سودارس : الغول (تراوري) يفتح باب القبول للاعادة في الفصل المسائي

(25) دولة تدين بشدة الفظائع وانتهاكات القانون الإنساني الدولي في السودان على يد ميليشيا الدعم السريع محمد حامد جمعة نوار يكتب: نواطير "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة عثمان ميرغني يكتب: إيقاف الحرب.. الآن.. مستشار رئيس الوزراء السوداني يفجّر المفاجأة الكبرى مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) البرهان يطلع على أداء ديوان المراجع العام ويعد بتنفيذ توصياته لقاء بين البرهان والمراجع العام والكشف عن مراجعة 18 بنكا شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الغول (تراوري) يفتح باب القبول للاعادة في الفصل المسائي

قوون نشر في قوون يوم 02 - 03 - 2013

في مدرستنا ، عندما كنا نقفز من شبابيك (الفصول) هروبا من اختبار (الكيمياء)...كنا نلجأ الي حيلة ذكية ترواري او (ترواري) غيابنا هذا ..وهروبنا (المقنن).

نحن مالنا ومال (الكيمياء)....الكيمياء دي ذاتها ما شايلنها ..البخلينا نحضر اختبارها شنو؟.

الله يقطع سنين الكيمياء دي من نمولي لي حلفا.

انا لسع شايل نمولي.

بتملأوا لينا (المقرارات) بي حاجات ما مفهومة.

في اي مدرسة ..اشجار النيم (حزينة)...ما عارف السر شنو في ذلك؟ ..وما هو البعد اللوجستي في ذلك (الحزن)؟.

يمكن عشان (الصول) في اي مدرسة ..زول صعب ..وجنب ..وجنو وجن الطالب يتأخر.

يلاقيك في باب المدرسة ...قدر ما تتغابي فيه العرفة ..يعرفك ..يلاحقك ...يوقف نشاطك الذهني وبجلدك ..بجلدك.

هسع (صول المدرسة) ما موضوعنا.

ما تبقى زي الناس البدفنو في المقابر ..وقاعدين يتكلموا عن عرس عباس ود اللجنة.

ما في اي مناسبة.

حزن شجر النيم ...كان بترسم على عيونا نحن على نسق محمد الحسن سالم حميد في (شفع العرب الفقارى) ..كنا ننسج من (الاحلام) مستقبلا قادما.

ما كنا عارفين ..ناس المحليات ديل بلاحقونا في اي حاجة ..وما كنا عارفين الركشات دي بتكتر كدا ..وما عارفين والله العظيم انو شارع القصر ببقى اتجاه واحد.

الدنيا كانت بخيرها ...رطل اللبن نصو (سمنة)..هسع رطل اللبن بقى نصو موية.

عارفين ناس ريا بنت سيد الفرن.

ريا الساكنة في محطة العمودين ...جوار صيدلية (كبكبة).

ريا دي سيد اللبن في اول شهر حاسبهم على (فاتورة الموية)...قال ليهم (اللبن) ما بيناتنا.

هو وينو اللبن يا بابكر سلك؟.

هسع سلك ذنبو شنو ؟...عشان تدخلوا لينا فصل الاعادة دا.

كنا نتواري وراء ذلك النيم الحزين ..نجرب حظوظنا في الشغب والشقاوة..والهجوم بضراوة على (قميص) استاذ الجغرافيا.

وبرضو ما عارف السر في ذلك شنو؟.

ليه دائما (قميص) استاذ الجغرافيا بكون عرضة للهجوم الكاسح والنقد القاسي.

حيلنا كلو بنكبوا في الهجوم على قميص استاذ الجغرافيا ...اللبني.

لذلك (من منطلق فصيح) كان قميص استاذ الجغرافيا هو مدرستنا النقدية الاولى.

اتعلمنا فيه النقد الفني.

هو وينو النقد؟.

عشان ما تقعدوا تعاينوا لي كدا ...هو وينو الفن ذاتو؟.

نطلع فاصل ونرجع ...(عشان ما تتلخبطوا علي)...زي حاج التروبلي ..اشترى ليه اسود وبطاطس ..ووضعهم في (كيس) واحد.

