(برقو ومن غيرك يابرقو)    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    بيان هام من السفارة السودانية في تركيا للسودانيين    "بناء الدولة وفق الأسس العلمية".. كامل إدريس يدعو أساتذة الجامعات للاسهام في نهضة البلاد وتنميتها    مونديال الأندية.. فرصة مبابي الأخيرة في سباق الكرة الذهبية    بلاغ بوجود قنبلة..طائرة سعودية تغيّر مسارها..ما التفاصيل؟    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    نبيل عبد الله: قواتنا بالفرقة 14 مشاة صدّت هجومًا من متمردي الحركة الشعبية بمحطة الدشول    كيف تغلغلت إسرائيل في الداخل الإيراني ؟!    أكثر من 8 الاف طالب وطالبة يجلسون لامتحانات الشهادة الابتدائية بسنار    أردوغان: الهجوم الإسرائيلي على إيران له أهداف خبيثة    المملكة تستعرض إستراتيجية الأمن الغذائي لدول مجلس التعاون الخليجي    أنباء عن اغتيال ناظر في السودان    خسائر ضخمة ل"غانا"..تقرير خطير يكشف المثير    الصادق الرزيقي يكتب: الدعم السريع وشهية الحروب التي فُتحت في الإقليم    الترجي يسقط أمام فلامنغو في مونديال الأندية    فيكم من يحفظ (السر)؟    افتتاح المرحلة النهائية للدوري التأهيلي للممتاز عصر اليوم باستاد الدامر.    في السودان :كيف تتم حماية بلادنا من اختراق المخابرات الإسرائيلية للوسط الصحفي    من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟    نشاط مكثف لرئيس الوزراء قبل تشكيل الحكومة المرتقبة    الحرب الايرانية – الاسرائيلية: بعيدا عن التكتيات العسكرية    نقل أسلحة إسرائيلية ومسيرات أوكرانية الى افريقيا بمساعدة دولة عربية    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    شاهد بالصور والفيديو.. الفنان حسين الصادق ينزع "الطاقية" من رأس زميله "ود راوة" ويرتديها أثناء تقديم الأخير وصلة غنائية في حفل حاشد بالسعودية وساخرون: (إنصاف مدني النسخة الرجالية)    إدارة مكافحة المخدرات بولاية البحر الأحمر تفكك شبكة إجرامية تهرب مخدر القات    (يمكن نتلاقى ويمكن لا)    عناوين الصحف الرياضية السودانية الصادرة اليوم الأثنين 16 يونيو 2025    سمير العركي يكتب: رسالة خبيثة من إسرائيل إلى تركيا    شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة    رباعية نظيفة .. باريس يهين أتلتيكو مدريد في مونديال الأندية    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    على طريقة البليهي.. "مشادة قوية" بين ياسر إبراهيم وميسي    المدير العام للشركة السودانية للموارد المعدنية يؤكد أهمية مضاعفة الإنتاج    المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة    من حق إيران وأي دولة أخري أن تحصل علي قنبلة نووية    أول دولة عربية تقرر إجلاء رعاياها من إيران    السودان..خطوة جديدة بشأن السفر    3 آلاف و820 شخصا"..حريق في مبنى بدبي والسلطات توضّح    بالصور.. زوجة الميرغني تقضي إجازتها الصيفية مع ابنتها وسط الحيوانات    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    بعد حالات تسمّم مخيفة..إغلاق مطعم مصري شهير وتوقيف مالكه    إنهاء معاناة حي شهير في أمدرمان    وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا    فجرًا.. السلطات في السودان تلقيّ القبض على34 متّهمًا بينهم نظاميين    اكتشاف مثير في صحراء بالسودان    رؤيا الحكيم غير ملزمة للجيش والشعب السوداني    محمد دفع الله.. (صُورة) تَتَحَدّث كُلّ اللُّغات    في سابقة تعد الأولى من نوعها.. دولة عربية تلغي شعيرة ذبح الأضاحي هذا العام لهذا السبب (….) وتحذيرات للسودانيين المقيمين فيها    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    تراجع وفيات الكوليرا في الخرطوم    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    وزير المالية السوداني: المسيرات التي تضرب الكهرباء ومستودعات الوقود "إماراتية"    "الحرابة ولا حلو" لهاني عابدين.. نداء السلام والأمل في وجه التحديات    "عشبة الخلود".. ما سرّ النبتة القادمة من جبال وغابات آسيا؟    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



