إطلاق سراح 100 من نزلاء السجون الغارمين بكسلا    تفاصيل بشأن خطة تأهيل جسري شمبات والحلفايا    تبادل إطلاق نار في الخرطوم    السودان يشارك في المؤتمر الثاني لوزراء النقل والمواصلات بمنظمة التعاون الإسلامي بإسطنبول    وزير الموارد البشرية والرعاية الإجتماعية يزور ولاية الجزيرة    "Jackpotting".. كيف يستولي قراصنة على الصراف الآلي وأين بدأت هذه الهجمات؟    الإمدادات الطبية: وصول أول دعم دوائي مركزي لجنوب كردفان بعد فك الحصار    3 ميزات متوقعة في آيفون 18 برو بفضل شريحة " C2″ الجديدة    الأردني التعمري يقود رين إلى هزيمة باريس سان جيرمان بثلاثية    "ميتا" تعزز فيسبوك بميزة الصور الشخصية المتحركة    د. سلمى سجلت نقطة لصالحها، إن تم قبول استقالتها ستخرج وقد رفعت الحرج عن نفسها    (سبتكم أخضر ياأسياد)    الهلال يصارع لوبوبو لخطف بطاقة ربع النهائي    الأمم المتحدة تطلق التحذير تجاه أزمة السودان    الشرطة في الخرطوم تنهي مغامرة متهم المستشفيات الخطير    من سلوى عثمان لهند صبري .. مشادات "اللوكيشن" تهدد دراما رمضان    نصائح صحية للاستعداد المبكر لرمضان    "الصحة العالمية": اعتماد لقاح فموي جديد لشلل الأطفال    علم النفس يوضح.. هكذا يتخذ أصحاب التفكير المفرط قراراتهم    أئمة يدعون إلى النار    موسيفيني يصدر توجيهًا لجهاز المخابرات بشأن السيارات السودانية    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    الهلال السوداني يخوض مواجهة مصيرية في أبطال إفريقيا    في مباراة مثيرة شهدت ضربتي جزاء وحالة طرد الأهلي يخسر أمام مويس بثنائية نظيفة في دوري شندي    إتحاد جبل أولياء يكون اللجان العدلية    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟    شاهد.. حسناء الفن السوداني "مونيكا" تشعل مواقع التواصل بجلسة تصوير جديدة    شاهد.. الفنان مأمون سوار الدهب بعد زواجه: (زارتني الملائكة)    ترتيبات لإعادة تشغيل مصنع ألبان بركات وإنشاء مزرعة لتربية الماشية    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    إبراهيم شقلاوي يكتب: مسرح ما بعد الحرب لدى يوسف عيدابي    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    ارتفاع في اسعار محصول الذرة واستقرار سعر السمسم بالقضارف أمس    إلغاء رحلة قطار إلى الخرطوم..إليكم تفاصيل    انطلاق دورة متخصصة لتطوير الأداء الرقمي برعاية وزير الشباب والرياضة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسؤول سوداني يغادر إلى تركيا    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    ترامب يحذر إيران: الوقت ينفد والهجوم القادم سيكون أشد    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



دمعي اتشتت
قوون نشر في قوون يوم 29 - 08 - 2015

مزمل قال : (لم يعد تعثر المريخ في مباريات الولايات خبرًا مثيراً للاهتمام في الدوري الحالي – صارت القاعدة أن يتعثر الأحمر)
سلك كتب أمس ..ودا كلام سلك براهو : (الزعيم في الأقاليم زي شبكات الاتصالات ...حتة فيها شبكة ..وحتة بره الشبكة

أبو شيبة : (ديديه لاعب كلاسيكي عادي وكحيان ليس فيه ذرة من حماس وقوة محترفي غرب أفريقيا ديديه ضعيف التهديف ولا يحسن التمويه)!!

غايتو المريخ وقت يخسر الزول بتمتع في (أعمدة) الجماعة ديل جنس متعة..لمن تعمل ليك (زلابية)
*************************************

· يبدو أنني سوف أكتب كثيراً تحت هذه العنوان (دمعي أتشتت) كلما حصلت (ولولة) في المريخ إلى هذا الحد.

· للدرجة التى بقت فيها (حاجة بهانة) تطلع من بيتها نص الليل عشان تسأل ناس الحلة : (المات منو)؟.

· ح نرصد ليكم حالة (الولولة) في صيوان المريخ – وهي (ولولة) لا تشبه بي أي حال من الأحوال حال فريق تأهل لمرحلة دور الأربعة في البطولة الأفريقية.

· شينة منكم.

