وما اكتر من (كيس حلاوة) وصندوق بارد.
* عشان كدا يا ناس الهلال ..وقت فريقكم يجيب الهدف الاول ما تعملوا جوطة كتيرة.
* الموضوع اعتبروه قولة خير.
* الهدف الثاني ..ح نعتبروا (خطوبة) رسمية.
* ونحن ما شفقانين ..ما ح نعقد في الخطوبة.
* خلوا الاولاد يعيشوا فترة خطوبتهم ..يطلعوا ويتفسحوا.
* وناس فيصل موسى ح يتفسحوا في الدنيا دي جنس فسحة.
* نزار حامد ح يعمل (ورش) وسمنارات تقيلة في منطقة الوسط ..لو ما مصدقين ..اسألوا علاءالدين يوسف.
* علاءالدين يوسف الى الان عندو ركبة ما لاقيها.
* عندو ركبة رايحة منو.
* الهدف الثالث ..بنعتبروا (عقد عديل).
* يعني ح نضرب نيران.
* ونضبح خرفان.
* ونقسم الحلاوة.
* بعد كدا لو حصلت اي زيادة في الاهداف ..ممكن حكم الراية بتاعكم ما يحسبها ما عندنا مشكلة.
* عشان ما ننكد عليكم في (الاستقلال)..كفاية تلاتة.
* لكن لو بي حالتكم دي لو جيتونا في عيد الانقاذ ح نفرتكم واحد واحد.
* في الانقاذ ..ستة ما بتمرقكم مننا.
* ..........
* ملحوظة : بكرة ح نشوف تفاصيل اخرى للمواضيع دي.
هوامش
* لاحقا .. نعود لنرد على يوسف ابوحميد والرشيد علي عمر.
* الكاردينال بقى يصرح ويعود ينفى تصريحاته.
* يا كاردينال خلي كلمتك واحدة.
* ما تعمل الحكاية كلها (صور).
* الصور دي برضو ما حقتك.
* نيلسون سوف يحسم مباراة القمة.
* فيصل موسى ح يكون نجم المباراة.
* ووليد علاءالدين ح يعمل اي حاجة في الجماعة.
* يمكن يفتح ليه ورشة.
* ويمكن مستشفى.
* ويمكن ورشة.
* ويمكن يعمل ليه سبيل.
* انتظروه بكرة ان شاءالله.
* اما مدثر كاريكا فهو في هذه الايام ..في افضل حالاته.
* يتحرك كما الفراشات.
* وبشه حصتو ثابتة.
* بكري المدينة ..(الفيفا) عاملة ليه (هلع).
* لو لعب الشوط الاول ..يمكن القرار بتاع الفيفا يصل بين الشوطين.
* يعني الزول دا المباراة ما مضمون يكملها.
* زي الزول البكون تعبان شديد ..يقوموا يقولوا ليك ..الزول دا الواطة يمكن ما يصبّحها.
* بكري المدينة ..المباراة يمكن ما يكملها.
* والكثير ..الكثير...الكثير.
* انتظروا انتوا بس.
* .......
* عاجل : علي جعفر قالوا ليه ..فيصل موسى دا ما يمرق منك ..قال ليهم هو مرق من جمال الوالي ..ما يمرق مني انا.

انقر هنا لقراءة الخبر من مصدره.