سودارس : نحن الهلالاب فقدنا بالجد جمال الوالي

إبراهيم جابر ينفي خبر حل اللجنة العليا لتهيئة بيئة العودة إلى الخرطوم البرهان يفاجئ الجميع بشأن استقالة إبراهيم شقلاوي يكتب: مسرح ما بعد الحرب لدى يوسف عيدابي الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم المريخ يواصل تدريباته بقوة بكيجالي والدامر ماساة قحت جنا النديهة كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة تطور حاسم بقضية "الاعتداء الجنسي" في منزل لامين يامال الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نحن الهلالاب فقدنا بالجد جمال الوالي

قوون نشر في قوون يوم 05 - 04 - 2016

مكسيم لو كان بيلعب في برشلونة ..رونالدو (ضربات الجزاء) ما يحلم يسجل منها – الموضوع دا بالنسبة لينا محسوم
والله نحن لو عارفين (الجوهرة الزرقاء) بتعمل فينا كدا..كان (طوبة) ما بنخلى الكاردينال يعملها
زمان وقت كان جمال الوالي رئيس لنادي المريخ – أي بطولة نطلع منها بنلقى المريخ طلع قبالنا
لا بد من أن يكون مجلس الهلال لجنة (إسعافية)..يقابل والي الخرطوم..أو يقابلوا الوزير عشان يرجعوا لينا جمال الوالي للمريخ

