سودارس : تهنئتكم للالمان افضل ليكم من كأس مانديلا

العراق ثامن المنتخبات العربية في المونديال المذيعة تسابيح مبارك تعبر عن حزنها لإغتيال القيادي بحكومة تأسيس: (شاب هميم التقيته في نيروبي ويحمل جواز سفر أميركي ما يعني أن لديه فرصة أخرى في الحياة) 5 تصرفات تتسبب فى تدمير العلاقة العاطفية.. أخطرها سؤال أنت فين دلوقتى؟ "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر الدولار يتراجع مع تصاعد توقعات التهدئة في الشرق الأوسط القبض على أمريكى هدد 8 مرات بقتل ترامب إحالة رئيس الأركان السوداني للتقاعد بالمعاش بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" ميسي ورونالدو على رأس أساطير التهديف في الدوري الإسباني شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها مفاجآت عمرو دياب لجمهوره التركى فى أول حفل له أغسطس المقبل ريهام حجاج : كممثلة لا أهتم بالمظهر بقدر اهتمامى بصدق الشخصية أدوية منسية في المنزل قد تهدد صحة العائلة.. تخلص منها فورا نوع نادر من السرطان.. ما هو التليف النخاعى؟ 5 نصائح للوقاية من جرثومة المعدة سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) اللجنة الإقتصادية العليا تصدر عدداً من القرارات المهمة لتحقيق استقرار سعر الصرف الصحفية عائشة الماجدي: (لاحظت في الخرطوم مجموعة من الناس نشطة عايزة تبيع بيوتها وفي كمية عرض بيوت للبيع ما طبيعية) بالفيديو.. شاهد ماذا قالت الفنانة توتة عذاب عن أغنيتها التي تصدرت "الترند" في الوطن العربي؟ وتوجه رسالة للمطربة بلقيس فتحي والممثلة إيمي سمير وزير التربية يدشن استلام الدفعة الثانية من كتب الصف الاول الثانوي للولايات "معاناة 5 سنوات".. برشلونة يتلقى نبأ سارا من رابطة الليجا شاهد بالفيديو.. علاء الدين نقد يدخل في حالة بكاء هستيري في سرادق عزاء القيادي بحكومة "تأسيس" أسامة حسن الأمم المتحدة تفتتح مقرها بالخرطوم شبكة أطباء السودان .. قوة تتبع للدعم السريع اقتحمت مستشفى الأسرة بمدينة نيالا واعتدت علي الكوادر الطبية كانتي.. منذ أن كان حلمًا في أعين الهلالاب السودان.. وفاة لاعب كرة قدم محمد عبدالقادر يكتب: شهادة البوشي.. و"فضيحة صمود " قرارات لجنة المسابقات باتحاد الكرة الدامر وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. زيادة مخيفة للإصابة بالضنك في 7 ولايات السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تهنئتكم للالمان افضل ليكم من كأس مانديلا

تقارير و مقالات نشر في كورة سودانية يوم 18 - 07 - 2014

….و….
محمد عبد الماجد
تهنئتكم للالمان افضل ليكم من كأس مانديلا
. …و
. امس قاعد افكر.
. بفكر في (فكرة) يكون عندها علاقة بي الشيء البنعمل فيه دا.
. لاحظوا اني كتبت السطر الرابع والى الان ما جبت سيرة (جمال سالم).
. ولا عاوز اقول فيه شيء.
. ولا بالغلط كدا.

