سودارس : ح نتأهل ونتأهل ونتأهل الدكتور ...قال ليكم شنو؟

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ح نتأهل ونتأهل ونتأهل الدكتور ...قال ليكم شنو؟

قوون نشر في قوون يوم 05 - 04 - 2013

· مرات زول ما يكون عندو اي حاجة ..طول في عرض زي (صيوان المناسبة).
· يتلافاك متل قطر المشترك.
· ما بشكي من شيء.
· نزلة ما بتجيهو.
· كل ما تشوفو ...تلقى بيأكل ليه في (سندوتش طحنية) ..وبشرب ليه في حاجة باردة.
· ايدو ما بتفضى من (الحاجة الباردة).
· خشمو ما بتقفل...يا شايل ترمس ...يا فول سوداني.
· على اسوأ الفروض بكون بقرض ليه في (رغيفة).
· الزول دا لو مشى للدكتور ...والدكتور قال ليه عندك (قلب)...برجع ويصدق الكلام دا.
· يرجع موهوم عديل كدا بالقلب.
· الحاجة الباردة يخليها.
· الترمس يسيبو.
· الفول السوداني ...يبقى ما بمشي عليه.
· في شهر يبقى زي (القصبة).
· يبقى زي (شوكة) الثواني.
· في ساعات ما فيها شوكة للثواني...ساعات قاعدة في السهلة ساكت.
· الدكاترة ديل ..يوهمومك ..ويشيلوا قروشك.
· مرة عندنا زول (موهوم) .....مشى للدكتور بالدس.
· ما عاوز زول يعرفو.
· مشى يشكي من (المعدة).
· الدكتور قال ليه : على بالطلاق انت ما عندك اي حاجة ...بس عندك قطعة ارض في صالحة.
· صاحبكم رجع من الدكتور (مبسوط) زي كرت الفتوح.
· سنونو كلهن برة..زي كلاب الحراسة.
· ومرات كمان.
· دقيقة بس.
· الكلام دا ما يطلع من العمود دا.
· مرات كدا.
· لو في زول...ما قادر يقيف ..وما قادر يأكل ، وما قادر ينوم ..والبشربها كلها بيستفرغها (زي الرصيد البكون ناقص رقم)...قدر ما تشحنو ما بنزل.
· يجيك راجع بس.
· لو مشى الزول دا للدكتور ...والدكتور قال ليه : ( ما عندك اي حاجة)...الزول دا برجع من الدكتور زي الطلقة ...الحاجة القدامو كلها بهرسها.
· يضرب ضرب صاح ...وهمو ينزل.
· في ناس مرضها نفسيات ...الواحد يكون قاعد في البيت مكسر ...من يمشي يقابل الدكتور نفسايتو تتعدل.
· واول ما يرجع ..يقول ليهم اعملوا لي عصير.
· شفتوا الزول من يقول اعملوا لي عصير ..معناتها ما عندو حاجة.
· لو شرب العصير ...خلاص موضوعو انتهى.
· زولكم كدا مية المية.
· وان شرب العصير ...كمان بمشي على (التلاجة).
· ما بخلى ليه فيها حاجة.
· الفول البايت ...الباسطة ..الجبنة ...كلها بنسفها ليك ...زي عربية النفايات.
· اي كيس قدامها بترفعو.
· الحاجات دي بتثبت ...اننا ثقتنا في الاطباء كبيرة ..رغم الاخطاء الفضيحة البقعوا فيها.
· عندنا دكتور نسى (شاحن الموبايل) في بطن المريض.
· الدكتور وقت اتذكر انو ناسى الشاحن في بطن المريض ....قال : (المشكلة شاحني اصلي ..في السوق ما بتلقي متلو).
· الدكتور اسبوع زعلان على شاحنو.
· عشان كدا الدكتور قرر ليه عملية تانية (ازالة شاحن).
· لكن الي الان كلام الدكتور عندنا زي (السيف)....ثقة الناس في الدكتور ما اهتزت.
· مكانة الدكتور في محلها.
· نحن مرات (الممرض) ساكت بنرفعو السماء ...وقت يكون ما في دكتور.
· والممرض ذاتو وقت يلقى الدكتور ما في برفع نخرتو.
