شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة    شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية    البرهان يتفقد مستشفى الرباط ويوجّه بتطوير الخدمات الطبية الشرطية    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    (أماجوجو والنقطة 54)    الأهلي يخسر من ساردية بدوري شندي    مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير    حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA)    بوتين: روسيا مستعدة لاستضافة الألعاب الأولمبية في المستقبل    شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه    شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية    الهلال السوداني يفجر أزمة منشطات ضد نهضة بركان في دوري أبطال إفريقيا    أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف"    برشلونة يتلقى دفعة معنوية قبل مواجهة أتلتيكو مدريد    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    من إيطاليا إلى بولندا.. سرقة 413 ألف قطعة شوكولاتة.. ما القصة؟    ترامب: إيران منحتنا 20 ناقلة نفط والشحن يبدأ غدًا    كريم عبد العزيز وفريق مطلوب عائليا يبحثون عن دولة أوروبية للتصوير الخارجى    أيهما أكثر فائدة القهوة أم عصير البرتقال صباحًا.. والكميات المناسبة    آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا    فصيلة الدم تكشف احتمالية الإصابة بالسكري    مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة    السيسي للرئيس ترامب: لا أحد يمكنه وقف الحرب في المنطقة إلا أنت    "فيفا" يتّخذ موقفًا حازمًا بشأن مشاركة إيران في كأس العالم    قوى سياسية في السودان تعلن عن مقاطعة مؤتمر في برلين    عثمان ميرغني يكتب: حلفا .. والشمالية..    دار الأوبرا تحتفى بذكرى رحيل عبد الحليم حافظ بحفلين اليوم وغداً    مصر.. الدولار يقترب من 54 جنيها لأول مرة    نتفليكس تزيل الستار عن أول صورة لشخصية جو كينيدى الأب فى مسلسلها الجديد    سارة بركة: أحمد العوضى مجتهد بشكل كبير وبيحب شغله جدا    اختيار غير متوقع لمستقبل "الملك المصري"    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    بسبب ضعف الراتب.. وزير الثروة الحيوانية بالسودان يبحث عن عمل إضافي    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    السكوت على هذا الأمر لا يرضي الله ولا رسوله!!    ارتفاع أسعار الذهب في السودان    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ضبط 2800 قندول بنقو بالجزيرة في عملية نوعية لمكافحة التهريب    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    السودان.. الدفاع المدني يستعين ب"التوك توك"    د.مزمل أبو القاسم يكتب: دموع الباز.. وزاهر! (2)    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



قناة النيلين بقت زي (علاءالدين يوسف) مباراة في ومباراة تقيف
قوون نشر في قوون يوم 20 - 05 - 2013

لا ادرى لماذا هذه (الشمطة) التى بين الهلال والمريخ والاهلي شندي الان في لاعب الاهلي المصري المحترف الموريتاني (دومنيك دي سلفا).

دومنيك دي سلفا هذا ...ظل بعيدا عن المشاركة مع فريق الاهلي المصري رغم من ان الاهلي المصرى مر في الفترة الاخيرة بي أسوأ مراحله (هجوميا).

اذ تراجع هجوم الاهلي بصورة مخيفة في المواسم الاخيرة لدرجة ان لاعب مثل (السيد حمدي)..اصبح اساسيا في الاهلي ..واصبح هو الذي يسجل الاهداف.

والسيد حمدي هذا لمعلومية الناس ..لا يصلح ان يمثل هجوم مدرسة ثانوية في الدورة المدرسية ناهيك عن ان يلعب في هجوم فريق الاهلي المصري.

السيد حمدي صورة اخرى من مهاجم المريخ (محمد موسى)..يدافر ويعتمد فقط على (العضل)..خالي من الموهبة والامكانيات الفنية.

ايضا تراجع مستوى (عماد متعب) في السنوات الاخيرة بصورة مخيفة..وقد انشغل اللاعب في المواسم الاخيرة باشياء لا علاقة لها بكرة القدم فاصبح (شاردا) في الملعب ..لا حول له ولا قوة...مع ذلك (دي سيلفا) غير اساسي في الاهلي.

الاهلي كان قد استعان في التسجيلات الماضية بمهاجم فريق انبي احمد عبدالظاهر...في وجود (دي سيلفا) هذا ..علما ان عبدالظاهر نفسه مهاجم (موش ولا بد).

