سودارس : الأمين العام للمريخ قال عاوزين لاعبين عينة (هنو وعلاء) لو دي (لجنتكم) اقنعوا ساي

البرهان يطلع على أداء ديوان المراجع العام ويعد بتنفيذ توصياته مساعد البرهان يتحدث عن زخم لعمليات عسكرية تقارير صادمة عن أوضاع المدنيين المحتجزين داخل الفاشر بعد سيطرة الدعم السريع لقاء بين البرهان والمراجع العام والكشف عن مراجعة 18 بنكا شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالفيديو.. من أعلى المنبر.. شيخ "الجنجويد" يفاجئ الجميع ويطلب من قائده "حميدتي" أن يزوجه من المذيعة تسابيح خاطر وساخرون: (متعودين على الشفشفة ومبروك يا سبوحة) السودان الافتراضي ... كلنا بيادق .. وعبد الوهاب وردي د.ابراهيم الصديق على يكتب:اللقاء: انتقالات جديدة.. إبراهيم شقلاوي يكتب: يرفعون المصاحف على أسنّة الرماح لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الأمين العام للمريخ قال عاوزين لاعبين عينة (هنو وعلاء) لو دي (لجنتكم) اقنعوا ساي

قوون نشر في قوون يوم 05 - 05 - 2013

قال ليه : (مالك فرحان كدا ؟ عامل قميصك المشخط دا)...اذكر أننا في سنوات مضت (بدون تحديد)..ارتبط الفرح عندنا بالقمصان (المشخطة).

بدون فهم كدا بس أو ربما عنده أبعاد لوجستية أو سيكلوجية.

بقى عندنا أي زول لابس ليه (قميص مشخط)...المعنى أنه (فرحان).

لو لابس قميص (سادة) ..لو نططت قدامنا زي (القرد) أنت لا فرحان ولا حاجة أنت بتظاهر ساكت.

والفرح ذاتو خشم بيوت.

الزول لو قالوا ليه من باب الاستخفاف ..(أنت زول فرحان ساكت)..هو بذلك أكيد شتموه ..وطلعوا عينو.

زي (الفرحانين) بتوع اللجنة ديل.

المهم هو أن الفرح ارتبط عندنا بالقمصان (المشخطة)..وفلسفة القمصان تلك ..أمر غاية في الأهمية ..ما تعاينوا ليها كدا.

وقد كنا نقيس الأمور على ذلك النحو.

الأستاذ وقت يدخل الفصل لابس ليه (قميص مشخط)..ذلك يعني أن الليلة (مزاجو) تمام ..ح ينكّت ويقص في الحصة...وما ح يسأل ليه طالب من رسوم الحصة الصباحية أو قروش الامتحانات.

هذا يعني أن الحصة (خالية من الجلد).

شايف الجماعة ديل قالوا شالوا (الجلد) من المقرر نحن زمان (الجلد) دا عندنا أساسي في المدرسة زيو وزي (الرياضيات).

يعني أبو الفصل زمان (لا أدري أن كانت هذه التسمية موجودة الآن أم لا؟)..أبو الفصل زمان كان وقت يضع (جدول الحصص) ..بخصص الحصة الرابعة أو الخامسة يومياً للجلد.

هسع ديل قالوا شالوا (الجلد) من المقرر هم ديل خلوا شنو ما شالوه؟..أي حاجة شالوها من المقرر.

ديل (الميدان) الكنا بنلعب فيه جوار المدرسة زمان شالوه.

مرة قعدت اتصفح في كتب مقررات الصف الخامس أو المستوى الخامس (زي ما بقولوا هسع) ..شفت الرياضيات ..ما فهمت فيها أي حاجة...دا شنو ؟..المقرر دا جابو من وين؟.

رياضيات (مدغمسة) دغمسة يا عباس.

دا شنو؟..أنا قلت (عباس)...يا جماعة ما تقولونا كلام ساكت.

شوفوا القال (عباس) منو؟.

أعرف أن الكثير من التشريعات القانونية المدنية استمدت من القانون الهندي.. الرياضيات حقت الصف الخامس دي يكون جابوها من المقررات الهندية.

