سودارس : حمدو في بطنو

السودان لا يركع .. والعدالة قادمة وزير الخارجية يستقبل مدير عام المنظمة الدولية للهجرة التابعة للأمم المتحدة منع قناة تلفزيونية شهيرة في السودان ماذا قال ياسر العطا لجنود المدرعات ومتحركات العمليات؟! شاهد الفيديو شاهد بالصور.. ما هي حقيقة ظهور المذيعة تسابيح خاطر في أحضان إعلامي الدعم السريع "ود ملاح".. تعرف على القصة كاملة!! البرهان يطلع على أداء ديوان المراجع العام ويعد بتنفيذ توصياته تقارير صادمة عن أوضاع المدنيين المحتجزين داخل الفاشر بعد سيطرة الدعم السريع لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حمدو في بطنو

عشان اكون معاكم واضح نشر في قوون يوم 03 - 03 - 2012

اللاعب الذي سجل هدفا في شباك المريخ في (الرد كتل) ما عارف اسمو منو؟.
ناس بقولوا (محمدو).
وناس بقولوا (حمدو).
وفي ناس بقولوا النفذ العملية دي كتيبة كاملة.
دا ما شغل (حمدو) براهو.
القاعدة ذاتها يمكن تكون متورطة في العملية دي.
قالوا ليك في يوم 29 فبراير وفي حدود الساعة التاسعة والدقيقة 27 مساء ..حدث غزو جو رهيب علي شباك المريخ.
اصيب من جراء ذلك الغزو المريخ بهدف في مقتل.
في ناس تانية خالص بقولوا الذي سجل الهدف لا كتيبة ولا محمدو ولا حمدو.
الشغل دا فيه ايادي (اجنبية).
فيه مؤامرة عديل.
القاعدة شغلها واضح.
بعدين القاعدة الحاجات البتعملها بتتحمل مسؤوليتها.
شغل الدسدسة دا ما بنفع معاهم.
وفي ناس مشاترين عديل كدا بقولوا اسمو (جادين) ما حمدو.
في ناس كدا.
تسألهم من شارع (القصر) في الخرطوم.
يوصفوا ليك حلة كوكو.
طبعا ما في أي علاقة بين شارع القصر ...وحلة كوكو.
لكن في ناس اصلو ما بقولوا ما عارفين.
أي حاجة تسألهم منها بوصفوها ليك.
اوعك تسأل ليك زول عندو (صلعة)...ما بعمل ليك فيها ابوعريف.
بعمل ليك فيها عارف أي شيء.
عشان كدا ابعد من الناس العندهم (صلع).
زي مرة كدا.
فنان (ما في داعي لذكر الاسماء)...سألوه من المشروب المفضل؟...قام قال ليهم : البطيخ.
اصلو الفنان الكبير دا (ما في داعي لذكر الاسماء) بلخبط بين المشروبات الباردة والفواكه.
وفي الفواكه ما بفصل بين البطيخ (والملوخية).
عارف انا الملوخية ما عندها علاقة بالبطيخ ...لكن فنانا الكبير دا اعمل ليه شنو؟.
بلخبط.
نفس الفنان ...وبرضو (ما في داعي لذكر الاسماء)...سألوه عن دولة اوروبية يتمنى زيارته؟.
زولكم قال ليهم طوالى (عطبرة).
قالوا ليهو يا ود الناس اول حاجة عطبرة ما دولة.
ولو افترضنا انها (دولة) واتجاوزنا ليك عن حاجات كتيرة ...ما ممكن تكون (اوروبية).
الفنان اتلفت يمين وشمال ...وقال ليهم معقولة (نزار حامد) دا ما جاء من دولة اوروبية.
لكن عشان ما اتجرجر ليكم في الموضوع ...خلوني اعرج بيكم في (الاقصوصات) دي.
مريخابي نزلوه من قمة برج كهربائي في الخرطوم.
قال إلا يقع من فوق.
المهم الزول دا اقنعوا ليك في النهاية ...ونزلوه من البرج.
طبعا السؤال المنطقى تسأل المريخابي ...يا زول مالك؟.
الحاصل شنو؟.
جمال الوالي دا.
جمال الوالي مالو؟.
عليكم الله دا مدرب يجيبوا لينا.
مدرب جايبنو بس عشان كان بدرب في الهلال.
لو بتذكروا هلال 2007 الذي وصل لربع النهائي في البطولة الافريقية ...كان جمال الوالي معجب بيه اعجاب شديد.
لدرجة ان جمال الوالي كان بنزل من المقصورة بين الشوطين ويقول للاعبي المريخ ألعبوا لي بنفس الطريقة التي يلعب بها الهلال.
