سودارس : اتكلموا قدر (نقاطكم)

ماذا قال العميد طارق كجاب بعد إحالته المفاجئة للمعاش؟؟ شاهد بالصورة والفيديو.. بعد انتشار ظاهرة "حق الملاح".. ناشطة سودانية تحصل على آلاف "الدولارات" هدية من زوجها شاهد بالفيديو.. سودانية تطلب الطلاق من زوجها على الهواء: (لو راجل كنت منعتني من الظهور في "تيك توك" واللواء ستاير أحسن منك ياريت لو أتزوجته بدلاً عنك) شاهد بالفيديو.. سجاد بحري ينفجر غضباً في وجه زملائه ويكشف الحقائق: (مافي فنان محترم والغناي أكتر مني يلاقيني في مسرح) رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب ارتفاع أسعار الذهب في السودان ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال السودان ومصر يوقعان بروتوكول مشترك لمكافحة بعوضة الجامبيا أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل نصائح لوقاية مرضى حساسية الصدر من التقلبات الجوية والرياح مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اتكلموا قدر (نقاطكم)

قوون نشر في قوون يوم 09 - 09 - 2015

·الفرق في لحظة بقى (6) نقاط ..يعني لو قعدت تكورك وأنت في الهلال لي ناس المريخ ما بسمعوك
·""""""""""""""""""""""""""
·زولكم المريخابي وهو طالع كدا قال للدكتور : عليك الله هسع (الطحنية) الدخلها شنو في (الذهول)؟ عشان تحرمني منها
·""""""""""""""""""""""""
·نحن زمان وقت دخلنا الابتدائي ..وقت كنا في سنة أولى ابتدائي ..كنا بنشوف ناس سنة سادسة ديل كبار شديد
·""""""""""""""""""""""""""""""""
·(الجقليبة) و(الثكليبة) و(الجعريبة) و (الردحيبة) و (الشبطيبة) و (الشمطيبة) و(الجرسيبة) و(الحرديبة) و(الزعليبة) و(الشكليبة) و (الشكويبة) و (الجرويبة) كلها في المريخ الآن
·""""""""""""""""""""""""""""""""""
·تتكلموا في الأهلي شندي ...ممكن ..منافسكم الحقيقي.
·التأجيل بمرقكم من مصيركم.
·الأهلي ما عاوزين تلعبو معاهو.
·قالوا ليك مزمل أبو القاسم بحسب في نقاط الأهلي وبطلع في المواجهات المباشرة.
·هلال الأبيض ما عاوزين تلعبو معاهو.
·قالوا ليكم الأيامات دي محسن سيد ..براقب في تمارين الأهلي شندي..برصد في خطط مبارك سليمان.
·الكتوف اتلاحقت ...أهلي شندي - المريخ.
·المريخ يدافع عن وصافته.
·هسع الشكاوى دي كلها يا كابو عشان ما تفقدوا (وصافتكم).
·والله يا سلك المريخ لو جاء الرابع بكون فيه حلاة عمود.
·أنت ذاتك ما بتقصر معاهم.
·المريخاب يتكلموا عن الخرطوم الوطني ..برضو منطق ..فقد تجردكم الخرطوم الوطني هذه المرة من (وصافتكم)...وتزحف نحو موقعكم الرسمي.
·الأيامات دي الخرطوم الوطني كمان سمها فائر.
·هلال الأبيض ممكن.
·هلال الأبيض فقدكم (الأمل)..وفي كأس السودان إن شاء الله ح يفقدكم (الرنك) ذاتها.
·الفرق دي ممكن تتكلموا فيها ..زي ما عاوزين ..تشتكوها ..تشتكيكم ...(بي طريقتكم).
·لكن الهلال ..لا.
·ولا بتقدروا تتكلموا فيه.
·ولا بتقدروا تقولوا حاجة.
·شن جاب لي جاب.
·نحن البجيبنا ليكم شنو؟...الفرق بينا بقى (6) نقاط.
·شوفوا الناس القدركم.
·ومدوا كراعكم قدر نقاطكم.
·نحن زمان وقت دخلنا الابتدائي ..وقت كنا في سنة أولى ابتدائي ..كنا بنشوف ناس سنة سادسة ديل كبار شديد.
·وكنا بنتعامل معاهم على أنهم ناس عاقلين.
·بنخلي ليهم الشارع عديل كدا.
·دي 6 فصول.
·سنة سادسة زمان بتعادل هسع (بكالوريوس).
·ما في لعب.
·وكنا وقت يقولوا لينا الطالب دا في سادسة طب ..كنا بنشوفو زي اختصاصي المخ والأعصاب الآن.
·حاجة كبيرة شديد.
