قرارات اجتماع اللجنة التنسيقية برئاسة أسامة عطا المنان    تراجع أسعار الذهب عقب موجة ارتفاع قياسية    مناوي : حين يستباح الوطن يصبح الصمت خيانة ويغدو الوقوف دفاعآ عن النفس موقف شرف    عثمان ميرغني يكتب: لماذا أثارت المبادرة السودانية الجدل؟    شول لام دينق يكتب: كيف تستخدم السعودية شبكة حلفائها لإعادة رسم موازين القوة من الخليج إلى شمال أفريقيا؟    الخارجية ترحب بالبيان الصحفي لجامعة الدول العربية    ألمانيا تدعو لتحرك عاجل: السودان يعيش أسوأ أزمة إنسانية    ياسر محجوب الحسين يكتب: الإعلام الأميركي وحماية الدعم السريع    الفوارق الفنية وراء الخسارة بثلاثية جزائرية    نادي القوز ابوحمد يعلن الانسحاب ويُشكّل لجنة قانونية لاسترداد الحقوق    كامل ادريس يلتقي نائب الأمين العام للأمم المتحدة بنيويورك    السعودية..فتح مركز لامتحانات الشهادة السودانية للعام 2025م    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي)    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    ريال مدريد يزيد الضغط على برشلونة.. ومبابي يعادل رقم رونالدو    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



شوفوا ليكم (راديو) و (4) حجار بطارية وتابعوا مباريات سيكافا
كورة سودانية نشر في كورة سودانية يوم 23 - 05 - 2014


