سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    المريخ يبارك انتخاب رئيس إتحاد سيكافا وأعضاء اللجنة التنفيذية    مريخ الممتاز يؤدي مرانه الختامي للقاء ملوك الشمال    مساعد قائد الجيش يكشف عن فساد وزير كبير    إبراهيم جابر ينفي خبر حل اللجنة العليا لتهيئة بيئة العودة إلى الخرطوم    إبراهيم شقلاوي يكتب: مسرح ما بعد الحرب لدى يوسف عيدابي    الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة)    شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد)    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب    شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي    شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا    وزير الخارجية والتعاون الدولي يلتقي رئيس مفوضية الاتحاد الأفريقي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزارة الشباب والرياضة تواصل انفتاحها على الولايات    ارتفاع في اسعار محصول الذرة واستقرار سعر السمسم بالقضارف أمس    وفاة ثالث رضيع تناول حليبًا ملوّثًا بفرنسا    مشروبات طبيعية تدعم مناعتك.. روشتة حمايتك من العدوى    دراسة تربط طنين الأذن بالإنتاجية في العمل    إلغاء رحلة قطار إلى الخرطوم..إليكم تفاصيل    جوجل تسهّل إزالة المعلومات الشخصية والتزييف العميق من نتائج البحث    "ميتا" تبني مركز بيانات بقيمة 10 مليارات دولار    إضافة علامة تبويب الإعدادات بواجهة "واتساب"    انطلاق دورة متخصصة لتطوير الأداء الرقمي برعاية وزير الشباب والرياضة    ماساة قحت جنا النديهة    كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة    تطور حاسم بقضية "الاعتداء الجنسي" في منزل لامين يامال    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ريال مدريد بشجع الصادق المهدي
كورة سودانية نشر في كورة سودانية يوم 21 - 05 - 2014


…و….
محمد عبد الماجد
ريال مدريد بشجع الصادق المهدي
…و
كان عبدالسميع متل الزول المسافر ، واقف على (رموش) عيونو.
رغم ان ما في وقوف بالرموش.
لكن اي حاجة جايزة في البلد دي ..حتى الوقوف على الرموش.
قالوا ليك الوقوف على الرموش ..زي الوقوف للمواصلات.
عطفا على ذلك …زمان كان في زول بقول ليك : (ما ترمش).
لمن (ترمش) غصبا عليك .. يقول ليك : (يا زول ما ترمش).

تحذير واضح.
نظام الزول (بهرش) فيك.
قلت ليك ما (ترمش).
دا ما موضوعنا …ولا موضوع (رياضي) – عشان ما تقعد تقطع لينا من رأسك.
و…
(نرجع لعبد السميع).
عبدالسميع كان ينتظر ان تنجب له زوجته (ولدا)..ظل (12) سنة في انتظار ان يرزق (ابنا).
قاعد يفكر في الدنيا دي ..في الورثة ..في البشيل اسمو ..وفي اغنية (جدودنا زمان وصونا على الوطن).
طبعا الاغنية دي ما عندها علاقة بالموضوع ..ولا عندها علاقة بالفكرة ساكت.
الفكرة هي شنو؟.
الفكرة عبارة عن حاجة غريبة زي (الرشوشة).
رغم انو (الرشوشة) ما حاجة غريبة.
اعتبروها جزافا كدا حاجة غريبة.
في زول عاوز مننا حاجة.
لكن في البلد دي اي حاجة جائزة …(حتى الزول القاعد هناك).
عاوز بس (اشتت) ليكم تفكيركم.
عاوز امرقكم من الحتة دي.
نرجع للموضوع.
صاحبكم عبدالسميع منتظر بفارق الصبر (القابلة) تقول ليه : (جابو ليك ولد)..كيس الحلاوة قاعد في ضهرية العربية.
في ناس جاهزين للفرحة في اي وقت.
عبدالسميع عنده (9) بنات يعني (البلابل) تربيع…وما عندو (ولد).
زول شفقان ..في الكوتشينة وقت يجيه (ولد) بضبح ليه ..وبشغل ليه اغنية في الموبايل.