مع ذلك ظل محترف الاهلي المصري (دي سليفا) بعيدا عن (الخدمة)..ولا يفعّل وينشّط إلا لبعض دقائق في بعض المباريات.

هو في الغالب يجلس (احتياطيا)...مع ذلك فهو دائما (مصابا) ، رغم من ان مشاركاته مع الاهلي المصري في موسمين لا تتجاوز ال (60) دقيقة اذا جمعنا كل الدقائق التى شارك فيها في متفارقات من المباريات.

مع هذه السيرة ..وفى ظل التلفزة التى اتاحت لنا ان نشاهد حتى كواليس تمارين الاهلي ..يتحدث البعض في الهلال والمريخ والاهلي شندي ..عن سعيهم لضم هذه اللاعب (الخردة)..والذي يبحث الاهلي الان عن التخلص منه بي اي طريقة ..وان كان (رميا بالرصاص).

الاندية السودانية ...الان تجاوزت مرحلة الاندهاش باللاعب الذي يأتي من الدوري المصري ..ولم يعد يكفي ان تكون كل سيرة اللاعب هو انه لعب في الاهلي المصري ليأتي ويلعب في الهلال والمريخ من غير اختبار او اختيار.

هذا قياس كان نقبل به في الماضي ..الان طموحات القمة السودانية اصبحت اكبر من هذا.

الهلال والمريخ ارتفعت تعاقداتهم مع المحترفين في العشر سنوات الاخيرة بصورة خرافية ...وقد تجاوزت القمة السودانية في ارقام واسعار صفقات المحترفين القمة المصرية ..إذ لا يتجاوز قيمة اللاعب المحترف في الدوري المصري (400) الف دولار ...مهما كانت قيمة اللاعب المتعاقد معه.

في السودان وصلت قيمة المحترف لملايين الدولارات ..وقد تعاقد المريخ مع (وارغو) ثلاث مليون دولار.

اذن علينا ان نتجاوز محطة الاندهاش بلاعب قادم من الدوري المصري او الاهلي القاهرى ...والمحترفين في السودان اعلى سعرا وقيمة ..ومرتبات.

اضف الي ذلك ان كل القادمين من الدوري المصري اثبتوا فشلهم في الدوري السوداني..بما في ذلك (عصام الحضري)..وقبله (اتوبونج).

الاهلي المصري الان وجد سوق في الدوري السوداني للاعبه الموريتاني (دي سيلفا).

والاكيد انه سعيد بهذه الطلبات التى وصلته لضم لاعب ... اذ يبحث الاهلي عن التخلص منه ولو بالشطب.

الصراع الاعلامي والتنافس الاداري يجعل الاندية المصرية تتمنى في اللاعبين الذين تنوى الاندية السودانية التعاقد معهم.

واظن ان الاهلي المصري اذ وجد هذا الصراع بين القمة السودانية على اللاعب (دي سيلفا) سوف يطلب (السعر) الذي يحلم به الاهلي لا سيما وان الاهلي يمر الان بازمة مالية طاحنة ..جعلت نادي القرن يوافق على اللعب امام المريخ في ام درمان.

الصراع على (دي سيلفا) ينشّطه الاعلام السوداني الذي اشار لتسابق اندية الهلال والمريخ والاهلي شندي للظفر باللاعب.

وربما يدخل مريخ الفاشر ...وهلال كادوقلي (ليتم الناقصة) من اجل كسب اللاعب ..الذي يسوّقه السماسرة المصريين للاندية السودانية.

من غير شك فان الاهلي المصري سوف يستفيد من هذا (الصراع)..وسطلب مجلس ادارة الاهلى رقما (فلكيا) في لاعب ..لا يستحق حتى ان يدفع فيه (مليم).

عليه يجب ان تصرف الاندية السودانية نيتها في التعاقد مع هذا اللاعب ..الذي الي جانب انخفاض مستواه الفني وعدم مشاركته (اساسيا) مع الاهلي المصري ...نجده ايضا كما اشرنا كثير الاصابات.

اسوأ من هذا ...ان اللاعب دي سيلفا ..لاعب (عصبي)..وهو من نوعية اللاعبين الذين يمكن ان يشاكلوا ضلهم.

والاجواء السودانية ...واللعب الضاغط ..والعنف ..وطبيعة الحياة التى قد تكون قاسية على هذا المحترف (العصبي)...تجعل الاستفادة من اللاعب في السودان امر مستحيل.

اللهم إلا اذا كان مجلس (اللوردات) بقيادة جمال الوالي يبحث عن (الشو)..ويريد فقط ان يحرك (اسمه) اعلاميا في الساحة المصرية.

