مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الجمارك في السودان تحسم جدل رسوم بشأن الأثاثات والأجهزة الكهربائية للعائدين    الجمارك تؤكد الإعفاء الكامل على الامتعة الشخصية_الاثاثات المنزلية والاجهزة الكهربائية المستعملة ضمن برنامج العودة الطوعية    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان    بعد غياب 8 سنوات.. عبلة كامل تعود وتثير ضجة ب"إعلان"    في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    كاكا قال لدوائر فرنسية إنه يتوقع إنهياراً وشيكاً لقوات التمرد السريع    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    لو ليك فى الرومانسى.. لا تفوت هذه المسلسلات فى دراما رمضان 2026    القانون يلزم الشركات السياحية بسداد تأمين مؤقت عن رحلات العمرة    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    قرارًا جديدًا لوزير التعليم العالي في السودان    عقوبة مالية على الإتحاد وإيقاف عضو الجهاز الفني لنادي المريخ    الجيش يفشل هجومًا عنيفًا لميليشيا الدعم السريع    والي النيل الأبيض يشيد بالليلة الثقافية الأولى لهلال كوستي    (ده ماهلالك ياهلال؟؟)    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لكن عويناتي بيفرزن الوريقة البيضاء من لون القلم..
قوون نشر في قوون يوم 01 - 10 - 2015

هذه الإنجازات التى حققها غارزيتو مع مازيمبي ..ردها غارزيتو بنفسه للحكام
""""""""""""""""""""""""""""""""""""""""""""
الزول من يكون بتاع غلاط – بتلقاهو من الصباح شايل ليه (دومة) وقاعد يكد فيها
""""""""""""""""""""""""""""""""""""""""
دكاترة الزمن دا الواحد تلقى طبو كلو طب (واتس اب) – وفاتح ليه عيادة في شارع الدكاترة
"""""""""""""""""""""""""""""""""""
اتير توماس ..زي ما جاب لينا مرة التأهل من تونس امام الصفاقصي ..هو قادر كذلك على ان يجيب لينا التأهل من الجزائر
""""""""""""""""""""""""""""""""""""""
• ما عاوزين نتغالط من الصباح.
• في علاقة بين الغلاط والدوم.
• عمليا كدا ما في علاقة ..لكن يتخيّل لي (نظريا) هناك علاقة وطيدة بين الدوم والغلاط.
• الزول من يكون بتاع غلاط – بتلقاهو من الصباح شايل ليه (دومة) وقاعد يكد فيها.
• الكد عمل ما حضاري.
• ولا ديمقراطي.
• عشان الصادق المهدي ما يطلع لينا بكرة في اذاعة خارجية ويقعد يشرع لينا في الموضوع دا.
• نحن ما قرينا (طب)...لكن عارفين اي حاجة من عنبر (الجراحة) لي غرفة العمليات.
• من الحقنة للصاروخ.
• من الحلبة لي عملية القلب المفتوح.
• بنكب ليكم (الطب) زي (العدسي).
• من ابن سينا لغاية آخر واحد اتخرج من كلية الطب جامعة الخرطوم.
• ولا بنتلفت.
• دكاترة الزمن دا الواحد تلقى طبو كلو طب (واتس اب) – وفاتح ليه عيادة في شارع الدكاترة.
• اي زول يشكي لينا من حاجة – بنوصف ليه (الدواء).
• اقفل المروحة.
• وما تشغل المكيّف.
• وما تخلي التلفون في الشاحن.
• بس دي الحاجات البنعرف ليها.
• دي الحاجات الفالحين فيها.
• مفتحين نحن في الحاجات دي.
• لمن غلط.
• الزول لو ما بقى زي الطلقة في يومين ما تدوني يدكم.
• انتوا قايلين (الطب) دا صعب؟.
• يعني شنو ؟...الواحد لو جاب ليه زول وقعدو برة في الصالة عشان يشيل رسوم الكشف.
• دي الحاجة البنعرف ليها في الطب.
• ما بنعرف اكتر من كدا.
• وفي اطباء كتار زينا...علاقتهم بالطب (رسوم الكشف).
• بس فالحين في دي.
• يقولوا ليك حالتك دي (ملاريا).
• شغلك دا شغل (ملاريا) ساكت.
• شفتوا من خشمك يبقى (مر).
• وتحس بي سنونك برة خشمك.
• ومازيمبي يتعارض ليك في (الاكل) – اعرفوها – دي (الملاريا).
• كمان نحن لو ما بنعرف (الملاريا) – ما بنعرف (مازيمبي).
• في السودان دا لو فتحت ليك اي موضوع – في ناس بتصدروا ليك الموضوع.
• البعمل ليك فيها وزير الخارجية.