ويقعد (ينقز) في شعورو.
بتعرفو (النقزيبة).
طبعا في ناس وقت يكونوا فرحانين بشغلوا ليهم (اغنية) من ذاكرة الهاتف.
زولكم (الولد) عنده ليه تقدير خاص…في (الكوتشينة) معزة الولد براها.
وقت يجر ليه (ولد) من الصندوق لو ما شغال – ما برمي.
تلقى (الولد) مطلعو من الورق براهو …وخاتيه على جنبة.
هسع البلد دي بقى ما فيها اي (جنبة).
كلها مشتعلة.
عبدالسميع نفسو يجيبو ليه (ولد) رغم ان طفولة البنات احلى من طفولة الاولاد ..ووفاء النبات اكثر من الابناء.
الولد من عمرو يبقى (7) سنوات يقول ليك عاوز لي (عجلة).
إلّا تجيب ليه (عجلة).
تجيب ليه (عجلة) تاني ما تشوفو إلّا المغرب.
اليوم كلو حايم.
و…
(افكر شوية).
بعد (13) سنة من (العجلة) يقول ليك عاوز اعرس.
تعرس ليه – تاني تشوفو في الاعياد.
يجيك من العيد للعيد…متل (صينية الخبيز).
الناس ذاتها الزمن دا خلوا (الخبيز).
الزول دا بعد (9) بنات ..جابوا ليه (ولد).
القابلة …جات طالعة قالت ليه مبروك ..لكن قبل ما تدخل تشوف الولد ..امشى الاستقبال ادفع رسوم المحلية.
عبدالسميع مع فرحتو بالولد ..قال ليها رسوم المحلية في شنو كمان؟.
ناس المحلية كمان ادخلوا في الحاجات دي.
القابلة قالت ليه …والله ناس المحلية تخلوهم على راحتهم كدا …هدف (بشه) يعملوا ليكم فيه رسوم.
ديل اصعب من (الصعب) ذاتو.
هسع حكاية الزول دا …ذكرتني ليك بي ريال مدريد والصادق المهدي.
رغم انو ما في علاقة (واضحة) كدا بين القصة وريال مدريد والصادق المهدي.
لكن في الدنيا دي كلها ما في زول كان بيتخيل انو تكون في علاقة بين ريال مدري والصادق المهدي.
تصوروا طلعت في علاقة.
افتحوا ليكم قوس ..واطلعوا من العمود دا ..عشان نأخد راحتنا في الكلام.
نحن حسب فهمنا ..(وحسب صفيحات الجبنة الفوق) كان من الطبيعي ان الناس تشجع ريال مدريد.
في ناس بتشجع ريال مدريد ..وفي ناس بتشجع برشلونة.
الموضوع عادي ..ما فيه اي (استغراب).
تتخيلوا يا جماعة هسع الصورة اتعكست.
ريال مدريد طلع هو البشجع (الصادق المهدي).
شفتوا الزول دا خطير كيف؟.
طبعا الصادق المهدي معروف بهلاليته ..وافراد اسرته كلهم هلالاب عدا ابنه عبدالرحمن.
ومعروف كمان ان مريم الصادق المهدي عملت في عدد من لجان الهلال ..(يعني هلالبية بتكاتل).
الما معروف لينا …انو ريال مدريد ..بشجع الصادق المهدي.
ما عاوز اتكلم ليكم عن الصادق المهدي عشان ما تفهمونا غلط.
الايامات دي الفهم الغلط حايم في البلد.
اي واحد يفهمك غلط.
عارفكم ح تقولوا الصادق المهدي الدخلو في العمود شنو؟…(في ناس على الهبشة).
يفسروا على كيفهم.
الدخل الصادق المهدي يا جماعة (ريال مدريد).
بلعب طرف؟.
ابدا.
رأس حربة؟.
يمكن ..شعار حزب الامة هلال وحربة.
ريال مدريد دا فريق رياضي ..يعني من حقي اكتب ليكم في الموضوع دا.
