سودارس : (الزهور والورد) واحد من (علي جعفر) والتاني من (الريح علي)

أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(الزهور والورد) واحد من (علي جعفر) والتاني من (الريح علي)

قوون نشر في قوون يوم 02 - 09 - 2015

· الزهور قدم (هدية) عيد الميلاد لي (فريد) ..فريد احتفل بعيد ميلاده قيل ايام..والورد (الريح علي) قدم هدية رأس السنة لي (عنكبة)
· شرف الدين احمد موسى هزم المريخ في ام درمان بي مريخ الفاشر وهزمو بي هلال الابيض
· علي جعفر والريح علي قالوا ليك هسع بيعزفوا في نشيد الوداع (لن ننسى اياما مضت لن ننسى ذكراها)
· المريخاب كدا ..وقت تكون في مطرة في (الضعين) بفقدوا اعصابهم في (ام درمان)
////////////////////////**********/////////////////////

· قبل ما اخش ليكم جوة ...وندخل الغريق ..كنت قلت ليكم زمان كدا علي جعفر والريح علي ديل (الزهور والورد).

· حلفت ليكم.

· وطبقت ليكم النظرية في العمود دا.

· جبت ليكم (طالب) بي شنطتو ودرجو ..وكتاب جغرافيا واستاذ رياضيات بتاع (معادلات) ..عشان ما في زول يغالط.

· قلت ليكم الكلام دا قبل الخريف.

· عشان ما تعملوها لي كلها (مطر).

· وشكاوي.

· وتعقدوا تتعذروا لي.

· قعدتوا تغالطوا فيني...وانا اشيل واحلف واقول ليكم علي جعفر والريح علي ديل (الزهور والورد).

· يمين الزهور الورد – الزهور الورد.

· ولا عاوزة ليها غلاط.

· ديل (الطيبة) كاتلاهم.

· بيلعبوا في سنة 2015 كورة سنة 1811م.

· ديل شغالين لي هسع ابيض واسود.

· عملتوا لي الموضوع كلو زعل و (شكاوي).

· اها خموا وصروا.

· اشتكوا تاني.

· ابوجريشة ذاتو كراعو حارة.

· يا زول ابوجريشة قال لي علي جعفر (جليها).

· امس علي جعفر اثبت عمليا كدا انو (الزهور) ذاتها – والريح علي (الورد) الخالق الناطق.

· علي جعفر والريح علي قالوا ليك هسع بيعذفوا في نشيد الوداع (لن ننسى اياما مضت لن ننسى ذكراها).

· والزهور والورد شتلوها جوة قلبي...(عشان تبقوا فاهمين حاجة).

· عشان الكلام يقع ليكم.

· الزهور علي جعفر قدم (هدية) عيد الميلاد لي (فريد محمد نجيب) ..فريد احتفل بعيد ميلاده قبل ايام.

· والورد (الريح علي) قدم (هدية) رأس السنة لي (عنكبة).

· انتوا علي جعفر دا زول (فيس) وإلّا شنو؟.

· الريح علي الظاهر عليه بيساهر في (الواتس).

· المحيرني ..وما قادر افهمو الى الآن – رأس السنة الجابها شنو في سبتمبر...عشان الريح علي يقدم هدية رأس السنة في نص السنة.

· الظاهر كدا الريح علي دا عندو مشكلة في الشهور.

· ما بقدر يفرق بين يناير وسبتمبر.

· انسوا الكلام الفوق دا – اعتبروني ما قلت ليكم اي حاجة.

· انسوا بس.

· وتعالوا شوفوا الحاصل شنو؟.

· ممكن تصب (مطرة) ويكون حدها النخرة.

· الولاية تتلخبط.

· الكلاكلة اللفة من الثورة الحارة التاسعة ما تفرزها.

· المنشية تدخل ليك في الصافية.

· والصافية تطلع من بحري.

· امطار الخرطوم صعبة.

· عندنا شارع قدام البيت في الخريف بنلقاهو في سنار.

· بيتنا ذاتو بتوزع.

· غرفة تمشي شندي.

· وغرفة كسلا.

· والمطبخ بنقبضو في (الضعين).

· المطبخ خفيف..عشان كدا بمشي بعيد.

· والباب الكبير ضلفة بتمشي الرهد وضلفة بتمشي الدامر.

· وجدادنا الفي القفص ..كل جدادة بتمشي ليها على حتة.

· الخريف صعب شديد.

· مباراة هلال الابيض بجيكم عليها...يعني ح تمشي مني وين؟.

· ح اطير.

· عارفكم متحسسين شوية.

· مضايقين.

· والدكتور مانعكم من اي توتر.

· من اي مضاعفات.

· وعنكبة!!.