• والبعمل ليك فيها وزير التجارة.
• والبعمل ليك فيها وزير البني التحتية.
• الموضوع دا ما عاوز ليه (قراية).
• ولا درس عصر.
• انتوا ساكت بتصعبوها على الناس.
• نحن في حلتنا في زول (40) سنة مفتكرنو دكتور اختصاصي (مخ واعصاب).
• تتخيلوا في النهاية اكتشفناهو شنو؟.
• طلع (ممرض) ساكت.
• ما عندو اي علاقة بالمخ والاعصاب.
• 40 سنة نحن بنقول ليه يا دكتور ..ويا دكتور رأيك شنو؟.
• نشيل ونشكي ليه من (الاعصاب).
• وهو يشيل ويحذر فينا من (السهر).
• طالع ليك في الدور.
• وعايش في القصة.
• واحد كمان في الحلة 35 سنة ...قايلنو (مهندس).
• عارفنو في النهاية طلع شنو؟.
• طلع عندو قريبو شغال في النفط.
• وزولكم يشيل وينظر لاولاد الحلة.
• اي خور يقابلو ..بكب ليك فيه نظريات.
• واحد تاني عامل لينا فيها كابتن طيران.
• عارفنو طلع شنو؟.
• طلع بتاع (شعيرية) ساكت.
• في ذمتكم دي في علاقة بين الطيران والشعيرية.
• غايتو السودانيين ديل بجيبوا ليهم حاجات من وين ؟...انا ما عارف؟.
• بحبوا ليك الشعيرية زي عيونهم.
• يدخلوها ليك في كل شيء.
• نحن هسع ما دخلنا لينا كورس للفيفا.
• ولا مدربين.
• ولا حاجة.
• لكن كمان بنقول ليكم الهلال سوف يتأهل ان شاءالله للنهائي.
• وعشمانين عديل كدا في الكاس.
• وعويناتنا بيفرزن الوريقة البيضاء من لون القلم زي (ام الحسن).
• عارفة اي حاجة.
• قالوا ليكم المعرفة بالقراية.
• ابدا.
• انتوا عارفين (كارتيرون) قال شنو في حوارو اليوم مع قوون؟.
• كارتيرون قال لو لم اتأهل سوف استقيل من عملي في الكنغو.
• ح يترك التدريب – ويخلي مازيمبي.
• الزول دا (فرنسي).
• والفرنسيين ما بصرحوا ساكت.
• وكارتيرون دا اكتر زول جادي في الكورة.
• لا بلعب.
• ولا بعرف كلام الجرايد.
• اتخيلوا غارزيتو قال شنو؟.
• غارزيتو قال مقابل هذا التصريح ..ان المريخ هو بطل افريقيا 2015 حتى لو لم يتأهل.
• شفتوا عدم التأهل ظاهر كيف؟.
• واضح.
• الزول وقت يكون قنعان – ظاهر.
• اغرب من هذا ان غارزيتو قال اغرب كلام في (مازيمبي).
• غارزيتو قال ان مازيمبي حقق بطولاته عبر (التحكيم).
• وهذا يعني ان انجازات غارزيتو المحسوبة لي مازيمبي طلعت اي كلام.
• هذه الانجازات التى حققها غارزيتو مع مازيمبي ..ردها غارزيتو بنفسه للحكام.
• واحسب ان انجازات غارزيتو مع المريخ الآن ..اذا اعتبرناها انجازات ...محسوبة ايضا للحكام.
• غارزيتو زول بصنع تاريخو بالحكام.
• عشان كدا غارزيتو لمن كان في الهلال كان عاملها لينا كلها زعل ..ومشاكل مع هيثم مصطفى.
• الهلال لا بعتمد على الحكام.
• ولا بعرف ليه منشطات.
• الهلال بمشي عديل.
• والدرب العديل – ان شاءالله سوف يوصلنا في النهاية الى (النهائي).
• ما تتخلوا عن احلامكم.
• ما تتخلوا عن آمالكم.
• اللحظة البتتخلوا فيها عن (الاحلام) ..بتبقوا ما هلالاب.
• ح تقاتلوا لغاية آخر لحظة.
• ما فاتت حاجة.
• عندكم تسعين دقيقة ممكن تجيبوا فيها قونين.
• القونين في خمسة دقائق ممكن تسجل.
• في (90) دقيقة ما بنسجلها.
• الموضوع ما صعب.
• الكورة فقدت عنصر (الجغرافيا).
• واتخلت عن (التاريخ).
• الكورة بقت (عطاء).
• في مباراة الذهاب ...كان يلعب مع الهلال الارض والجمهور.
• لكن في نفس الوقت كان يلعب مع الاتحاد الجزائري الحكام والحظ.