احتمال ..ما في حاجة بعيدة ...لا سيما وأن (ولد الجيران) عندنا في الحارة بقرأ في الصف الخامس ...العصر وقت يطلع يلعب مع الشفع بعمل ليه حركات هندية.

الحركات الهندية دي يمكن من الرياضيات.

غايتو أنا شايف الرياضيات البدرسوا فيها الشفع ديل ما بستفيدوا منها فى المستقبل.

رياضايات ما عندها أي علاقة بالحياة.

يمكن تقولوا عني بالنسبة للرياضيات فقط ..(عشان ما تلخبطوا الكيمان) يمكن تقولوا عني أني زول (رجعي).

لكن بالجد كدا ..شايف رياضياتهم البدرسوها دي زي (كلام الطير في الباقير).

رياضيات ما عملية ..وأظنها كذلك ما علمية.

الطالب لو عاوز يحرجك يقول ليك أشرح لي (المسألة) دي.

طوالي تقول ليه : أنا لسع ما صليت العصر ..أصلي واجي أشرح ليك مسألتك دي.

تصلي وتطلع بالباب التاني.

نحن زمان الرياضيات دي لو ما طبقوها لينا بالواقع العايشنو ..ما بنفهمها.

الرياضيات ذاتها كان بدرسوها حسب (البيئة) ..ناس يقولوا ليهم لو كان عندكم (7) غنمايات ..ماتت فيهن غنماية ...بكون فاضل ليك كم غنماية؟.

6 يا أستاذ.

شاطر أقعد.

طيب قوم أنت لو كان عندك (12) حمار ...في (4) حمير ..شردن منك ...بكون فاضل ليك كم حمار؟.

الطالب يقول للأستاذ ..يا أستاذ أنا مع الحمير الشردن ولاَّ مع الحمير الواقفات.

الفصل كلو يقعد يضحك.

الحياة كانت حلوة ..وظريفة ..والفصل كلو بضحك ..ما زي هسع الفصل كلو جاحظ بصرو في الكتاب.

شفع الزمن دا الواحد تلقى في رابعة ابتدائي ولابس ليه (نضارة) أبوه ما لابسها.

شفع الزمن دا (الصلع) عملوها في مرحلة الأساس.

الحياة اتغيرت.

طيب يا ولد لو عندك (حواشة) قمح ..بطلّع ليها في الموسم (16) شوال قمح ...الحكومة بتشيل منهن كم؟.

أقيف يا أستاذ الشيء دا عاوز ليه حساب تقيل ...(أديني فرصة).

ايوا ..الحكومة بتشيل (20) شوال ..ابقى مطلوب من الحكومة بعد الحصاد (4) شوالات قمح.

يعني (-4) يا أستاذ.

أقعد شاطر ..بمطلوبات الحكومة ..ورسومها وجباياتها ..اتعلمنا (السالب).

الأستاذ ذاتو قال لينا أنا بقيت أمشي عشان أصرف (الماهية)..القى ليك الحكومة هناك مستقطعة المرتب كلو شيء ضريبة دخل وشيء قيمة مضافة وشي دمغة جريح...الواحد في النهاية يلقى نفسو مطالب - يطلع (الساعة) من ايدو عشان يديها الصراف ..و يمضي على الكشف ويتخارج.

أها بالطريقة دي بقيت كل شهر ..أفقد (ساعة)...بقيت يوم يقولوا الليلة يوم واحد أشيل لي هم على ساعتى.

أما في الخرطوم فالمسائل الرياضية كلها بتكون على ذلك النسق ..(15) تفاحة أضفت ليها (7) تفاحات بكون عندك كم (تفاحة).

مسائلهم كلها في الخرطوم (تفاح).

أي ناس رياضياتها بالبيئة حقتها.

وأي حاجة أي حاجة نحن عندنا بي نظام.

أها الزول أبو قميص (مشخط) داك نسيتوه ..ولاَّ متذكرنو؟.

يا جماعة ما تسرحوا.

الزول قلت ليه : المفرحك شنو؟.

قال لي عملوا لينا لجنة فيها (17) عضو ..عشان تدير المريخ في الأربع شهور القادمة.

قلت ليه لجنة ومن (17) عضو ..وعشان تدير المريخ (4) شهور فقط.

ليه (الكترة) دي؟.

زولكم قال لي (الكترة) بتغلب الفلس.