· ويرفع القزاز.
· زي رونالدو وقت يكون عاوز ينفذ ليه (مخالفة).
· يتشحط ..ويجر ليه نفس عميق.
· نوع دي طوالي قون.
· اقول ليكم بي صراحة.
· في هزة حصلت في (الدكاترة).
· خلونا نتكلم بالجد كدا.
· الدكتور بقى تشوفو في المستشفى زي (الباك) قاعد في ركن.
· المريض من الدكتور ما بتقدر تفرزو.
· دكاترة الزمن دا اتراجعوا شوية ...التراجع ما في الكورة بس.
· التراجع في الطب برضو.
· في هزة عامة كدا.
· ما عارف الحصل شنو؟ ...الموازنات والتقديرات اختلفت ، يمكن عشان اي شارع فيه (كلية الطب).
· قالوا ليك الزول لو سأل من (بقالة) ...يقولوا ليه : شفت كلية الطب ...شمالها طوالي.
· تسأل من (بيت) ...في اي حتة كدا ..يقولوا ليك في ضهر كلية الطب مباشرة.
· تسأل من (محل غاز) ..يقولوا ليك لصق كلية الطب.
· غايتو يا ناس ثورة التعليم العالي ..كترتوا لينا (كليات الطب) للوصف.
· نتواصف بيها ساكت.
· غير كدا ..نحن ما شايفين منها حاجة.
· قبل سنوات كدا ...كلية الطب جامعة الخرطوم كانت في السنة بتخرج ليها 40 طبيب.
· هسع في 40 كلية طب ...طبيب واحد ما بتتطلعو.
· معليش يا جماعة ...الكلام دا ما فيه احراج.
· ما تقعدوا تتحرجوا فينا ساكت زي طقم الكبابي.
· زمان اي (شافع)...البقرأ ..والما بقرأ تقول ليه لمن تبقى كبير عاوز تبقى شنو؟.
· يقول ليك عاوز ابقى (دكتور).
· ولو بالغلط قال غير كدا ...ابوه ..وامو ..واخوانه الكبار ..واعمامه وخالاتو يقوموا فيه.
· ما برضوا يقول غير كدا.
· البشذ في الجماعة ديل ...بقول ليك عاوز ابقى (كابتن طيران).
· هسع لو سألت الاول ذاتو ..يقول ليك عاوز ألعب في الهلال.
· ناس برشلونة ديل ...صلّحوا لينا الاوضاع في الهلال.
· اي شافع يشوف برشلونة ...يقول ليك عاوز ألعب في الهلال.
· موضوع الدكاترة دي بذكرني ليك بي حكاية كدا.
· بالمنطق يا جماعة ...ما تقعدوا تتلفتوا لي.
· في الحلة ...او في الحارة ...اي زول يمشي للدكتور ...بلاقهو اليوم التاني ..ويقولوا ليه : (الدكتور قال ليكم شنو؟).
· بسألوه السؤال دا بصورة جادة ..وقاطعة ...وحادة.
· الناس بس بتصدق كلام الدكاترة.
· ينتظروك تمشي الدكتور ..اول ما ترجع ..يشركوا ليك في الشوارع ..ويقولوا ليك : (اها الدكتور قال ليك شنو؟).
· الكلام البقولوا ليك الدكتور ما بقع واطة.
· انا في الظروف دي ...لاقني ليك واحد ما بعرفو ..قال لي : (اها الدكتور قال ليك شنو؟).
· قلت ليه الدكتور قال لي : الهلال ح يتأهل.
· الزول قال لي : ان شاءالله.
· ومشينا على كدا.
· الدكاترة مسكوا البلد.
· هسع الحكومة دي كلها دكاترة ...غازي صلاح الدين طبيب ...المتعافي طبيب ...غندور طبيب اسنان ..مصطفى عثمان اسماعيل طبيب اسنان ...مندور طبيب ...محمد المختار طبيب ..الخ.
· الما بكون طبيب بشري بكون طبيب بيطري زي عبدالرحمن الخضر.
· عشان كدا بقى في خلل في المستشفيات والعيادات.
· الجماعة ديل كلهم دخلوا السلطة.
