سودارس : طيران الحبيب تكعيب

القوة المشتركة تكشف عن مشاركة مرتزقة من عدة دول في هجوم الفاشر كامل إدريس يلتقي الناظر ترك ويدعو القيادات الأهلية بشرق السودان للمساهمة في الاستشفاء الوطني شاهد بالصورة والفيديو.. بأزياء مثيرة.. حسناء أثيوبية تشعل حفل غنائي بأحد النوادي الليلية بفواصل من الرقص و"الزغاريد" السودانية شاهد بالفيديو.. بلة جابر: (ضحيتي بنفسي في ود مدني وتعرضت للإنذار من أجل المحترف الضجة وارغو والرئيس جمال الوالي) اللجنة العليا لطوارئ الخريف بكسلا تؤكد أهمية الاستعداد لمواجهة الطوارئ حملة في السودان على تجار العملة اتحاد جدة يحسم قضية التعاقد مع فينيسيوس إيه الدنيا غير لمّة ناس في خير .. أو ساعة حُزُن ..! خطة مفاجئة.. إسبانيا تستعد لترحيل المقاول الهارب محمد علي إلى مصر من اختار صقور الجديان في الشان... رؤية فنية أم موازنات إدارية؟ المنتخب المدرسي السوداني يخسر من نظيره العاجي وينافس علي المركز الثالث الاتحاد السوداني يصدر خريطة الموسم الرياضي 2025م – 2026م إعلان خارطة الموسم الرياضي في السودان غنوا للصحافة… وانصتوا لندائها ترتيبات في السودان بشأن خطوة تّجاه جوبا توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! ميسي يستعد لحسم مستقبله مع إنتر ميامي تقرير يكشف كواليس انهيار الرباعية وفشل اجتماع "إنقاذ" السودان؟ محمد عبدالقادر يكتب: بالتفصيل.. أسرار طريقة اختيار وزراء "حكومة الأمل".. وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم "تشات جي بي تي" يتلاعب بالبشر .. اجتاز اختبار "أنا لست روبوتا" بنجاح ! "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" أول أزمة بين ريال مدريد ورابطة الدوري الإسباني أنقذ المئات.. تفاصيل "الوفاة البطولية" لضحية حفل محمد رمضان بزشكيان يحذِّر من أزمة مياه وشيكة في إيران لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر مصانع أدوية تبدأ العمل في الخرطوم خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين شرطة البحر الأحمر توضح ملابسات حادثة إطلاق نار أمام مستشفى عثمان دقنة ببورتسودان السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