مدرب المريخ قال ليه لكن دي صعبة.
الهلال دا فيه لاعبين عباقرة ...ناس بلة جابر ديل حاجة بتفوت جدول اتنين ما بعرفوا ليها.
حدهم جدول اتنين.
جمال الوالي قال لمدرب المريخ ما مشكلة انا بتصرف.
في قرارة نفسو قرر جمال الوالي ينقل ركائز الهلال الي المريخ ...عشان الحكاية في المريخ تكون مبلوعة شوية.
جمال الوالي جاب مجاهد للمريخ.
ما في حاجة اتصلحت في المريخ.
القدال ...القدلة ذاتها راحت عليه.
مجاهد في المريخ غير كلام حسام البدري الساخن معاه ..ما شفنا ليه شيء.
قام وقعد.
بعد كدا عملوا ليهم (تمثلية) اتخلصوا بيها من مجاهد ..كلنا عارفين الحكاية ..ما تستهبلوا علينا.
جمال الوالي جاب هيثم طمبل.
لقى الحكاية ما نافعة.
الشريحة بدون موبايل ما بتشتغل.
ولا بتدخل الشبكة.
اطبنجت زيادة.
جاب كلتشي.
ما في أي جديد في المريخ.
كلتشي في المريخ زي الزول البمشي للدكان ..ويلقى الفول انتهى.
جمال الوالي قال انا اعمل شنو؟.
اتقطع.
عملت الكشافات ..ما نفع ...عملت الطابق التاني ...ما في حاجة اتحسنت.
جبت الاجانب ديل وقعدت اجنس فيهم واحد ..واحد.
برضو ما في أي تحسن في المريخ.
الجماعة الخبراء ..قالوا ليه جيب المدرب الصنع الحكاية دي...وخليك من (الكشافات)..والنجيلة المستوردة.
جمال الوالي قال ليهم : اجيب منو؟.
قالوا ليهو : (ريكاردو).
جمال الوالي أي حاجة في الهلال طبعا ظابطة معاه.
ما بتلفت في الحاجات دي.
جاب ريكاردو.
ريكاردو في اول مباراة رسمية له مع المريخ ...وفي الاسبوع الاول ...وامام الامل وفي الرد كاسل...المريخ (اتهزم).
شوفو الموضوع دا كلو على بعضو..اي حتة كفيلة تعمل ليها مشكلة.
اول مباراة رسمية لي ريكاردو.
وفي الاسبوع الاول للممتاز.
وفي استاد المريخ.
وامام الامل كمان.
دي كلها ارقام قياسية.
والله دي (محمد الطيب) ما بتغلب فيها.
انتوا تعبانين في الفاضي ...جايبين ليكم مدرب اجنبي...(برازيلي) قاطع.
وبمرتب خرافى.
و6 محترفين.
ومعسكر شهر في كينيا.
الامل كان معسكر في السودنة.
تجوا انتوا يا مريخاب وتتغلبوا بعد دا.
انا عرفت ليه؟...عملتوا لينا السنة كلها (اتفاقية).
من متين انتوا بتتفقوا مع الهلال.
اتاريها (اتفاقيتكم) بي فهم.
فريقكم قاعد ساكت.
عاوزين تتموها ب (الاتفاقية).
الطابق التاني ما نفع.
اجانب ما نفعوا.
مدرب اجنبي ما نفع.
حكام ما نفعوا.
اتحاد في الجيب ...برضو ما نفع.
قلت اخير تعملوها لينا (اتفاقية).
ونحن على نياتنا ...نشيل ونصدق.
ويا ريت لو بقت على الاتفاقية.
رفض التلفزة دي ذاتها كانت بي فهم.
ما عاوزين زول يشوف الفضيحة.
يشوف حمدو.
قلتوا اخير تعملوها كتامي كدا.
قالوا ليك (ضفر) أي زول شافو في الملعب افتكرو (المصور).
ما عندو أي علاقة بالكورة.
ضفر دا لو مريخاب حلفا شافوه ...كلهم بتخلوا عن المريخ.
مريخاب حلفا ما بجاملوا.
عشان كدا ما تلفزوا المباراة.
عملوها ساكت في الجزيرة.
اما اللاعب اليوغندي موتيابا فهو من الواضح انه الي الان متأثر بالاضاءة.
الاضاءة دي يا ناس كتيرة عليه.
كان اول حاجة تدربوه على اضواء (رتينة) هادية.
ما معقول من قولة تيت كدا تخلوا يلعب تحت الكشافات القوية دي.
فيصل العجب ...تصوروا بعد الكلام السمح الكانوا بقولوا عنه ...رجعوا هاجموه بعد المباراة.
هتفوا ضده عديل.