المريخاب احرار ان ارادوا ان يتعاقدوا مع هذا اللاعب ...فقد اعتادوا على التعاقد مع هذه النوعية من اللاعبين.

اما الهلال والاهلي شندي نرجوا ان يرفعوا ايدهم من الامر ..وان لا يدخلوا في (الصفقة) فقط من اجل رفعها ..ليستفيد الاهلي المصري من ذلك.

مجلس الهلال مطلوب منه منذ الان ان يخرج (تصريح) رسمي يؤكد فيه عدم رغبة نادي الهلال في التعاقد مع اللاعب ..حتى لا يستفيد الاهلي المصري من (تنافس) الهلال والمريخ والاهلي شندي لرفع قيمة اللاعب.

وحتى لا يستعمل اسم الهلال من اجل تسويق اللاعب.

علما ان وكلاء اللاعب ..وخبرة مجلس ادرة نادي الاهلي القاهرى ..تمكنهم من (الاستثمار) في هذا اللاعب في ظل الصراع السوداني عليه ..واظن ان هذا سوف يمكنه من ان يتخلص النادي منه بالسعر الذي يطلبه مقابلا لاطلاق سراحه او اعارته.

دي سيلفا الذي جاء للاهلي من تونس ..بعد شيء من النجاح الذي حققه في تونس ..اصبح (مقرش) في الاهلي.

وهو يمكن ان نقول عنه انه محترف (اورنيك)..لأنه في الاهلي المصري لم يجرب ..ولم يحقق اي نجاح في المباريات التى شارك فيها.

اتوبونج الذي جاء من مصر وهو هداف للدوري المصري ..لم يحقق نجاحا في الهلال ..لأن وسائل الترفيه في مصر تختلف جملة وتفصيلا عن وسائل الترفيه في السودان.

اتوبونج لم ينجح ..كيف يكون الحال مع (دي سيلفا)..الذي لم تتجاوز اهدافه مع الاهلي المصري (5) اهداف في كل البطولات والمنافسات التى شارك فيها اللاعب مع الاهلي.

تصدقوا بعد هذه السيرة ..وتلك العروض التى قدمها اللاعب ..تتحدث الصحافة والمواقع الاعلامية عن نية الهلال والمريخ في التعاقد مع اللاعب (نقلا عن مجلة الدوحة).

ثم اضيف مع ذلك دخول الاهلي شندي من اجل كسب اللاعب.

لو كان اللاعب بستاهل ..وبستحق ..لما اعترضنا ...حتى لو جاء من الدوري المصري.

ولكن اللاعب كل عيوب الدينا موجودة فيه ..وهو لا ينتظر منه اي فائدة ..في الدوري المصري ..او الدوري السوداني ..ولا نحسب ان اللاعب يمكن ان يحقق (نجاح) مع اي نادي يشارك معه ..لأن امكانيات اللاعب لا ترقى حتى للاحتراف.

مثل اللاعب من الافضل ان يمارس الكورة (هواية)..اما الاحتراف فليتركه لناس (تراوري).

اذا تعاقد المريخ مع هذا اللاعب ..سوف اعتبر ان ذلك الامر (فنيا) فيه مكسب للهلال.

وسنأكد ان المريخ كسب (وارغو) جديد.

وسوف نبدأ نعد ليه من اول وجديد.

ملحوظة : دي سيلفا دا ناس المريخ إلا يكونوا جايبنوا لمزرعة دواجن بي عقد احتراف (لاعب كورة).

هوامش

قالوا (7) لوردات دفعوا (2) مليار للمريخ.

عشان كدا الغاز قطع ..قلت ليكم الانبوبة بقت ناقصة ..ما صدقتوني.

قلت ليكم (الفرخة) بقى ما فيها كرعين ..ما صدقتوا.

طيب انا عاوز اعرف (الكرعين) راحت وين؟.

عرفتها ..تكون راحت في ال (2) مليار دي.

كدا بالمرة يا جماعة اتبنوا (النفط) ..بتلقوه نقص (2) مليار.

قروش نفطنا ...نحن بنعرفها ...في (المقصورة) بتظهر.

بنشمها شم.

تتخيلوا ..بلة جابر يصرف مرتبو من رسوم عبور النفط.

تقول شغال مهندس بترول.

اللوردات ديل ..بكونوا وضعوا كشف لاعبين المريخ ..ضمن ميزانية مصفاة الجيلي.