* بعد خروج الهلال من البطولة الأفريقية من دور ال (32) – سألني بعض الأحباب ماذا كنت سوف تكتب بعد خروج الهلال الأفريقي؟ – ونحن (شفوت) متعودين نصل مرحلة المجموعات زي السلام عليكم.
* قاعدين نصل المجموعات بي أتير توماس.
* بي جمعة.
* بي خليفة ذاتو.
* ما عندنا أي مشكلة.
* عادي عندنا نصل المجموعات.
* المجموعات عندنا زي المحطة الوسطى ..لا بد من العبور بيها.
* والله نحن لو عارفين (الجوهرة الزرقاء) بتعمل فينا كدا..كان (طوبة) ما بنخلى الكاردينال يعملها فيها.
* كورتنا بقت بالعصر.
* والقراية في العصر..ما بتدخل ليها جامعة.
* شفتوا ليكم زول بقرأ بالعصر ..بدخل كلية الطب.
* والله كلية الطب إلّا يدخل الكافتريا بتاعتها.
* ما أكتر من كدا.
* في كل الظروف – في كل الأحوال – أقل مرحلة كنا بنطلع منها كانت مرحلة المجموعات.
* الأفارقة ذاتو عارفين كدا.
* وحفظوا الكلام دا.
* وبقوا ولا بناقشونا فيه.
* مقعدنا شاغر في مرحلة المجموعة.
* هسع خايف ناس قرعة البطولة الأفريقية يقوموا يتلخبطوا.
* خايف بعد خروجنا ..يضعوا الهلال في المجموعة (أ).
* الناس ديل ما بكونوا مصدقين.
* السنة دي مالكم؟.
* الحاصل عليكم شنو؟.
* معقولة تطلعوا من دور ال (32)... بي جوهرتكم الزرقاء دي.
* في واحد قال لي الكاردينال جاب (كافالي) ورجعو.
* وجاب (أبيكو) ورجعو.
* قلت ليه هو الكاردينال دا (الكشافات) الجابها رجعها – ما عاوزنو يرجع ناس أبيكو.
* جابوا ليهم كشافات اشتغلت الليلة.
* وضربت تاني يوم.
* اليوم التالت قبلوا على الجهاز الفني.
* عليكم الله الجهاز الفني عندو دخل بموضوع (الكشافات) دي – لو ما الكاردينال عاوز ليه سبب ساكت مع الجهاز الفني.
* الهلال يطلع من دور ال (32) أصلو ما واقعة لينا.
* ولا بنبلعها.
* الموضوع صعب علينا.
* الهلال عنده حارس مرمى ربما هو الأفضل في الدوريات المحلية والأفريقية.
* مكسيم لو كان بيلعب في برشلونة ..رونالدو (ضربات الجزاء) ما يحلم يسجل منها – الموضوع دا بالنسبة لينا محسوم.
* وبنزيمة كان أقوانو دي إلّا يسجلها في (شريط فيديو).
* وزيدان عامل صلعتو دي؟.
* هسع زيدان مالو؟.
* عليكم الله زيدان هسع سألكم – لو ما عاوزين ليكم سبب.
* الهلال عنده قروش.
* والمرتبات في موعدها.
* والحوافز في موعدها.
* طيب المشكلة وين؟.
* رجعت تاني لبداية العمود ..(ارجعوا ليه ) وقلت ليهم والسؤال عن ماذا كنت سوف تكتب لو كتبت بعد خروج الهلال الأفريقي ؟.. فقلت كنت سوف أكتب تحت عنوان (فقدنا جمال الوالي).
* بختها واضحة كدا.
* نحن (اتوكنا) في جمال الوالي.
* انضربنا في جمال الوالي.
* عشان كدا أرى أن يكوِّن مجلس الهلال لجنة (إسعافية)..يقابل والي الخرطوم.
* أو يقابلوا الوزير عشان يرجعوا لينا جمال الوالي للمريخ.
* إن شاء الله يرجعوه لينا (45) يوماً.
* نستعدل بس ..وشيلوه تاني.
* غايتو الزول وقت يطلع من مرحلة ال (32) ممكن يقول أي حاجة.
* حالتو بتكون صعبة.
* ونحن ما متعودين على الحاجات.
* ولا بنعرف ليها.
* أعود اليوم لكي أكتب تحت العنوان نفسه (فقدنا جمال الوالي).
* لو جينا للجد.
* نحن لا طلعنا أبيكو.
* ولا العشري.
* ولا الكاردينال.
* نحن طلعنا جمال الوالي.
* شفتوا ابتعاد جمال الوالي من المريخ – هو الذي عملها فينا.
* على الأقل زمان وقت كان جمال الوالي رئيس لنادي المريخ – أي بطولة نطلع منها بنلقى المريخ طلع قبالنا.
* لدرجة أننا بقينا ما بنحس بالموضوع.
* أقلاها – كان المريخ بطلع معانا في نفس المرحلة.
* هسع بقينا نطلع..ونقعد نتابع في المريخ زي المسلسل التركي.
* وكمان بعسكروا في القاهرة.
* عليكم الله هسع مع فلستهم دي في داعي يعسكروا في القاهرة.
* عاملين المعسكر مكاواة ساكت.
* لو لعبوا ممتازهم دا كان أحسن ليهم.
* فلهمة في الفاضي.
* وشعر ما عندهم ليه رقبة.
* طبعاً ممكن أي واحد فيكم يقول لي عينكم في الكاردينال وتطعنوا في جمال الوالي.
* بقينا نطلع مع الخرطوم الوطني.
* ونقعد نتابع في المريخ وأهلي شندي.
* عليكم الله دي ما حقارة.
* يا جماعة نحن بنضم صوتنا لمزمل أبو القاسم وبابكر سلك وهيثم كابو.
