* جاء في أوراق ملتقى الولايات الرابع للحركة الإسلامية ورقة ممتازة عن الحوار المجتمعي نركز هنا في هذه الحلقة عن مبادئ الحوار وأهدافه: 1/ مبادئ الحوار: * احترام رأي الآخر وقبول الآخر مهما كان مستواه الاجتماعي ولابد من رحابة صدر وسماحة النفس ورجاحة العقل وقبول مبدأ الندية * الحوار يفضي للاعتراف بالخلاف ومراجعة الأفكار المسبقة * الهدف من مقصد الحق والبحث عنه والسعي للوصول إليه * يبدأ الحوار بالتركيز على ما يجمع ويستبعد ما يختلف عليه * الاعتماد على الحكمة والفطنة (ومن يؤت الحكمة فقد أوتي خيراً كثيراً). * الاعتماد على التقارب والوصول لمرحلة التراضي وليس نظرية غالب ومغلوب أو منتصر أو رابح وخاسر . * الحوار يركز على الكليات والقوائم المشتركة (الاقتصاد والسياسة والبيئة وكل شؤون المجتمع). * الحوار احترام متبادل. 2/ أهداف الحوار: * منع النزاعات العنيفة على المستوى القومي والمحلي . * تهيئة المجتمعات من أجل التعاون والمشاركة الفاعلة. * اتباع أساليب ومناهج لإيقاف الخلافات . * وضع خطط للتنمية الاجتماعية والاقتصادية والسياسية . * المصالحة من أجل إزالة التوتر . * إيقاف الخلافات والتوترات المؤثرة على الاقتصاد والإنتاج . * مواجهة جذور المشاكل . * التركيز على الاحتياجات وليس المطالب . * أهداف الحوار المجتمعي : * جمع المواهب في المجتمع و السعي لتجاوز الصغائر * تنمية قدرات الأفراد - فتح القنوات للتواصل * التفكير الجماعي والبعد عن الجمود – الحوار وسيلة للتآلف والتعاون * الحوار وسيلة للفهم والتفاعل المتبادل من أجل الصالح العام * الحوار أصبح حالة حياتية لا غنى عنها * الحوار أصبح حاجة إنسانية للتواصل الاجتماعي مع التقدم الإعلامي. هدايا الحلقة : * نسوان عندهن زهايمر مشن لصاحبتن عندها زهايمر برضو جابت ليهم شاي وقعدن يتونسن الونسة جرت جابت شاي تاني بعد مرقن منها واحده قالت للتانية عليك الله شوفي المره دي قاعدين معاها من الصباح شاي ما جابتوا لينا صاحبتها قالت ليها والله أكان جابتوا لي كان كشحتوا ليها في وشها. * جاب مرتو من البلد موديها الدكتور خش الصراف الآلي صرف القروش المرة شافتو دخل البطاقة ودق الرقم جاتو القروش لمن جا طالع مسكتو من جضومو قالت ليهو وقت سهلات كدي مقرضه علينا ماااااالك . * عايز يتقدم لجارتو زوجها أتوفى وهي جميلة شديد جداً دق الباب وقالت ليه إتفضل دخل جوه وما عرف يقول شنو من الكبكبة قال ليها : المرحوم أخباره شنو؟ * بتاع خيال دايماً يولع سيجارتين ويشربهن سوا.. * قاله صاحبه:ليش؟ * قال : عني وعن أخوي اللي بالسجن * وبعد فترة صار يولع سيجارة وحدة * قال صحابه : مبروك طلع أخوك؟ * قال :لا أنا بطلت الدخان.... * مره سمينة شديد مسافرة مع راجلها بالقطر والمحطة النازلين فيها القطر بيقيف 5 دقائق قال ليها قبل القطر ما يصل المحطة أبدي اتحركي على الباب لما القطر وصل المحطة الراجل نط ونزل ونطت هي وراهو وقعت فوقو الراجل قعد يكورك قالت ليه مالك يا راجل بتكورك . قال ليها دي أنتي . والله قايلك القطر. * لما تسأل بت عن الصفة التي تندمين عليها ترد الطيبة الزائدة . وفي نفس الوقت ماسكه أخوها تلطم فوقوا عشان شوية شيبس. * ماذا يقول العريس لعروسه وهم يرقصون الاسلو: * الأمريكي: أنت أجمل نساء الأرض. * الفرنسي: فستانك رائع. * المصري : أوعى تدي فلوس النقطة لأمك. * الهدهد:إذا غابت أنثاه لا يأكل ولا يشرب ولا يقطع الصياح حتى تعود إليه فإن ماتت لا ينظر لأي أنثى بعدها أبداً ويصيح عليها مادام على قيد الحياة أي إخلاص هذا سبحان الله اللهم هدهد رجالنا . * واحد جاب كلب في بيتو الكلب عض مرتو وماتت في العزاء الصيوان مليان رجال ماليهم عدد صاحبو سأله الناس الكتيرة دي بتعرفه من وين؟ قال ليه لا أبداً ما بعرفهم لكن عايزين يشتروا الكلب وأنا قلت أحسن أأجروا ليهم!. * في ناس كده زي الموبايل الصيني رخيصة جدًا وصوتها عالي. * واحد اشتكى للدكتور أن زوجته لا تسمع فنصحه الدكتور أن ينادي عليها من بعد 5 أمتار ويشوف النتيجة راح على الدار وسألها من بعد 5 أمتار وهي مشغولة بالمطبخ شو طابخة اليوم؟ ماردت راح قرب متر وسألها شو طابخة؟ ما ردت راح قرب عليها حتى صار بينها 30 سم وسألها شو طابخة؟ أجابته دي خامس مرة أقولك صينية بطاطس. * هل تعلم أن شرب البنزين وبلع جمرة يساعد على حرق الدهون والسعرات الحرارية بشكل ملحوظ دكتور زهجان من النسوان السمان . * هل تعلم أن الإخطبوط اسمه الحقيقي طبوط والسمك من باب الاحترام يناديه ب: الأخ طبوط. خاتمة: * ونحن الآن في ختام مراحل الحوار كل اللجان تقريباً وصلت إلى توصيات جيدة اتفقت عليها كل ألوان الطيف السياسي والمجتمعي فنرجو أن تكلل المساعي بالنجاح. مع تحياتي،،، د. أحمد عبدالله دولة
