سودارس : (حسنين) مشكلتو في الحياة بقولوا ليه (حسن) واحد

حفل الكرة الذهبية.. هل يحقق صلاح أو حكيمي "المفاجأة"؟ القوز يعود للتسجيلات ويضم هداف الدلنج ونجم التحرير شاهد بالفيديو.. الحرب تشتعل مجدداً.. المطربة عشة الجبل تهاجم زميلتها هبة جبرة: (نصف الشعب عرفك بعد شكلتي معاك.. شينة ووسخانة وأحذرك من لبس الباروكة عشان ما تخربي سمعتنا) شاهد بالصور.. الفنانة ندى القلعة تصل القاهرة وتحل ضيفة على أشهر الصحف المصرية "في حضرة الكلمة والصحافة العريقة" شاهد بالفيديو.. مطربة سودانية تقدم وصلة رقص فاضحة وتبرز مؤخرتها للجمهور وتصرخ: "كلو زي دا" وساخرون: (دي الحركات البتجيب لينا المسيرات) شاهد بالفيديو.. الحرب تشتعل مجدداً.. المطربة عشة الجبل تهاجم زميلتها هبة جبرة: (نصف الشعب عرفك بعد شكلتي معاك.. شينة ووسخانة وأحذرك من لبس الباروكة عشان ما تخربي سمعتنا) شاهد بالفيديو.. الفنانة هبة جبرة ترد على التيكتوكر المثيرة للجدل "جوجو": (شالت الكرش وعملت مؤخرة ورا ورا ويشهد الله بتلبس البناطلين المحذقة بالفازلين) شاهد بالصور.. الفنانة ندى القلعة تصل القاهرة وتحل ضيفة على أشهر الصحف المصرية "في حضرة الكلمة والصحافة العريقة" تمديد فترة التقديم الإلكتروني للقبول الخاص للجامعات الحكومية وقبول أبناء العاملين اللجنة المالية برئاسة د. جبريل إبراهيم تطمئن على سير تمويل مطلوبات العودة لولاية الخرطوم الهلال والجاموس يتعادلان سلبيا والزمالة يخسر من ديكيداها شاهد بالفيديو.. ظهر وهو يردد معها إحدى أغنياتها عندما كان طفل.. أحد اكتشافات الفنانة هدى عربي يبهر المتابعين بصوته الجميل بعد أن أصبح شاب والسلطانة تعلق من سيحصد الكرة الذهبية 2025؟ مدير جهاز الأمن والمخابرات: يدعو لتصنيف مليشيا الدعم السريع "جماعة إرهابية " كندا وأستراليا وبريطانيا تعترف بدولة فلسطين.. وإسرائيل تستنفر (في الهلال تنشد عن الحال هذا هو الحال؟؟؟) ترمب .. منعت نشوب حرب بين مصر و إثيوبيا بسبب سد النهضة الإثيوبي تدشين أجهزة مركز عمليات الطوارئ بالمركز وعدد من الولايات وزارة الطاقة تدعم تأهيل المنشآت الشبابية والرياضية بمحلية الخرطوم "رسوم التأشيرة" تربك السوق الأميركي.. والبيت الأبيض يوضح الإرصاد في السودان تطلق إنذارًا شديد الخطورة الزمالة أم روابة في مواجهة ديكيداها الصومالي إدانة إفريقية لحادثة الفاشر مياه الخرطوم تطلق حملة"الفاتورة" ليفربول يعبر إيفرتون ويتصدر الدوري الإنجليزي بالعلامة الكاملة شاهد.. ماذا قال الناشط الشهير "الإنصرافي" عن إيقاف الصحفية لينا يعقوب وسحب التصريح الصحفي الممنوح لها بورتسودان.. حملات وقائية ومنعية لمكافحة الجريمة وإزالة الظواهر السالبة وضبط المركبات غير المقننة 10 طرق لكسب المال عبر الإنترنت من المنزل جرعات حمض الفوليك الزائدة ترتبط بسكري الحمل الأمين العام للأمم المتحدة: على العالم ألا يخاف من إسرائيل الطاهر ساتي يكتب: بنك العجائب ..!! صحة الخرطوم تطمئن على صحة الفنان الكوميدي عبدالله عبدالسلام (فضيل) وزير الزراعة والري في ختام زيارته للجزيرة: تعافي الجزيرة دحض لدعاوى المجاعة بالسودان لجنة أمن ولاية الخرطوم: ضبطيات تتعلق بالسرقات وتوقيف أعداد كبيرة من المتعاونين هجوم الدوحة والعقيدة الإسرائيلية الجديدة.. «رب ضارة نافعة» هل سيؤدي إغلاق المدارس إلى التخفيف من حدة الوباء؟! تعاون مصري سوداني في مجال الكهرباء "نهاية مأساوية" لطفل خسر أموال والده في لعبة على الإنترنت الجزيرة: ضبط أدوية مهربة وغير مسجلة بالمناقل ماذا تريد حكومة الأمل من السعودية؟ إنت ليه بتشرب سجاير؟! والله يا عمو بدخن مجاملة لأصحابي ديل! في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى جنازة الخوف حكاية من جامع الحارة حسين خوجلي يكتب: حكاية من جامع الحارة مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(حسنين) مشكلتو في الحياة بقولوا ليه (حسن) واحد

قوون نشر في قوون يوم 13 - 04 - 2016

ناس الهلال زمان (الكورنر) بجيبو منو (قون)...هسع (ضربة الجزاء) بقت منهم تطير
الزول الكان بيلبس (عمة) بقى حايم في المناسبات بي (طاقية) بس – الحالة بقت صعبة اتعكست في (الملابس)
كمان نحن عندنا جمارك ..الواحد لو دخل الخرطوم دي شايل ليه (موبايل)..يضربوا تلاتة تمانيات عشان يشوفوا رصيدو كم؟
زمان التلاجة بي كل بساطة وفي السخانة دي بتطلع منها (لوح تلج) ..هسع لو بقيت (مهندس تبريد) ما بتطلع منها (كباية موية باردة)
* في البدء كان اسمه (نور المحاسن) – اسمو كان كدا.
* أي زول بقول ليه (نور المحاسن).
* زول ليه شنّة ورنّة.
* نور المحاسن تعال.
* نور المحاسن اطلع.
* نور المحاسن سافر.
* نور المحاسن عاد.
* زول أخضر وطويل وتخين...(الدنيا بي خيرها).
* وقت يدخل ليه في (عباية) بتقول (صالة أفراح).
* لمن يخش البيت ..بيفتحوا ليه ضلفات الباب التلاتة زي العربية.
* الأولاد من يشوفوه يجروا يفتحوا ليه الباب الكبير.
* وقت كان اسمو (نور المحاسن) – الدنيا كانت بخيرها – والزمن كان سمح.
* المطرة بتنزل بي (سمكها).
* بتنزل بي (كوتشينتها) – نقعد نلعب في (الكوتشينة) في أجواء رهيبة.
* الجوكر من بيت الجيران يجيك طاير.
* هسع الواحد لو نزل ..بكون (معرج).
* في الزمن دا وقت المطرة تنزل – عربة النفايات ما بتجيك.
* أي حاجة بتتعطل.
* أي حاجة بتقيف.
* شاحن الموبايل في البيت ما بتلقاهو.
* الضغوط الاقتصادية – والحالة الصعبة ..خلت (نور المحاسن) من نور المحاسن اسمو يبقى (حسنين).
* اضغط في الحياة – يعمل شنو؟.
* من (نور المحاسن) بقى (حسنين).
* يقولوا ليكم الكلام مية مرة.
* وتشيلوا وترفعوا في رأسكم.
* تشيلوا وتصنقعوا.
* الصنقيع دا فيه حاجة.
* نور المحاسن قال ما في مشكلة – اسمو يبقى (حسنين).....الاقتصاد في الأسماء ما كعب.
* خصصوا ليه اسمو.
* أصلو أي شيء نقصت.
* الزول الكان بيلبس (عمة) بقى حايم في المناسبات بي (طاقية) بس – الحالة بقت صعبة اتعكست في (الملابس).
* ما في داعي للعمة.
* خلوها العمة.
* الزول العندو (7) خالات في الزمن دا – بقى يختصر ليك خالتو في اتنين.
* دا لو ما نكرن.
* والزول الكان بفتح (المروحة) في أربعة – بقى يفتحها في اتنين.
* الحياة بقت صعبة.
* ناس الهلال زمان (الكورنر) بجيبو منو (قون)...هسع (ضربة الجزاء) بقت منهم تطير.
* الحياة اتغيرت.
* الناس دخلتها (خلعة) كدا بدون مناسبة.
* الزول وقت يعرس ..يقوم ينتظر عرس أختو – عشان المناسبة تبقى واحدة.
