هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    كاكا قال لدوائر فرنسية إنه يتوقع إنهياراً وشيكاً لقوات التمرد السريع    لو ليك فى الرومانسى.. لا تفوت هذه المسلسلات فى دراما رمضان 2026    تحديث ذكي جديد ل"واتساب" في آيفون    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    عقوبة مالية على الإتحاد وإيقاف عضو الجهاز الفني لنادي المريخ    قرارًا جديدًا لوزير التعليم العالي في السودان    والي النيل الأبيض يشيد بالليلة الثقافية الأولى لهلال كوستي    الجيش يفشل هجومًا عنيفًا لميليشيا الدعم السريع    (ده ماهلالك ياهلال؟؟)    السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي    مهارات يامال تعجز مبابي ونجم مانشستر سيتي    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    ذكرى رحيله.. قصة حب نور الدمرداش وكريمة مختار وزواجهما    الهلال يتلقى أول خسارة بدوري المجموعات أمام مولودية الجزائري    أبل تفتح CarPlay أمام تطبيقات الذكاء الاصطناعي الصوتية    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لو قابلتوا (مازيمبي) كان فطرتو من اول يوم في رمضان
قوون نشر في قوون يوم 12 - 07 - 2015

جماعتكم فاطرين بما في ذلك حاتم وصديق ..عشان جريتهم بعد هدف شيبون ما جرية زول (صايم)
"""""""""""""""""""""""""""
لكن الشغيل في الهلال مع (المشيخة) جاب ليه (حرفنة) جديدة – وبقى مع قوتو صاحب مهارات
""""""""""""""""""""""""""
لن نقول ان الصيام سوف يؤثر على لاعبي الهلال ..لأن لاعبي سموحة ايضا صائمون
""""""""""""""""""""""""""""""""""""
الاكتفاء بهدف وحيد – امر لا تحمد عواقبه ..خاصة امام فريق مصري يحسن استغلال الفرص
"""""""""""""""""""""""""""""""""
• الى الآن ما واقعة لي (قفة) الفهم دي.
• العلاقة شنو بين (الافطار) من اجل المباراة والصيام (تحيروا الزول في شاحنو) ...والمباراة اصلا تلعب الساعة اتناشر ونص بتوقيت السودان.
• الساعة العاشرة والنصف بتوقيت الجزائر.
• يعني ما في اي داعي لعدم الصيام.
• عاوزين ليكم سبب ساكت.
• اذا كان الهدف الذي سجله (شيبون) صحيحا – والحكم نقضه ..يكون نقضه عشان (فطوركم) دا.
• البفطركم شنو؟.
• لو صايمين بالجد كان حسبوا ليكم الهدف ..حتى بعد خروج الكورة من الملعب حسب رؤية حكم الراية.
• في صحف المريخ (ذاتها) – عشان ما تقولوا الكلام دا بنجيبوا من برة – قالوا ان غازريتو اجبر لاعبي المريخ بالفطور.
• غارزيتو طلع ليهم فتوى.
• غارزيتو شخصيتو قوية ..وقت يقول ليهم افطروا – بفطروا.
• وناس بكري المدينة ما بصدقوا.
• البعثة كلها بتكون فطرت.
• شيخ غارزيتو قال ليهم افطروا.
• بما في ذلك حاتم وصديق ..عشان جريتهم بعد هدف شيبون ما جرية زول (صايم).
• كمان نحن ما بنعرف (الصيام).
• الزول الفاطر ظاهر – بدون مناسبة يقول ليك الليلة اليوم دا طويل خلاص.
• ويقعد يعاين في الساعة.
• ويديك احساس انو بعاين للساعة.
• وان الزمن بتمحرج.
• والواطة سخنة.
• والله يجيب لينا (العيد).
• دي حركات الناس (الفاطرة).
• فاكرين المعاينة في (الساعة) بتأكد صيامهم.
• والله اعلم.
• لكن الفطور ظاهر في (بكري المدينة).
• يدافر المباراة كلها – مدافرة زول فاطر.
• زول فاطر وقضيتو في (لوزان).
• ما في زول صايم كورتو بتمشي (الكشافات) بالشكل دا.
• ما شفتوا بكري المدينة طلع ليه من تلاتة مدافعين ولعب الكورة في (الكشافات).
• الناس ديل بحبوا (الكشافات) زي عيونهم.
• لو طلعوا من كشافات السودان ..بلحقوها في الجزائر.
