سودارس : ناس المريخ ماسكهم (ابوالشهيق)

وزير الخارجية والتعاون الدولي يلتقي رئيس الوزراء الهندي تفاصيل بشأن محاولة تزوير في جامعة الخرطوم التعادل الإيجابي يحسم مباراة الأهلي المصري والشباب التنزاني حسين خوجلي يكتب:كنتُ خائفًا أن يفعلها حميدتي، لكنه لم يخذلني!! شاهد بالصور والفيديو.. رئيس مجلس السيادة "البرهان" يكسر "البروتوكول" ويشرب "كوب" من "العرديب" أهداه له مواطن خلال موكب حاشد بالخرطوم شاهد بالصورة والفيديو.. فتاة سودانية تقتحم المسرح وتدخل في وصلة رقص مثيرة وهستيرية مع الفنانة هدى عربي على أنغام "لولا" شاهد بالصورة والفيديو.. نائب رئيس نادي الهلال يثير الجدل برقصات مثيرة مع محترف الفريق داخل أرضية الملعب احتفالاً بالفوز على صن داونز وساخرون: (هذا المنصب جلس عليه عظماء) السفير السوداني بالقاهرة: أعداد المرحّلين أقل مما يُشاع الإعيسر يدعو المواطنين للعودة إلى ديارهم معززين مكرمين صحفية مصرية تنتقد سفير السودان بالقاهرة بسبب تجاهله دعوة الإعلام المصري: (القصة الخاصة بأوضاع السودانيين في مصر لا تخص السودانيين وحدهم سعاده السفير) بالصور.. أيقونة الثورة السودانية آلاء صلاح تضرب في كل الإتجاهات: أنا ضد قحت وصمود وتأسيس (تجار الشعارات، اللاهثين وراء بريق السلطة والمشترين بالثمن البخس) سعر الدولار اليوم السبت 31-1-2026.. تغيرات محدودة الهلال يهزم صن داونز وينفرد بالصدارة ويضع قدما في دور الثمانية رغم نزيف باحثي الذكاء الاصطناعي.. "أبل" تحضر نسختين جديدتين ل"سيري" خلال أحياء ذكرى الاستقلال، سفير السودان بلندن يتناول جهود القوات المسلحة في إعادة الأمان لعدد من الولايات داليا البحيري تقر بشد وجهها.. وتسأل "تفتكروا هصغر كم سنة؟" جهاز ثوري يراقب الإجهاد والتوتر المزمن بدقة من القمة إلى الهبوط.. هل سقط اتحاد جدة في بئر ريال مدريد المظلم؟ إنستغرام تطور خيار مغادرة "الأصدقاء المقربين" (المريخ …. يتعافى) استقرار سعر الذهب في مصر اليوم السبت 31 يناير 2026 *كش ملك .. هلال اماهور هلال الفرحة والسرور لم تزدهم الحرب إلّا غالباً المقال الأخير ... السودان شجرة "البامبو" مصر.. القبض على أصحاب تريند "صلي على النبي" الذهب يهوي من قمته التاريخية بنفيكا البرتغالي وريال مدريد الإسباني.. نتيجة قرعة الملحق لدوري أبطال أوروبا نشر صور نادرة للعروس مع والدها الراحل.. شقيق الفنان محمود عبد العزيز يهنئ "حنين" بزواجها من المطرب مأمون سوار الدهب بتدوينة مؤثرة (يا محمود اليوم ده كان حقك تكون واقف تدمع وتضحك في نفس اللحظة) تحويلات المغتربين الأفارقة.. شريان اقتصادي لحاضر الدولة ومستقبلها ارتفاع اسعار الذرة والسمسم بسوق القضارف المالية تعلن ضوابط وترتيبات إنفاذ موازنة العام 2026م وزير الطاقة يعلن التوجه نحو توطين الطاقة النظيفة وتعزيز الشراكات الدولية خلال أسبوع الطاقة الهندي 2026 مصطفى شعبان يعود إلى الدراما الشعبية بعد الصعيدية فى مسلسل درش مركز عمليات الطوارئ بالجزيرة يؤكد استقرار الأوضاع الصحية اكتشاف علمي قد يُغني عن الرياضة.. بروتين يحمي العظام حتى دون حركة ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل البروفيسور ايهاب السر محمدالياس يكتب: مكافحة القوارض .. النظر خارج الصندوق شرطة مكافحة المخدرات بتندلتي تضبط شخصاً بحوزته 250 قندول حشيش إحباط محاولة تهريب ذخيرة في السودان تلفزيون السودان يستأنف البث المباشر من مقرّه الرئيسي الشرطة في الخرطوم تداهم منزل أحد قادة الميليشيا المُبدع الذي جَعلَ الرؤيَة بالأُذن مُمكِنة الشرطة في الخرطوم تداهم منزل أحد قادة الميليشيا شرطة الأزهري غرب تضع يدها على مقتنيات منهوبة وزير الصحة: التبغ عدو الحاضر والمستقبل و فاتورته الصحية تفوق عائداته الضريبية رشوة ب 12 ملياراً..إحباط محاولة كبرى في السودان هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم «تحشير بالحبر».. وادعاء بالتلاعب في سند صرف ب 2.2 مليون درهم مستقبل اللغات في عالم متغير.. هل ستبقى العربية؟! السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ناس المريخ ماسكهم (ابوالشهيق)