· ما عاوزين نقول بحلموا بالكأس ..عشان (الكأس) مع (ولولتكم) دي لو بقى قدامكم في تربيزة ما بتشيلوه.

· نحن زمان كان وقت النيل يدفر علينا ..والأمطار (تغلق) الشوارع و(تستفها) موية كنا بنسمع ناس الدفاع المدني يقولوا (على المواطنين توخي الحيطة والحذر).

· كنا لا عارفين التوخي ولا الحذر ولا الحيطة ذاتها.

· أنا بعد (البكا) الكتير دا من إعلام المريخ ..بقول نفس العبارة : (على جميع المريخاب توخي الحيطة والحذر).

· ولا عذر لمن أنذر.

· لو قابلناكم في الممتاز إن شاء الله بي ناس (وليد الشعلة) ...(أمير كمال) مريخ الفاشر ما بقبل بيه تاني.

· ولو قابلناكم إن شاء الله في كأس السودان بي ناس (صهيب الثعلب) ..قفة ما بتلمكم.

· ولو قابلناكم بإذن الله في دور الأربعة بي ناس بشه ونزار حامد وكاريكا ..إلّا تشوفوا ليكم بلد.

· أها يا (هلالاب) بعد كدا قصرت معاكم في شيء.

· بشه ومطرة – تاني عاوزين شنو؟.

· ودمعي.

· اتشتت.

· (دمعي أتشتت) هي محاولة لتجميع (دموع) المريخاب في عمود واحد.

· الجعري حار يا ناس.

· عشان اختصر ليكم الحكاية ...وأوريكم الناس ديل قاعدين يقولوا في شنو؟.

· لازم تعرفوا موضع ضعف الجماعة ديل ..واليد البتوجعهم ...عشان نحن من زمان بنقول ليكم (نحن أي حاجة عندنا بي نظام).

· أعرفوا خصمكم.

· منافسكم ما في مشكلة.

· العزيز بابكر سلك (في السلك) كتب كلام في السلك فعلاً.

· سلك كتب أمس ..ودا كلام سلك براهو : (الزعيم في الأقاليم زي شبكات الاتصالات ...حتة فيها شبكة ..وحتة برة الشبكة ..وحتى الحتة الفيها شبكة مرات بتطش من الشبكة – يعني تاني يا غرزة لو مشينا الولايات نطلع في رأس بيت الجداد عشان تجينا شبكة).

· سلك الظاهر عليه طول ما سافر (الأقاليم)....سلك من كان اسمها (الأقاليم) ما سافر بره العاصمة.

· يا سلك الأقاليم هسع بقت (الولايات)..والنقول ليك حاجة ..(نحن ناس أقاليم ساكت) ..الشبكة هسع في الولايات بقت أحسن من الشبكة في العاصمة.

· ناس بكري المدينة ديل ساكت متسببين.

· ناس بكري ديل عاوزين يطلعوكم رأس (بيت الجداد) في المطرة دي.

· والله ما ظريفة منكم يا ضفر.

· والله يا سلك أنا من قالوا لي بله جابر بيسخن ..قنعت ليك من المريخ.

· وعرفتكم بتطلعوا في رأس (بيت الجداد).

· بعدين يا سلك والكلام دا بيني وبينك (ما يطلع من العمود دا)..أنتوا وقت شبكتكم كعبة كدا ..بتسموه (الزعيم) لي شنو؟.

· ما في (زعيم) بطلع ليه في رأس (بيت الجداد).

· الغالي ود الغالي سلك بقول في عموده براهو كدا منو ليه وقبل ما نعصر عليه ويغير رأيو بقول : (أيا كانت الأرضية ..أيا كانت الخندقة ..أيا كانت الأسباب ...كلها ليست مبررات لفقدان النقاط بالولايات – ومن يفكر في الأميرة الأفريقية لا يخسر النقاط بالولايات).

· ينصر دينك يا سلك ..ويهزم مريخك إن شاء الله دائماً عشان تقول لينا الكلام الجميل دا.

· دا الكلام النبقول فيه ذاتو ..سلك اقتنع أخيراً ..البقنع مأمون أبو شيبة شنو؟.

· ودمعي شنو؟.

· دمعي اتشتت.

· مزمل أبو القاسم قال شنو؟.

· الكريم مزمل أبو القاسم دا عاوز ليه (مذاكرة) قبل الكورة ..عشان نقارن بين كلامو قبل الكورة وكلامو بعد الكورة.