قلت للزول أنت عارف الوفد الذي سافر إلى أديس أبابا قبل أيام بقيادة إبراهيم غندور عشان يفاوض في مسألة تهم السودان كله وكان ممكن تنهي تلك المفاوضات مشاكل السودان كلو ..عارف الوفد دا كان فيه كم عضو؟.

قال لي ما عارف؟.

قلت ليه كان فيه (15) عضو يا حيدر المكاشفي.

أنا قلت حيدر المكاشفي.

الظاهر كدا.

الوفد دا فيه (15) عضو ...والمفاوضات دي يمكن تستمر (سنة) أو خمس سنوات ما معروفة ...ناس المريخ ديل ..القاعدين حدانا هنا في العرضة جنوب عملوا ليهم لجنة فيها (17) عضو لمدة (4) شهور.

ليه؟.

ليه (البزار) دا؟.

هسع يا جماعة لو وفد التفاوض دا كان فيه مدير شركة أو صاحب (مزرعة دواجن ساكت)...ما كان المفاوضات يمكن تكون أفضل وأحسن بدل ما تكبوا الناس العندها قروش كلها في لجنة تسيير المريخ ..وتخلوا (لجنة) التفاوض ديك قاعدة في السهلة.

عليكم الله (لجنة التسيير) حقت المريخ دا ...ما تخلوها تضيع قروشها ساكت في ناس بلة وموسى وضفر ومكسيم.

لو عندهم قروش ..خلوهم يعملوا ليهم (شارع)..ويسفلتوه.

إن شاءالله في نيالا.

أحسن بدل ما تضيعوا القروش في الفاضي ساكت.

غايتو وقت سمعت بالأسماء بتاعين اللجنة ديل ..لقيتهم كلهم ما عندهم علاقة بالكورة.

ناس بتاعين (شركات)..ومزارع دواجن ..جابوهم لينا ..وقالوا لينا ديل لجنة التسيير.

طيب أنت وقت بتعرفوا تعملوا حاجات زي دا ..أنت يا الوزير ما تعمل ليك (لجنة تسيير) للمدينة الرياضية دي.

عاجبك حالتها دي يعني.

اعملوا ليها لجنة ...إن شاء الله تجيبوا فيها زول عندو كشك ليمون ...أحسن من تخلوها لينا كدا.

كل سنة تنقص (قطعة).

المدينة الرياضية أول ما بدأت مساحتها كانت (60) فدان ..على ما اعتقد.

هسع تعال شوف المدينة الرياضية مساحتها بقت قدر شنو؟.

المدينة الرياضية هسع بقت برندة وغرفتين.

المدينة نقصت من أي حتة كل مرة ماشي متناقصة.

لو شفتوا لينا (المدينة الرياضية) دي موش أحسن ...من اللجنة الراصنها لينا دي زي (صورة التخرج).

أنا أول مرة في حياتي أشوف لجنة تسيير فيها (17) عضو.

لجنة زي فصل الإعادة...(فيها ناس كبار شديد).

وكمان فيها ناس عايدة...(من زمن كأس مانديلا).

أحكي ليكم حاجة.

بس يا جماعة خليكم عارفين ...(الكلام دا ما يطلع من العمود دا).

قالوا ليك أول اجتماع للجنة دي الأعضاء اتلخبطوا..(طبعاً ما بتعارفو).

ديل يفرزوهم كيف؟.

طيب يا جماعة الأمين العام للمجلس يرفع ايدو.

قالوا ليك أربعة رفعوا إيديهم.

يا جماعة الأمين العام للجنة الشكلها الوزير ...منو؟.

في اتنين نزلوا ايدهم.

يا جماعة الله ..اللجنة دي فيها أمين عام واحد.

الزول داك حلف ما ينزل ايدو.

دي يحلوها كيف؟.

بس قالوا ليك في واحد من الاتنين الرافعين ايديهم ديل ...استدرك ..وقال انتوا قلتوا الأمين العام للجنة وإلا قلتوا الزول العندو مزرعة دواجن.

قالوا ليه : قلنا الأمين العام للجنة...الدواجن الدخلها هنا شنو؟.

زولكم طوالي سحب ايدو.

غايتو ناسكم الكتار ديل ..عارفين بذكروني شنو؟.