قوون نشر في قوون يوم 22 - 06 - 2011

ناس المريخ ديل بقوا يهضربوا.

الحضري رفض يرجع من مصر.

قالوا خلاص ما في مشكلة ..نمشي نعسكر نحن في مصر ..ونعمل الحيلة (البركان).

عاد البركان بحلكم.

الدولة الما بتشيلوا رئيسها ..بتجيبوا ليها (بركان).

حالتها دي بدون وضوء.

يعني قبل ما يسافروا.

لو سافروا ما عارف كان ح يحصل شنو؟.

قالوا طنطاوي ثبت البعثة بتاعة المريخ قال ليهم انا 4 شهور ما تميتها حاكم مصر ...عاوزين تقلبوا لي مجلسي.

عشان كدا ناس المريخ ما لقوا حجز لي مصر.

الهلال دا ح يسافر كيف؟.

اشمعنا لقي حجز.

اكيد المجلس العسكري (خاف) من المريخ ...عشان كدا عمل الحيلة (الحجز).

ديل شالوا مبارك.

وجهجهوا (القذافي).

وجابوا (البركان) في اثيوبيا.

ديل خطرين ديل.

الحكومة الفلسطينية لو مفكرة تدعو المريخ لزيارة الاراضي المحتلة.

عارفين البحصل شنو؟.

اليوم والتاني الحكومة الاسرائيلية ح تسقط.

معسكر بس لمدة 15 يوم بحل مشاكل اطفال الحجارة كلها.

برضو في حتة غريبة في الحتة دي.

امشوا معاي خطوة..خطوة.

ما في داعي للغلاط ساكت.

جرايد المريخ ..قالت محمد جياد ما مصاب.

ونفس الجرايد التي اكدت عدم اصابة محمد جياد قالت ان محمد جياد سوف يجري عملية جراحية في (الركبة).

طيب يا مريخاب ..(العملية) دي عملية (حسابية).

براكم قلتوا (جراحية) كيف ما مصاب.

الطبيب قال يحتاج محمد جياد لثلاثة اسابيع ليعود الي الملاعب.

ونحن بنقول ان محمد جياد بعد ان يعود للملاعب عاوز ليهو على الاقل 3 شهور عشان يرجع زي اول.

لأن عودته للملاعب سوف تكون تدريجية.

يعني بعد 3 اسابيع ما برجع طوالي لملامسة الكورة ..بعد 3 اسابيع عاوز ليه تمارين فردية وتمارين طبيعية ..ومن بعد يلامس الكورة.

وتاني يشارك مع اللاعبين في التمارين.

ونحن بي صراحة محمد جياد دا ما عاوزين نشارك بيهو في (سيكافا).

نحن عاوزين نشارك بيهو في بطولة الاندية الافريقية للابطال ..وهو من دون شك عندما يصبح جاهز مية المية للمشاركة سوف تكون مرحلة دور المجموعات انتهت.

دي البطولة الافريقية ..انتوا قايلنها (سيكافا).

لاعب صغير في السن وعائد من اصابة وتنقصه الخبرة هل يمكن بعد العودة من الاصابة ان يشارك مباشرة في مباريات دور الاربعة الافريقية.

الاجابة طبعا لا.

لذلك شطب محمد جياد كان قرارا سليما ..على الاقل في هذه الفترة نضمن ان اللاعب لن يجازف او يتعجل المشاركة واحسب ان 6 شهور كافية ليعود اللاعب معافيا.

