سودارس : يا ناس (النيلين) لو نقلتوها ب (قطر) كان وصلت

وزارة الشباب والرياضة تواصل انفتاحها على الولايات قرار مثير لرئيس وزراء السودان ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي مجلس السلم والأمن بالاتحاد الإفريقي يجري مشاورات غير رسمية بشأن ملف السودان وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إضافة علامة تبويب الإعدادات بواجهة "واتساب" إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار المريخ يواصل تدريباته بقوة بكيجالي والدامر انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم ماساة قحت جنا النديهة أحمد طه يواجه الأستاذ خالد عمر بأسئلة صعبة تطور حاسم بقضية "الاعتداء الجنسي" في منزل لامين يامال كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة ولاية الخرطوم: توجيهات بإعداد وتنفيذ برنامج خاص لشهر رمضان وتكثيف المجهودات لاستقرار الخدمات الرئيسية الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر شاهد.. الفنانة مروة الدولية تغني لشيخ الأمين في حفل خاص: (الشيخ حلو لي والنظرة منك لي شفاء وبفهم مشاعرك بعرفها) هيئة مياه الخرطوم: تحصيل فاتورة المياه لا يشمل القطاع السكني حتى الآن شاهد بالفيديو.. الفنان "الشبح" يرد على زميله "ريحان": (رددت الأغنية في حضورك وأنصحك بعدم البحث عن "الترند" بهذه الطريقة) شاهد بالصورة والفيديو.. سيدة الأعمال ونجمة السوشيال ميديا الحسناء "ثريا عبد القادر" تستعرض جمالها بثوب "التوتل" الأنيق مناوي .. استمرار الدعم السريع في ارتكاب جرائم ممنهجة بدعم خارجي يهدد وحدة السودان واستقراره ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى عاطف حسن يكتب: بنك الخرطوم.. اعتذارك ماااااا بفيدك .. !! بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا ناس (النيلين) لو نقلتوها ب (قطر) كان وصلت

قوون نشر في قوون يوم 18 - 04 - 2016

باص الولاية دا لو وصلك (الكلاكلة) ما بكون قصر – عاوزننا نصل القمر
قاعدين تحللوا لينا في الكورة ..وفاتحين الاستوديو التحليلي من الساعة سبعة ..عشان تقولوا لينا الصورة ما وصلت من عطبرة
نشاهد مباراة برشلونة في (الكامب نو) ..ونفشل في مشاهدة الهلال في عطبرة
ناس التلفزيون مرات يجيبوا ليك الكورة جدعة في منتصف الملعب ..والمعلق بكورك قون
* الناس وصلوا القمر.
* وقيّلوا فيه ..وعملوا (قهوتهم) وفزعوا.
* فرشوا (ملاياتهم) ..ورشوا (الحوش).
* القمر فيه (حوش).
* غايتو مسألة (الحوش) دي ما بقدر أجزم ليكم بيها – لكن ناس المحلية دي لو وصلوا القمر – أكيد يكون فيه رسوم.
* الناس وزعوا القمر – ونحن منتظرين الخطة الإسكانية الجديدة.
* الواحد فيهم وقت تقع ليه قطعة أرض بره الخرطوم – يقول ليك بعيدة.
* الناس وصلوا القمر...وأنتوا بره الخرطوم دي ما عاوزين تطلعوا.
* شايفنها بعيدة.
* نحن القمر ما بنصلو – القمر نحن بنغني ليه بس.
* بعدين والله باص الولاية دا لو وصلك (الكلاكلة) ما بكون قصر – عاوزننا نصل القمر.
* روسيا بلغت الحدود الشرقية لكوكب زحل.
* الروسي بتصور (سيلفي) في كوكب زحل.
* نحن (السيلفي) بتاعنا في موقف جاكسون.
* أو قصاد حوادث مستشفى أم درمان.
* الأمريكان عندهم محاولات جارية للعيش في كوكب المريخ.
* قالوا ممكن العيش في كوكب المريخ – عاوزين يوصلوا الموية والكهرباء.
* عاوزين يعملوا ليهم سوق – زي سوق التلاتاء بتاع (المكنية) فيه أي شيء في كوكب المريخ.
* اللحمة ..والخضار.
* والنبق واللألوب.
* وطيبة الناس – وسؤالهم الدائم عنك.
* أي زول فيهم يوقفك – عشان تفطر معاه.
* الحياة هناك بتبدأ بدري شديد.
* ما زي الحياة بتاعة الخرطوم – لو ما عصّرت الناس ما بتطلع.
* الخرطوم دي للأمانة كدا بقى ما فيها (صباح).
* الناس من تقوم من النوم بتدخل في (الضهر) طوالي.
* كمان شارع الستين دا فيه (شمس).
* الناس اتقدموا – نحن لسه بننتظر باص الوالي.
* بننتظر الكهربة والموية.
* وعربية ترحيل الولد من المدرسة.
* والمسلسل التركي.
* استنسخوا ليهم (نعجة).