· الموضوع دا كلو هسع ما بطلعك من الموضوع الرئيسي.
· كورة الهلال الليلة.
· الهلال وقت تكون عندو مباراة ...الموية في الزير ..بتكمل.
· هسع امشي ليك على مكتبة ...جريدة ما بتلقاها.
· العجب لمن ينتصر الهلال ..ويتأهل...جريدة (اخبار الحوادث) المصرية ما بتلقاها.
· الهلال سيد البلد.
· الحكاية دي ما طلعت من فراغ.
· نحن موضوع التأهل دا الليلة ان شاءالله بنحسمو ...بنحسمو.
· ما عندنا اي خيار غير (التأهل).
· والهلال دائما في المباريات الكبيرة بكون في الموعد ...في كل العصور وكل العهود ...الهلال ما بخزل جماهيره.
· هو دائما في الموعد.
· في ناس طبعا بقولوا ليك ...هلال ناساروا ...ما زي هلال سيوي.
· القال ليكم منو؟.
· هلال ناساروا ...اتغلب في نيجيريا 0 / 3.
· وهلال سيوي اتغلب في ساحل العاج 1/4.
· والنتيجة الاخيرة افضل من نتيجة مباراة ناساروا.
· خلونا نقول الهلال الذي تتحدثون عنه ...وتقولون انه كان مميز وقوى امام ناساروا ...برضو اتهزم بالثلاثة.
· واكيد وقتها وقبل مباراة الاياب ...كان اي زول قنعان من المباراة ..وبعتبر ان الهلال خرج ...وان الهلال مستواه غير جيد ...والدليل على كدا خسارته 0 / 3.
· مجموعة لاعبي الهلال اليوم ...اكثر خبرة ..واكثر مهارات...تراوري ونزار حامد ..وبشة وسامى عبدالله وبكري المدينة ..كل هذه اضافات حدثت في الهلال ..ولم تكن في كشف الهلال في مباراة ناسروا.
· وهناك ايضا ساني وايكانغا ..وعبداللطيف بويا.
· هناك من خرج من كشف الهلال ..بالتأكيد ...وهذا امر طبيعي بعامل الزمن.
· الهلال اليوم قادر على التأهل ...فقط مطلوب من جماهير الهلال ان تتخلى عن احباطاتها ...وان تدخل لاستاد الهلال من اجل هدف واحد..وهو تأهل الهلال.
· اعملوا ال (90) دقيقة من اجل ان يتأهل الهلال ...وحافظوا على تفاؤلكم ..ومساندتكم وتشجيعكم للهلال لاخر لحظة.
· ليس هناك مستحيل في (المقبرة).
· والنتيجة نفسها غير مخيفة ...ثلاث اهداف ممكن للاعبي الهلال ان يسجلوها في شباك الفريق العاجي.
· ارهبوا سيوي بالتشجيع ...والمساندة ...هذا الفريق اضعف ما يكون امام الجمهور.
· جمهور الهلال الحقيقى لم يصمد امامه حتى فريق القرن الافريقي ..الاهلى المصري ...الذي انهار في الشوط الثاني ...بعد ان صمد الشوط الاول كله.
· الهلال سجل في الاهلى المصري ثلاث اهداف بعد مضي ساعة كاملة من عمر المباراة.
· في اخر 30 دقيقة الهلال سجل 3 اهداف.
· هذه الاهداف ..سجلت بالارادة ...والعزيمة القوية ..والمساندة الجماهيرية.
· كلما تمضي دقيقة من عمر المباراة يجب ان نضاعف من مساندتنا وتشجيعنا.
· اذا تأخر الهلال من تسجيل الهدف ...ذلك يعنى ان هناك خلال في المدرجات.
· مدرجات استاد الهلال ...قادرة على ان تمنح لاعبي الهلال الهدف ..والنصر والتأهل.
· قادرون انتم ان تمنحوا لاعبي الهلال العزيمة والاصرار والارادة والقوى.
· في نفس الوقت ..تشجيعكم ومساندتكم سوف تجعل لاعبي سيوي العاجي مثل (الفئران).
· ارهبوهم بالتشجيع للهلال ..والمساندة له.
· 90 دقيقة ...نريدها ان تكون كلها من اجل الهلال.