• يا كافي البلا ..الكشافات في الجزائر ما بتمرق منهم.
• ما برحموها.
• ما عندهم كشافات غريبة.
• لكن انتوا تعالوا هنا – بكري المدينة دا مالو بقى (مهموم) كدا؟.
• قولوا ليه يا زول ما تشيل هم.
• موضوع (لوزان) دا ما قدر كدا.
• ما تكتل نفسك بالهم.
• الولد بقى (ضعيّف) وبيلعب بدون نفس.
• قصدت بالمقدمة اعلاها ان اوضح ليكم الفرق بين الهلال والمريخ.
• حتى في (الصيام) في فرق.
• ناس بشه وكاريكا ومساوي ونزار حامد والشغيل...ما بتلحقوا في سلوكهم.
• الشغيل دا قالوا (شيخ) عديل كدا.
• ناس المريخ عارفين الموضوع دا – الشغيل كان بلعب معاهم.
• لكن الشغيل في الهلال مع (المشيخة) جاب ليه (حرفنة) جديدة – وبقى مع قوتو صاحب مهارات.
• الهلال لعب امام مازيمبي في منتصف النهار ...في شمس (تخلع) مع ذلك كاريكا وبشه ونزار حامد رفضوا الفطور.
• نحن فرجة ساكت ...العطش قطع قلبنا.
• البشوف كاريكا بعد استبداله وهو بترشرش بالموية وهو جالس في (الكنبة) يصل لحقيقة صيام لاعبي الهلال.
• الصورة واضحة.
• الصورة لا تكذب.
• كاريكا في الصورة بيذكرك بي رمضان زمان – وقت الناس كان بترشرشوا بالموية ويبلوا (الملايات).
• واليوم كلو بكونوا غاطسين في البحر.
• لاعبو الهلال لعبوا صايمين رغم ان المباراة (نهارا) – واستطاعوا بفضل الله ان يطلعوا بتعادل مع مازيمبي الذي فشل لاول مرة في التسجيل منذ عام 2012م.
• يمكن لاعبو المريخ فطروا عشان (السفر).
• ويمكن عشان (الكبر) – ودا الاحتمال الاكبر ..لأن الذهاب الى الكنغو فيه سفر برضو.
• الكنغو ما بتقع وراء استاد الهلال.
• الفارق بين مازيمبي واتحاد العاصمة الجزائري كبير ..مع ذلك استطاع الهلال ان يتعادل مع مازيمبي وان يقدم عرض (جنن العالم).
• الهلال اتعادل مع مازيمبي في مباراة يديرها حكم (مجنون).
• مجدي شمس الدين بجيب لينا في (المجانين).
• ناس المريخ على الاقل حكمهم عاقل ..ومباراتهم (ليلا).
• عامل آخر يرجح كفة (الراحة) في مباراة المريخ والاتحاد على حساب مباراة الهلال ومازيمبي.
• امام مازيمبي يلعب الهلال امام لاعبين (فاطرين) بينما يلعب المريخ امام فريق كل لاعبيه مسلمين.
• يعني اذا اثر الصيام في المريخ – هو ايضا اثر في الاتحاد.
• في الوقت الذي يلعب فيه الهلال امام خصم لا يتساوى معه في مبدأ (الصيام)...يلعب المريخ مع فريق يؤثر فيه رمضان.
• وان كنا على قناعة ان اثر الصيام الروحى اكبر – فهو يعطي العزيمة والاصرار والارادة.
• شاهدنا ذلك عند مدثر كاريكا وبشه وهما يقدمان اروع مبارياتهم في الفترة الاخيرة رغم صيامهم.
• لكن في كل الاحوال اذا كان خصم المريخ في المباراة هو فريق مازيمبي ..كان غارزيتو فطّر لاعبي المريخ من اول يوم في رمضان.
• ولا بقولوا حاجة.
• ناس حاتم عبدالغفار وصديق علي صالح – ولا بقدروا يعترضوا او يقولوا لا.
• وناس بكري المدينة وقت يلقوا ليهم زول (يفطّرهم) ما برفضوا (المبدأ).
• بعتبروا انفسهم في مهمة وطنية.
• بفطروا.
• اليوم الهلال يلعب امام (سموحة) في امسية رمضانية رائعة.
• مع بشريات العيد ..وفرحة الناس بهلة هلال شوال ..يلعب الهلال اليوم.
• حيث يلعب الهلال من اجل الصدارة – وهذا يستوجب ان يفوز الهلال اليوم بعدد كبير من الاهداف.
