سودارس : تشاهد غدا (مرارة مازيمبي في رقصة كديابا)

وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان عبد الله يونس.. الصورة الناطقة..!! الأهلي الأبيض يبدع ويمتع ويكسب الهلال بثلاثية مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية الحكومة الإسبانية تدين الهتافات العنصرية ضد منتخب مصر معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين السودان.. وزير يشرع في تكوين قوّة عسكرية ضاربة..ماذا هناك؟ أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تشاهد غدا (مرارة مازيمبي في رقصة كديابا)

قوون نشر في قوون يوم 23 - 09 - 2015

واحد من (الشلة) سمع (الغزل) الكتير في الخروف – مشى اتصور (سيلفي) مع الخروف
غايتو الخروف دا لو شافوه هيئة علماء السودان بقولوا لينا خرفوكم دا ما بضحي ليكم
الخروف واقف برة ساعة ونص ما لقى ليه زول يضبحو..شايلين سكاكينا واقفين قدام الخروف – الضحية فينا منو ما معروف
خروف بي 1400 جنيه ليه؟...عندو (دبلوم) في المرارة....عندو دراسات عليا في (شية الجمر)

· الفصل الاول.

· طلعنا نفتش لينا عن (خروف)..في واحد مننا شايل ليه (300) جنيه وقال عاوز ليه اي حاجة كدا بتقول (باع).

· الخروف في حد ذاتو ما مهم عندو – المهم يقول (باع).

· ما شرط يكون خروف –بس يقول (باع).

· لو لقى ليه (ديك) بقول : (باع) ما عندو مشكلة – ناس الحلة ما بريحوا ليهم زول.

· راصدين التحركات كلها.

· ناس حلتنا يعبروا ليك في (الخرفان) – خروف – خروف.

· دي بي كم؟.

· ودا كبير شوية.

· وغشوك.

· تعليقات شديدة في الخرفان.

· قلنا ليه يا زول قروشك دي (رصيد) ما بتجيبو ليك – ما بتلقى ليك خروف ب (300) جنيه.

· والله قروشك دي (ضباح) ما تجيبو ليك.

· انت بتلعب وإلّا شنو؟.

· إلّا خروف (نباتي).

· خروف (عجوري) كدا.

· اول خروف وقفنا فيه ...عملنا الحيلة ما عاوزنو – وقفنا بعيد وسألنا عن سعرو بدون ما نرفع رأسنا.

· بدون نفس كدا – زي كأنك بتسأل عن (طلب فول).

· عملنا فيها شغالين بالواتس آب.

· اسمع الخروف دا بي كم؟.

· ورأسنا ما رفعناهو.

· بتاع الخرفان قال لينا قولوا كلمتكم - انا الخروف دا سمعت فيه 1400 جنيه.

· قلنا ليه سمعتها من منو؟..نانسي عجرم.

· عمرو دياب!!.

· 1400 جنيه ليه؟...عندو (دبلوم) في المرارة....عندو دراسات عليا في (شية الجمر).

· كبدتو (فندقة وسياحة).

· خروفك دا (ناصية) وإلّا شنو؟.

· بعدين الخرفان دي بعد استنساخ النعجة دوللي دقت الواطة.

· انتوا الخرفان دي ليه بترفعوا اسعارها كدا – نحن نجيب ليكم من وين؟..ما تشوفوا العربات الوقفة دي – يمين (الستائر) ما خلت لينا شيء.

· بتاع الخرفان ..قال لينا : والله انتوا الخروف الواقفين قصادو دا ما عارفنو – الخروف دا سمح.

· سمح يعني شنو؟..سماحتو نحن عاوزين نعمل بيها شنو؟.

· بعدين مالو كبير كدا؟ – تقول دخل البلد دي مع (هكس باشا).

· خروفك دا الظاهر كان بعيد كتير.

· الخروف دا ما صغيّر (طبعا نحن عاوزين نضرب بورصة الخروف).

· واحد من (الشلة) سمع (الغزل) الكتير في الخروف – مشى اتصور (سيلفي) مع الخروف.

· وعمل الصورة (الصورة الشخصية) لي صفحتو.

· وكتب على الصورة (انا في هواك ضحيت يا حبيبي لو تعلم).

· البلد كلها عملت ليه : (لايك).

· طيب يا ود الناس – نحن الخروف دا خليناهو – الخروف الما شايل حيلو داك ..وما قادر يقيف بي كم؟.

· الخروف داك سمعت فيه 1350 جنيه.

· يعني الفرق (50) جنيه فقط.

· بعدين دا منو الدفع ليكم في الخروف 1350 جنيه.

