سودارس : الزول الجنو يقول ليك عندك (شاحن)

هيمنة العليقي على ملفات الهلال ((المدرسة الرومانية الأجمل والأكمل)) من يبتلع الهلال… الظل أم أحبابه؟ الحرب الايرانية – الاسرائيلية: بعيدا عن التكتيات العسكرية نشاط مكثف لرئيس الوزراء قبل تشكيل الحكومة المرتقبة نقل أسلحة إسرائيلية ومسيرات أوكرانية الى افريقيا بمساعدة دولة عربية والي الخرطوم يصدر عدداً من الموجهات التنظيمية والادارية لمحاربة السكن العشوائي أدوية يجب تجنب تناولها مع القهوة شاهد بالفيديو.. رجل سوداني في السبعين من عمره يربط "الشال" على وسطه ويدخل في وصلة رقص مع الفنان محمد بشير على أنغام الموسيقى الأثيوبية والجمهور يتفاعل: (الفرح والبهجة ما عندهم عمر محدد) كامل إدريس يصدر توجيهًا بشأن الجامعات.. تعرّف على القرار شاهد بالفيديو.. بلقطات رومانسية أمام أنظار المعازيم.. عريس سوداني يخطف الأضواء بتفاعله في الرقص أمام عروسه وساخرون: (نحنا السودانيين الحركات دي أصلو ما جاية فينا) شاهد بالصور والفيديو.. الفنان حسين الصادق ينزع "الطاقية" من رأس زميله "ود راوة" ويرتديها أثناء تقديم الأخير وصلة غنائية في حفل حاشد بالسعودية وساخرون: (إنصاف مدني النسخة الرجالية) رئيس الوزراء يطلع على الوضع الصحي بالبلاد والموقف من وباء الكوليرا الجيش الكويتي: الصواريخ الباليستية العابرة فوق البلاد في نطاقات جوية مرتفعة جداً ولا تشكل أي تهديد إدارة مكافحة المخدرات بولاية البحر الأحمر تفكك شبكة إجرامية تهرب مخدر القات شاهد بالصورة والفيديو.. وسط ضحكات المتابعين.. ناشط سوداني يوثق فشل نقل تجربة "الشربوت" السوداني للمواطن المصري اردول: افتتاح مكتب ولاية الخرطوم بضاحية شرق النيل (يمكن نتلاقى ويمكن لا) خطوة مثيرة لمصابي ميليشيا الدعم السريع عناوين الصحف الرياضية السودانية الصادرة اليوم الأثنين 16 يونيو 2025 سمير العركي يكتب: رسالة خبيثة من إسرائيل إلى تركيا شاهد بالفيديو.. الجامعة الأوروبية بجورجيا تختار الفنانة هدي عربي لتمثل السودان في حفل جماهيري ضخم للجاليات العربية شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة رباعية نظيفة .. باريس يهين أتلتيكو مدريد في مونديال الأندية بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل") على طريقة البليهي.. "مشادة قوية" بين ياسر إبراهيم وميسي المدير العام للشركة السودانية للموارد المعدنية يؤكد أهمية مضاعفة الإنتاج المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة من حق إيران وأي دولة أخري أن تحصل علي قنبلة نووية كيف أدخلت إسرائيل المسيرات إلى قلب إيران؟ أول دولة عربية تقرر إجلاء رعاياها من إيران خلال ساعات.. مهمة منتظرة لمدرب المريخ السودان..خطوة جديدة بشأن السفر 3 آلاف و820 شخصا"..حريق في مبنى بدبي والسلطات توضّح ضربة إيرانية مباشرة في ريشون ليتسيون تثير صدمة في إسرائيل بالصور.. زوجة الميرغني تقضي إجازتها الصيفية مع ابنتها وسط الحيوانات معركة جديدة بين ليفربول وبايرن بسبب صلاح معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت بعد حالات تسمّم مخيفة..إغلاق مطعم مصري شهير وتوقيف مالكه رئيس مجلس الوزراء يؤكد أهمية الكهرباء في نهضة وإعادة اعمار البلاد إنهاء معاناة حي شهير في أمدرمان وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا فجرًا.. السلطات في السودان تلقيّ القبض على34 متّهمًا بينهم نظاميين رئيس مجلس الوزراء يقدم تهاني عيد الاضحي المبارك لشرطة ولاية البحر الاحمر وفاة حاجة من ولاية البحر الأحمر بمكة اكتشاف مثير في صحراء بالسودان رؤيا الحكيم غير ملزمة للجيش والشعب السوداني مسؤول سوداني يطلق دعوة للتجار بشأن الأضحية محمد دفع الله.. (صُورة) تَتَحَدّث كُلّ اللُّغات في سابقة تعد الأولى من نوعها.. دولة عربية تلغي شعيرة ذبح الأضاحي هذا العام لهذا السبب (….) وتحذيرات للسودانيين المقيمين فيها شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض) تراجع وفيات الكوليرا في الخرطوم أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية وزير المالية السوداني: المسيرات التي تضرب الكهرباء ومستودعات الوقود "إماراتية" "الحرابة ولا حلو" لهاني عابدين.. نداء السلام والأمل في وجه التحديات "عشبة الخلود".. ما سرّ النبتة القادمة من جبال وغابات آسيا؟ ما هي محظورات الحج للنساء؟ قُلْ: ليتني شمعةٌ في الظلامْ؟!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الزول الجنو يقول ليك عندك (شاحن)

قوون نشر في قوون يوم 30 - 01 - 2012

· بعيدا عن سادومبا ..والحضري ...وجدادة الخلا التى طردت جدادة البيت...بعيدا عن كل هذه الاشياء ..الليلة سوف اكلمكم عن (موبيلة) الانسان..اي جعله (موبايلا).