* بدل ما نجيب (تورين).
* نجيب (تور) واحد.
* ومعاهو (خروف).
* ما عارف ليه الناس بتصر على (الخروف) دا في المناسبة.
* أي واحد يقول ليك ضبحنا عجلين وخروف.
* أو تور وخروف.
* الفلسفة شنو في حكاية (الخروف) دي؟.
* هسع مع الزمن دا – الواحد بقى يقول ليك ضبحنا عجل و (جدادة).
* وقت يقولوا لي الكلام دا بقول ليهم أنتوا عندكم مناسبة ولّا مباراة؟.
* أصلو في الحقيقة ...(الجدادة) دي ما قاعدين يضبحوها إلّا في (المباريات).
* يمشوا للانطون يقول ليهم اضبحوا ليكم (جدادة).
* عندنا فريق في حلتنا ..ضبح ليه مزرعة دواجن عديل كدا للمباراة – وفي النهاية طلعت تعادل.
* جدادة الزمن دا والله (جدعة تماس) ما تجيبها ليكم.
* المهم يا جماعة عشان ما أسرح ليكم في (الجداد) بي عدلي.
* نور المحاسن بقى حسنين.
* يعني الناس بدل ما تقول ليه نور المحاسن – بقت تقول ليه حسنين.
* وهو ما اعترض.
* ولا قال أي حاجة.
* يقول شنو عاد في الزمن الصعب دا؟.
* زمان التلاجة بي كل بساطة وفي السخانة دي بتطلع منها (لوح تلج) ..هسع لو بقيت (مهندس تبريد) ما بتطلع منها (كباية موية باردة).
* زمان الدنيا كانت بي خير.
* الله يسألني زمان تجيب (البطيخة) تاكل منها قبل الغدا ..وتاكل منها بعد الغدا ..وتقعد لليوم التاني.
* هسع لو جبت ليك (بطيخة) قبل الغداء ..ما بتشوفها تاني.
* لا قبل الغداء.
* ولا بعد الغداء.
* ما بتعرفها راحت وين؟.
* معقولة (المحلية) دخلت في حتة (البطيخ) دي.
* لحقونا في (البطيخ).
* نحن ذاتو عندنا (شفع) – البطيخة من الشارع يقطعوها ليك.
* زمان تختها تحت (الزير) لمن تبرد.
* هسع بي تلاجتها ما بنتظروها تبرد.
* مرة جبنا لينا (بطيخ) بي مناسبة (البطيخ) دا.
* فتحنا (البطيخ) - كلو طلع (قرع).
* ما في واحدة طلعت حلوة.
* في واحد مننا شفت شديد .. شاف (القرع) قال جيبوا ليكم (كسرة) – والله ما في أحلى من ملاح (القرع) بالكسرة.
* وكمان لو لقيت ليك معاهو (بصلة).
* وشطة خارجية.
* والله الزول الجنبك ما بتديه.
* موضوع (البطيخ) ما يطلعنا من موضوع (نور المحاسن) البقى (حسنين).
* دا موضوعنا الرئيسي يا جماعة.
* حسنين بقى يسافر بره ويرجع.
* يلموا فيه ناس (الجمارك).
* كمان نحن عندنا جمارك ..الواحد لو دخل الخرطوم دي شايل ليه (موبايل)..يضربوا تلاتة تمانيات عشان يشوفوا رصيدو كم؟.
* لو لقوا رصيدو كتير ..طوالي يعملوا ليه (جمارك).
* حسنين لمّوا فيه ناس (الجمارك).
* النضارة اللابسها ..عدسة هو ..وعدسة ناس الجمارك.
* الساعة اللابسها لو طلعت جديدة يشيلو منها (50) دقيقة.
* ساعتك تطلع منها بي عشرة دقائق بس.
* حسنين من (الجمارك) حالتو بقت صعبة.
* الزول دا أول سفرية شعرو كان (خنفس).
* لي هنا - .
* هسع بقى (صلعة).
* جمركوا ليه (شعرو).
* ناس الجمارك صعبين.
* حسنين دخل مطار الخرطوم عندو سبعة أطفال...طلع بي أربعة بس.
* قلت ليكم صعبين.
* قعدتوا تغالطوا فيني.
* السنة كلها تغالطوا.
* حسنين جاب ليه شاشة (24) بوصة.
* ناس الجمارك شالوا (12) بوصة – وفكوا ليه (12) بوصة.
