سودارس : البرازيل من غير نيمار (يوغندا) عديل كدا

مناوي: المدن التي تبنى على الإيمان لا تموت الدعم السريع يضع يده على مناجم الذهب بالمثلث الحدودي ويطرد المعدّنين الأهليين وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد) مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. حكم راية سوداني يترك المباراة ويقف أمام "حافظة" المياه ليشرب وسط سخرية الجمهور الحاضر بالإستاد شاهد بالفيديو.. مودل مصرية حسناء ترقص بأزياء "الجرتق" على طريقة العروس السودانية وتثير تفاعلا واسعا على مواقع التواصل بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

البرازيل من غير نيمار (يوغندا) عديل كدا

تقارير و مقالات نشر في كورة سودانية يوم 09 - 07 - 2014

…و….
محمد عبد الماجد
البرازيل من غير نيمار (يوغندا) عديل كدا
…و
اعد احضر في المباراة …جاء الهدف الاول ..قلت معقولة البرازيل تتغلب في ارضها.
معقولة المانيا تسجل في البرازيل هدف.
اكيد انا بحضر بالغلط في (طيور الجنة).
دي ما الكورة.
وانا بي حسن نية ..وبي كمية من الوفاء والاخلاص ما عارف ان البرازيل سوف تستقبل كمية من الاهداف.
قفة من الاهداف.
شوال اقوان.
المباراة يا ريت لو وقفت في الواحد.
يا ريت لو وقفت في التاني.
يا ريت لو وقفت في الخامس.
يا ريت لو وقفت في السادس.
و…
(اكمل).
انا هسع بكتب في العمود والنتيجة 7 / صفر…والساعة واحدة صباحا.
7 / واحد.
دي زي شنو دي؟.
اوصفها ليكم كيف؟.
اقول ليكم شنو؟.
اجيبها ليكم في ياتو قفة.
انا غلبتني عديل.
كمونية البرازيل دي في السحور كيف؟.
في زول بتسحر بي كمونية.
لكن عشان امشي معاكم خطوة – خطوة ..وقت الالمان جابوا الهدف التاني ..غيرت النضارة.
و…
(اتذكرت).
قلت يمكن تكون المشكلة في (النضارة).
مرات (النضارات) بتجيب ليها نتائج من رأسها.
طلعت (النضارة)..رغم اني ما بلبس نضارة…(اصلا ما عندي نضارة).
لكن مع ذلك عملتها.
طلعت (النضارة)..وانا اصلا ما لابس نضارة…(قلت اجرب).
اعمل شنو؟.
الزول برضو (بتلخبط).
الهدف التالت جا.
(اتقونعت) ..وقلت اكيد المشكلة ما في (النضارة).
قعدت افكر.
عاوز اشوف لي (شماعة).
اي حاجة كدا اقنع بيها (الاولاد).
بكرة قناة (كوتفانر) البرازيلية ح تضرب لي ..وح تقول لي رأيك شنو في خسارة البرازيل.
وانا ح اقعد احلل ليهم…وانظر.
لازم القي ليهم (مبرر).
مبرر اعمل بيه شنو؟..وهو اصلا ما في قناة اسمها (كوتفانر).
انت بتقطع ليك حاجات من رأسك ..وتقعد تتخيل لينا اشياء كدا ..وتزحم لينا بيها (المقرر).
في حاجات بدخلوها في مقرر الجغرافيا بدون اي داعي.
طلعت افكاري الكعبة من رأسي..قلت افكر لي في حاجة تانية.
الزول مرات بتلخبط في (عيونو).
الهزائم الكبيرة دائما ..بتلخبط الزول في عيونو.
مشيت فتحت التلاجة ..قلت اشرب لي (ليمون).
الليل اتقسم.
يمكن المشكلة من (التلاجة).
فتحت ليك باب التلاجة بصورة (فظيعة).
جون سينا ما بفتح تلاجتهم كدا.
انا وقت (اغضب) بتعامل بعنف مع التلاجة.
لكن تتخيل (التلاجة) عندها علاقة بالهدف الثالث.
يمكن دا (الصيام).
لكن ناس البرازيل ديل ما بصوموا.
فاطرين ..وما عندهم مشكلة.
يمكن المشكلة فيني انا.
يمكن الصيام خلاني اتخيل حاجات ما عندها اساس من الواقع.
قطعت ليك (جك) الليمون.
الهدف الرابع جا.
تكون المشكلة في (الليمون).
الايامات دي في ليمون حايم في الاسواق مضروب.
رجعت الجك للتلاجة.
الهدف الخامس جاء.
بس قلت الحكاية كملت.
لقيت ليك (الشماعة).
الزول الرشه (الملعب) منو؟.
يكون في واحد رشه الملعب.
الخمسة دي ..نحن مجربنها.
خلاص لقيت لي (منطق) قاعد في الباب.