وصل البيت ...الاسود اتلخبط مع البطاطس ...ما عرف البطاطس من الاسود.

اصلو كانت زوجتو صعبة شديد...وقت يشوفها ..يمينو من شمالو ما بفرزها ..عاوزنو يفرز ليكم الاسود من البطاطس.

زوجتو قالت ليه : هسع وينو البطاطس ...قال ليها دقيقة بس النضرب لبتاع الخضار ..عشان هو قال بطاطسو دي موسمو..

نرجع من الفاصل.

كان عندنا استاذ جغرافيا ..(قميصو) بدخل الفصل قبلو ب (72) ساعة (وذلك لأننا نسبق الاستاذ بالحديث عن قميصو) ..ثم يأتي بعد ذلك الاستاذ شخصيا ...(متكرعا) ...فتة عدس ...بوخها مازال يخرج من فمه فيشبع الطلاب الذين يجلسون في الكنبة الاولى والكنبة التانية ...لذلك كان نختار عنية الكنبة الاخيرة ...لنخرج بتلك (التضاريس).

استاذ الجغرافيا كان ينتفخ فخرا وهو يحدثنا عن (منابع النيل)..تقول هو الذي اكتشفها.

ونحن والله لا فارقة معانا منابع النيل الازرق ولا منابع النيل الابيض بنبعوا من مرتفعات افريقيا وبصبوا في بيت الوالي!!.

وكان كذلك ما فارق معانا اختبار الكيمياء (درجتنا فيه دائما زي درجة الحرارة في موسكو في شهر يناير) ..ولا قميص استاذ الجغرافيا ...وذلك لأن الهلال سوف يلعب عصر اليوم مباراة امام (فيلا) اليوغندي.

انتوا وين الاسم دا اختفى؟.

نطلع فاصل صغيّر ونرجع.

العندو شاي قدامو ..يشربو ..التلفونو بضرب يرد ..او يعملو صامت ..عشان نحن داخلين بعد الفواصل القادمة الي (تلاولي).

تراوري ..انتوا إلا يقولها ليكم كدا بالواضح.

تتلفتوا متل (الطبيب العمومي) في عنبر الباطنية.

العاوز يمشي الصفحة العالمية لفخري الدين مضوي...يشوف تشاهد اليوم ..يمشي.

الموضوع دا بجر.

العاوز يعرج لعبده قابل ...يمشي ..عشان الفاصل دا كبير شوية ..والعمود دا شكلو كدا من بداياتو ح يبقى (صفحة).

عدنا!!.

رجعتونا لي زمن (تنقا)...زمن الزول ما بقيف في صف التذاكر في استاد الهلال...إلا بعد ما يشتري ليه (ملوة) تسالي.

الملوة تنتهي ...ما تصل شباك التذاكر.

تعاين وراك في الصف ...تلقى الصف اخرو ما عندو اي علاقة بالكورة من شدة البعد.

ناس كوتشينة ساكت.

تدخل الاستاد ...تلقى المدرجات كلها بتهتف ...(او تنقا ..تنقا ..تنقا ...تنقا).

تقعد تهتف معاهم ..بدون ما تشعر ..تلقى نفسك في نصهم وبتهتف ...(او تنقا ..تنقا ..تنقا ..تنقا).

تقعد في المدرجات ...وتجيب ليك (قصبة) سكر وتقرش فيها.

المباراة لسع ..وما في حاجة بتختصر الوقت قدر قصبة السكر.

القصبة دي الهلالاب عملوا منها اي حاجة.

اي حاجة تخطر على بالكم ..الهلالاب ديل عملوها في القصبة.

اول حاجة يقرشوها..ما يخلوا فيها (سكرة) واحدة...تاني حاجة التالف منها بجدعوا بيها (حكم الراية)..كل ما يرفع رايتو يجدعوه بي (تفلة).....اخر حاجة بولعوا في قشرها (النار)..عشان يدفوا بيه من (السقط).

زمان الدوري المحلي كان بكون في (البرد).

