سودارس : من قاقا لي بشة..(الرجاء مراجعة خدمات المشتركين)

خطة مفاجئة.. إسبانيا تستعد لترحيل المقاول الهارب محمد علي إلى مصر مشاهد من لقاء رئيس مجلس السيادة القائد العام ورئيس هيئة الأركان (خطاب العدوان والتكامل الوظيفي للنفي والإثبات)! من اختار صقور الجديان في الشان... رؤية فنية أم موازنات إدارية؟ المنتخب المدرسي السوداني يخسر من نظيره العاجي وينافس علي المركز الثالث الاتحاد السوداني يصدر خريطة الموسم الرياضي 2025م – 2026م البرهان يزور جامعة النيلين ويتفقد مركز الامتحانات بكلية الدراسات الاقتصادية والاجتماعية بالجامعة وزير الصحة المكلف ووالي الخرطوم يدشنان الدفعة الرابعة لعربات الإسعاف لتغطية إعلان خارطة الموسم الرياضي في السودان غنوا للصحافة… وانصتوا لندائها ترتيبات في السودان بشأن خطوة تّجاه جوبا توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. لاعب المريخ السابق بلة جابر: (أكلت اللاعب العالمي ريبيري مع الكورة وقلت ليهو اتخارج وشك المشرط دا) شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! ميسي يستعد لحسم مستقبله مع إنتر ميامي كمين في جنوب السودان تقرير يكشف كواليس انهيار الرباعية وفشل اجتماع "إنقاذ" السودان؟ محمد عبدالقادر يكتب: بالتفصيل.. أسرار طريقة اختيار وزراء "حكومة الأمل".. وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم "تشات جي بي تي" يتلاعب بالبشر .. اجتاز اختبار "أنا لست روبوتا" بنجاح ! المصرف المركزي في الإمارات يلغي ترخيص "النهدي للصرافة" الخرطوم تحت رحمة السلاح.. فوضى أمنية تهدد حياة المدنيين "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أول أزمة بين ريال مدريد ورابطة الدوري الإسباني أنقذ المئات.. تفاصيل "الوفاة البطولية" لضحية حفل محمد رمضان شهادة من أهل الصندوق الأسود عن كيكل بزشكيان يحذِّر من أزمة مياه وشيكة في إيران لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر مصانع أدوية تبدأ العمل في الخرطوم خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة بنك أمدرمان الوطني .. استئناف العمل في 80% من الفروع بالخرطوم زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين شرطة البحر الأحمر توضح ملابسات حادثة إطلاق نار أمام مستشفى عثمان دقنة ببورتسودان السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

من قاقا لي بشة..(الرجاء مراجعة خدمات المشتركين)

قوون نشر في قوون يوم 28 - 01 - 2012

الما شاف هدف بشة الاول يسمع اغنية (الود)
يا ناس الهلال..سادومبا غير قابل للاعارة
كنت انوى اكتب عن سادومبا لكن احداث مباراة المنتخب السوداني والانغولي اجبرتنا ان ابقى في حدود هذه المباراة التي شهدت اول هدف بعد 36 سنة.
كنت اود ان اكتب عن اعارة سادومبا قبل ذلك ..ناصحا مجلس ادارة نادي الهلال من التفريط في هذا اللاعب ولو بالاعارة ..رغم الاصوات التي ظهرت في الفترة الاخيرة ونادت باطلاق سراح اللاعب حفاظا عليه.
اذا كان مجلس ادارة نادي الهلال غير قادر على الاحتفاظ بهذا اللاعب او التجديد له فتلك مشكلة.
هل سوف نحافظ على (سادومبا) عن طريق قروش اعارته..يعني قروش الاعارة يجدد بيها سادومبا.
انتوا المجلس دا ما عاوز يدفع حاجة.
مهند الطاهر تعاملوا معه بنفس المنطق ..وحاولوا ان يخلقوا عداوة بين جمهور الهلال واللاعب ..عشان مهند يوافق على التجديد من غير (تفاوض)..اما اذا ذهب مهند الطاهر .بالتأكيد سوف يطلع المجلس واعلامه ويقول ان مهند ما بشبه الهلال ..ونحن ما عاوزين مهند ...والكلام الذي بدأ يظهر مؤخرا.