طيران الحبيب تكعيب

كورة سودانية نشر في كورة سودانية يوم 01 - 06 - 2014

…و….
محمد عبد الماجد
طيران الحبيب تكعيب
الذي اعرفه ان لجمال الوالي رئيس نادي المريخ شركة مواصلات اسمها (افراس) للنقل البري.
البعرفها نقل (بري).
بقت (طيران) متين ما عارف؟.
لا اعرف ان كانت الشركة الي الان مملوكة لرئيس نادي المريخ ام انه حصلت مستجدات فيها فتعطلت او تبدل تخصصها ، خاصة بعد اختفاء سفرياتها من الموانيء البرية في السودان.
يمكن يكونوا (شطبوها) زي (موسى الزومة).
ويمكن يكونوا (اعاروها) زي (سعيد السعودي).
ويمكن يكون اجبروها على كتابة خطاب اعتزال زي (فيصل العجب).
والله اعلم.
انا هسع قلت حاجة غلط.
مرات الواحد وقت يكون سايق في (الكتاحة) بدخل ليه في عمود بالغلط.
يا جماعة دخلت لي في عمود.
و…
(دا هسع ما موضوعنا).
جمال الوالي امامه فرصة تاريخية ، وسانحة ذهبية ان حول هذه الشركة من تخصصها البري الي تخصص فضائي.
يعني جمال الوالي لو قلب شركة افراس للنقل البري الي شركة افراس للطيران فان نجاحها يبقى مضمون في ظل نجاحات الرجل في ان يجعل المريخ (طائرا) من كل بطولة او منافسة يشارك فيها.
ديل بطيروا اكتر من (الطيران) ذاتو.
حتى اني اصبحت اتخيل المريخ بجناحين.
المريخ في عهد جمال الوالي عمل ليه (اجنحة) عديل كدا.
بقى طاير على طول.
أبو القاسم عباس بن فرناس التاكُرنّي هو صاحب اول محاولة للطيران في العالم عندما قام بتركيب اجنحة في اطرافه ليطير الى ارتفاع معين ثم يسقط من علو ليكسر رقبته.
ابن فرناس دا اكيد عنده علاقة بالمريخ …الزول دا ما بستبعد يكون الجد ال (171) لبلة جابر او لجمال الوالي ليطير المريخ على ذلك النحو من اي بطولة يشارك فيها المريخ.
ديل البطولة يعملوها هنا في الخرطوم ينظموها ويختاروا الاندية التى يشاركوا فيها ويدفعوا ليها مليارات الجنيهات وبعد دا كلو يجوا يطيروا منها.
اها في (حمام) اكتر من كدا.
ديل من حب الطيران ليهم..غيروا اسم بطولة (سيكافا) عشان يتجاوزوا (الطيران) وسموها بطولة (حوض النيل) مفتكرين (الحوض) ما فيه طيران.
 لكن مع ذلك جماعتكم طاروا من (الحوض).
بطولة اسمها بطولة (حوض النيل) طاروا منها.
لوثتوا لينا موية النيل ساكت بي (طيرانكم) دا.
حرية للطيران.
بحيث ان يكون الطيران متاح للفريق في دور ال (64) في البطولة الافريقية او في دور ال (8) في بطولة سيكافا.
اول حاجة في اي بطولة يشارك فيها المريخ هو ان يأمن حكاية (طيرانو).
بمناسبة (الطيران) دا ..رأيكم شنو ندخل في فاصل غنائي مكرب كدا يلخص لينا الحكاية برمتها.
ابراهيم الكاشف شكل ثنائي مع علي المساح (لا بكتب ولا بقرأ) لا هو ولا الكاشف.
من اغنيات الكاشف الخالدة (انا يا طير محل ما تطير بشوفك).
ان شاءالله من (حوض النيل).
باسكال طبعا اتخصص في (الطيران).
شغال (طيران) صاح في الجماعة.
يطير فيهم من بطولة – بطولة.
نحن الهلالاب يا مريخاب لو طيرتوا لينا من (حوض النيل) ما بنرحمكم.
الكاشف غني من الاغنيات الخفيفة ( يا حبيبي قلب حاب رحلة بين طيات السحاب – وحدنا انت وانا).
الاغنية فيها (طيران) واضح.
بالمناسبة الكاشف هو اول من (حلق) فضائيا بالحب …وطلع من الحتة الضيقة دي.
الفنان محمد وردي اول اغنية قدمها كانت من كلمات اسماعيل حسن والحان خليل أحمد.
الاغنية مع بساطتها إلا انها قدمت الفنان محمد وردي بصورة جميلة كان ذلك بعد منتصف الخمسينات.
الاغنية فيها طيران واضح ايضا (يا طير يا طير).
هسع ديل قعدوا يطيروا لينا من اي بطولة يشاركوا فيها.
وردي غني لصلاح احمد ابراهيم (الطير المهاجر).
الفنان حمد الريح لعب في اشبال المريخ ولعب بعض المباريات مع الفريق الكبير ..وهو اكثر فنان استشهد بالطير في اغنياته.
بدابة من (انت كلك زينة وعائمة كالوزينة)…ثم انتقل من (الوزينة) الى القمري فكان (القمري فوق النخل فاقد الاهل) في رائعة سليمان عبدالجليل (الرحيل).
في اكثر من اغنية كان (القمري) حاضرا في اغنيات حمد الريح..كما جاء (الحمام) في اكثر من اغنية.
حمد الريح غني من الحقيبة (يلوحن لي حمامات) ..ثم غنى لاسحق الحلنقي (حمام الوادي) في المدرسة الحديثة.
حمد الريح ذهب ابعد من ذلك وغني حتى لطير الرهو وهي اغنية من كتبها اسماعيل حسن.
وغني حمد الريح لطير المشارق (بالله يا طير المشارق لو عرفت لهم اثر).
يعني حمد الريح دا ما خلى ليه (طيرة) في البادية السودانية او في حضرها.
وهو من غير شك قدم تلك الاغنيات في صورة فيها الكثير من الحسن والروعة …وبلغ عن طريق (الطيور) الي دواخل الناس ومس فيهم وتر حساس.
الراحل المقيم مصطفى سيد احمد عنده (والله نحن مع الطيور الما بتعرف ليها خرطة).
محمود تاور بدأ باغنية خفيفة وجميلة (طيري يا قمرية وركي في الزنكية).
في الاغنية السودانية ايضا الغناء للطير الخداري الذي غني له الفنان الراحل حسن عطية من كلمات عبدالرحمن الريح وغني له ايضا علي ابراهيم اللحو من كلمات اسحق الحلنقي.
احمد الجابري غني للطاؤوس (ملك الطيور) ..وغني سيد خليفة (ابني عشك يا قماري قشة قشة)..وغني العاقب محمد الحسن (غني يا قمري).
وغني مجذوب اونسة (جيت أوادعك ياقماري ماخلاص شديت رحالي).
يلا امشوا.
انتوا تعالوا التاء المربوطة ممكن تكون في نص الكلمة.
تاء شنو يا زول.
ألحق دخلت غلط.
اطلع من الشارع دا.
و…
انتهى.

انقر هنا لقراءة الخبر من مصدره.