• لن نقول ان الصيام سوف يؤثر على لاعبي الهلال ..لأن لاعبي سموحة ايضا صائمون.
• لذلك حجة الصيام والتعلل به يجب ان يبعده لاعبو الهلال من حساباتهم.
• بل ان تأثير الصيام سوف يكون اكبر على لاعبي سموحة باعتبار ان فريق سموحة لا يعرف ان يلعب في مثل هذه الاجواء.
• درجة الحرارة العالية يجب ان يستفيد منها الهلال – ليسجل الهلال اكبر قدر من الاهداف.
• الاكتفاء بهدف وحيد – امر لا تحمد عواقبه ..خاصة امام فريق مصري يحسن استغلال الفرص.
• لذا يجب ان يحسم الهلال مبكرا بعدد من الاهداف – مع وضع في الاعتبار ان فريق سموحة يحسن العودة.
• امام المغرب التطواني عاد فريق سموحة بعد ان كان متأخرا بهدفين...وهذا يعطي مؤشرا على قدرة لاعبي سموحة الكبيرة.
• وضع (سموحة) في ضغط مستمر ..هو اسلم طريقة يمكن ان نأمن بها شر الفريق المصري.
• الضغط الذي يجب ان يضع فيه فريق سموحة يجب ان يكون ضغط جماهيري في المقام الاول.
• قلنا ليكم الف مرة سموحة ما بتعرف تلعب امام الجماهير.
• جماهير الهلال التى ارهبت فريق الاهلي المصري فريق القرن وجعلته يتجرع خسارة قياسية ..قادرة ان ترهب سموحة الفريق الذي يفتقد للخبرة ولا يملك ربع تجارب الاهلي المصري.
• الهلال امام فرصة تاريخية اليوم ليعلن عن نفسه بصورة جيدة ومحترمة وليضع اسمه كمرشح اول للفوز باللقب باذن الله.
• كل العناصر والعوامل في صالح الهلال اليوم ..فلا تدعوا الفرصة تفوتكم.
• فريق سموحة يعاني دفاعيا ..وعنده (حارس) بفكها ويمسكها.
• الفريق يفقد افضل لاعبيه ابراهيم عبدالخالق قائد الفريق ولاعب الوسط – وهذا يعني ان سموحة سوف يعاني في الوسط ايضا.
• يعني فريق لا دفاع ولا وسط.
• هجوم سموحة افضل خطوطه ..ولابطال خط هجوم سموحة يجب ان يلعب الهلال في ملعب سموحة.
• الكورة تكون في النص التاني.
• واهم من كل ذلك ...ان تكون جماهير الهلال حاضرة بقوة.
• سوف يكون اليوم باذن الله يوم تاريخي ..رائع في تاريخ الهلال – لا تدعوا الفرصة تفوتكم.
• ما تكتفوا بالفرجة.
• تعالوا لتكونوا شركاء في (الفرح).
• وشركاء في الانتصار التاريخي باذن الله وتوفيقه.
• ..............
• ملحوظة : سوف نعود بكرة ان شاءالله ونحن اكثر فرح.
هوامش
• جمال سالم انكشف.
• فلاحة جمال سالم بس امام الاهلي مدني والرابطة كوستي.
• اي كورة ساهلة موضوعة في زاوية ممكن تكون هدف في شباك جمال سالم.
• اي مهاجم يلعب ضد جمال سالم ..يضع الكورة على طريقة لاعب اتحاد العاصمة.
• الزول دا قاعد ينطط ساكت.
• ويتمها كلام مع امير كمال.
• امير كمال ..تقيل شديد...للحد الذي نقول فيه ..مفروض الهلال ما يدفع في امير كمال اكتر من 300 مليون جنيه بالقديم.
• اما سالمون فهو (كارثة) حقيقية في الدفاع.
• تقلة مبالغة فيها.
• عمر بخيت ما شفناه.
• وبكري المدينة فالح بس امام اندية الدرجة التانية.
• تعالوا الليلة ..المتعة حاضرة.
• شوفوا الفهم.
• شوفوا الاقوان.
• شوفوا اللعب.
• لو الحكم نقض لينا سبعة اقوان ما بنقول حاجة.
• بنلعب كورتنا بس.
• نحن متعودين على الحاجات.
• ولا بنستغرب.
• ...........
• عاجل : الليلة السحور علينا...ما تقولوا في الفطور.

انقر هنا لقراءة الخبر من مصدره.