· بتاع الخرفان قال لينا يا جماعة الخرفان دي كلها سمحة ..انا ما عندي خروف كعب – الخرفان القدامك دي كلها (بلدية).

· قلنا ليه شوف نحن (البلدية) دي السنة الفاتت ضربونا فيها لمن فهمنا حاجة.

· مشينا على زول تاني ..(بقولوا ليك ما تشتري من اول زول – لازم تلف).

· خليك مفتح.

· خليك حريف.

· وقفنا ليك قصاد خروف ..لو ما دققت فيه النظر ما بتشوفو.

· خروف تخجل منو عديل كدا.

· اها يا حاج الخروف دا بي كم؟.

· الخروف دا بي 1200 جنيه.

· ليه؟...معاه (كيس فحم).

· معاهو شاحن.

· طبعا اهم حاجة مع (الخروف) تجيب (الفحم).

· بتشتري ليك موبايل بدون شاحنو.

· والجلاكسي داك بي كم؟.

· الجلاكسي 1800 جنيه.

· فيه (كاميرا) – 1800 ليه؟..وعشان شنو؟.

· في النهاية كدا شلنا لينا (خروف) – ما في زول مقتنع بيه.

· الخروف هو ذاتو ما مقتنع بي نفسو.

· والله دخلنا بيه الحلة بعد ما ضلمت – خجلانين منو عديل كدا.

· غايتو الخروف دا لو شافوه هيئة علماء السودان بقولوا لينا خرفوكم دا ما بضحي ليكم.

· دا ضواقة ساكت بروح فيها.

· دا من ريحة الشية بكمل.

· يا زول نحن عندنا ناس سعرانين عديل كدا ...الخروف قبل ما يتسلخ بياكلو نصو.

· لمن الخروف يدخل على الناس ما بكون فيه شيء غير (النيفة).

· ناسنا خطرين عديل كدا.

· بعدين يا اخوي خروفك دا لو بالغ كدا بطلع ليه (صحن فول).

· ان عصرت عليه شديد بطلع ليه (صحن عدس).

· اكتر من كدا ما تحلم.

· مرة في عيد سابق كدا جبنا لينا (ضباح) حريف.

· الضباح قبل ما يضبح الخروف – قال لينا انا بشيل (الجلد).

· قلنا ليه انت وقت تشيل (الجلد) بتخلي لينا شنو؟.

· الخروف دا ما فيه شيء غير (الجلد).

· بعدين انتوا شنو (الجلد) الماسكين لينا فيه دا.

· الجلد دا فيه شنو؟..نفسي اعرف (التمسك) بالجلد طالع من وين؟.

· انت عاوز الجلد.

· وناس اللجنة الشعبية عاوزين الجلد.

· وناس المدرسة.

· الخروف دا ما فيه غير (الجلد).

· الخروف البلد كلها تشاركك فيه.

· ..........

· الفصل التاني.

· يوم العيد ...بعد موضوع (الخروف) بتبقى امام مشكلة تانية.

· مشكلة (الضباح).

· تقول يا ريتني لو خليت (الهندسة).

· يا ريتني لو ما قريت طب.

· يا ريتني لو ما دخلت مجال الصحافة دي.

· نقة ساكت.

· يا ريت لو قريت (ضبيحة) ساكت كدا.

· هسع عليكم الله الواحد لو بقى ضباح ما كان احسن ليه من (الانتظار) دا.

· اي ضباح تمشي عليه يقول ليك (150) جنيه تقول بضبح بي (بنج).

· كلهم برفعوا القزاز.

· الواحد فيهم وقت يضبح ليك الخروف – يطلعو ليك لا فيه كبدة ولا فيه كلاوي ولا فيه فخدة.

· بتمشي وين ما عارف.

· طلعنا (الخروف) برة وقعدنا نفتش للضباح.

· الخروف واقف برة ساعة ونص ما لقى ليه زول يضبحو لمن نحن اتعقدنا من الموضوع.

· شايلين سكاكينا واقفين قدام الخروف – الضحية فينا منو ما معروف؟.

· ناس ريا جابوا ليهم (ضباح) من بدري ....اولادهم شفوت ما بنتظروا كتير.

· شية الجمر منتظرنها سنة كاملة.

· عشان كدا ...اول ناس بضبحو.

· شيتهم بتطلع قبل ما تطلع جلابيتك وتعلقها في الباب.

· مشينا على ضباح ناس ريا وقلنا ليه تعال اضبح لينا بعد ما تنتهي.

· الضباح ما كضب ..قال لينا عندي اربعة خرفان بعد الخروف دا.

· يومو طبعا.

· طلعنا الشارع – اي ضباح نمشي عليه – يقول لينا شغال ..وعندي زبون ضرب لي تلفون.