وبابكر سلك ...نكر العجب عديل كدا.
والله عرفتوها.
اول حاجة عملتوا معانا (اتفاقية).
تاني حاجة ...عرقلتوا (التلفزة).
وتمتوها لينا (احداث بورسعيد).
ونحن حسب نياتنا ...نشيل ونصدق.
ما مفتكرين الحكاية فيها (حمدو).
هسع دحين ...عاوزين نلغى الاتفاقية دي لمدة 72 ساعة.
عاوزين نأخذ حقنا في الموضوع دا.
خاصة وان المباراة لم تكن متلفزة.
ولازم هذا الحدث يلقى التغطية الكافية ...من سنة 1996 م والمريخ لم يخسر من فريق ولائي في استاده.
والله يا ريكاردو انت من جابوك للمريخ..نحن عرفنا الموضوع ما نافع.
ريكاردو دا بدون هيثم مصطفي ما عندو فرق من محمد الطيب.
محمد الطيب هسع ذنبو شنو؟.
ملحوظة : بنظر كتير.
هوامش
الهلال في شندي من دون شك افتقد بصورة كبيرة وواضحة هيثم مصطفي حفظه الله ورعاه.
وجود هيثم في مثل هذه المباريات امر مهم للغاية.
دور هيثم في الملعب ليس محصور في الجانب النفسي وحده.
دور هيثم (الروحي) والنفسي بالنسبة للاعبين لا يستطيع أي لاعب ان يقوم به.
ممكن يكون هناك لاعب يقوم بمقام هيثم مصطفي الفني.
لكن الدور النفسي الذي يقوم به هيثم مصطفي ...لا يستطيع احد القيام به.
ولا بديل لهيثم مصطفي إلا هيثم مصطفي.
مباراة الهلال يوم الاثنين القادمة امام النسور ...هى مباراة ايضا صعبة.
مباراة لا تقل في شيء عن مباراة الاهلي شندي.
لذلك مطلوب استعداد خاص لهذه المباراة.
ومطلوب حضور جماهيري كبير لهذه المباراة.
من جماليات الممتاز هذا العام ..ان أي مباراة اصبحت صعبة.
وهذا امر جيد.
وشيء يحسب للممتاز.
زمان أي مباراة مضمونة.
افتكر ان اعداد الاندية الجيد اضافة الي الاضافات التي حدثت لهذه الاندية في الفترة الاخيرة ..قوت من الاندية وجعلتهم بهذا المستوي الجيد.
فريق الاهلي شندي والنسور ...اضافا الكثير للممتاز.
واتوقع ان تحدث الرابطة كوستي الاضافة نفسها.
فريق الاهلي مدنى مطلوب منه ان يكون في المستوى.
ثلاث اشهر سوف تلعب فيها كل مباريات الدورة الاولى للممتاز.
وهذا يعني ان الضغط سوف يكون كبير على الاندية.
وان التنافس سوف يكون قويا.
الهلال فرط في نقطتين ..وغير مسموح تحت أي ظرف ان يفقد الهلال نقطة اخرى.
ناس المريخ بي طريقتهم.
خلوهم يفقدوا على راحتهم.
نحن في دي ما معاكم .
اوعكم تطلعوا لينا (الاتفاقية).
انا ما عارف الاتفاقية دي فيها ..لو المريخ فقد ...الهلال يفقد.
يا البرير انتوا الاتفاقية دي راجعتوها كويس.
كلام زي دا نحن ما عندنا.
نرجع ونقول ان مباراة الهلال يوم الاثنين القادم ...هى مباراة نريد فيها حضور جماهيري خاص.
تعالوا شوفوا متعة الكورة.
غارزيتو قالوا عندو تسعة نظريات ح يطبقها يوم الاثنين.
انا كلكتكم.
9 نظريات.
المريخاب ذاتهم ممكن يجوا يتفرجوا.
في المريخ ..قالوا ريكاردو اعطوه الفرصة الاخيرة.
قالوا ليه تاني لو عملت كدا...ح ترجع اهلك.
تستاهل يا ريكاردو.
انت فاكر كل الاندية زي الهلال.
فيصل العجب كورتو بقت شوية.
ساعدوه بي جك الموية.
اقيفوا ليه في الخط.
العطش بحصل.
موتيابا ...في طريقه لجزيرة الفيل.
ضفر ..اهلي عطبرة.
وسوف يتم منح فيصل موسي فرصة اخيرة.
مباراة المريخ القادمة مع الموردة.
كفاية علينا (التعادل).
عاجل : يا ريكاردو قال لو ما جبتوا لي عمر بخيت ما بقعد.

انقر هنا لقراءة الخبر من مصدره.