سادومبا يحتاج له الهلال في هذا الموسم ..لا نحتاج له في الموسم القادم ..واذا ذهب سادومبا بعد هذا الموسم ما مشكلة ..لكن ذهابه الان لتظل خانته شاغرة 6 شهور حتى التسجيلات القادمة فيها الكثير من الظلم والاجحاف وسوء التصرف.
لا بد ان يبقى سادومبا في كشوفات الهلال وتحت اعينه بدلا من ان يذهب لتجربة جديدة قد يفشل فيها اللاعب ..وقد يتعرض للاصابة ...وبعده تبقى عودة سادومبا لا جدوى منها.
المجلس اذا فرط في سادومبا تحت أي بند او تعليل يكون ارتكب (جريمة) في حق الهلال.
نبحث عن اكتمال الهلال ..انتوا عاوزين في هذا الوقت تفكوا لينا سادومبا.
وعشان كم؟.
عشان 450 الف دولار.
يا البرير ما تقد عينك بي اصبعك...حافظ على سادومبا ...انت في الهلال ما عندك غير اللاعبين ديل.
مجلسك ما فيه زول ..لا كاروري لا ابو مرين لا الطاهر يونس ...كما ان الكثيرن ينتظروا وقعوك ..لا يدعمك احد ..ولا يقدم لك الدعم.
قوتك في فريقك...لذا حافظ على استقرار الفريق ..وما تفك سادومبا ..لأن اعارة سادومبا فيها (اضعاف) للهلال ..ولو كان عائد اعارة سادومبا 5 مليون دولار.
الاهداء
الي طفلة...
مازالت بالعند نفسه..
تضرب اتنين في اتنين ..تطلع ليها بي (سبعة)..
عليكم الله في (مكاجرة) اكتر من كدا.
محمد
شوال غتاتة
واحد طعنتو (شوكة).
اتلفت شمال ويمين..وقال هى حصلت يا مريخاب ..كمان بقيتو تجيبوا لينا (الشوك) في الطريق.
هسه المريخاب ذنبهم شنو؟.
جركانة دغالة
ناس الجزيرة ديل بعد بطولة الامم الافريقية ما تنتهى ..القناتين عشرة ..وتسعة إلا يقلبوهم (صالون حلاقة).
هسه صالون الحلاقة ذنبو شنو؟.
لو السودان اتأهل ..ناس الجزيرة ح يقولوا ح ننقل دور التمانية في القناتين 11 و12.
قلت ليكم الكلام دا قبل كدا.
حقارة طن
واحد عندو اهم حاجة في البقالة (الطحنية).
زولكم مشى ليهو لي (بقالة كبيرة) وسأل عن الطحنية ...سيد البقالة قال ليهو : والله طحنية مافي.
صاحبكم عاين لسيد البقالة كدا ..وقال ليهو وقت (طحنية) ما عندك ...فاتح ضلفتين البقالة مالك ...كنت تنزل ضلفة..
عامل كدا زي (الدو) في اخر اللعب.
(الدو) هسه ذنبو شنو؟.
تعريجة
محلل رياضي ..سألوه وقالوا ليهو البشيل كأس الامم الافريقية السنة دي منو؟.
المحلل قال ليهم مصر ح تشيل الكأس.
صلحوه ..وقالوا ليهو : لكن مصر ما مشاركة.
المحلل قال ليهم خلاص مصر ح تشيل (المجلس العسكري).
كلام ناصية من الجانبين
بلة جابر في المنتخب ..في الشوط التاني بذكرني ليك ب (لقد نفد رصيدك ..الرجاء تغذية البطاقة).
يا بلة شنو؟...شغال لينا (جوز- جوز) ...تقول عاوز تعمل ليك (قفص حمام).
احتمال
زول (شفت) ...شنبو زي (الملاحة)، عين شطة ، وعين ملح ...الزول دا لقى ليهو (روسية) حايمة في سوق ام درمان.