الحكم كان بفتش ليه سبب من مافي عشان يطلع (الكرت الاصفر).

عارفين ليه؟.

عشان يدخل ايدو في جيبو ...يقوم يدفأ شوية.

ناس درمة وصلاح محمد احمد كانوا بتكيفوا من ناس ابوشامة وحداثة وصلاح دوشكا ..عشان كورتهم كتيرة.

الحكم المباراة كلها ..ايدو في جيبو.

في الزمن داك ..سادت في السودان ..ثقافة حديثة ...اسمها الثقافة (التنقاوية).

او تنقا ...تنقا ...تنقا.

تنقا كان عندو (لفت)...زي (الكمشة) سفرجي ما عندو.

والله ساعة يمسك ليك الكورة دا ...والباك اليمين يدخل عليه ..تشوفوا الباك اليمين دا زي كأنو برقص في (اللول اللول اللولية بسحروك يا لولي الحبشية).

الباك اليمين دا بردح جنس ردح.

بسوى في جنس شيء.

بعد المباراة طوالي بودوه مصحة عقلية.

تاني ما بنفع بي تعريفة.

كان في جلابية اسمها جلابية (تنقا)..وكان في عصير اسمو عصير (تنقا)..وكان في حلاقة اسمها (تنقا).

البطيخ دا فيه حاجة.

البطيخ ذاتو كان فيه بطيخ اسمو بطيخ (تنقا).

الزول يركب في الحافلة ...الكمساري يقول ليه نازل وين؟..يقول ليه نازل في محطة (تنقا).

البلد كلها (تنقا ..تنقا ...تنقا).

نطلع فاصل ..عشان ما اطول عليكم ساكت.

نرجع.

واحد شالوه في قفة ..كل فردة في بلد...زي (الودع) ملخبط ..لخبطة شديدة.

جروا بيه جري على المستشفى.

طوالي دحلوا ليك غرفة الطواري.

الدكتور جاء جاري بي سماعتو ..وجهاز القلب ..والضغط و17 ممرض.

المستشفى كلها وقفت في رأس الزول دا.

الدكتور دا تعب في الدنيا دي جنس تعب...اي حاجة فيه يكشف ليها على انفراد.

العيون في حتة ..والنخرين في حتة ..والارجل في حتة.

الدكتور ساعة ونص يفتش في (قلب) الزول دا.

اخر حاجة لقاهو في (الجيب).

الظاهر الحادث كان خطير.

لكن مع ذلك ..زولكم لملم قدرتو الباقية زي (عبدالقادر الكتيابي) ..وقال ليه يا دكتور انا عندي حاجة.

الدكتور (قنوع)..قال ليه والله ما عندك الحبة...اعراضك دي نحن شايلنها وحايمين بيها.

لكن يا دكتور !!.

لكن شنو؟.

لكن يا دكتور مالوا (تنقا) دا بتعارض لي في المنام ..(فرتكني فرتيك)..خلاني زي (الكبريتة) البلم فيها شافع (غتيت) يخلي ليك كل (عود) في حتة.

الدكتور دنقر عليه ..وقال ليه تنقا دا بجيك بعد تمانية وإلا بعد تسعة.

زولكم قال ليه بعد تمانية طوالي ...تحديدا كدا تمانية وخمسة.

الدكتور قال ليه غريبة ...دا نفس الوقت البجيني فيه.

ما قلت ليكم الدكتور دا قال شايل نفس الاعراض ...(بس انتوا ما بتتابعوا).

بتسرحوا.

الدكتور طلع متلو مريخابي.

نطلع فاصل وإلا نواصل؟.

طيب نواصل ما في مشكلة.

بقينا نشارك (النيم) في حزنو ...ما عارف الحاصل شنو؟...يمكن عشان (جداول الضرب) في الزمن دا ...الجماعة ديل عملوا عليها رسوم وخصومات.

ادخلوا في اي شيء.

حتى جداول الضرب.

الجداول بقت مبشتنة ...وحالتها بالبلاء ...جدول تلاتة من جدول سبعة ما بتفرزو.