• نحن ما عاوزين (الحكام).
• لكن اذا وجدنا (الحظ) والتوفيق – الهلال بكون قادر على العودة من الجزائر ببطاقة التأهل.
• الموضوع ما صعب.
• بالارادة ..والعزيمة ..قبل (الحظ) ممكن نصل للنهائي.
• الجمهور ما بلعب.
• والارض ما بتطلع ليها كورة من القون.
• لكن الحظ ممكن يعمل اكتر من كدا.
• الحكام ممكن يحرموك من ضربة جزاء واضحة.
• في الجزائر ننتظر تحكيما عادلا – ونتوقع ان يحالف الحظ الهلال في مباراة الاياب.
• ولو وجدنا (درهم) حظ ...ممكن نعمل كتير.
• بس قووا الارادة...وعظموا العزيمة.
• ممكن تعملوا اكتر من حاجة.
• نحن بنحب (الصعاب).
• الحاجة وقت يكون فيها (استحالة)..بتبقى لينا هدف.
• واظنكم الليلة انتوا في امتحان حقيقي.
• في تحدي كبير.
• ما ح نشترط التأهل.
• لكن بنشترط الجدية ..والارادة والعزيمة وتقديم كل ما يمكن ان يوصلكم للنهائي.
• من بعد ان فشلتوا في (التأهل) لا قدر الله – بتكونوا عملتوا العليكم.
• ما في اي مشكلة.
• بس خلوا (التأهل) هدفكم.
• واعلموا ان القون بيجي في (ثانية).
• ما تتوقفوا.
• وما تتخلوا عن احلامكم.
• الهلال اذا سجل هدف ..ح يكون في انتظار هدف تاني عشان يتأهل.
• دفاع الاتحاد ضعيف ..والهلال قادر على الوصول لشباك الاتحاد في الجزائر.
• خاصة ان اي لاعب في الهلال قادر على ان يسجل في شباك الاتحاد.
• يتخيل لي اتير توماس ممكن يعملها.
• اتير توماس ..زي ما جاب لينا مرة التأهل من تونس امام الصفاقسي ..هو قادر كذلك على ان يجيب لينا التأهل من الجزائر.
• ما عاوزين نشحن ساكت.
• وما عاوزين نتكلم كلام جرايد ..ونشكل (ضغوط) اضافية على الناس.
• لكن كمان ما عاوزين نتخلى عن حلمنا.
• بنرفض نحن نموت.
• بنرفض نرمى المنديل.
• عاوزين نقاتل حتى آخر لحظة.
• عاوزين نكون واقفين ...لغاية النهاية.
• وان شاءالله ...ربنا يعوض الهلالاب بعد مباراة الذهاب.
• ان شاءالله خير – في مباراة الاياب.
• كلموا جميلكم بالدعوات.
• وانتظروا الفرح.
• فهو آت.
• ...........
• ملحوظة : اصلو ما بنيأس.
هوامش
• الهلال قادر على ان يعملها.
• يجب ان نقاتل من اجل هذا الهدف.
• اكيد الهلال ما ماشي الجزائر اداء واجب.
• اي لاعب ما عندو الارادة والقدرة على التأهل ..مفروض يعتذر عن المباراة.
• المباراة صعبة.
• وهي تحتاج الى ان يكون اي لاعب بي عشرة.
• 11 لاعب بي 110 راجل.
• وإلّا فقدنا التأهل.
• قاتلوا من اجل ذلك ...وبعد كدا الببقي اليبقى.
• شكرا على تواصل (هشام أحمد حامدنو) وعلى وعي الجماهير وادراكها العالي.
• حامدنو يقول : (الكوكي الذى يتقدم على نده التقليدي المريخ فى الدوري بفارق ست نقاط ويلعب مع الأربعة الكبار فى افريقيا بعد أن استغنت الإدارة من معظم أعمدة الفريق الاساسية - كان من المفترض حسب المعطيات وحسابات الربح والخسارة أن يغادر الهلال منذ الدور ال 64 ولكن بحنكة المدرب وجرأته في ضخ دماء حارة من التيم الرديف فى أوردة وشرايين الهلال الذى كان يعانى من فقدان السوائل وتقلصات وضمور في عضلات المعدة فكان للكوكي ما أراد ولجماهير الهلال ما تتمنى فخاض بهم أشرس المعارك واصعبها فكسبها بشطارته وكان أبناؤه عند حسن ظنه بهم).
• وقبل ذلك حبر الزميل محمد غلامابي اروع الكلمات.
• .............
• عاجل : غايتو كارتيرون دا شكلو ح يستمر 10 سنوات تاني مع مازيمبي.

انقر هنا لقراءة الخبر من مصدره.