زولكم الشفت عاين للروسية سمح ..وقال ليها ..تتحاومي السنة كلها في سوق ام درمان ..وترجعى لي اهلك في روسيا تقولي ليهم كنت في (القمر)...في مركب فضائي.
هسه دا (احتمال) دا.
افتراض
هسع دي لو وقعت (صاقعة) في الشتاء دا في استاد المريخ...ناس المريخ يشيلوا (كاميراتهم) ويقولوا دا محترف جديد جابو الهلال.
محترفين الهلال كلهم (صاقعات).
هسه دا (افتراض) دا.
للاذكياء فقط وولاد عمهم
حلف عليهو إلا يمشى يشرب معاه شاي...بعد الاصرار زولكم مشى معاه..وقعد يشرب في الشاي.
صاحبكم قال للزول المعزوم تعرف البلد دي فيها اربعة حرامية...تلاتة قبضوهم ..وواحد قاعد يشرب مع الشاي.
بشاويات
مرات بتلاقى ليك زول تسألوا ..تقول ليهو انت جنسك شنو؟.
مرات الزول البتسألو يقول ليك انا جعلي ..او يقول ليك انا شايقي او رباطابي او فورابي او زغاوابي او هدندوي.
زولكم بعد مباراة السودان وانغولا ..لاقوهو ..سألوه ..قالوا ليهو : انت شنو؟.
زولكم ما كذب ..قال ليهم : انا (بشاوي).
غايتو يا بشة خربت طبع الناس ..الواحد بقى يمشي يشتري ليهو (باسطة) البائع يقول ليهو : اها سفري وإلا محلى؟.
المشترى يقول ليهو : لا سفري ..لا محلى.. (بشة) بس.
تعريجة
مريخابي زعلان ..عاوز يشارك بي أي طريقة في نقاش المباراة ..قال للزول المعاه ...في مباراة السودان وانغولا تعرف اسوأ لاعب منو؟.
الزول قال ليهو : منو؟.
قال ليهو : خليفة.
لكن يا ود الناس خليفة ما كان مشارك.
زولكم عاين ليه كدا ..وقال : والله خليفة دا يشارك وإلا ما يشارك ...هو اسوأ زول في المباراة.
نظرية
بتاع قندران عامل فيها (مفتح)..النوع البعمل ليك فيها (سواق) داك ...بتاع القندران دا عاوز يدخل ليهو بي شارع ضيق شديد ...(ركشة) ما بمررها.
في زول من ناس الحلة شاف ليك بتاع القندران بحاول يمر بالشارع دا ...مشى عليهو ..وقال ليهو اسمع يا ابو الشباب لو مصر تمر بالشارع دا يا تقنع ناس البيت يفكو (صالونهم) المضايق الشارع دا ..يا كمان انت تكتفى وتخش الشارع بي اللستك (الاسبير)..لكن بي قندرانك دا ..الشارع ما بمررك...ما تعمل لينا (لخمة) ساكت.
بتاع القندران ..عاين للشارع ..وعاين للقندران ...وقال للزول ..تعرف زمان الشارع دا كان بمررني ...ما عارف هسه الحصل شنو؟...الشارع ضاق وإلا القندران كبر ما عارف.
واحد تالت (نطة) ..قال ليهم اصلوا الضيق في الحريات ..بضيق أي شيء.
غايتو الواحد لمن يكون عاوز ليه سبب.
تلويحة
يا نجم الدين ..تغلط ساكت مع المنتخب ...زول بسألك مافى ..
غلطتك الاخيرة دي لو عملتها مع (المريخ)...ناس مزمل ابوالقاسم كانوا شطبوك.
لاقين (التكية) دي ..وتغلطوا.
تغلطوا انتوا يا حلوين ..يجيكم بشة بالاقوان.
لافتة
غايتو (نزار حامد) دا لو صعدنا لدور التمانية ..بمشى يلعب في (ريال مدريد)..زول بيلعب كورة بالنوتة ...تقول خريج معهد الموسيقي.
الموسم الجديد لو لعب نزار براه في وسط الهلال ...ما عندنا مشكلة...بس الله يحفظو لينا من الاصابات والعين.