* والنعجة أطلقوا عليها (دوللي).
* واتجاوز العالم المرحلة دي.
* ومشوا بعيد.
* ونحن هنا مازلنا نفشل في نقل مباراة من (عطبرة) – بل أحياناً يفشلوا في نقل مباراة من إستاد الخرطوم.
* لو بتنقلوا ليكم في (طوب) كان وصل.
* لو بتنقلوا في الكورة بي (قطر) كان جبتوها لينا.
* قاعدين تحللوا لينا في الكورة ..وفاتحين الأستوديو التحليلي من الساعة سبعة ..عشان تقولوا لينا الصورة ما وصلت من عطبرة.
* أنتوا عاوزنها تصل بالسكة الحديد.
* قالوا ليكم هي (طرد).
* أجهزة النقل في التلفزيون القومي مازالت إذا سخنت بيعملوا ليها (تلج).
* الله يسألني الموضوع دا مرة حصل.
* يجيبوا ليكم مرة الصورة بدون صوت.
* ومرة يجيبوا ليك (الصورة) بتأخر على (الصوت) حكاية بتاع 45 ثانية.
* الصوت سابق الصورة يعني.
* يعني مرات يجيبوا ليك الكورة جدعة في منتصف الملعب ..والمعلق بكورك قون.
* ومرات الشوط ينتهي والمعلق بقول ليك كورنر.
* كورنر في عينك.
* كورنر بين الشوطين.
* ما بتفهم أي شيء.
* ديل مرة جابوا ليك صلاح الضي جاري بالكورة ...والمعلق بكورك وليد علاء الدين.
* وصلاح الضي آخر مرة جرى فيها في الهلال سنة 2002 على ما اعتقد.
* معقول فرق التوقيت يكون 14 سنة.
* الصورة في حتة – والصوت في حتة تانية خالص.
* زي زول القاعد يتمتم ..الإشارة بتسبق الكلمة بي مراحل.
* الإعادة في التلفزيون حقنا دي تنتظرها أسبوع.
* الإعادة ما بجيبوها ليك إلّا يوم الجمعة – تقول (سماية).
* زي الدعوة.
* لو عاوز تشوف إعادة الهدف – إلّا تنتظر الجمعة.
* وبعد دا ممكن رضا مصطفى الشيخ يجيك بعد أسبوع ويقول ليك الجهاز اتعطل.
* نشوف (المسابقة) يا سيحة.
* قبل بداية الموسم يحدث صراع وتنافس كبير بين الفضائيات من أجل الحصول على الحقوق الكاملة لنقل الدوري الممتاز.
* شبكة لي رب السماء.
* لمن الحكومة تتدخل.
* وتبدأ القناة التى تفوز بحظوظ النقل سعادة كبيرة ..وهي تحصل على أغلى منتج في السودان.
* ثم تنطلق البشريات بنقل ممتاز عبر قناة حصرية.
* وأستوديو تحليلي.
* وتبدأ الإعلانات والشركات الراعية تتسابق نحو القناة ونحو الملاعب من أجل الإعلان طالما هناك نقل تلفزيوني لمباريات الدوري الممتاز.
* قناة النيلين أو التلفزيون القومي كان قد فاز في المواسم السابقة بنقل مباريات الدوري الممتاز.
* ودفع التلفزيون القومي أو حكومة السودان أكثر من 10 مليار جنيه مقابل نقل مباريات الموسم الواحد للدوري الممتاز.
* وكان كلما حدثت إشكالية في السداد وتأخر التسديد – تدخلت حكومة السودان ممثلة في النائب الأول لرئيس الجمهورية من أجل تسديد حقوق الاتحاد العام وأندية الممتاز.
* الأسابيع الأخيرة كانت قد حدثت أزمة بسبب عدم تمكن التلفزيون القومي من سداد الأقساط التى عليه للاتحاد العام.
* الاتحاد العام قام بوقف نقل مباريات الدوري الممتاز بعد أن تأخر التلفزيون القومي في سداد الأقساط التى عليه.
* توقف بث مباريات الدوري الممتاز عبر قناة النيلين فتدخل النائب الأول لرئيس الجمهورية لتقوم حكومة السودان بسداد اتنين مليار ونصف للاتحاد العام لعودة البث لمباريات الدوري الممتاز عبر قناة النيلين.
* الحكومة بعد أن قامت بسداد الأقساط – تمنينا لو أنهم لم يسددوها ولم يقوموا بدفع كل تلك الأموال طالما لا يملك التلفزيون القدرة والتقينات الحديثة لنقل مباريات الدوري الممتاز.
* مليارات رايحة ساكت.
* أحسن تقولوا ما دفعنا الأقساط ..من تقولوا لينا الصورة ما وصلت من عطبرة.
* أمام فريق الأهلي الخرطوم في الأسابيع الماضية لم تنقل مباراة الهلال – لأن التلفزيون لم يسدد الأقساط التى عليه للاتحاد العام.