· جوال يعنى.
· لكن قبل دا ..لا بئس من ان احدثكم عن سياسية بسمارك الخارجية.
· سياسة بسمارك الخارجية تطير عيشتها.
· قالوا ليك في واحد عندو رأي قاطع في (العدس).
· العدس عندو زي الكهربا لما تقطع.
· الزول دا من يشوف ليهو (عدس) في مناسبة ..طوالي بطنو بتقلب.
· مشكلتو في الدنيا (العدس).
· الزول دا من كراهيتو للعدس باع التلفزيون.
· قال نحن (العدس) في الغدا ما بنقبل بيهو ..نجى نلقى في (التلفزيون).
· في واحد تاني..قال انت التلفزيون السوداني ما بنقل مباريات السودان ارضي.
· قلت ليهو تلفزيون السودان ناقل (العدس).
· ركزوا في (العدس) وخلوا بطولة الامم الافريقية.
· البتعملوا في العدس لو عملتوا في البطولة الافريقية كنتوا اتفوقتوا على الجزيرة الرياضية.
· العدس خلي.
· عمودك بقى كلو (عدس).
· نشوف سياسية بسمارك الخارجية.
· اغرب حاجة.
· الحضري جابوه من مصر ...واعاروه ليهم.
· دي زي الزول البدين ليهو قروش من زول ..يقوم القروش الاتسلفها دي يسلف منها الزول السلفو.
· دي شنو اللخبطة دي؟.
· الحضري جابوا بي مليون ونص مليون دولار ..واعاروه ب (200) الف دولار.
· الحضري دا بقى زي (الساعة).
· الساعة تشتريها ب (7) جنيه...تقوم تبوظ عليك ..تمشي تصلحها ..الساعاتي يقول ليك عاوز في تصليحها (30) جنيه.
· يا ود الناس هى كلها ب (7) جنيه ..اصلحها ب (30) جنيه.
· او ممكن تشترى ليك ساعة ب (15) جنيه ...حجرها ينتهى بعد فترة ..تمشي عشان تشترى ليها (حجر)...تلقى الحجر ب (25) جنيه.
· يعني حجرها اغلى منها.
· هسه الحضري دا جابوه بمليون ونصف المليون دولار ..واعاروه ب (200) الف دولار.
· زول تجيبوا من اهلو ...وترجعوا لي اهلو (اعارة) ..دي ما سمعنا بيها.
· جايبنو ليه في الاساس؟.
· ما علينا.
· قلت ليكم الحضري دا عندو صفحة براهو.
· الحاجة الما بقدر ارجيها الصفحة.
· حاجة مستعجلة.
· هو ان الحضري عندما يعود للمريخ في يونيو القادم ..عمرو بكون بقى (43) سنة.
· بكون دق في ال (43) سنة.
· الحضري يا مريخاب لو رجع برجع ليكم بي (نضارة).
· واحتمال حركتو ذاتها تكون تقلت ...يرجع ليكم بي كرسي متحرك.
· برضو السن ليها احكام.
· وبي حكم السن ...كلامو بكون بقى كتير.
· الحضري بعد يونيو لو وقف حارس مرمي للمريخ ...الكورة لما تصله معكوسة بقول لي بلة جابر ..يا بلة كدا شوف لي الشيء المرت دي كورة وإلا (كديسة).
· ما قادر افرز.
· النظر بكون بقى كعب.