بكرة لو ناس اذاعة (سنوفيتر)…الالمانية ضربوا لي تلفون ..عشان اتكلم ليهم عن العمود دا ..بقول ليهم المشكلة في (الملعب).
في (رشوشة) ظهرت في الملعب.
رشوشة شنو؟..يا زول انت بتقطع ليك حاجات من رأسك.
اصلا ما في زول رشه الملعب.
ومافي في الاساس اذاعة المانية اسمها (سنوفيتر).
ما تقعد (تخمنا) ساكت.
بعدين الاذاعة الالمانية ح تتكلم معاهم كيف ؟..وانت ما بتعرف الماني.
ح اتكلم معاهم بي الماني شندي.
والماني شندي كيف؟.
الماني شندي ..تقعد توصف ليهم بالاشارة..وهم يتموا الباقي (ذكاء).
موش بقولوا اللبيب بالاشارة يفهم.
ديل برازيليين شنو؟.
في نص ساعة يتغلبوا 5 / صفر.
انا ذاتي من شفت ليكم (اسكار) حايم في قندهار ويضرب في (الشية) قنعت ليك من نتيجة المباراة.
المعسكر الظاهر كان مفكوك.
شوف عيني اسكار حايم في سوف قندهار.
نحن ساكت قاعدين نهاجم في ناس بلة جابر..وموسى الزومة ..وبدرالدين قلق.
وعشان المريخاب ما يزعلوا ..نضيف ليكم (الشغيل).
عشان الشغيل اصلا جاء من المريخ.
شفتوا (الفهم) دا كيف؟.
بعدين انتوا عاوزنهم يغلبوا كيف ومارسيلو قاعد يشرب في (الشيشة) في سوق سعد قشرة.
برازيل شنو؟.
البرازيل دا كانت زمان ..زمن جكسا وصديق منزول ..وامين زكي.
اول ديل برازيليين.
بكونوا ..كورتهم دي ما كورة بلدنا دي.
الهدف السادس جاء.
قلت اكيد ..ناس الجزيرة ديل غشوني.
ناس (بي ان) غشونا ..باعوا لي (كرت) مغشوش.
المشكلة تكون من (الكرت).
مرات (الكرت) بقطع ليه حاجات من رأسو.
مرة قاعد احضر في مباراة المانيا والبرتغال …شفت ليك (خليفة) حايم في المباراة.
يشيل ويطلع في الكشافات.
قلت دا شنو؟.
خليفة الجابو هنا شنو؟.
نحن خليفة هنا في ام درمان عندنا فوقو رأي ..كمان خليفة عاوز يظهر لينا في مباراة المانيا والبرتغال.
طلعت (الكرت) من الجهاز ورجعتو تاني.
اشوف ليك (الشغيل).
قلت انتوا (الكرت) دا جنّ؟.
شوية كدا ..قلت لازم اشوف لي حل للطريقة دي.
الموضوع دا ما فيه اي منطق.
لازم يكون في غلط في حاجة.
قعدت اتابع في (سلك) الجهاز.
سلك (الريسفير).
عارفين لقيت شنو؟.
لقيت ليك سلك الريسفير بدل ما يكون موصل في (الطبق) طلع موصل في (انبوبة الغاز).
عشان كدا بدل الريسفير ما يجيب لينا ناس رونالدو ..جاب لينا ناس (الشغيل).
قطعت السلك.
هسع بعد الهدف السادس ..اتقينت انو كرت الجزيرة مغشوش.
يكون (الكرت) دا ملخبط بي (اسكراتش).
مشيت النادي ..طلعت من البيت ..الهدف السابع جا.
قلت ليهم اخير كرتي.
انتوا كرتكم (مصرج) عديل دا.
اتقونعت ..ومشيت البيت …طلعت الكرت من الجهاز ورجعتو تاني.
موش مرات وقت الصورة بطش ..بتقوم تطلع الكرت وتطلعو.
وبتعمل فيها حريف كمان ..(تنفخ) الكرت في ركنو.
رجعت الكرت..البرازيل جابت قون.
قلت اكرر العملية تاني..اطلع الكرت وارجعو.
المباراة انتهت.
يا ريت لو عملت الحركة دي من الدقيقة السابعة.
كانوا هسع اتعادلوا مع المانيا.
ساكت (مُصت) ليكم النتيجة يا ناس البرزايل.
لكن بالجد كدا.
منتخبكم دا يا اسكولاري بدون (نيمار) ما عندو اي فرق من منتخب (يوغندا).
خامننا ساكت ..البرازيل ..البرازيل ..البرازيل.
والله النتيجة دي مفروض تقيّل (كامبوس) ذاتو.
ما عاوزين لينا اي برازيلي هنا.
سيرجيو ذاتو شافوا ليه (شنطتو)..وقالوا ليه اتخارج من هنا.
تاني ما القي برازيلي حايم في البلد دي.
كفاية علينا ناس خليفة وبلة.
كورتنا دي بي (باميتها)..ما بتصل للسبعة.
عمليتكم دي يا ناس البرازيل …ناس المريخ ما بعملوها.
تقول لاعبين ضد (الوحدات).
و…
السحور دخل.
الواحد يقوم يشرب ليه (بيبسي).
الدخل البيبسي مع السحور شنو؟.
ألحق اطلع سريع.
الجماعة ديل ما يفهمونا غلط.
طلعنا.
و…
انتهى.

انقر هنا لقراءة الخبر من مصدره.