بذكروني ليك بالإعلانات والحملات المدورة الأيامات دي في شركات الاتصالات تحت مسمى (سجل بياناتك).

أها الجماعة ديل ال (17) عضو ديل مفروض يسجلوا بياناتهم ..عشان نكون عارفين ...ما تقعدوا تلخبطونا ساكت.

أمس عبدالصمد عثمان قال لرمضان أحمد السيد ..انو ما كان عارف نفسو في تلك اللجنة وأنه تفاجأ بالقرار بعد إعلانه ..وأنه لم يتصل به أحد أو شاوره.

دا كلام يا جماعة.

أنت يا سيادة الوزير ...اللجنة دي شكلتها من (دليل الهاتف).

زول ما تكلموه ...تدخلوه اللجنة.

اخطار ساكت مافي.

بتاع مزرعة الدواجن أكيد ما شاوروه.

هذا الأمر يدعم مقولة إن هذه اللجنة نصها هلالاب ..نائب الرئيس حقها كان مرشح للجنة تسيير في الهلال.

وجمال الوالي معروف عنه (هلاليته).

واحتمال يكون في هذه اللجنة كم هلالابي كدا (مندس).

اصلو لجان التسيير دا بشكلوها (عشوائياً).

من طرف بس.

لذلك لا استبعد أن يكون اللجنة دي فيها (أجانب).

يمكن تكون (لجنة أجنبية)...في بعض الأسماء ...ما سمعنا بيها ..ولا شفناه.

الحاجة التانية ..البتدعم الكلام دا.

قالوا ليك أول مرة اللجنة دي تمشي لتمرين المريخ ...أعضاء اللجنة كلهم كانوا بسألوا.

أي واحد فيهم بسأل التاني.

أسمع أنت الزول البمشي كويس ..وبكمل اللاين ..وبعكس الكورة في (الكشافات) دا منو؟.

واحد من المشجعين يقول ليهم : (دا موسى الزومة).

كمان ما بتعرفوا موسى الزومة ...(لمعلوميتكم الزول دا بي كشافاتو دي كان مفروض يحترف في فرنسا بس ما لقى حجز).

طيب الزول ..البمشي خطوة ..وبقع جوز ..وكل مرة برجع يكورك في (الحكم) دا منو؟.

دا بلة جابر ...كمان ما بتعرفو بلة جابر ..دا صاحب أشهر هدف في الدوري الممتاز.

هدف زي (العفش داخل البص على مسؤولية صاحبه).

كفتك ليك الكورة زي الحديّة.

طيب الزول القاعد التمرين كلو يربط في الكدارة دا منو؟.

دا ضفر...كمان ما بتعرفوا ضفر.

والزول الهناك ...البيلعب بي عقل ..من غير ما يتعب ...يديك الكورة زي (الجلي)..دا منو؟.

دا هيثم مصطفى ...كمان ما بتعرفوا هيثم مصطفى انتوا جيتوا من وين؟.

انتوا هيثم مصطفى دا موش كابتن الهلال؟.

كابتن الهلال شنو ؟..الكلام دا كان زمان ..أنت قاعد وين يا زول...هيثم جاء المريخ.

وفيصل العجب وين؟.

فيصل العجب ...الزول الزعلان داك ...الما بتكلم مع زول.

والباشا.

الباشا ...ما في قالوا منتظر خبر سعيد.

خبر سعيد غير لجنتنا دي...(الزول دا متمرد ولاَّ شنو؟).

الطريف في الأمر أن الأمين العام للمريخ الجديد الفريق طارق عثمان إبراهيم (شفت الاسم والله من الجريدة ما بعرفو) ..الأمين العام الجديد دا طوالي احتل ليك مكانة عصام الحاج في قناة الشروق.

أول جمعة ليه ظهر ليك في (ساعة رياضة).

مستعجل شديد على الشروق.

الزول دا موش ساعة الاستضافة في البرنامج كان عمرو في المريخ (24) ساعة الأمين العام دا ..قعد يتحدث في الأمور الفنية ..والبطء وسرعة اللاعبين...والهجمة المرتدة ...واللعب الهوائي.

يا زول أنت جابوك في اللجنة دي مدرب ولاَّ أمين عام؟.