· مزمل أبو القاسم قبل يوم من الكورة كتب في (كبد الحقيقة) تحت عنوان (الخطأ ممنوع يا كابيلا).. أبو القاسم قال في عموده : (في الدوري المحلي يتخلف المريخ عن الهلال بنقطة، وأي تفريط جديد في النقاط قد يعني ضياع لقب يرغب المريخ في استعادته بعد أن فقده في الموسم السابق).

· يا مزمل فرّطو وشبعتوا تفريط.

· ومزمل أبو القاسم يوم المباراة يكتب في كبد الحقيقة : (التفريط في الفوز على أولاد الجبال قد يعني ضياع لقب الدوري الممتاز).

· يعني مزمل أكد كلامو تاني ..صحيح هو قال (قد) ويعني (يمكن)..لكن الهلال دا ما بعرف كلام زي دا ..الهلال لو اتقدم بي (نقطة) بشيل الكأس ..فكيف إذا اتقدم بثلاث نقاط والنزيف مستمر والهلال ما شاء الله عليه في تصاعد مستمر.

· مزمل أبو القاسم أمس بعد المباراة تعالوا شوفوا قال شنو؟.

· مزمل قال : (النتيجة لم تفقد المريخ حظوظه في المنافسة على لقب الدوري).

· يا راجل.

· الدوري فارقتو فرق الطريفي لي جملو.

· ركزوا في كأس السودان.

· ويقول مزمل : (في الممتاز فارق نقطة وثلاث نقاط سيان ، لأن فوز المريخ في بقية مبارياته الدورية وتفوقه على نده في مباراة الختام سيمنحه الكأس بقاعدة التفوق في المواجهات المباشرة).

· سبحان الله.

· بقوا يحسبوا فيها بالقطارة ..أول أنتوا الكلام دا ما رفضتوه لينا في البطولة الأفريقية وقلت الهلال ما اتأهل ..والهلال بتاع (لولوة) بعاين في (لو) و (لو).

· تجوا بعد العمر دا يا مزمل وفي بطولة محلية وأمام هلال كادوقلي تعاينوا لي (لو).

· (لو) دي بدري عليها يا مزمل.

· ودمعي شنو؟.

· دمعي اتشتت.

· الهلالاب عاوزين (البكا) الجد ..التشتت الصاح.

· مزمل قال شنو؟.

· مزمل ربنا يديه العافية قال : (لم يعد تعثر المريخ في مباريات الولايات خبرًا مثيراً للاهتمام في الدوري الحالي – صارت القاعدة أن يتعثر الأحمر في الولايات، وما دون ذلك استثناء).

· الله ..الله.

· كلام زي السكر.

· كمل ..كمل يا مزمل.

· ومزمل يقول : ( حصد المريخ نقطتين فقط من مجموع تسع نقاط لآخر ثلاث مباريات دورية خاضها في الولايات ..رسوب شنيع ..وتواضع غير مبرر).

· عليك الله يا مزمل ما تجيب سيرة (الرسوب) دا ..خليهم ناس بكري المدينة ديل ..غطي عليهم.

· ما في داعي للاحراجات دي.

· ودمعي شنو؟.

· دمعي اتشتت.

· في المطرة دي.

· مأمون أبو شيبة قال شنو؟.

· شوفوا لي أبو شيبة ..الزول دا لو خلى (الحكام) بقول الحقيقة.

· بجيبها ليكم بي ربطتها.

· الجميل أبو شيبة كتب عمود أمس تحت عنوان (ديديه ما بأكل عيش).

· خلاص أبو شيبة قنع ليكم من (ديديه).

· ولا جاملو.

· ولا انتظر فترة التسجيلات.

· ويكتب أبو شيبة بحرقة : (للمرة الآلف يفشل السير غارزيتو في فك طلاسم الفرق الهزيلة التى تلعب بدفاع المنطقة وترص المدافعين الذين لا يبارحون منطقة جزاء فريقهم ..وتعتمد على المرتدات).

· كلمة (هزيلة) ما حلوة تطلق على فريق بلعب مع المريخ في نفس الدرجة.

· ما عارف أبو شيبة قال (هزيلة) ليه؟..قالها عشان الفريق اتعادل مع المريخ وفي الحالة دي بكون في تساوي في (الأوصاف) بين المتعادلين.

· وإلّا (هزيلة) جاءت من دفاع المنطقة وتراص المدافعين الذين لا يبارحون منطقة جزاء فريقهم.

· لو فريق هلال كادوقلي الذي تعادل مع المريخ في كادوقلي (هزيلاً)..العلمة التى اتهزمت في ملعبها وبعد أن كانت متقدمة بي هدفين ..تكون شنو؟.

· دي (الهزالة) ذاتها يا أبو شيبة.