طبعا ليست هناك مقارنة بين محمد جياد وامير الربيع الذي يحتاجه الهلال بشدة في البطولة الافريقية.

امير الربيع لعب للمنتخب الوطني وهو يمتلك خبرة جيدة كما ان التجانس بينه وبين لاعبي الهلال متوفر لأنه لعب معهم في المنتخب لذا فان مشاركة الربيع مع الهلال افريقيا امر واقعي ومقبول ..اضف لذلك ان امير الربيع يتمتع ببنيان جسماني نموذجي سوف يساعده في المباريات الافريقية التي تعتمد اعتمادا كبيرا على القوة الجسمانية.

ربما النقطة الوحيدة التي لن تكون في صالح امير الربيع تتمثل في ان امير الربيع لن يشارك في مباريات الممتاز وهذا امر قد يفقده حساسية المباريات.

لكن المباريات الودية الكثيرة التي سوف يلعبها الهلال سوف تساعد في تجهيز امير الي جانب مباريات كأس السودان التي سوف تكون سانحة جيدة لاعداد امير الربيع الذي نحتاج اليه في دفاع الهلال.

اضف لكل ذلك ان امير الربيع سوف يكون ضمن كلية المنتخب الوطني خاصة في ظل غياب سفاري الذي قد تبعده الاصابة لاكثر من شهرين.

بمناسبة اصابة سفاري.

سفاري الذي تشير الاخبار الي انه سوف يغيب عن الميادين فترة طويلة ..اجبر المريخ على اعادة تسجيله برقم خيالي.

والمريخاب مع هذا يتحدثون عن صفقة اتوبونج.

سفاري مقلب المريخاب.

اصابة واعادة تسجيل بالشيء الفلاني.

الاغرب من هذا ان المريخ سجل سفاري (المصاب)..وشطب طارق مختار عشان (الاصابة).

طيب عملتوا شنو؟.

انتوا عارفين الهلال صرف نظر عن (سفاري) ليه؟.

عشان (مصاب).

نحن محمد جياد دفعنا فيه نصف مليار جنيه ..وقت لقينا (مصاب) شطبناه.

ما عندنا زول بقعد ساكت.

عشان كدا صرفنا نظر عن (سفاري).

المريخاب ما فارقة معاهم.

قاعدين ساكت.

ناس معسكر ما قادرين يسافروا ليهو.

الناس ديل (فلسوا).

دا شغل (فلس).

البوفيه المفتوح قالوا قطع (عيش).

يا بلة جابر كان دايمة كان دامت لي (طارق مختار).

شوف طارق مختار وين هسه.

لكن برضو محيرني.

شطبوا (طارق مختار) المصاب ...وجارين وراء (محمد جياد) المصاب.

طيب عملتوا شنو؟.

لحنتوها يعني.

عملتوها ظاهرة ...عاوزين تتخلصوا من طارق مختار وخلاص.

عشان كدا الاتحاد العام شكك في (اصابتو).

انتوا بتصدقوا المريخ الان فيه مدافع واحد هو (باسكال) و12 مهاجم.

باسكال دا لو اخذ كرت ساكت ...تاني المريخ دا يلعب بي النوايا الطيبة.

معقولة مدافع واحد.

ومدافع جنسوه كمان.

والجنسية في المريخ (مشكلة) جاهزة ..اي لاعب يجنسوه في المريخ تاني ما بينفع؟.

الهلال سجل مدافع وسجل لاعب وسط وسجل مهاجم.

والمريخ مع ان كشفه فيه باسكال وسفاري (المصاب) سجل (اديكو).

دا زي الزول البرسلوه السوق عشان يجيب ليه (طحنية).

يلقي الطحنية ما في يقوم يجيب (تمباك).

الشيء المخيف والمشكلة الاكبر ..انو عصام الحضري ما مضمون ..ممكن يهرب في أية لحظة.

لو حصل أي خلاف مع حسام البدري ممكن عصام الحضري (يهرب).

الاسبوع الثاني لو الهلال انزل هزيمة ثقيلة في المريخ ..لا الحضري بقعد ولا البدري.

المريخ ح يتفرتك.

اقول ليكم تشكيلة المريخ ح تكون كيف بعد الاسبوع الثاني.

في حراسة المرمي محمد كمال.

دا كلام يا جماعة.

الطرف الشمال فيصل العجب.