* والضحية طلعت جماهير الهلال التى حرمت من رؤية فريقها ..رغم أنها بتسدد الضرائب والجمارك ..وما قاعدة تقصر في شيء.
* وأمام الأمل عطبرة ورغم سداد الأقساط – فشل التلفزيون القومي في نقل مباراة الهلال في عطبرة.
* رغم أن الحكومة دفعت القروش.
* أنتوا دافعين ليهم القروش عشان ما ينقلوا الكورة.
* شنو مرة تجيبوا لينا الكورة بدون صوت.
* ومرة لا صوت ولا صورة.
* ومرة الهجمة تكون ماشه على الفريق ..اللقطة تثبت.
* ما في أي حركة.
* ما بتفهم أي شيء.
* هدف كاريكا الأخير في مريخ الفاشر ..وقت إيشيا سدد الكورة التى عكسها محمد عبد الرحمن الصورة ثبتت.
* وقت الحركة رجعت للصورة – لقينا كاريكا جاب القون الخامس للهلال.
* الطريقة التى يتعامل بها تلفزيون السودان مع المشاهد الرياضي ..طريقة ترفع الضغط.
* وتجيب السكري.
* ما معقول ..تنقل المباريات بهذه الصورة.
* نشاهد مباراة برشلونة في (الكامب نو) ..ونفشل في مشاهدة الهلال في عطبرة.
* الشيء الغريب أن كل مشاكل التلفزيون بتظهر فقط في مباريات الهلال.
* الأقساط في مباريات الهلال.
* العطب الفني في مباراة الهلال.
* عدم وصول الصورة في مباراة الهلال.
* غايتو العشري لو كان (هرب) عشان النقل التلفزيوني حقكم دا ما بكون غلطان.
* التلفزيون أمس عصراً نقل مباراة مريخ الفاشر والرابطة كوستي من الفاشر وفشل التلفزيون في نقل مباراة الهلال في عطبرة.
* المباراة كانت عصيبة ..وترقبها الهلالاب داخل وخارج البلاد – وفشل التلفزيون في نقلها.
* حرمونا من هدف عمار الدمازين.
* ما شفنا أي حاجة في المباراة.
* رغم أن الدولة دفعت الأقساط.
* ونحن لفينا (الطبق).
* وإسماعيل عطا المنان ظهر في الأستوديو التحليلي.
* وفشلوا بعد ذلك في نقل المباراة.
* قالوا شنو منتظرين الصورة تصل من عطبرة.
* أنتوا قايلين الصورة دي (باص بتاع سيرة).
* ما في صورة بتصل (فجأة).
* ولا في صورة بتصل على كيفها.
* أو حسب الظروف.
* اختباراتكم اعملوها من بدري.
* تجاربكم ..اعملوها من العصر.
* بدل ما تحرقوا أعصاب الناس بالصورة دي.
* مباراة الأمل ما بتستحمل.
* الناس قاعدة على أعصابها.
* وكلها مترقبة للمباراة.
* تجيبوا لينا أهداف من مباريات ليها 4 سنوات.
* أنتوا قاعدين وين؟.
* ..........
* ملحوظة : الحمدلله الهلال انتصر.
هوامش
* عمار الدمازين فتحت معاهو.
* عمار الدمازين بملك خامة المدافع الهدّاف.
* مبارك سليمان اتحمل المسؤولية في ظروف صعبة.
* وحمداً لله كثيراً أن الهلال اتجاوز محطة الأمل في ظروف صعبة.
* الهلال سوف يواجه الأربعاء القادم فريق الأهلي عطبرة.
* ولا بد من العودة بالنقاط الست من عطبرة.
* عاوزين نتجاوز بإذن الله وتوفيقه الأهلي عطبرة.
* عشان الهلال يتفرغ للخرطوم الوطني والمريخ.
* الحذر يجب أن يكون أكبر أمام الأهلي عطبرة.
* والاستعدادات يفترض أن تتضاعف.
* مباراة الأهلي عطبرة إذا فاز فيها الهلال بإذن الله وتوفيقه سوف يكون الهلال حسم أمر الدورة الأولى بفارق كبير من الوصيف.
* الحمدلله أن الهلال سوف يبقى بعيدًا عن الأحداث حتى مباراة عطبرة.
* يجب أن يفصلوا لاعبي الهلال من هذه الأجواء.
* ابعدوا من النت والتلفونات في هذه الأيام ..وركزوا في مباراة الأهلي عطبرة.
* خلوا أي حاجة ...وفكروا فقط في مباراة الأربعاء.
* المريخ سوف يلعب يوم الثلاثاء في الجزائر.
* والهلال يوم الأربعاء في عطبرة.
* واللبيب بالإشارة يفهم.
* المريخ ينتظره هلال كادوقلي في الجبال وهلال الأبيض في الرمال ..والأهلي شندي في دار جعل.
* شيلوا شيلتكم ساكت.
* ناس أمير كمال ثبتوهم.
* كلموهم.
* ......
* عاجل : وانتصر الهلال!!.

انقر هنا لقراءة الخبر من مصدره.