· بلة طبعا (غتيت) بقول ليه دي (كديسة).
· غايتو لو رجعتو تاني يا ناس المريخ ما في طريقة تجيبوا ليه (تورتة)...عشان الدكتور الوقت داك بكون منعو من الحاجات الحلوة.
· هسع الحضري دا خلي.
· ندخل ليكم في الموضوع.
· مرات كدا بحدثكم عن زول ..زول ...الزول البجيب الموية ...والزول البشيل الشاي...الخ.
· وهكذا.
· الليلة عاوز احدثكم في نطاق الزول الموبايلي.
· انتوا ما بتلاحظوا انو الموبايل آثر بشكل واضح في الانسان.
· يعني ممكن أي زول تعرفو عن طريق تعاملو مع موبايله.
· الغريب في الامر ان الموبايل فرض طبعو على الانسان ..ويمكن ان يوضح لكم هذا من خلال التعريفات القادمة.
· اصبروا انتوا ...ما تقعدوا تغالطوا.
· لو مشيتوا معاى خطوة ..خطوة ..بتقتنعوا بالكلام دا.
· أي زول عنوانو او طبعو في موبايلو.
· في زول كدا محل ما تلقاه ....تلقى بفتش ليه عن (شاحن موبايل).
· يمشي ليه لي ناس زيارة ..قبل ما يقعد كويس بيسأل عن شاحن.. ابرة رفيعة.
· الشيء البتغيظ ...انو بحدد كمان.
· يمشي لي صاحبو في المكتب ..قبل ما يسلم بقول ليه عليك ما عندك (شاحن).
· زول شفقان ..محل ما يمشى عاوز يشحن موبايلو.
· في ناس كدا ...ما بحبو بطارية الموبايل تنزل خط.
· وفي ناس عندهم احساس دائم ..انو موبايلهم ح يقطع كهربا..عشان كدا الوقت كلو موبايلهم في الشاحن.
· انا في ناس ارتبطوا في ذاكرتي بالشاحن.
· قدر ما اشوفهم ..بلقاهم بسألوا عن شاحن.
· برضو في زول محل ما يلقاك شايل تلفون ..يقول ليك تلفونك دا ماركتو شنو؟.
· تقول ليه الماركة.
· يقول ليك تصويرو كيف؟.
· تقول ليه التصوير.
· يقول ليك ذاكرتو كم؟.
· تقول ليه الذاكرة.
· تلقى شال موبايلك وفتح الرسايل كمان.
· في ناس كدا.
· في زول تاني.
· الزول دا دائما تلفونو ما فيه (رصيد).
· قاطع رصيد ..بالغلط ما بتلقى عندو رصيد.
· لو ضرب ليك ..بقول ليك ارجع لي عشان انا ما عندي رصيد.
· تضرب ليهو ..بقول ليك رسل لي رصيد ..ان شاءالله بس حق (المسكول).
· في ناس كدا.
· ناشفة ...نشفانها بظهر في رصيد الموبايل.
· في نوعية اخرى من البشر.
· في زول تلقى اليوم كلو قافل موبايلو.
· قلت ليكم أي زول بتعرفو من موبايلو.
· في زول بكون مقلق.
· قلق شديد.
· كل ما تلفونو بضرب ..بعاين للرقم ..وبرجع الموبايل محلو.
· يعاين للرقم ..وما بفتح التلفون.
· ومرات كمان أي رقم بشوفو في شاشة الموبايل بلحقو ليك بي تعليق مختصر.
· مثلا التلفون يضرب.
· يعاين للموبايل ويقول : (الهوا دا عاوز شنو؟).
· التلفون يضرب.
· يعاين للرقم ويقول : يا اخي الزول دا مالو معاي.
· الزول دا مجنني من الصباح مالو.
· نفس الزول يضربو ليهو الصباح ..بعاين للرقم كدا ..وبقول: الزول دا من الصباح عاوز شنو؟.
· يضربوا ليهو النهار.
· يعاين للرقم كدا ..ويقول : الزول دا في نص النهار دا مالو.
· دا وقت يضربو فيه.
· يضربو ليه العصر ..يقول ليك في زول بضرب العصر.
· يضربوا ليه في الليل برضو بقعد ينقنق.
· في تعريفات اخرى للناس البضربو.
· يعني ممكن يضرب ليك رقم ..نفسك طوالي تأبا المكالمة ..وتقول الزول دا ما بضرب ساكت ..إلا يكون في زول مات.
· في ناس طبعا ما بضربو إلا في الموت.
· وفي رقم من يضرب ليك طوالى تعرف الرقم دا عاوز (قروش).