·هسع تعال شوف اختصاصي المخ والأعصاب ..لو ما قروش الكشف البتدفعها ما بتعرفو.
·صلع ساكت.
·(الجقليبة) و(الثكليبة) و(الجعريبة) و (الردحيبة) و (الشبطيبة) و (الشمطيبة) و(الجرسيبة) و(الحرديبة) و(الزعليبة) و(الشكليبة) و (الشكويبة) و (الجرويبة) البعملوا فيها المريخاب الأيامات دي ما عشان فقدوا الممتاز وأملهم فيه بقى زي أمل (العلمة) في بطولة دوري أبطال أفريقيا للأندية.
·عادي الموضوع دا عندهم.
·أبداً (النفسيبة) ما بسبب هذا الأمر – (النفسيبة من النفسيات) أصلو ما عشان الحاجات دي.
·أحسن الحكاية تبقى ليكم واضحة زي (الباب الكبير).
·والموضوع ولا عشان الفارق بين الهلال والمريخ بقى (6) نقاط.
·الناس ديل متعودين على أن (الممتاز) هلالي.
·الممتاز دا من ظهر (هلالي) – والفارق مرات بيصل (18) نقطة.
·هسع الفرق في لحظة كدا بقى (6) نقاط ..يعني لو قعدت تكورك وأنت في الهلال لي ناس المريخ ما بسمعوك.
·المسافة بعيدة.
·عووووووك يا ناس هوووي.
·الفرق 6 نقاط.
·تلقاهم هسع ما سامعين أي شيء.
·جرسة المريخاب والمشاكل البعملوا فيها الآن كلها عشان المريخاب ما مصدقين بعد التغييرات الحصلت في الهلال يشيلوا بطولة الممتاز.
·مصدومين ..ومصابين بي حالة (زغللة).
·عندهم (ذهول) غير إرادي كدا.
·الواحد فيهم بدون ما يشعر تلقاه (منذهل).
·انذهال ساكت كدا.
·انذهال غضروفي.
·قالوا ليك في مريخابي جاهو (ذهول) بعد الخسارة من هلال الأبيض..الدكتور قال ليه لا تشرب شاي - لا قهوة ولا تاكل طحنية ولا شعيرية ولا سكسكانية.
·الدكتور عاين ليه كدا وقال (بامية مفروكة) ذاتها ما تاكلها – أنت عندك (ذهول) يمكن يطور ويبقى ليك مرض كعب.
·المريخابي من الحاجات التى منعو منها الطبيب كلها ما قال حاجة ..لكن حرقو موضوع (الطحنية).
·زولكم المريخابي وهو طالع كدا قال للدكتور : عليك الله هسع (الطحنية) الدخلها شنو في (الذهول)؟.
·أنتوا الواحد أصلو ما ينذهل ليكم.
·الدكتور قال ليه اوعك....اوعك تنذهل لينا هنا.
·الهلال فقد أكثر من سبعة من عناصره الأساسية ..فقدنا الحارس الأساسي المعز محجوب – وفقدنا قائد الهلال وكابتنه عمر بخيت ..والمعز وعمر الاتين انتقلوا للمريخ.
·ولا عملوا حاجة.
·المعز محجوب القون بجيبوه فيه زي الناس الراحلين.
·فقدنا الأيسر الغزال الشارد مهند الطاهر ..وفقدنا (خليفة) جوكر الهلال الذي يلعب في (11) خانة.
·فقدنا سيمبو ذاتو.
·فقدنا (بكري المدينة) الذي انتقل للمريخ وأحدث نقلة وطفرة كبيرة في المريخ ورفع من الروح المعنوية للمريخاب..لكن مع ذلك الفارق الآن (6) نقاط.
·بكري بقى رأسهم مالهم ..لو جاتو نزلة ساكت ...المريخ حالو بقيف.
·إعلام المريخ ومجلسه وحتى الجمهور كان يحسب أن بطولة الممتاز هذا الموسم سوف يكون أيسر ما يمكن أن يتحصل عليه المريخ.
·وزعوا أحلامهم على ذلك وبنى طموحاتهم بأن يكون المريخ بطل للممتاز (ما عاوزين كلام في الموضوع).
·أي حاجة كانت ميسرة ليهم حتى حكام مبارياتهم لهم أن يختاروهم بي أنفسهم.
·يطلعوا الشرطة من الملعب.
·ويجيك رضا وسيحة يوم الجمعة يقولوا ليك الهدف الذي سجل في المريخ غير صحيح.
·اتحاد مملوك للمريخ ..معتصم جعفر وأسامة عطا المنان وحتى مجدي شمس الدين شغالين للمريخ زي صديق علي صالح وعادل أبو جريشة.