زي اللخبطة الحصلت في الاسود والبطاطس.

وفى لخبطة تانية ...عاوزة احدثكم عنها.

المارق يمرق.

والقاعد ..يطول لي بالو ...انا جني وجن (الضيق)...جاريين بس لاحقين شنو ما عارف؟.

اصبروا ..واضايروا لي.

ماشي عليكم.

واحد ما عندو اي حاجة ..صحتو زي الحديد ...ما بشكي من اي شيء لا ضرس لا صداع لا طرف شمال ...لاقاهو ود عمتو بي صحتو دي شككو ليك في نفسو ..قال ليه احسن شيء تمشي تفحص.

يا زول والله الايامات دي (السرطانات) حايمة زي (الركشات)...لو ما عندك شيء يطلع عندك (سرطان).

عندنا خالنا مشي يقلع ليه (ضرس) قالوا ليه عندك (سرطان).

عمنا ...(كربتوني) ..بتعرفو مشى (مرافق) ساكت قالوا ليه (سرطان).

وقالوا ليك كمان في واحد مشى يعمل فحص آلي لي عربيتو ...نتيجة الفحص طلعت (سرطان) في دم صاحب العربية.

السرطانات حايمة الايامات دي زي (الكدائس).

والسكتة القلبية بقت اكتر من (الزلابية).

هسع الزلابية ذنبها شنو؟.

البموت كلو ..يقولوا ليك عندو (سكتة) ساي.

سكتة ...وكمان (ساي)...والله اي حاجة الزمن دا بقت بي قروش.

يا زول احسن شيء ..تمشي تكشف.

الزول اتوهم ...واتلملم ..ومشى على الدكتور.

ما خلي ليه معمل ما دخل ليه ...عمل كل الفحوصات تقول (محترف).

موجات صوتية ..رسم قلب ..ترسيب للدم ..صورة للرأس ...رسم بياني متكامل للدورة الدموية..قياس للضغط ..نسبة السكر في الدم..كشف كامل للبصر.

اي حاجة في الدنيا دي الزول دا عملها.

ما خلى حاجة ...حتى الرباط الصليبي عمل ليه كشف.

مهاجم بس.

عمل كل هذه الفحوصات ...وقعد انتظر النتايج.

في المعمل اوراق الزول النصيح دا وفحوصاته الطبية اتلخبطت مع اوراق زول تاني منتهى..عندو اي شيء.

زول في جسمو 97 مرض.

زولكم النصيح قعد قدام الدكتور ..والدكتور قعد يقرأ ليه في اوراق الفحوصات.

اول حاجة قال ليه ........انت عندك مشكلة في القلب ..في تدخم في الصمام ..عشان كدا لازم تعمل ليك عملية خلال 72 ساعة.

انا.

ايوا انت ما تغرك صحتك دي.

والعملية دي بتكلف كم يا دكتور.

ما كتير ..يعنى في حدود 17 مليون وان بالغت كدا 27 مليون...بعدين القروش تعمل بيها شنو من غير صحة.

القروش طايرة.

ليه يا دكتور ..انا لو عندي المبلغ دا بشكي من حاجة...والله لو لقيت ربع المبلغ البتتكلم عنو دا ...قطر ما يرميني.

الدكتور ينظر الي ورقة تانية من الفحوصات القادمو ..ويقول ليه : وعندك كمان ورم في المخ.

انا يا دكتور.

ايوا انت ..ما تعجبك صحتك دي ساكت ..ورمك دا عشان تبقى عارف ..ورم خبيث ..ولو ما شلناه في خلال 48 ساعة ...ممكن تموت في اي لحظة.

انا يا دكتور.

ايوا انت.

وكمان عندك مشاكل في (الطوحال) والبنكرياس ..والمرارة ..ديل لازم يتشالوا كلهم خلال 24 ساعة.

ليه يا دكتور ...انتوا اطباء وإلا ناس المحلية ...العاوزين يشيلوا (العدة) دي كلها في 24 ساعة.

انت عملت كشف للرباط الصليبي.

ايوا يا دكتور.