· ودمعي شنو؟.

· دمعي اتشتت.

· ويكتب مأمون أبو شيبة ( المريخ يفتقر للاعبين الذين يجيدون القنص بالرأس ..ويعاني من قصر قامات معظم لاعبيه).

· شفتوا أي فريق عاوز يهزم المريخ يركز على الحتة دي.

· الناس ديل (القصر) كاتلهم.

· كلمناكم نحن ..وقلنا ليكم ..يا الكوكي ركز في (قصر القامة) ياخدوا ستة.

· بالمناسبة في نفس الحتة كتب مزمل أبو القاسم : (مدافعو هلال كادوقلي مميزون في ألعاب الهواء ، وأن قامتهم أطول من قامة عبده جابر ورمضان عجب).

· اللهم احفظ لينا طول الشغيل.

· وطول نزار حامد.

· ونيلسون.

· وجوليام.

· والصيني وبشه وكاريكا.

· وأتير توماس.

· ومساوي.

· وصلاح الجزولي.

· وفداسي وبويا.

· وأحفظ لينا قصر بله جابر وأمير كمال وديديه ورمضان عجب وأوكرا وكوفي وابراهومة ومصعب وعمر بخيت وسيلا وأيمن سعيد.

· ايه الحلاوة دي.

· ودمعي شنو؟.

· دمعي اتشتت.

· وأبو شيبة بقول : (ديديه لاعب كلاسيكي عادي وكحيان ليس فيه ذرة من حماس وقوة محترفي غرب أفريقيا ..ديديه ضعيف التهديف ..كما أن تهديفاته مكشوفة لأنه لا يحسن التمويه ..ونعلم أن غارزيتو يعتمد عليه لأنه رشحه للمريخ).

· الزول دا بعد كلام مأمون أبو شيبة مفروض تمشوا تفحصوا ليه (الملاريا) طوالي.

· الزول دا ما فضل فيه شيء.

· أبو شيبة قال ديديه لاعب كلاسيكي.

· خلاص يا أبو شيبة اعملوا ليه (معرض تشكيلي) ..أو طلعوا ليه (شريط).

· أنتوا بالناس ديل اتأهلتوا بيهم كيف؟.

· وصلتوا كيف دور الأربعة.

· الله يجازي محنك يا العلمة.

· ودمعي شنو؟.

· دمعي اتشتت.

· غايتو المريخ وقت يخسر الزول بتمتع في (أعمدة) الجماعة ديل جنس متعة.

· لمن تعمل ليك (زلابية).

· رأيكم شنو في (بطيخة) باردة كدا – بعد التعادل دا.

· ..........

· ملحوظة : مطرتنا الفي الكاملين دي لو جاتكم في كادوقلي كان أختوا ستة.

هوامش

· تبقى بطولة الممتاز ..هي البطولة المحببة لنا.

· بطولة عزيزة علينا ..وما نقبل فيها أي شيء.

· كلو ولا الممتاز.

· ممكن تنافسوا في كأس السودان يا كابو.

· ممتاز نهي.

· وكأس السودان ذاتو ح ندخلو ليكم بالرديف الثعلب وبشه الصغير ومحمود أم بدة والصيني والشعلة.

· عشان ناس علاء الدين يوسف وبكري المدينة وعمر بخيت يفهموا حاجة.

· واضحة طبعاً.

· مباراة سموحة ..مباراة صعبة ..الهلال لم يتأهل ..والنوم في العسل مفروض.

· غايتو مع المطرة دي بنفرح لينا أربعة يوم تاني ..ونرجع (نكربن).

· أي هلالابي يركب ليه (وش حديد).

· تاني ما في أي لعب.

· الوقت وقت الحساب.

· جاهزية سموحة وقوتها تأتي من أنها تستعد للزمالك في كأس مصر.

· لذلك وأن فقدت فرصتها في التأهل من مرحلة المجموعات تبقى جديتها لكأس مصر.

· عشان كدا ما ح يقبلوا أي خسارة أفريقية حتى لا تنعكس عليهم في كأس مصر.

· يا ريت لو كانت سموحة طلعت قبل كدا من كأس مصر.

· هذا يعني أن سموحة سوف تلعب أمام الهلال بحساب.

· مطلوب من الهلال أن يلعب بقوة وحماس وعنف (قانوني) لكي يحقق نتيجة جيدة أمام سموحة...وعشان يعملوا حسابهم على روحهم.

· ..........

· عاجل : غايتو الزول وقت يكون (متعادل)..تلفون ما بردو ليك.

انقر هنا لقراءة الخبر من مصدره.