·أي حاجة في محلها عشان المريخ يفوز بالممتاز.
·المريخاب وغارزيتو باسمه الكبير وخبراته السابقة في السودان مع الهلال في ظل تغيير فني مستمر في الهلال ومجلس إدارة جديدة قصاد (13) سنة لجمال الوالي في المريخ.
·عارف فيها كل الدروب ..وخابر كل شيء.
·في ظل هذه المعطيات لم يتخيل أي مريخابي أن يفوز الهلال بالممتاز وأن يصبح الفارق (6) نقاط.
·الفارق 6 نقاط والهلال بيلعب بي صهيب الثعلب وعماد الصيني ووليد الشعلة.
·فضيحة السواد.
·الفارق 6 نقاط رغم الإصابات التى حرمت الهلال من محمد عبدالرحمن وعبد اللطيف بويا وفداسي لأكثر من خمسة شهور.
·الفارق (6) نقاط ..والمريخاب بتحدثوا عن الساحر (اكرا) والفلتة (كوفي) والعقرب (بكري المدينة).
·6 نقاط وأسامة عطا المنان.
·6 نقاط ومعتصم جعفر.
·لذلك كان مجلس المريخ وإعلامه في ظل هذه المعطيات لا بد أن يشوف ليه (طريقة) يسد بيها هذه الفجوة.
·الناس ديل في (صدمة) عديل كدا.
·الناس ديل ما واعيين وما متخيلين ..بعد كل هذه الأشياء الهلال يتصدر الممتاز بفارق (6) نقاط.
·اتهجموا.
·عشان كدا حاولوا يخبطوا في (التحكيم).
·حاولوا يظهروا ليك أن هذا الفارق أحدثه الحكام ..هرشوا ليك رضا اعتذارات وجابوا ليك فيصل سيحة.
·فيصل سيحة بقى لو لاقتو ليك في الشارع (كديسة)..يقول ليك ضربة جزاء للمريخ.
·موضوع (التحكيم) براهو لم ينجح في امتصاص الصدمة..اتجهوا ليك نحو (الشكاوي) عشان شوية كدا يصبروا ليك الجمهور.
·العملية كلها خداع في خداع في خداع.
·المريخ الآن انكشف ...وإذا واجه الهلال المريخ أفريقياً سوف ينكشف المريخ أكثر وح يبين على حقيقته مثلما ظهر (محلياً).
·الهلال الذي جدد فريقه ...بمجلس إدارة جديد وجهاز فني جديد ..يبقى الفارق بينو وبين المريخ (6) نقاط ماذا سوف يحدث الموسم القادم والهلال إن شاء الله يكون فيه ولاء الدين.
·والشعلة.
·والثعلب.
·وكاريكا وبشه ونزار حامد ومساوي.
·ومنو تاني؟.
·ما عاوز أقول اسمو ..عشان ما تفقدوا سوائل يا ناس المريخ.
·المريخاب دخلو في حالة صعبة ..نحن نقدر ذلك ..ونعرف أن فارق الست نقاط في ظل التحديثات التى حدثت في الهلال صعبة.
·قالوا بلعبوا كورة برشلونة ..والفارق 6 نقاط.
·إذا كنتوا بتلعبوا كورة برشلونة والفارق (6) نقاط ...الهلال بكون بلعب كورة شنو؟.
·سيكافا عمرها ما بتقدم ليها زول لي قدام.
·عمرها ما بتعمل ليها فائدة.
·وأن تأهل المريخ للمربع الذهبي في بطولة الأندية الأفريقية ..برضو يظل الفارق (6) نقاط.
·...........
·ملحوظة : ولسه.
هوامش
·طارق العوض بصوته (الذهبي) كيف هان له أن يعتزل الغناء ...ليترك أوتار الطنبور بدون نغم.
·المشكلة ما في (الطنبور) براهو.
·المشكلة في (النخيل) الذي تعود على أن يخضر ويثمر بجمال صوتك.
·صديق أحمد يعتبر أن أجمل صوت (طنبوري) هو صوت طارق العوض.
·صوت طارق – ما صوتو..صوت الطنبور.
·نسمات الشمال قادرة على أن تعيد طارق العوض ..وترجعه من ذلك القرار الصعب.
·ونعود للموضوع تاني.
·بنقيف هنا.
·ونرجع لي طارق العوض ..لو ما عاوز يرجع لينا.
·..............
·عاجل : قالوا ليك المريخاب وقت ما لقوا ليهم شيء يشتكوا فيها هلال الأبيض قالوا إلّا (تأجلو) لينا...يكونوا بفتشوا ليهم في (شكوى).

انقر هنا لقراءة الخبر من مصدره.