الطرف اليمين هيثم طمبل.

اخر عمرك يا طمبل عاوز تلعب (باك).

وباك يمين كمان.

ليبرو هنو.

باسكال طبعا مع ناس اتوبونج ديل بتكرت.

سادومبا واتوبونج ..وعاوزنو يطلع سالم.

اما بلة جابر فهو مركز في (البوفيه المفتوح).

هو وموسي الزومة.

ملحوظة : البوفيه المفتوح قلب (محل اتصالات).

هوامش

انتوا في الحضري.

وإلا في جمال الوالي المشي (لندن).

الوالي ذاتو مع اتوبونج دا يمكن ما يرجع.

ناس معسكرهم الي الان ما معروف وين؟.

قلت ليكم دا شغل (فلس).

لو عاوزين تبيعوا (المظلة) عندي ليكم زول.

السيخ ما بجيب ليكم حاجة كويسة.

يا ربي اتوبونج لقي (سندوتشات الفول والطعمية) كيف؟.

اكتر لاعب محظوظ في المريخ سفاري وطارق مختار.

سفاري مصاب.

وطارق مختار شطبوه.

والاثنين لن يوجدا في مباراة القمة القادمة.

اخير ليك الاصابة يا سفاري.

الاصابة احسن ليك من (اتوبونج).

في الاسكندرية قامت ثورة على عفت السادات بسبب اتوبونج.

الاهلي المصري عرض اكثر من مليون يورو لتسجيل المهاجم الكاميروني هداف الدوري الجزائري.

الهلال دفع 850 الف دولار في صفقة تساوي مليون يورو.

والاهلي المصري سوف يدفع مليون يورو للمهاجم الكاميروني هداف الدوري الجزائري.

والمريخ دفع في اديكو 30 الف دولار.

شفتوا الفرق.

الفرق كبير بين البطولة الافريقية للابطال وبين سيكافا.

سيكافا دي ما عاوزة اكتر من (هنو).

هنو ذاتها كتير عليها.

بالمناسبة لماذا لا يلعب محمد مقدم كمدافع.

يمكن يحل المشكلة.

البوفيه المفتوح عاوز ليهو (مدافعين).

عشان (بوفيه مفتوح) أي لاعب فيه (مهاجم).

كلكم (مهاجمين) يا بلة.

هجوم.

هجوم على (البوفيه المفتوح).

بمشيئة الله يكون الهلال سافر صباح اليوم للقاهرة.

نتمني معسكرا ناجحا وموفقا للهلال باذن الله.

نرجو فقط متابعة عودة العريس ابراهيما توريه.

ونرجو كذلك متابعة قيد امير الربيع وتوريه واتوبونج في الكشف الافريقي.

بعد وصول البطاقات الاتحاد العام بشترط توقيع اخر.

وتوقيع اتوبونج يجب ان يكون تم قبل سفره الي القاهرة.

كذلك لا بد من عودة توريه والتوقيع مرة اخرى في كشوفات الهلال قبل انتهاء اجل التسجيل في الكشف الافريقي.

بطاقة اديكو الحاصل عليها شنو؟.

البرسلها ذاتو منو من (ليبيا).

إلا تطلبوها من (الثّوار).

ليبيا كلها في الحرب.

حتي الاتحاد العام لكرة القدم المصرية.

اديكو في ظل هذا الوضع هل سوف يشارك في سيكافا.

ووارغو نفسو هل عادت بطاقته من ليبيا بعد انتهاء امد الاعارة.

نحن موضوع ايفوسا انتهينا منو.

وموضوع امبيلي انتهينا منو.

وموضوع الوكيل العامري لاتوبونج برضو انتهي.

والكروت في الخرطوم.

وصلت من تونس ومن مصر.

يعني ما عندنا أي مشكلة.

محمد جياد بطرف الاخ علي همشري.

يعني ما بتجيهو أي عوجة.

جياد في يد امينة.

يا همشري الزول دا احجزوا عندك حتي شهر ديسمبر.

ما في داعي باصابته دي يسافر لمعسكر الهلال طالما لن يشارك.

والطبيب نفسه مانعه من المشاركة والتمارين في هذه الفترة.

خلى في البحرين.

اقول ليكم حاجة اخيرة.

ناس المريخ ماسكهم ابوالشهيق من تسجيلات الهلال.

عاجل : باسكال في حتة صعبة شديد.

انقر هنا لقراءة الخبر من مصدره.