لو دا أمينكم العام ...لجنتكم دي اقنعوا منها.

منها العوض وعليها العوض.

تصوروا الأمين العام بعد (الشركات) الكتيرة دا ..وبعد عفراء والسلام روتانا ومزرعة الدواجن وقناة الشروق ذاتها ..قال عاوزين لاعبين عينة هنو وعلاء الدين بابكر.

دا شنو دا؟.

الزول دا قاعد وين؟.

بتكلم كيف؟.

ليه بقول كدا.

احبطنا والله.

بعد التعب دا تقول عاوزين لاعبين عينة علاء الدين بابكر وهنو.

ديل على كدا بكون طمحوهم يثبتوا المريخ في الدوري الممتاز.

بس المريخ ما ينزل.

هنو شنو يا سيادة الفريق؟.

هنو في فريقو (الأهلي الخرطوم ما بيلعب أساسي)...وعلاءالدين بابكر بعد العمر دا ...لسع بخاف من الطيارة.

تاني عاوزين يرجعوني لي ركب ..ما ركب ..وسافر وما سافر.

انتوا لجنتكم دي تموها من ( دار الوثائق).

والله الحاجات دي لو انتوا بترضوها للمريخ نحن ما بنرضاها ليه.

قال هنو قال؟.

أنت قايل نحن عندنا مهرجان تكريمي.

يا زول هوى ...كلامك دا تاني ما تقولوا.

لا في الشروق لا في (104).

ملحوظة : معقولة بس عاوزين تجيبوا ليكم (معجون) تااااني يا سلك.

هوامش

ناس ضفر ومكسيم قالوا وزعوا (حلاوة) في التمرين بعد تعيين لجنة التسيير.

الحلاوة ما عشان اللجنة ..الحلاوة عشان اتحلوا من عصام الحاج.

مفروض تضبحوا عديل كدا.

اتخارجتوا. اتفكيتوا.

تاني ما في حاجة اسمها (ضلمة).

يعني الفاتورة بتدفع من يوم 15

بالمناسبة من ضمن مهام هذه اللجنة المؤكلة إليها من قبل الوزير والمكلفة بانجازها خلال فترة اللجنة ...هى شطب فيصل العجب.

التخلص من فيصل العجب.

الموضوع دا صعب.

عشان كدا عملوا ليهم لجنة فيها (17) عضو.

(17) عضو ...عشان يشطبوا فيصل العجب.

غايتو فيصل العجب دا ما بقتنع إلا تضموه للجنة.

غير كدا ما في حل.

مكسيم قالوا زعلان.

قال اللجنة دي ما بنعم بي مرتباتها كتير ...شهر بس.

مكسيم ذاتو ماشي شهر يونيو.

وسليمانو.

سليمانو دا مع اللجنة دي ...يشوف ليه دراسة ...معهد يقرأ فيه.

الزول دا كورة تقعدوا ما عندو.

وناس اللجنة ديل ..من البداية عاوزين يشيلوا آثار عصام الحاج.

آثار موسم الخبت.

عليكم الله في أمين عام بقول الموسم دا موسم (الخبت).

جبت لينا (الخبت) في أي حتة ..إلا في الكورة.

أها البلد كلها بقت (خبت).

في محترفين قالوا وصلوا عشان يعملوا اختبار مع الهلال.

المحترفون البصلوا قبال شهر ونص من التسجيلات ديل ..لا عندهم كورة ولا حاجة.

سجلوا لينا ناس معروفة ...ما تجيبوا لينا مواطنين تختبروهم لينا في أم درمان.

كفاية دومنيك. لي هسع قاعد بي شنطتو.

الخميس القادم ...الهلال والخرطوم الوطني.

عاوزين نشوف (عافية) الهلال في هذه المباراة.

أي يوم ترفيهي لا.

لازم لاعبي الهلال يفهموا نحن عاوزين النقاط الثلاث.

شايفهم اتعودوا على (نقطة) واحدة.

تاني نقطة ما بنقبل بيها.

نقطة نعمل بيها شنو في السخانة دي.

عاجل : غايتو عندكم أمين عام ..النوع البنزل بين الشوطين يمشي غرفة الملابس للاعبين.

انقر هنا لقراءة الخبر من مصدره.