· فتشنا الحلة دي ما خلينا لينا زول.

· آخر حاجة طرحنا فكرة زول يضبح لينا بنسلخ برانا.

· برضو ما لقينا.

· قربنا ندخل الخروف ونضبح تاني يوم.

· نحن واقفين قدام الخروف وما قادرين نعمل اي شيء ..واحد من ناس الحلة قال لينا انتوا لو عاوزين ليكم (ضباح) ما تجيبوا ليكم زول من (مازيمبي).

· ديل اخطر ناس في (الضبح).

· نعمل شنو؟.

· مشينا جبنا لينا (ضباح) من مازيمبي...(ما تقولوا لي الموضوع دا ما فيه وطنية).

· يعني نفطر (فول).

· الضباح وصل.

· اول ما لقى ليك الخروف قاعد ينطط براهو كدا – قال لينا انتوا خرفوكم دا مالها كهربتو زايدة كدا ...مستعمل (منشطات) وإلّا شنو؟.

· قطع ليك (رأس الخروف) في لحظة.

· علقو ليك في الباب.

· 5 دقائق طلع ليك الجلد برة.

· بعد ربع ساعة الخروف كان في الصينية كلو.

· ناس مازيمبي في (الضبيحة) ما في زول بلحقهم.

· نص ساعة (شيتنا) طلعت.

· سبقنا ليك شية ناس ريا ذاتها.

· .........

· ملحوظة : تلقاكم هسع منتظرين (المرارة).

هوامش

· الزميل حسن فاروق لأنه بتكتب بمنطق وقانون إلتفت لموضوع لم يلتفت له احد.

· كتب امس حسن فاروق عبر (اصل الحكاية) : (لابد اولا من الاشادة بالمهنية العالية التي تعاملت بها صحيفة (الزاوية) مع خبر استدعاء اتحاد الجنوب سودان الوطني لكرة القدم ، وهي تقدم واحدة من اخطر الوثائق التي تكشف حجم الفساد والفوضي والتزوير لاثبات حق غير موجود ، فقد نشرت الصحيفة في عددها الصادر امس وفي صفحتها الاولى صورة للخطاب المرسل من اتحاد الجنوب للاتحاد السوداني لكرة القدم والذي طالب من خلاله بضم عدد من اللاعبين( تسعة لاعبين) لمنتخب جنوب السودان ، ومع كل لاعب النادي الذي يلعب له في السودان ، ليظهر اسم اللاعب الضجة (تونغ طوك) في ترتيب الاسماء المطلوبة في خانة الرقم (9) وامامه اسم ناديه (هلال كادوقلي)، وهو اعتراف رسمي وصريح من اتحاد الجنوب لاتحاد السودان بان لاتوجد اي صلة للاعب (تونغ توك) باي فريق يتبع لاتحاد الجنوب ، واعتراف ايضا بان كل ماكتب ونشر في الفترة الماضية عن ارتباط اللاعب بفترة قانونية سارية مع فريق مريخ الرنك مجرد اكاذيب وفبركة وبيع وهم لجماهير المريخ بوجود قضية).

· انظروا لحجم الكارثة التى انتبه لها حسن فاروق.

· اذن يا ناس الاتحاد – يا ناس لجنة الاستئنافات ويا ناس (الزاوية) المشكلة وين؟.

· ليست هناك كارثة في العشر سنوات الاخيرة بقدر كارثة قرارات لجنة الاستئنافات.

· المشكلة ان (قوون) انتبهت لسفر عوض أحمد طه الذي غادر للقاهرة للاستشفاء فاخرجت اللجنة هذه (الكوارث).

· استغلوا غياب مقرر اللجنة المريض ليتعدوا على القانون واللوائح.

· اذا قلنا ان قرارات لجنة الاستئنافات غير قانونية ..هي ايضا غير (اخلاقية).

· معقولة..نحن وصلنا لهذا المستوى.

· الكارثة الاخرى التى انتبه لها حسن فاروق ان المستند الذي قدمه المريخ او الذي استندت عليه لجنة الاستئنافات صادر يوم 25 / 9 / 2014م اي بعد فترة التسجيلات بقرابة اربعة شهور.

· التسجيلات في يونيو 2014م كيف تم تسجيله بورقة صادرة في اواخر سبتمبر 2015م.

· لجنة الاستئنافات تعاملت مع الامر زي الزول البعالجوه قبل ما يفلقوه.

· يا عالم..

· عملتوها ظاهرة.

· انتوا عارفين (المرارة) وين؟.

· المرارة في (رقصة كديابا).

· ما تفتشوا ليها في الخروف ساكت.

· ...........

· عاجل : المرارة ما عندكم وكدا.

انقر هنا لقراءة الخبر من مصدره.