ملحوظة
ما طالبني (حليفة)...لكن قعدت (كرنقو) في الكنبة شترا ...لو في حكم صاح ..في (كنبتك) دي بكرتك يا كرنقو.
كرنقو شتارتو في (الكنبة) ظاهرة
بالوصف
قاعد يحضر ليهو في فيلم اجنبي...حرامي تلب ..شال التلفزيون ...وفات.
زوجة الراجل جات من جوة تكورك زي (الحكم الرابع)..قالت ليهو يا راجل انت الحرامي يتلب ويشيل التلفزيون من قدامك وانت قاعد تحضر في الفيلم.
صاحبكم قال لي زوجتو ..على الطلاق كنت فاكر الحرامي التلب لينا دا وشال التلفزيون ..كنت فاكرو في (الفيلم الاجنبي)..على اليمين لو كنت عارف انو الكلام دا حصل بالجد ...الحرامي دا (كمشة) ما يشيلها...والله كنت فكفكتو ليكم زي (لحمة الرأس) رابع يوم في العيد.
بس الحرامي دا محظوظ لقاني مندمج في الفيلم الاجنبي.
بالكمشة
اشترى ليهو (بطيخة)..بتاع البطيخ ..قال للزول المشتري اسمع افتحها ليك وإلا اديك (الرقم السري) تمشى تفتحها بي طريقتك.
قال ليهو اديني (الكود)..
بتاع البطيخ قال ليهو اربعة اصفار...
الزول الاشترى البطيخة اتذكر ...قال ليهو انت تعال هنا دي (بطيخة) وإلا (نوكيا) البفتحوها بي اربعة اصفار دي.
هسه وينها (الكمشة) هنا.
غايتو يا ناس الجرايد بتتكلمو ساكت!!.
بشة في اتنين
بلة جابر تاني!!.
قالوا ليك في وكيل لاعبين ضرب لي بلة.
عارفين قال ليهو شنو؟.
قال ليهو اديني رقم (بشة).
بلة (غتيت) ...ادي الوكيل رقم (معاوية فداسي).
مهند (الطائر)
مهند الطاهر في مباراة السودان وانغولا ..شات ليهو كورة.
من قوتها لمن لحقتها ليك في القناة 10 رغم ان المباراة كانت منقولة في الجزيرة 9.
ما قلت ليكم الكورة كانت قوية.
غايتو يا مهند يوم بتكتل ليك (معلق).
روسي بتعلم
روسي طقتو ملاريا ...بقى يهضرب
واحد شافو يهضرب بي كلام غير مفهوم ..قال الروسي دا مالو بقى كدا زي الزول البحضر في الكورة في التلفزيون ..وقافل الصوت ومشغل الراديو.
الصوت دايما بسبق الصورة.
شولة هندية
ناس المحلية مشوا ليهو ..قالوا ليهو انت امس حلمان عملت ليك عمارة من سبعة طوابق..
عشان الحكاية دي حلم نحن ح نحاسبك على تلاتة طوابق فقط.
بتوع التمهيدي
جوار قصر الصداقة والاطفال ...قال لي بتاع ركشة ..اسمع وديني الخرطوم.
بتاع الركشة قال ليهو لكن نحن ما بنعدى (الكوبري).
الزول قال ليهو : والله انتوا يا ناس الركشات زي ناس (المريخ) ...حدكم دور ال (64)...يا كوبري ما بتعدوه.
مثل جديد لنج
خير وسيلة للدفاع ...نجم الدين عبدالله دا يقعدوه (كنبة).
حكمة قرز
الحضري عمرو (42) سنة ..وعاوزين يعيروه...يا ناس المريخ لو اعرتوه في السن دي برجع ليكم (اتوفيستر).
إلا تخللوه تاني.
تحت التمرين
واحد مشى روسيا ..قال والله روسيا دي فيها (برد) ...زي (السمك).
هسع (السمك) دخلو شنو؟.
طبعا الزول وقت يكون بحب (السمك) بدخلو ليكم في أي موضوع.

انقر هنا لقراءة الخبر من مصدره.