قالوا (موانزا) ابو شعر بصرف من هناك.

من يوم 27 بكون واقف في الشباك.

مكسيم ..بصرف من وزارة التربية.

سليمانو بصرف من وزارة الصحة.

قروش الحكومة دي نحن بنعرفها.

انتوا الزول القال ما بقرأ جرايد داك دفع كم؟.

الما بقرأ جرايد دا ..يكون دفعها (اسكراتشات) ساكت.

اي زول يدفع حسب قدرتو يا جماعة.

البدفع ...(غاز)..يدفع ...منظمات يدفع.

البدفع (فراخ)..برضو يدفع...البدفع بيض ..يدفع.

القوانص ذاتها مقبولة..ادفعوا ساكت.

البدفع رصيد ..يدفع ..ما في اي مشكلة.

كل زول يدفع حسب تخصصو.

ونحن بنتصرف.

لكن نحن القدامكم ديل ...شفوت.

عارفين اي حاجة.

حقنا ما بنخلي.

(ديدان) ساكت بنخلصو ..كمان نحن بنلعب.

حقنا بنخلصوا في (الفاشر).

حق (النفط)..بظهر في الفاشر.

قالوا جمال الوالي رجع كمال دحية وهمد وهاشم الزبير.

خد.

الناس البقيفوا ورا الصورة ...رجعوا تاني.

ناس الماسورة (حلجت) يا ريس ...عاوزين لينا قلاب (جلب) ..رجعوا.

ناس اللمبة (حرقت) يا ريس ...عاوزين لينا (60) مكيّف.

عليكم الله ..هسع في علاقة بين اللمبة البتحرق ..وال (60) مكيّف.

يا ريس ...مكسيم عندو شد عضلي ...عاوزين لينا (90) قلاب طوب.

رجعوا !!.

في علاقة بين الشد العضلي وال (90) قلاب.

ديل بعملوها.

فرقة حسب الله رجعت تاني.

او زي ما بقول الزميل محمد كامل سعيد ...فرقة ناجي عطا الله ..رجعت يا محمد.

رقصني يا جدع.

انتوا يا اللوردات ..ما سمعتوا رئيس الجمهورية قال ما عاوزين وجوه قديمة.

انتوا بتكسروا توجيهات الرئيس.

الحكومة عاوز تبدل الوجوه القديمة ...انت يا جمال الوالي لسع ما قادر تتجاوز (كمال دحية).

قالوا ليك الجماعة اتفاجأوا ..لقوا ليك (كمال دحية)..قاعد في الاجتماع.

كمال دحية دا طول ما هو مع جمال الوالي في (مفاوضات) اديس ابابا يمكن تلقوه قاعد.

دحية دا قالوا في اجتماعات مجلس ادارة مصفاة الجيلي ..بكون قاعد.

عصام الحاج ..اتمقلب.

عصام الحاج طلع (دحية) بالباب.

جمال الوالي رجعو ب (الشباك).

عشان تاني تستقيلوا.

عشان تاني تصدقوا.

همد ذاتو رجع.

اها يا متوكل احمد علي رأيكم شنو؟.

والله انتوا طلعتوا طيبين ..جنس (طيبة).

فاتورة كهربة ما قدرتوا تدفعوها.

عصام الحاج يفوت ..دحية لا.

متوكل احمد علي يفوت ..دحية لا.

فيصل العجب ...ممكن يفوت ..دحية لا.

على كدا ...الشاف عصام الحضري في تمرين الفريق القادم ..ما كضب.

خاصة لو المريخ شارك في البطولة العربية.

ح يقولوا ليك نسبة لمشاركة المريخ الخارجية.

والله نحن عاوزين عصام الحضري يرجع ..بس عشان نكمل لي عصام الحاج فهمو.

وعشان عصام الحاج يشرب ما يروى.

دحية بتاع الاستاد رجع.

ما يرجع وحش افريقيا عصام الحضري.

والله انتوا بتبالغوا عديل كدا يا جماعة.

عصام الحاج ..دورو في المريخ ..كان فقط يسجل هيثم مصطفى.

يقوم بالدور دا ..ويتخارج.

وقد قام عصام الحاج بالدور على اكمل وجه.

شكرا يا اخوي.

يمكن جمال الوالي يحتاج ليك في شطب فيصل العجب.

فيصل العجب ..قالوا زعلان.

المعني موسى الزومة زعلان.

وبلة جابر زعلان.

وسعيد السعودي زعلان.

وامير كمال زعلان.