· عنكبة شنو؟.

· انا هسع قلت عنكبة...مالك عاوز تقوم علينا المرارة.

· في المطر عادي ..تحصل الحاجات دي...ما تتحسسوا.

· وزير البني التحتية ..يبقى ليك وزير التربية والتعليم...وموقف جاكسون ..(كيجاب) ما بطلعو ليكم.

· بعد الكلام دا تلقى ليك مريخابي في المطرة دي ..يقول ليك دي ما مطرة.

· تقول ليه طيب دي شنو يا فالح؟.

· يقول ليك : دي رحلة صيد ساكت.

· ناس سلك بعملوها.

· خلاص اشتكوا.

· قدموا شكوى لي ناس الارصاد ..قولوا المطرة جات بدون (برق).

· في علاقة بين المطرة ورحلة الصيد.

· عنكبة.

· يا زول عنكبة شنو؟.

· انا قلت عنكبة؟.

· يوم الاحد ممكن تطلع للشغل من الصباح.

· يلاقيك (مريخابي) مع الصباح يقول ليك الليلة ما الاحد.

· تقول ليه طيب الليلة شنو؟.

· يقول ليك الليلة الجمعة.

· في علاقة بين الاحد والجمعة.

· بعملوها.

· وعنكبة!!.

· عنكبة شنو يا زول؟...انا هسع جبت سيرة الزول دا.

· انا قلت (عنكبة).

· براكم بتتوهموا حاجات من رأسكم.

· بتتخيلوا ليكم حاجات انا ولا قلتها.

· المريخابي مع (الشكاوي) الكتيرة دي ..قالوا ليك بمشي صالون الحلاقة.

· وينتظر دورو.

· ولمن الدور يبقى عليه يتقنقن ليك في الكرسي ..يربطوا ليه (الفوطة) ويرشوا ليه موية باردة في رأسو.

· قبل الحلاق ما يشرع في حلاقة الرأس ..المريخابي بقول ليه اعمل لي فول مصلح ومعاه رغيفة زيادة.

· في علاقة بين الفول والحلاقة.

· الدخل الحلاقة بالرغيفة الزيادة شنو؟.

· المريخاب بعلموها.

· عنكبة!!.

· عنكبة شنو؟.

· انا قلت عنكبة ..ما عاوز احلف ليكم ..لكن اسم عنكبة دا براهو بنط من (الكي بيورد) وبتكتب في الصفحة.

· بنزل في العمود براهو.

· المريخابي قالوا ليك بمشي لطبيب الاسنان ..بعد ان يكون ضرسو بنتح ليه في حوش خشمو زي (الحمل البلاوي) 15 يوم ما قادر يدخل ليه حاجة في خشمو.

· آخر شيء كدا يتوكل ..ويمشي ليه على طبيب الاسنان.

· يحجز.

· ويدفع قروش الكشف...يقوم المريخابي بدل ما يخلع ضرسو ..بيسأل الدكتور عن محل تحويل رصيد.

· يدخل ليك مع الطبيب في جدل.

· عاوز يحول رصيد للمريخ.

· الضرس طاير.

· وعنكبة.

· عنكبة شنو يا جماعة؟.

· انا قلت عنكبة.

· المريخاب كدا.

· الواحد فيهم بمشي ليه دكان ..يسأل من الطحنية والبسكويت والزيت والصابون ومناديل الورق.

· وفي النهاية ما يشتري ليه اي حاجة من الحاجات دي.

· في النهاية كدا بيسأل سيد الدكان ويقول ليه في (بنشر) قريب هنا.

· بنشر في عينك.

· في علاقة بين الطحنية والبنشر.

· المريخاب بعملوها.

· انتوا تعالوا هنا الحكم دا مشترك معاكم في تحويل الرصيد.

· قالوا ليك حكم مباراة الامس حول ليه (ضربة جزاء) اثناء المباراة للمريخ.

· لمن المعلق اتهجم.

· ما صدق.

· عنكبة.

· عنكبة شنو ..انا قلت حاجة.

· حرف (العين) ساكت ما ذكرتو.

· المريخاب كدا ..وقت تكون في مطرة في (الضعين) بفقدوا اعصابهم في (ام درمان).

· الجماعة ديل ..اقنعوا العالم كلو ان (الشغيل) موقوف ..روجوا لذلك ..وعملوا ليهم سيناريو واخراج.

· ركزوا في الشغيل اكتر من (عنكبة).

· وزعوا الصور...وذهبوا ابعد من ذلك ..وقالوا مازيمبي ذاتو اشتكي.

· شكوى في السر كدا.

· بعملوها.

· بخترعوا ليهم حاجات من رأسهم.