ما في زول بقدر يقول لي حاجة.
ما تقعدوا (تتعقدوا) لي ساكت ..وتفسروا الموضوع غلط.
تداولت المواقع امس ..خطاب رئيس نادي ريال مدريد الذي بعثه لاسرة الصادق المهدي ..وبعض اعضاء النادي العريق في العالم.
عبدالرحمن الغالي قام بترجمة الخطاب على هذا النحو حسب ما تداولته المواقع : (تحدثت العديد من وسائل الاعلام اليوم عن أدانة نادى مدريد الإسبانى، لعملية اعتقال عضو النادى وزعيم حزب الأمة القومى الصادق المهدى. ودعا النادى فى بيان صحفى أرسله رئيس نادى مدريد كارلوس ويستوفورب يوم الاثنين إلى أعضائه بمختلف دول العالم ،طالب النادي في رسالته للجهات المعنية وأعضاءه – 96 رئيس دولة ورئيس حكومة سابقين من أكثر من 60 دولة من مختلف دول العالم- طالب بإطلاق سراح الصادق المهدى فورا، وأرسل النادي خطابا لكافة أعضاء النادى ومنسوبيه بشأن إطلاق سراح رئيس وزراء السودان السابق الصادق المهدى، أحد الأعضاء البارزين بالنادى السياسي ونادي مدريد الذي يرأسه كارلوس ويستوفورب ، ليس هو فريق ريال مدريد الذي يرأسه فلورنتينو بيريز..وسبق أن تحدث السيد الصادق المهدي عن سر تشجيعه لفريق لريال مدريد فأوضح قائلاً : "إحنا عندنا نشاط كنادي مدريد اللي هو نادي بيضم رؤساء وزارات ورؤساء دول سابقين وركزنا في مدريد للسبب ده وبقى عندي إعجاب خاص بأداء فريق ريال مدريد ).
اها يا جماعة كدا انا غلطان في حاجة.
هسع في ناس يقولوا ليك غلطان.
الموضوع كلو مقصود بيه ريال مدريد …(الصادق المهدي بي طريقتو).
الصادق طلع خطير..بشجعو ريال مدريد.
دي بخلينا نقول اننا في السودان نحن دائما عندنا نماذج مشرفة ..وشخصيات لها وزن حتى في اجسام هي بعيدة منها.
ريال مدريد ..طلع عندو احساس ..اكتر من ناسنا ديل.
ناسنا ديل (ناس المريخ) – عشان تفكيركم ما يمشي لي بعيد.
بل ريال مدريد في الحتة دي بالذات ..طلع افضل من برشلونة.
عشان الرسالة دي من رئيس نادي ريال مدريد ..ان شاءالله النادي الملكي يشيل بطولة الاندية الاوروبية يوم السبت القادم.
المشكلة ..ناس ريال مدريد يعملوها ظاهرة.
المشكلة لاعبو ريال مدريد في نهائي بطولة الاندية الاوربية يوم السبت القادم يقوموا يلبسوا صورة الصادق المهدي في (التسخينة).
او يقوم رونالدو وقت يجيب ليه قون يطلع صورة الصادق المهدي.
اها الجماعة ديل لو عملوا كدا – انتوا ح تمشوا وين؟.
ما تخافوا ما بعملوا كدا..عشان الفيفا دائما بتفصل بين السياسة والرياضة ..لكن ناسنا ديل بلخبطوا الكيمان.
يدخلوا ليك السياسة في الرياضة ..لا تعرفها رياضة ولا تعرفها سياسة.
و..
اقول ليكم حاجة.
المنقا طلعت؟.
منقة شنو يا زول؟.
احسن تقيف تقوم تدخل ليك في حتة اصعب.
احسن نكتفي بي الكلام دا.
لكن.
لكن شنو؟.
كنت عاوز اقول ليكم (الصيحة) وقفوها.
لكن ما ح اقول ليكم …(خلاص انسوا الحكاية دي).
اتصرفوا براكم.
و…
وانتهى.

انقر هنا لقراءة الخبر من مصدره.