…و….
محمد عبد الماجد
شوفوا ليكم (راديو) و (4) حجار بطارية وتابعوا مباريات سيكافا
. …و
. المريخاب طبعهم كعب.
. بشه يجيب ليه هدف عديل ..يقولوا ليك (تسلل).
. ديل قون (نزار) قالوا ما صحيح.
. في طبع اكعب من كدا.
. يلعبوا في سيكافا ..وعاوزين يتفرجوا في الهلال في المجموعات.
. دي نحن بنسميها (حقارة).
. اتفرجوا في مباريات قدر دورتكم.
. ما اكتر من وقد الصومالي.
. لو بالغتوا شديد…كمبالا سيتي.
. كمبالا سيتي سيتي كمبالا.
. يا جماعة مباريات الهلال في المجموعات (مشفرة).
. ما متاحة لي اي زول.
. زول ما عندو (كرت) لو ابوه (الوالي) ما بشوف كورة الهلال.
. نحن غاليين …وصعبين ..وما بنتلحق.
. ولا فاضيين لدورة حوض النيل دي.
. ولا عارفنها ح تبدأ الليلة وإلّا ح تبدأ بكرة.
. ولا عندنا ليها وقت.
. و….
. (برة في كتاحة شديدة).
. هسع الكهربة تقطع.
. العمود دا إلّا اتموا ليكم بي شمعة.
. نحن عشان موضوع (الكتاحة) دي ..شفرنا مبارياتنا.
. رفعنا القزاز.
. البقعدنا مع الناس البلعبوا في (سيكافا) ديل شنو؟.
. ناس نزار الصاقعة ديل نحن عارفنهم ..كورتهم دي ما كورة (طبق).
. ولا كورة طبق.
. دي كورة (كرت).
. وقناة النيلين ذاتها ما بتقدر على الحاجات البعملوا فيها ناس نزار ديل.
. شن قدرها.
. موسى الزومة خرب ليك (التلفزة) في قناة النيلين.
. موسى الزومة كورتها كلها في (الكشافات).
. عشان كدا كاميرات قناة النيلين كلها بتلقاها مرفوعة في السماء.
. مخرج المباراة ذاتو بكون قاعد في (كشافة).
. هسع انا وقت اسمع انو مجلس المريخ بصلح في (ارضية الملعب)..بقول بصلحوا في الارضية لي منو؟..وعشان شنو؟.
. انتوا (الارضية) عندكم ليها كورة.
. كورتكم كلها في السماء – الارضية عاوزين بيها شنو؟.
. ساكت متعبين نفسكم.
. ناس موسى الزومة ديل ما عاوزين ليهم (ارضية) – ناس موسى الزومة ديل عاوزين ليهم (سقالات).
. و…
. قلت ليكم المريخاب طبعهم كعب (في بداية العمود).
. طبعهم متل (الشافع) الطبعو كعب في المناسبات …يجيبوا ليه (الضلعة) يقول عاوز (سلطة اسود).
. يخلي (الضلعة).
. يجيبوا ليه (سلطة اسود)..يقول عاوز (طعمية).
. يخلي اي حاجة ويتشبك في (الطعمية).
. بس عاوز (طعمية).
. يجيبوا الطعمية.
. امو بدل ما تهرشو ما بتسألو ، ولا يتقول ليه بتقول في شنو؟ …في بيت المناسبة اي حاجة يقول عاوزها يجيبوها ليه.
. يفتحوا ليه (الحلل) الكبار دي حلة – حلة ..عشان يختار براهو.
. ويغرفوا.
. الشافع دا في بيت ابوه لو قال عاوز (موية) ساكت امو تسمعو ليك الف كلمة (فارغة).
. يقول عاوز (شعيرية).
. يجيبوا ليه (الشعيرية) ..يقول عاوز ليه حاجة برة بيت المناسبة..يقوم يتشبك في (الطحنية).
. يمشوا يجيبوا ليه (طحنية) من اخر الحارة.
. انت (الطحنية) الشابكنا بيها الايامات دي شنو؟.
. شفع الزمن دا ..خلوا (الطحنية) ..وبقوا يتشبكوا ليك في (الموبايلات).
. الشافع (متفن) في التراب ..ونخرينو جارية ..ويقول ليك عاوز ادخل (الواتس آب).
. إلا ادخل واتس آب.
. الواتس آب قبل فترة كدا كان زي (قاعة الصداقة) ما بدخلو اي زول.
. (الواتس آب) هسع بقى زي بيت العذابة ..اي زول ممكن يدخل بدون حتى ما يدق الباب.
. مرة مشيت لي حلة ..لقيت ليك ناس الحلة كلهم داخلين (واتس آب).
. خلوا حواشتهم ودخلوا (واتس آب).
. و….
. هسع يا ناس المريخ عشان نكون واضحين معاكم ..اي واحد عاوز يشوف كورة الهلال يمشي يدفع ليه اتنين مليون ونص.
. غير كدا ما بتشوف اي حاجة.
. تسمع بس بالخبر في اليوم التاني.
. يقولوا ليك الهلال غلب تلاتة.
. ونزار حامد جاب ليه قون ..يشهوك (القون).
. القون بدون ما يشوفوه يقولوا ليك (تسلل).
. طبعا اي واحد عندو كرت بزيد ليك الحكاية للزول الما عندو كرت.
. يقعد يحكي ويقص.
. يخترع ليه حاجات من رأسو.
. يقول ليك والله صلاح الجزولي جاب ليه قوون – نحن في الدوريات الاوروبية سنة ونص ما شفناه.
. ساكت ضيعنا وقتنا في الدوري الانجليزي.
. لو عارفين في حاجات بتحصل بالشكل دا في الدوري السوداني ..ما كان تابعنا الدوري الانجليزي.
. الدوري الانجليزي مع ناس صلاح الجزولي ديل نعمل بيه شنو؟.
. و…
. يا مريخاب قصر الكلام دا ..شوفوا ليكم (راديو) قديم ..واشتروا ليكم (4) حجار بطارية واقعدوا تابعوا (سيكافا) حقتكم دي.
. مجموعاتنا دي ..اوعكم تمشوا عليها.
. نحن بنلعب مع اندية كبيرة ..وانتوا بتطلعوا من دور ال (64).
. البخليكم تتابعوا مبارياتنا شنو؟.
. بعدين انتوا موش طلعتوا بدري ..خلاص نوموا بدري.
. ما تقعدوا تساهروا مع الناس الكبار.
. السهر دا خلوه للناس البلعبوا في المجموعات.
. ساكت عاملين لينا ازعاج في الفاضي.
. و…
. (جابت ليها مطر).
. نحن بكرة عندنا فهم برانا ..ح نطلع (العناقريب) من عصر بدري ..ونعمل الشاي في الترامس ..ونقعد نتجهز للمباراة.
. انتوا ح تجهزوا لي شنو؟.
. اكيد ح تجهزوا للغلاط.
. قالوا ليك فيصل سيحة ورضا مصطفى الشيخ ..من هسع بدربوا على قولة (تسلل).
. بنعرف في قولة خير.
. في التلفزيون في قولة تسلل.
. هسع الليلة تتخيلوا (سيحة) يقول شنو في برنامج عالم الرياضة؟.
. انا بتخيلوا (ينكت) ليه هدف لوليد طاشين سنة 1987 م ..عشان يقول لينا الهدف دا (تسلل).
. سيحة دا لو ما شايفة شينة …كان جاب هدف عبداللطيف بويا في (الحضري) وقال لينا الهدف دا تسلل.
. انا اول مرة اشوف لي هدف من (جبل جاري) يكون (تسلل).
. و….
. انتوا الشهر دا فيه كم يوم؟.
. شهر شنو يا زول؟.
. انت دخلت غلط تاني.
. احسن اطلع.
. و..
. وانتهى.

انقر هنا لقراءة الخبر من مصدره.