فلانتاين الهلال وبابا نويل المريخ
قوون نشر في قوون يوم 13 - 12 - 2011

لا اعتقد ان هناك احتفاء بالحب كالاحتفاء الذي كان به في الاغنية السودانية ...الاغنية السودانية عبارة عن (حديقة) وبرهة جميلة للحب والحياة.

نظام شنو يعني ؟.

نظام (فلانتاين) وكدا.

من قبل قال سيد عبدالعزيز:

حياتي ومعاها العاطفة النبيلة

باسم الحب اقدم ليك حياتي

عليك ياحب تحياتي

عليك أوقفت غاياتي

في حبي اضحي بحياتي

عليك أوقفت غاياتي

في حبي اضحي بحياتي

هذا الحب ..وهذا هو الفنان ابراهيم الكاشف الذي تغني باسمه ...كأننا كنا ناطقين رسميين باسم الحب.

الحالة دي لسع ما دخلت ليكم على (فلانتاين).

نمشي خطوة ..خطوة.

ورانا شنو نحن.

الليلة إلا تفهموا حاجة.

أشوفك أنسى آلامي

وأقول حققت أحلامي

علي تميل عشان نميل سوا ياجميل

وفيك أمعنت نظراتي

وجدتك كل مسراتي

وأفراحي وملذاتي

أحبك وأنسى فيك ذاتي

دا منو يا جماعة دا (فلانتاين).

الشيء شنو؟.

ليس هناك معني للحب اسمي من هذا الذي تغنينا به ...هنا الامر يرتبط بالارواح والكلمات ..الحب هنا ليس مجرد (ازهار)..وبعض الاهازيج التي تردد في مثل هذا اليوم.

اليوم الذي يوقع فيه (فلانتاين).

يا ناس الهلال عملتوها واضحة.

قالوا ليك واحد دخل فيه (مجروس).

شالوه وجرى على المستشفي.

بعد 42 يوم زولكم فتح ..لقي في وشو (الممرضة).

الممرضة قالت ليهو (شاعر) بي شنو؟.

صاحبكم ما كذب..قال للممرضة ..شاعر وملحن ..وبرسم كمان.

ما معروف الهضربة دي كانت بسبب (المجروس)..وإلا من (الممرضة).

الاغنية السودانية ..ايامها كلها حب ..الاحتفاء بالحب في الاغنية السودانية ليس ليوم واحد ..بل الاحتفاء ل 365 يوما.

نظام شنو؟.

نظام الهلال كلو (فلانتاين).

تعتبر اغنية سيد عبدالعزيز (باسم الحب) من اوضح واميز اغنيات الحب ..ومن اجمل علاماته.

تاني في كل تمرين بنغني (باسم الحب).

ايوة باسم الحب ..اذا كان الحب كلو بيلعب في الهلال.

الحب في الاغنية السودانية ليس كما هو موجود في اغنية ام كلثوم مثلا ..التي ثارت للحب ..واردة ان تحرر الذين يتحدثون باسمه.

حب ايه اللي انت جاي تقول عليه

انت عارف قبل معني الحب ايه

انت ما بينك وبين الحب دنيا

دنيا ما تطولها ولا حتي بخيالك

أما نفس الحب عندي حاجة تانية

حاجة أغلى من حياتي ومن جمالك

انت فين والحب فين

اذن هذا يتناسب تماما مع العاطفة المصرية التي يمكن ان تتكسب باسم الحب.

الكلام دا ما تقولوا لي (فلانتاين).

دا نحن ما عندنا.