عندك مشاكل عويصة في الرباط الداخلي ..لازم نشيل (الركب) ديل خلال 12 ساعة.

ركبك دي قاعدة ساي...انت بتمشي بيها كيف؟.

والله ماشي بيها زي الطلقة يا دكتور.

لا ..لا ..لا.. اصلو ما معقول..انت لازم تدخل غرفة العمليات الان.

في شنو يا دكتور؟.

انت عايش كيف؟.

في شنو يا دكتور عليك الله؟.

الرئة حقتك دي منتهية ..شفت تاني لو شفت ليك سجارة ساكت من على بعد (25) كيلو متر ...ممكن تموت.

لا ...لا ...لازم تدخل عملية الان.

وعملية عشان شنو؟.

عشان تشيل (الرئة).

وبدون رئة ممكن اعيش يا دكتور.

والله نحن بنعمل العلينا ...والباقى على الله....اي حاجة ممكنة ...نحن مهمتنا بس نشيل (الرئة)..حكاية تعيش ما تعيش دي ما بيدنا.

لكن يا دكتور.

لكن شنو؟...تمشي تدفع الرسوم حقت العملية الان ...وما تحجز غرفة ..عشان من غرفة العمليات طوالي ح تمشي مقابر (البكري).

يا دكتور لكن نحن ما بندفن في البكري.

بتدفنوا وين؟.

بندفن في مقابر بري.

مقابر بري قريبة ...ممكن نمشي ننتهي من موضوع الدفن دا قبل العملية ...عشان الواطة ما تسخن علينا.

لكن قبل ما نمشي المقابر احسن تمشي الحسابات وتدفع (الرسوم).

رسوم شنو يا دكتور؟ ...نحن موش طالعين طوالي على مقابر بري.

مقابر بري دي الوداك ليها منو؟...عاوز تموت ساكت كدا ..ورسوم كمان ما تدفعها.

القصة دي مالها عاوزة تجر..احسن نطلع فاصل ...ونرجع.

الدنيا ما طايرة.

اختصر ليكم الموضوع.

التلتلة دي كلها ...عشان عاوزين نفتح لينا فصول اعادة بالمساء.

حكاية حزن النيم....والزول النصيح الفاكر نفسو عيان ...وقميص استاذ الجغرافيا ...والكلام الكتير داك ...كلو عشان الفصل المسائي.

والفصول المسائية العاوز يفتحها تراوري...خلتني اعمل ليكم المقدمة الطويلة دي كنوع من التكتيك.

زي زمان ...كانوا في المدرسة كل اسبوع يطلعونا مسيرة.

مرة مسيرة عشان زيارة مسؤول ..ومرة عشان افتتاح مستشفي ...ومرة عشان عودة مدينة ..ومرة عشان عقوبة فرضوها على السودان.

نحن ما فاهمين اي حاجة وقتها ...كنا ندافر في الصفوف الاولى.

ما خلينا لينا فرع نيمة ما رفعناه.

هسع الكلام دا طبعا ما عندو اي مناسبة بالموضوع.

لكن بس قصدت ..اوريكم لخبطة الجماعة ديل ومسيراتهم.

ونحن نهتف.

قلت ليكم ما خلينا لينا فرع شجرة نيمة ما رفعناه.

اتارينا كنا ما ناقشين اي حاجة.

خلاصة الكلام ...عاوزين نفتح فصول اعادة مسائية ...قلت ليكم عاوز يفتحها (تراوري).

ناس بلة جابر ديل ..كلموهم ..يمشوا يسجلوا من بدري.

عشان الفرص محدودة.

التسجيل ..بقفل من الاسبوع الرابع.

الدراسة بالمساء ...طبعا لا بتطلع ليها دكتور ..ولا بتطلع ليها مهندس.

ناس المساء ديل ..كلهم (باكات)

ناس بلة ..وموسي الزومة ...ومشرف زكريا.

مشرف زكريا هسع ذنبو شنو؟.

نطلع فاصل.

الغول تراوري ...بقى في كل مباراة يجيب ليه (هدفين).