كلتشي ذاتو ما برضى في العجب.

كلتشي ذاتو قالوا زعلان.

السوى الامين البرير في هيثم مصطفى ..جاء عملوا جمال الوالي في فيصل العجب.

قلنا ليكم الجماعة ديل بقلدونا ..ما صدقتوا.

الحاجة البتحصل في الهلال الليلة اليوم التاني بتحصل في المريخ.

هسع حركات فيصل العجب في المريخ ...ما زي حركات هيثم مصطفى الكانت في الهلال.

وحركات جمال الوالي دي مع العجب ..ما بتشبه حركات الامين البرير مع هيثم مصطفى.

يا جماعة نحن الحاجات دي حفظناها حفظ.

هسع بكرة يقولوا ليك ..العجب اختلف مع محمد موسى.

والقارورة.

واختلف مع الكوكي.

ويشطبوا ليك.

لكن يا العجب ...(والله العظيم)..لو شطبوك ..ما في زول يعتصم ليك في نادي المريخ.

وما في زول من ناس سلك يكتب فيك (سطر).

اسماعيل حسن ذاتو ما بكتب فيه كلمة.

ولا حرف.

غايتو يا العجب زي ما قلنا ليك ..مكانتك فاضية في الجهاز الفني للهلال.

والله خبرتك دي ما ساهلة.

بتنفعنا (فنيا).

لو تمت الناقصة ..كمال دحية يمشي الفاشر.

ان شاءالله يكون رئيس البعثة.

نحن مالنا.

انتوا تعالوا هنا يا جماعة ..عاوز اسألكم سؤال.

سؤال عادي والله.

ما فيه اي حاجة.

الحاصل شنو على قناة النيلين.

قناة النيلين في الدوري الممتاز ..مباراة منقولة ..والمباراة التانية يقولوا ليك القناة (واقفة).

شنو كل اسبوع والتاني يقولوا لينا نفس الحنك : (تم فصل القناة عن القمر الصناعى منذ صباح امس بسبب مستحقات مالية تتطالب بها شركة كنار للاتصالات المالك الحصرى ل (الفايبر).

الفايبر دا شنو الفالقننا بيه دا.

قناتكم دي يا الاعيسر (ان كان موجود الي الان) بقت زي علاءالدين يوسف ..مباراة يلعب ..ومباراة يقيف.

الاهلي شندي فاز على الموردة 2 / صفر.

هذا يعني ان مباراة الاربعاء بين الهلال والاهلي ح تكون صعبة.

مباراة قمة حقيقية.

الجهاز الفني للهلال عليه ان يحسن التعامل مع هذه المباراة.

الانتصار في مباراة الاربعاء ..بغض النظر عن مباراة المريخ الفاشر والمريخ ..يعني ان الهلال حسم بطولة الممتاز باذن الله وتوفيقه.

لذلك اذا اراد الهلال ان يحسم بطولة الممتاز كلها ..عليه ان يعود من شندي منتصرا.

نحن نثق في ان المريخ لن يعود بالنقاط الثلاث من الفاشر.

السلاطين صعبيين.

قفلوا الموبايلات ..وقفلوا الشباكات كلها ..بما في ذلك (شبكة) المرمى.

ما بتجيكم تاني اي عوجة.

كلتشي اضحى لا يستطيع ان يسجل هدف إلا بمساعدة الحكم.

اما محمد موسى ..فهو لو لعب معاه (سيحة)..ما بجيب ليه قون.

الزول دا مالو.

يكون ما عارف (اللوردات) ديل وإلا شنو؟.

تحكيم الاسبوع الاخير للممتاز يجب ان يكون تحكيم جيد ..وعلى لجنة الحكام اختيار افضل حكامها.

الهلال في شندي مرة خسر بسبب خالد عبدالرحمن بي (ضربة جزاء)...وهمية.

اياكم ..والحاجات دي تاني.

على البرير ان يتمسك بحقه في المشاركة في البطولة العربية ..لاخر لحظة.

حتى لو ادى ذلك للانسحاب من الممتاز.

خلوا (اللوردات) يلعبوا ليكم يا معتصم جعفر.

طبعا معتصم جعفر ...ضعيف جدا قدام (اللوردات).

ما بقدر يقول : (لا).

لكن نحن شفوت.

حقنا ما بنخلي.

عاجل : انت يا همد ..ما قلت تاني ما عاوز شغل....(الخريف جاك).

انقر هنا لقراءة الخبر من مصدره.