ارجع واقول ان اجمل اغاني الحب ..تغني بها الفنان عثمان حسين ..عندما غني (بحبك بحبك).

بحبك .. بحبك .. ما لا نهاية

واغنيك حنيني .. شوقي وهوايا

لأنك حبيبي .. وغاية رجايا

ليس هناك اجمل من هذه الحالة ..للتصريح ..والاعلان ..والبوح ..ولا اظن ان هناك احتفاء بكملة (بحبك) كما في هذه الكلمات التي يتغني بها الفنان عثمان حسين.

شفت كيف يا (فلانتاين).

نحن أي حاجة عندنا بي نظام.

كتير في بعادك دهتني الليالي

أغالب دموعي .. واكابد ملالي

طريقي المنور .. خلاص اضحى خالي

تعال يا حبيبي .. صدودك كفاية

والله (الطرف) الشمال دا حيرنا عديل.

ما عرفنا نعالجو.

عثمان حسين نفسه ..يترنم بهذه الكلمات بشيء فيه الكثير من الفرح ..والخيلاء والابتهال والابتهاج بالحب.

زرعنا المحنة .. رويناها شوقنا

وعايشين نأمل تقوم ترمي فوقنا

نسير في ضراها نسير لي شروقنا

نتوج حياتنا .. بأسعد نهاية

منامي المسهد .. يحل لعيونك

وشوقي المعذب .. يناشد حنينك

تحكم ضميرك .. وترحم ضنينك

فؤادي البحبك .. ما لا نهاية

انه الحب.

فلانتاين.

لو راجعت (الحب) في الاغنية السودانية سوف تؤمن بانه عاطفة نبيلة ..يخرج من نفق الانانية وسفوح الانا.

الحب في الاغنية السودانية ...حالة من التضحية والامل والاشراق.

لذلك نحن نجمل عاطفتنا ..ونهذب مشاعرنا ..بمثل هذه الكلمات ..ونرتقي بالانفس بما نجده من مضامين هذه الاغاني.

عشان كدا جبنا فلانتاين.

أي حاجة نحن عندنا بي نظام.

الفنان محمد وردي ايضا من كلمات اسماعيل حسن ...غني لاجمل حالة توسل في الاغنية السودانية.

بل غني لاجمل حالة توسل في الحياة.

هذا تجدونه في اغنية (لو بهمسة).

لو بهمسة قول احبك

لو بنظرة نظرة حتى عابرة قول احبك

لو بتحلم في منامك قول احبك

لو ترسل لي سلامك قول احبك

يا حبيبي آه يا حبيبي

هذا اجمل رجاء.

يا بلة جابر ح تتعب معانا انت.

تتواصل الرسائل ...والرجاءات وفي كل ايحاءات الحبيب هذه الدنيا وتلك الروعة.

كل كلمة من شفايفك أحلى غنوة

كل نظرة من عيونك فيها سلوى

كل نسمة من ديارك فيها نجوى

وكل همسة يا حبيبي عندي حلوة

من بعد يأتي التعليل على هذا النحو :

يا حبيبي عمري كله اهديتو لحبك

يا حبيبي أنت عارف و الغرام يشهد له حبك

يا بدوري في الظلام والظلام يحجب لي دربك

آه ناري بعدك والحنان والجنة قربك

يا حبيبي والزهور الحلوة تتفتح في قلبك

أنت عارف أنا يا روحي بحبك

يلا اعكس يا فلانتاين.

المرة دي دخلوا التسجيلات ب (فلانتاين).

فلانتاين عديل كدا.

ناس الهلال ديل حيرونا ..كل مرة بجيبوا ليهم تقليعة جديدة.

المرة دي جابوا (فلانتاين).

يا ربي الزول دا ح يسجلوه في (اكاديمية الاتحاد العام) ..وإلا ح يتسجل في (حدايق السلام).

فلانتاين يا ناس الهلال.

دي موسي الزومة ما بستوعبها ليكم.

قالوا ليك موسي الزومة قالوا ليه الهلال ح يسجل (فلانتاين)...موسي الزومة خلف كراعو وقال اشمعنا ...ليه المريخ ما بسجل ليه حاجات بالشكل دا.