* حسنين قال ليهم والله ال (12) بوصة دي .. إذاعة (104) ما بتجيبها لي.
* حسنين أي حاجة نقصت عندو.
* إلّا صلائب السكري.
* أي حاجة بنقصوها.
* الحاجة الوحيدة البرفعوها ليه (الضغط).
* حسنين قال أنا زمان كنت (نور المحاسن) عديل كدا – انقص أكتر من كدا أمشي وين؟.
* دي أصلو ما طريقة.
* دي أصلو ما عيشة.
* حسنين مرة سافر بره.
* زي كل مرة.
* حسنين سافر ..بره وقال المرة دي يمقلب ليك ناس (الجمارك)..ما يجيب ليه أي حاجة.
* شاحن موبايل ما عاوز يجيبو معاه.
* حسنين جاء راجع.
* قالوا ليه في المطار – عندك (عفش).
* قال ليهم أبدًا ..(كيس) ما شايلو.
* قالوا ليه شايل ليك أي (جهاز) الكتروني.
* قال ليهم والله غير جهاز الضغط دي ما شايل أي حاجة.
* قالوا ليه جهاز الضغط دي جديد ولّا مستعمل.
* قال ليهم مستعمل.
* قالوا ليه 50 دولار.
* دفع الخمسين دولار.
* فتشوا القميص.
* الجيوب.
* الجوارب.
* ما لقوا أي حاجة.
* آخر حاجة في واحد منهم عاين للورق والجواز ..وقال ليه أنت اسمك منو؟.
* حسنين قال ليه اسمي (حسنين).
* الموظف عاين لي زميلو القاعد جنبو ..وقال ليه عليك الله (حسنين) دا اعملو لينا (حسن) واحد.
* جمرك (حسنين).
* مسكوا ليك الأوراق.
* شطب.
* وشهادة تسنين.
* ونازل وطالع.
* وإقرار من المحكمة.
* لمن قلبوا ليه اسمو (حسن).
* حسنين يا رجالة بقى (حسن) واحد.
* قلت ليكم الجماعة ديل مصعبنها.
* ما صدقتوني.
* نور المحاسن الذي أصبح (حسنين) بسبب الضغوط الاقتصادية ، ثم أصبح (حسن) واحد بسبب (الجمارك) قرر تاني ما يسافر.
* يقوم يسافر تاني يعملوا فيه شنو؟.
* والله (حسن) دا لا بتقسم ولا حاجة.
* تاني (شندي) دي ما بمشي ليها.
* بس قاعد قبلو.
* لو ماشي (سوبا) بطلع يوم الجمعة العصر.
* ...........
* ملحوظة : كدا كيف؟.
هوامش
* ما عاوز اتكلم عن وفاق سطيف.
* ولا عاوز أجيب لي كلمة للمريخ.
* ولا ح أجيب سيرة لي (الوحدات).
* ح أسكت كدا بس.
* ح أصبر.
* بس حكاية علي جعفر دي ما بقدر أسكت ليكم عليها.
* الزول دا ما تسوقوه معاكم.
* كلمتكم.
* وقلت ليكم النصيحة.
* الزمن دا ذاتو ما في زول بقول النصيحة.
* هلال الفاشر رغم خسارته بالثلاثة شكل خطورة على الهلال.
* وكان يمكن أن يكون عقبة للهلال.
* ولو المباراة كانت في الفاشر ..كان هلال الفاشر عمل لينا (نيل شندي).
* عشان كدا ما تتغشوا ساكت.
* اعملوا حسابكم.
* مريخ الفاشر أخطر من هلال الفاشر.
* ومباراتا الهلال في عطبرة أمام الأهلي والأمل ..هما الأهم.
* وهما الأخطر.
* عشان كدا رتبوا الأوضاع.
* وحسنوا الظروف.
* ما عاوزين نفقد تاني.
* التركيز في الممتاز أمر مهم.
* أمر لا بد منه.
* مجلس الإدارة مسؤول عن أي اخفاق.
* اللاعبون ما قصروا.
* مساوي وبشه وكاريكا ..دائماً كبار.
* مساوي وبشه وكاريكا ..لولاهم كان يمكن أن يتعرقل الهلال.
* الشباب تمام...ما في كلمة.
* لكن الخبرات أمر لا بد منه.
* والما عندو كبير ..أحسن يشوف ليه كبير.
* .........
* عاجل : وإن شاء الله الأمور تصلح.

انقر هنا لقراءة الخبر من مصدره.