· البعض يتخوف من ان تستقبل شباك الهلال (هدف) لا قدر الله.
· واحسب ان مرمى الهلال سوف يكون محروسا بالجماهير ...التشجيع القوى سوف يضعف تركيز لاعبي سيوي العاجي.
· اي مباراة فيها تشجيع ومساندة قوية ..لا يستطيع الفريق الضيف ان يسجل فيها هدف.
· لذلك احموا مرمى الهلال بالمساندة القوية ..وبالتشجيع طوال ال (90) دقيقة.
· الهلال سوف يتأهل ان شاءالله.
· نرى تأهل الهلال قريبا ...وان راه البعض بعيدا.
· سوف يكون الهلال في الموعد ...وسوف تعيش ام درمان اليوم احلى لياليها.
· ام درمان تحت قبضة فرحة الهلال.
· ملحوظة : من هنا على الاستاد طوالي.
هوامش
· مباراة اليوم ...حلها عند بكري المدينة.
· بكري المدينة مفتاح التأهل اليوم ان شاءالله.
· نريد اليوم ان نعيد جمهور الهلال.
· الاختلاف الوحيد في الهلال اليوم ...هو غياب الجمهور ...وغياب المساندة والتشجيع.
· اذا عاد الجمهور ...وعادت المساندة للهلال ...سوف يعود الهلال الذي تعرفون.
· عليه فان الكلمة اليوم كلمة الجهور.
· اذا اراد الجمهور ان يتأهل الهلال ...سوف يتأهل.
· اما ان جاء الجمهور ليكون خصما على الهلال ...فان الخروج من دو ر ال (32) سوف يكون واقعا.
· لم نشعر في اي لحظة من اللحظات ان الهلال سوف يخرج.
· الليلة ان شاءالله الهلال سوف يكون متأهل ..متأهل.
· الهلال صاحب اسوأ نتيجة في الذهاب الافريقي ..اليوم سوف يكون باذن الله وتوفيقه اول المتأهلين.
· ناس المريخ ديل نحن حفظناهم حفظ.
· ناس المريخ ديل لمن يكونوا عاوزين يشيلوا ليهم مدرب ...بقولوا ليك المدرب عندو ملاريا.
· شفتوا مدرب المريخ من يمشي (رويال كير)...خلاص يعني بكون ماشي اهلو.
· ملاريا قال.
· في ملاريا بتجي للزول شهر اربعة.
· دي ملارية شنو دي؟.
· خلونا هسع من الجماعة ديل.
· الليلة غارزيتو ح يقدم علم جديد في علم التدريب.
· ح يلعب بي خطة عجيبة.
· تعالوا شوفوا بس.
· واحكموا بعد نهاية المباراة.
· الليلة ح تفهموا حاجة.
· الجمعة الهلال.
· السبت المريخ.
· الاحد الاهلي شندي.
· شفتوا كيف؟.
· نحن اي حاجة عندنا بي نظام.
· احسن حاجة في مباراة اليوم ...هو النيلين ما ناقلة المباراة.
· اذاعة الشباب والرياضة ...سيرة ما عاوزينها تجيبها للمباراة.
· انتوا يا جماعة ملاحظين حاجة.
· عصام الحاج ...صوتو انخفض.
· وين الزول دا؟.
· الظاهر الدفع كتر عليه.
· بكرة اخشى على المريخ من شيء واحد.
· اخشى على المريخ من اكرم الهادي سليم.
· لو عندكم اي طريقة ...للحضري رجعوه.
· اكرم الهادي سليم دا ما مضمون.
· هو يعني مضمون الحضري.
· الحضري من ايدو بفكها.
· بكرة ..مشكلة المريخ في اكرم.
· والمريخ القون الواحد ...عندو اصعب من التلاتة.
· تلاتة مع ناس تراوري ديل .....زي الكستر.
· حاجة في منتهى السهولة.
· نحن بنتأهل ان شاءالله.
· وح نقول لي احمد محمد احمد ...ما بنتأهل برانا.
· عاجل : الكوكي قالوا فتح خط مع ناس النيل الحصاحيصا.

انقر هنا لقراءة الخبر من مصدره.