نحن بعد كدا (الطابق التاني) ما بغشونا بيهو.

نحن عاوزين (فلانتاين) زي فلانتاين الهلال ...اشمعنا المريخ.

بلة جابر وقت عرف الموضوع دا ..قال مع (حبكانات) الهلال دا ...بوفينا المفتوح ح يروح شمار في مرقة.

وكيل فلانتاين قالوا ليك وقت قدم فلانتاين للهلال قدمو ليك ب (الاغنية) دي.

حياتي ومعاها العاطفة النبيلة باسم الحب اقدم ليك حياتي

عليك ياحب تحياتي عليك أوقفت غاياتي

في حبي اضحي بحياتي عليك أوقفت غاياتي

في حبي اضحي بحياتي احب الحب وأيامو وذكراتو

وأحلامو وما يوحي الهامو أحبك كل اوقاتي

الاقي حبيبي يوماتي أقول ليهو تعال لي

يقول لي العهود بيناتنا مرعيه اقول ليهو تعال لي

نجلس جلسة غزلية أمتع فيك عيني

أشوفك أنسى آلامي وأقول حققت أحلامي

دا فلانتاين طبعا ...البنشوفو ونحقق احلامنا...قلت ليكم قبيل الكلام دا قعدتوا تغالطوا.

الله يكفينا شر (امولادي).

امولادي دا الحاجة طلعنا بيهو منو ..بقي كل شهر يمشي الفيفا يقول عاوز قروشو.

زي (بيت الايجار).

ان شاءالله (فلانتاين) ما يكون بالصورة دي.

الاغنية بتاعة الحب دي ...كلام الوكيل...اسمها قلت ليكم (باسم الحب).

اما كلام (بلة جابر) فهو في هذا المقطع.

علي تميل عشان نميل سوا ياجميل

وفيك أمعنت نظراتي

وجدتك كل مسراتي وأفراحي وملذاتي

أحبك وأنسى فيك ذاتي

حبيبي أراعي تقديسك ويرتاح قلبي لحديثك

حديثك يشفي العليل وحاتك يا السامي الجميل

الحب الصادق قليل البيشبه حبي الأصيل

وبدون دليل أهوى الجميل انا يا جميل انت لي ميل

وأنا ليك أميل عشان نميل سوى يا جميل

امانة ما تميل ميلان يا بلة جابر.

ح تبقي مع (فلانتاين) دا يا بلة جابر زي (مروحة التربيزة).

ح دور ..وادور.

وبعد دا ان شاءالله تفهموا.

ان شاءالله تعرفوا حاجة واحدة.

تعرفوا انو نحن أي حاجة عندنا بي نظام.

قالوا ليك واحد قال لي زوجتو الليلة (فلانتاين) وصل.

زوجتو قالت ليهو يا ود الناس انت الحاجات ليه اتغيرت كدا ...انت دحين زمان (الفلانتاين) البقولوه دا موش كان يوم 14 فبرائر...هسع بقي يجي يوم 10 ديسمبر.

قادر الله.

الفصول اتغيرت.

الله قادر.

الزمن اداخل في بعضو.

الزوج عاوز يطلع كدا ...زوجتو مسكتو ليك ..قالت ليه تعال هنا ماشي وين ؟..وقت الليلة (الفلانتاين)...هديتي وين؟.

شفتوا النظام دا كيف؟.

بمناسبة الفلانتاين دا.

واحد اتقدم ليهو لي واحدة ...عشان يطلب يدها ..قبل ما يمشي لي ابوها ..مشي لي واحد صاحبو عندو (خبرة).

قال لي صاحبو اسمع ...انا ما عارف اتصرف كيف ...ما قادر ..وقت امشي للزول دا (ابو البنت) اقول ليه شنو؟.

صاحبو قال ليهو : اوعك تقول لي (نسيبك) البنزين زادوه ...بيأخذ عنك فكرة كعبة.