* جمال الوالي لازم يرجع للمريخ.
* يرجع الليلة قبل باكر.
* نحن بتلقونا قدامكم في الموضوع دا.
* ونحن تاني الذين سوف نهتف ..جمال الوالي رئيس طولي.
* وعائد ..عائد يا الوالي.
* ولا بد من الوالي.
* وما في أحسن من الوالي.
* عليكم الله يا ناس المريخ هسع (الفلسة) حقتكم دي عاجباكم.
* الجابركم شنو ؟.تقعدوا تلقطوا في القروش في (القروبات).
* حارقين دمكم في شنو؟.
* معسكراتكم بقوا يتموها ليكم (تحويل رصيد).
* مالكم ومال الكلام دا.
* جمال الوالي لازم يرجع للمريخ.
* في داعي جمال سالم يتقطع في يوغندا ..البترجعو ما عندو.
* في داعي تراوري يشيلو منو عربيتو.
* وبكري المدينة من الجري الكتير يبقى زي (الكمسنجي).
* يشيل ويلافح في الكورة.
* يمين وقت جمال الوالي كان رئيس نادي المريخ – بكري المدينة ذاتو ما محتاج للجري دا.
* ضربة الجزاء في نص الملعب ...بيحسبوها ليه.
* وفيصل العجب يقعدوا يعدوا ليه في الضربة ..لمن الشمس تشرق.
* نسيتوا جمال الوالي يا مريخاب.
* الحاجات دي ما بتلقوها من غير جمال الوالي.
* والمجموعات من غير جمال الوالي في (سيكافا) ما بتصلوها.
* ما تغشوا نفسكم ساكت.
* ناس راجي عرفوها.
* أكرم الهادي سليم في الأهلي الخرطوم قال ما بيلعب.
* رجعوا لينا جمال الوالي.
* لو جمال الوالي قاعد ..البحصل علينا دا كلو ما كان حصل.
* يمين لا الأهلي الليبي ولا الأهلي المصري ..ما في أهلي بقيف قدامنا.
* هسع أهلي الخرطوم عاوز يعنقد لينا.
* رجعوا لينا جمال الوالي.
* تعملوا ليكم طابق تالت.
* تجيبوا كاظم الساهر.
* تلعبوا مع بارين ميونخ.
* تلعبوا مع برشلونة.
* والله تاني ما بنسألكم..ولا بنقول ليكم حاجة.
* بس رجعوا لينا جمال الوالي.
* شهر خمسة بعيد.
* شهر خمسة ذاتو ما بننتظروا.
* رجعوه لينا في (أبريل) دا.
* الكاردينال دا لو ما لقى جمال الوالي بعملها لينا كلها كلام.
* وتنظير وأنا بدفع من جيبي.
* جمال الوالي طبعاً بدفع من النفط.
* والكاردينال من جيبو.
* عشان كدا وبي واضح العبارة ..مشكلة الهلال حلها في عودة جمال الوالي للمريخ.
* رجعوه لينا..وابعدوا لينا بعيد.
* نحن بنتم الناقصة.
* وبنعرف ندور الشغلة.
* والله رأسنا اتقطع..جنس قطعة.
* المريخ بقى لا بله جابر.
* لا جمال الوالي.
* وبتأهل كمان لدور ال 32.
* نقول شنو تاني؟.
* عائد ..عائد جمال الوالي.
* .........
* ملحوظة : لو ما عاوزين ترجعوا جمال الوالي للمريخ ..خلوه يمسك جزيرة الفيل زي ما صلاح إدريس مسك الأهلي شندي.
هوامش
* نحن بي الحالة دي لا بنقعد ليكم ولا حاجة.
* أمس الزمالك خسر من الإسماعيلي 1 / صفر.
* ليبقى الفارق بين الأهلي والزمالك 9 نقاط.
* والسبب كله مرتضى منصور.
* مرتضى منصور كل 40 يوماً بجيب ليه مدرب جديد.
* ونخشى أن يكرر الكاردينال تجربة مرتضى منصور في الهلال.
* تسجيلات مايو ..هي الحل للهلال.
* عاوزين محترفين يلعبوا لينا 3 مواسم زي كلاتشي وسادومبا ويوسف محمد وداريوكان.
* محترفين يلعبوا لينا 3 شهور ..ما عاوزنهم تاني.
* الكاردينال فشل فشل كبير في ملف المحترفين.
* لولا مكسيم الحارس العملاق ..لقلنا إن الكاردينال لم يحقق نجاحاً يذكر في هذا الملف.
* المشكلة الكاردينال ما بصبر على المحترفين الذين يحضرهم.
* عليك الله يا الكاردينال تاني محترف من الإمارات ما تجيبوا لينا.
* ومحترف تخليه على ناس عماد الطيب ..في الرديف ما بنفع.
* لا بد أن يكون المحترف اسم معروف في القارة.
* وصغير في السن.
* وسعره فوق المليون دولار.
* أي محترف ب 50 ألف دولار أو حتى بي 300 ألف دولار ما بنفع.
* الحل في شيبوب.
* والأمل في شيبوب.
* شيبوب بصلح الوضع.
* بس الله يجيب لينا تسجيلات مايو.
* مباراة الخميس أمام النيل شندي مباراة مهمة.
* الهلال لا بد من أن يلقط نقاطو من بدري.
* احسموا الممتاز.
* دي فرصتكم.
* النيل خسر أمس من الأهلي شندي بثلاثية.
* لكن هذه النتيجة ما تخدعكم.
* النيل فريق بيلعب كورة.
* وشندي دائماً بتشكل عقبة للهلال.
* ..........
* عاجل : ما في عوجة إن شاء الله.

انقر هنا لقراءة الخبر من مصدره.