· من يضرب ليك ..السلام ما بتمو بقول ليك عاوز قروش.
· بعدين الرقم البكون عاوز قروش بكون ظاهر.
· عليه فانت ممكن أي رقم يضرب ليك تفصلو.
· أي رقم عندو طبيعة معينة.
· ويمكن الليلة تجربوا الكلام دا.
· الرقم من يضرب ليك ...تفسر المكالمة.
· تعاين للرقم كدا ..وتعرف من وراه.
· هسع دا يكون عاوز يقول ليك امس شفت الارسنال كيف؟.
· بالله الارسنال كان في الشوط الاول مغلوب اتنين.
· في الشوط التاني ...الارسنال جاب تلاتة اقوان.
· الارسنال دا في الشوط التاني ما (تدقس) معاه.
· أي فرصة بلقاها بجيبها قون.
· في رقم يضرب ليك ...اعرف طوالي عاوز يقول ليك : عليك الله شفت الحادث الفي الكوبري دا كان كيف؟.
· حادث فظيع.
· الزول دا قدر ما يضرب يقول ليك الكلام دا.
· في رقم يضرب ليك.
· عشان يقول ليك : والله الليلة فطرنا فطور.
· يا ود الناس ما تفطر.
· المشكلة الواحد لو فطر بي (بوش)..يطلع ليك البوش السما.
· والله جنس (بوش).
· يا ود الناس الشيء شنو؟.
· الشيء (بوش) ..يعني قدر ما تصلحو (بوشك) دا ما ببقى (اوباما).
· بوش ..وضارب فيه تلفون كمان.
· في رقم بضرب ليك ...بقول ليك في فيلم في القناة التانية ..تابعو.
· رقم بضرب.
· تعاين للرقم.
· تعرف الموضوع...موضوع سياسي اكيد.
· تفتح المكالمة ...يقول ليك الجماعة وصلوا ام درمان.
· الجماعة منو؟.
· الخط يقطع.
· ملحوظة : اشمعنا يقطع هنا بالذات.
هوامش
· نتوقع باذن الله اليوم ان يتأهل منتخبنا الوطنى لدور التمانية.
· ان شاءالله منتخبنا يتأهل.
· سوف يكون حدثا كبيرا ...وانجازا عظيما تأهل منتخبنا لدور التمانية.
· ح نشوف هوبة في الجزيرة 9.
· خليكم عارفين.
· الله (يبشبش) علينا.
· هيثم مصطفى حفظه الله ورعاه ..برضو ح تكون عندو كلمة في مباراة اليوم.
· كلمة يا هدف.
· واحد في الاتنين.
· ما نأكده هو ان منتخبنا سوف يتأهل ان شاءالله.
· ما تشيلوا هم.
· قال الامين البرير امس ان سادومبا لاعبنا ..نثق في امكانياته ..ونطالب الاعلام بتهيئة المناخ للاعب.
· لماذا لم يقل الامين البرير ذلك الكلام ..عندما فشلوا في اعادة قيد مهند الطاهر.
· ليه هاجموا مهند الطاهر ..وطلعوه مجرم ..في الوقت الذي يدافع فيه الامين البرير الان عن سادومبا ..رغم ان الاخير رفض عرض خرافي.
· تخيلوا ان الهلال عرض 450 الف دولار لسادومبا من اجل 6 شهور اضافية ..بينما عرض الهلال على مهند الطاهر مائة الف دولار فقط ..لكى يوقع 3 سنوات اضافية للهلال.
· الامين البريرى امس طالب من الاعلام الرياضي بتهيئى المناخ للاعب ليقدم كل ما عنده للهلال ..وخص الكيماوي الاعلام الهلالي بأن لا ينساق وراء التخطيط الخبيث الذي يقوم به البعض.
· هل استفاد البرير من قضية مهند الطاهر.
· اما ان هناك خيار وفقوس.
· على العموم نحمد الله ان اعارة سادومبا لم تتم.
· الحمدلله.
· مجلس الهلال كاد ان يضيّع سادومبا.
· بس الاقدار هى التي مرقتنا.
· قلوبنا مع المنتخب.
· ادعوا الله ان يتأهل منتخبنا.
· مستوى المنتخب السوداني وشكله يؤهله للتأهل.
· يمكن ان يكون المنتخب السوداني مفاجأة البطولة.
· المنتخب السوداني قادر على احداث مفاجأة.
· تابعوا الهوبة في الجزيرة سبورت 9.
· عاجل : الله يكتر الهوبات.

انقر هنا لقراءة الخبر من مصدره.