وبقول الزول دا بحسبها.

بقول عنك انك اقتصادي.

العريس المرتقب ..قال لي صاحبو ..لكن حكمة الله انا في الدنيا دي ما بعرف اتكلم في شيء غير زيادة البنزين.

صاحبو قال ليهو : عندي ليك حل.

حلك شنو يا ود الناس الحقني بيهو.

الصاحب قال ليهو : اتكلم ليهو عن (الفلانتاين).

يا زول انت جنيت ..انت عاوزو يطردني ..والله نسيبي دا زول صعب ..زول جعلي ..والله زولك دا يسمع ساكت حكاية (الفلانتاين) دا إلا يحرم علي بنتو.

انت جنيت.

صاحبو قال ليهو يا زول انا ما عاوزك تتكلم عن (فلانتاين) الحب ..انا عاوزك تتكلم عن فلانتاين الهلال ...الحكاية دي بتخدم ليك (اجندتك).

ابو القدح بفتكرك بتتحدث عن (فلانتاين) الهلال...وبنتو في نفس الوقت بتفتكرك بتتكلم عن (عيد الحب)..وبي الطريقة دي ح تعتبرك رومانسي.

ح تضرب عصفورين بي حجر واحد.

لكن اسمع يا ابو الشباب انا عاوز اوصيك...اوعك وقت تمشي ليهو عشان تطلب يدو تجيب ليهو سيرة (ضفر).

ضفر دا بقلب البيعة.

غايتو (ضفر) الشفناه في (الدوحة) دا ....رصيد بي جنيه كتير فيهو.

لكن ما علينا.

ما تعملها لينا كلها (ضفر).

وبوفيه مفتوح.

في حاجة جديدة في المريخ.

حاجها اسمها (بابا نويل).

عرفتو بابا نويل منو؟.

نحن سجلنا (فلانتاين).

عارفين المريخ عمل شنو؟.

المريخ سجل (بابا نويل).

بابا نويل.

عارفنو منو؟.

بابا نويل يا جماعة هو (مجدي ام بدة).

مجدي ام بدة دا من الليلة هو (بابا نويل).

تاني ما اسمع لي زول يقول (مجدي ام بدة).

اوعكم.

قلنا شنو نحن؟.

قلنا بابا نويل هو (مجدي ام بدة).

مجدى (هدايا).

اول مرة اشوف لي (لاعب) اكبر من (رئيس النادي).

مجدي (تراث).

مجدي (من الارشيف).

غايتو يا ناس المريخ تسجيلاتكم السنة دي ..مواد صحفية جاهزة.

شيء كرنقو ..وشيء بابا نويل ..وشيء (ضفر).

وباسم الحب ..نقدم ليكم (فلانتاين).

ملحوظة : يا كرنقو اصبر انت عندك (صفحة براها).

هوامش

ناس المريخ كلهم بيلعبوا في (الوسط).

زول بدافع مافي.

زول بهاجم مافي.

كلهم وسط.

دي بتذكرني بي ايام زمان.

ايام الدافوري ..اي زول بسألوا بتلعب شنو بقول : لاعب وسط.

عشان الدفاع (مسؤولية).

والهجوم (مسؤولية).

اعارة عبده جابر مرفوضة.

خلوا لينا عبده جابر دا ...حتى لو عاوزين تسجلوا ميسي.

نحن عاوزين عبده جابر.

اهلي شندي ..بقي اهلي (الهلال).

خايف صلاح ادريس يجيب (ميشو) وابوسن للاهلي.

دا الفضل ليهم.

الديبة في الدوحة افضل من مازدا.

سوف نعود لمحمد عبدالله مازدا الذي ابعد قايد السودان هيثم مصطفي (حفظه الله ورعاه)..وعاوز يجيب لينا (كلتشي).

كلتشي شنو البيلعب في المنتخب ...وهو محمد احمد المهدي من فيصل سيحة ما بفرق.

عاجل : ان شاءالله ايامكم كلها (فلانتاين).

انقر هنا لقراءة الخبر من مصدره.