· لمن يجوا ينضربوا ليك في ام درمان.

· الرد كسل الضرب كتر عليه.

· اشتهينا نلاقى المريخ فيه.

· بنتمنى.

· الايامات دي نحن بنفتش للمريخ فتيش.

· لكن ناس هلال الابيض ذاتو ما بدونا فرصة.

· ...........

· ملحوظة : عنكبة قالوا ما احتفل بعد الهدف ..مفروض يحتفل الريح علي ..عنكبة يحتفل على شنو؟.

هوامش

· شرف احمد موسي هزم المريخ في ام درمان بي مريخ الفاشر 1 / صفر ..واضاع بكري المدينة ضربة جزاء.

· وجاء شرف احمد موسي وهزم المريخ في ام درمان بي هلال الابيض 2 / 1 ..واضاع عبده جابر ضربة جزاء ايضا.

· في منطق اكتر من كدا.

· العجيبة ولاد الهلال بكري وعبده مشكورين الاتنين ضيعوا ضربات جزاء.

· الانجاز يحسب لشرف الدين احمد موسي.

· دي ما حصلت في التاريخ.

· عشان كدا لا بد من تسجيل هذا الرقم لشرف الدين احمد موسى.

· رأيكم شنو شرف الدين احمد موسي يمسك الاهلي شندي ..عشان يضرب المريخ في ملعبه للمرة الثالثة.

· المشكلة شرف الدين احمد موسى عندو مباراة كاس السودان مع المريخ تاني.

· ح تمشوا وين؟.

· أجلوا المباراة سريع.

· دي ما طريقة دي.

· شرف الدين احمد موسى كان قد تعادل مع المريخ في الفاشر وهو يقود مريخ الفاشر.

· يعني من (9) نقاط ..المريخ شال ليه نقطة واحدة من شرف الدين احمد موسى.

· عليكم الله في مدرب بهذا الانجاز.

· دا رقم جديد.

· رقم حديث.

· ومختلف.

· اي فريق بلعب بي (شرف) بغلب المريخ.؟

· مريخ الفاشر.

· وهلال الابيض.

· شرف صعب.

· الزول دا بدخل المباراة بي اسدو.

· شرف والاسد.

· عشان كدا ناس جمال سالم ديل ما بنستروا.

· جمال سالم في كل مباراة بنكشف.

· قلنا ليكم الزول دا لا حارس ولا حاجة.

· قعدتوا تغشوا في الناس موسم كامل.

· الزول دا مع مستواه المتواضع نفسياتو تعبانة.

· استعينوا بي ايهاب زغبير.

· زولكم دا لو دخلتوا بيه نصف النهائي ...البقى على علي جعفر ح يبقى على ضفر.

· امير كمال انت بالطريقة دي سعرك بنزل.

· البلعبك مع ناس علي جعفر ديل شنو؟.

· ديل الزهور والورد.

· انت ما نصيح.

· قالوا بشيل كأس الاندية الافريقية.

· الزول بقى يموت من الضحك.

· لمن كتبت الكلام دا ..(اللاب توب) الضحك عاوز يشقو.

· يا سلك لو دا فريقكم ..تاني ما تمشوا للسفير البريطاني.

· دا ما فريق يقابلو بيه سفير انجلترا.

· الفرق بقى (6) نقاط.

· والنزيف مستمر.

· بالطريقة دي اتوقع ان يحسم الممتاز في الجولة القادمة.

· خلاص الاسبوع القادم لو خسروا من الاهلي شندي ..طوالي تسلمونا كاسنا..عشان نتفرغ للبطولة الافريقية.

· وكاس السودان.

· السنة دي (درع) ما بنخلي ليكم.

· خلوا بكري المدينة ينفعكم.

· عبده جابر ضيّع ضربة جزاء وطلع ليه كورة من مرمى حافظ.

· الزول دا مالو.

· والزهور والورد.

· الزهور والورد ديل لو جابوهم لي ناس بشه وكاريكا ...يمين إلّا يطلعوا في (الكشافات).

· مبروك الممتاز للهلال.

· انجاز تحقق في ظروف صعبة.

· وفي شكاوي لا اول لها ولا آخر.

· عاش الهلال.

· والهلال لا بمرض ولا بموت.

· قال بكري قال.

· طبعا ما في استهتار.

· ما في تهاون.

· اربطوا الاحزمة.

· ما عاوزين نفقد ولا نقطة.

· احسموا لينا الممتاز من بدري..عشان نقبل على الجهاد الاكبر.

· البطولة الافريقية.

· ............

· عاجل : هلال الابيض ابعد المريخ من لقب الممتاز وح يطلعوا ليكم من كاس السودان.

انقر هنا لقراءة الخبر من مصدره.