هدفين تراوري ديل زي خدمة المكالمات المجانية.

تعمل الخدمة دي وتتكمل اليوم كلو.

تراوري جاب ليه هدف في محمد كمال...بي سهولة زي (2×1).

بي كل هداوة.

هسع الوصيف كان لاعب بعد الهلال ...كان مونزا ..كسر رقبتو عشان يجيب ليه قوانين زي تراوري.

لكن المرة دي مقلبناهم ..خلينا المريخ ..يلعب قدامنا.

وترواري جاء انفرد باللقب.

انتوا إلا يغشوكم كدا.

عشان كدا ...عملنا ليكم فصول اعادة مساء.

طبعا المريخاب فاكرين تراوري خطورتو في حلاقتو.

نجم الدين وضفر ما خلوا ليهم (صالون).

شايلين هم الحلاقة.

مونزا دا ذاتو ما بستبعد المباراة القادمة يجزوا ليه شعرو عشان يبقى زي تراوري.

فاكرين السر في الحلاقة.

يا جماعة قلت ليكم ..ألحقوا التسجيل ...قبل ما يقفل.

الفرصة محدودة.

ملحوظة : يا بلة القراية ما فيها كبر ..اقرأ ساكت.

هوامش

بلة جابر لقوه في معسكر المريخ طالع ليه في سلم.

عارفين طالع في سلم ليه؟.

بلة فاكر اللمبة حرقت ..طلع يغيرها بعد هدف تراوري التاني.

السلم طبعا ما عندو اي دخل بالموضوع دا.

ما ضروي يكون في علاقة ..او دخل.

الخرطوم الوطني ..دخل في مفاوضات سرية مع احمد الباشا.

عشان تعرفوا بس.

الباشا يفكر في العودة الي ليبيا.

اصلو الباشا دا كل ما يزعل بمشي الي ليبيا.

ممكن اعمل جائزة ضخمة ...لمن يعرف كابتن المريخ في المباراة القادم.

قرأت الف تهنيئة لجمال الوالي بفوزه بجائزة الرئيس الاكثر شعبية ..ولم اجد تهنيئة واحدة من مجلس المريخ.

يا عصام الحاج عملتها ظاهرة.

الزاكي التجاني عمل ليه 7 صفحات تهنيئة لجمال الوالي.

خلاص يا عصام الحاج ..اعمل ليك تهنيئة لهيثم مصطفى بمناسبة فوزه بجائزة نجم مباراة النسور والمريخ.

يا الكوكي تاني ما نشوفك في (فندق).

الفنادق كلها طالبك.

وعصام الحاج دا لا بحل ..لا بدفع.

بصرح بس.

ايكانغا فاز بنجومية المباراة.

اتوقع ان يفوز خليفة بنجومية المباراة القادمة.

يا ايكانغا والله ايامك دي.

تفوز بالنجومية ..وتجيب هدف كمان.

وكمان ما يدوك (كرت).

والله دي حاجات يحسدوك عليها.

ساني يحتاج الي دعم ..ومشاركات مستمرة.

مباراة القمة ..جهزوا ليها بشكل خاص ساني.

ساني خطير في الضربات الرأسية.

وترواري خطير في المرواغات واهداف القدم.

عشان كدا الخطورة كلها في تراوري مع ساني.

والعجب لو كان معاهم بكري المدينة.

تراوري يجي من الخلف.

وساني في المقدمة.

وبكري خلف ساني.

غايتو يا اكرم الهادي سليم ..إلا تستعين بالحضري.

براك ما بتعمل شيء.

ترجف من الاسبوع الاول للدوري الممتاز.

يا زول لسع ..مباراة القمة باقي ليها اسابيع.

يعني ما تشفق ساكت.

الاهلي المصري خسر من حرس الحدود 0/3.

البدري ...فكت منو.

الظاهر اتذكر المريخ.

طلع المريخ من رأسك يا البدري ...عشان تمشي لي قدام.

عاجل : وكان تعب منك (جناح) قدم الاستوبر.

انقر هنا لقراءة الخبر من مصدره.