. لكن تحت – تحت قالوا ليك هلال التبلدي جاب ليك قون في جمال سالم من بلاد السند العظيمة.
. قالوا ليك لمن الناس فتروا في (الشوف).
. وقعدوا يدعكوا في عيونهم.
. بين انهم يصدقوا وانهم ما يصدقوا.
. بين – بين.
. و…
. (اكمل بس).
. الافكار مرات بتطير من رأسي.
. رأس بدون (افكار) ببقى زي المطر البدون مطر – ما في اي داعي يسموها (مطرة).
. هي اصلا ما في مطرة.
. او العنقريب الما فيه لحاف ..مخدة ما فيه.
. عنقريب (سليقة) ساكت.
. الغلاط في المطرة بكون للصباح.
. والعجب لو كان الغلاط في (عنقريب).
. يبقى غلاط مسيخ وما عندو اي طعم.
. الناس تتغالط ..وقت يفتروا من الغلاط يقبلوا على الحكومة.
. يكملوا كلامهم في الحكومة يقبلوا ليك على بلة جابر.
. يعملوا ليك في بلة جابر عمايل – ما حصلت.
. بس فلاحتكم في بلة.
. اثناء التفكير الناري دا – جاءت فكرة حايمة بي هنا.
. عاوزين تعرفوا الفكرة شنو؟.
. قريت لي خبر عن المريخ.
. قلت ديل يا ربي عاوزين يعملوا شنو؟.
. عاوزين يعملوا ليهم (مقصورة) تانية.
. عندهم شنو الجماعة ديل؟ – جمال الوالي زعل واستقال ورجع …(موضوعكم واحد).
. ما في اي جديد في الحتة دي.
. لا في جديد في الزعل.
. ولا في جديد في الاستقالة.
. ولا في جديد في العودة.
. حنك محفوظ.
. زي موضوع الزول البكون عاوز يعرس ..تلقاه من عندو كلام غير (العرس).
. يشوف ليه (فحم) يقول ليك الفحم عمل كم؟.
. يشوف ليه (سكر)..يقول هسع العرس عاوز ليه كم شوال سكر؟.
. يشوف ليه (تلج)..يقول والله التلج لو بتخزن ..كان الواحد اشترى التلج من الان.
. و…
. (اتذكرت).
. انتوا تعالوا هنا.
. عاوز اسأل سؤال ..حارسكم اليوغندي دا وقت بتجي فيه اقوان من (السنتر) مجنسنو ليه؟.
. فرقو شنو من اكرم الهادي سليم؟.
. على الاقل اكرم احسن القون من النص بيجي فيه من الاردن.
. اقصد في الاردن.
. لكن زولكم اليوغندي دا استلم الجنسية السودانية وجاء فيه قون من (السنتر).
. خسارة جنسية بس.
. خرب لينا الجنسية ساكت.
. ما تزيدوا لينا البلد (شعيرية).
. كفاية علينا الشعيرية العندنا.
. عليكم الله البلد ناقصة (شعيرية).
. جمال سالم دا ما عاوز اقول عنو حاجة.
. ولا عاوز اعلق – خشمي عندي.
. اثناء الافكار الحايمة دي قلت ليكم قريت لي خبر.
. يقولوا ليكم الخبر الف مرة.
. قريت في موقع (الزاوية) هذا الخبر : (أرسل نادي المريخ تهنئة للسفارة الالمانية بالسودان بمناسبة فوز الماكينات الالمانية بكأس العالم 2014 ، وحسب ما ذكر الموقع الرسمي لنادي المريخ فإن التهنئة قدمت باسم رئيس نادي المريخ جمال الوالي ، وتمنى المريخ لالمانيا مزيدا من التقدم في المجالات الرياضية ، واشار الموقع الرسمي للنادي الاحمر الى ان التهنئة تأتي في إطار تأكيد تواصل للمريخ ودوره الكبير مع مختلف الجهات المحلية والخارجية).
. الالمان انتهوا.
. الالمان راحوا فيها.
. قال شنو قال وتمني المريخ لالمانيا مزيدا من التقدم…(خلاص الالمان ضاعوا).
. شوفوا الجماعة ديل يطلعوا من دور ال (64) من البطولة الافريقية ويهنوا بي عين قوية كدا المنتخب الالماني.
. عليكم الله دي يقولوا عليها شنو؟.
. هسع دي ما فياقة.
. ناس بطيروا من (سيكافا).
. بنظموا سيكافا …وبطيروا منها.
. وبعد دا بمشوا يتشابروا ويهنوا المنتخب الالماني الفائز ببطولة كأس العالم.
. بهنوه في وضح النهار.
. طيب كان تعملوها في السر – بدل ما تنشروها في موقع نادي المريخ.
. الناس بضحكوا عليكم.
. انتوا البتطيروا من (التمهيدي) بتعملوا كدا – طيب الهلال يعمل شنو؟.
. نرسل ليهم وفد بقيادة عضو مجلس ادارة عشان يقدم ليهم التهنئة.
. يا جماعة قولوا كلام غير دا.
. لو ناس الفيفا جاءهم خبر بالتهنئة دي ..ح يسحبوا من الالمان (الكأس).
. عليكم الله ما توسخوا ليهم الكأس.
. بعدين انت يا جمال الوالي موش عامل فيها (زعلان).
. موش قلت انا مستقيل.
. ليه بترسل تهنئة بي اسمك من نادي المريخ للسفارة الالمانية في الخرطوم.
. دي حركات جديدة.
. ولا كمان دا كسير تلج (عالمي).
. طبعا انتوا لو ما عملتوا كدا – ما تبقوا (المريخ.
. عشان دا حالكم ..تحبوا كسير التلج زي عيونكم.
. هسع في داعي تكسروا تلج للالمان ديل.
. وفي رمضان كمان.
. ودا كلو كوم.
. والقون الذي اتسجل في (جمال سالم) كوم براهو.
. قالوا ليك القون جاء من حتة قربت تكون برة الكرة الارضية.
. طيب انت يا كابتن جايبنك البلد دي ليه؟.
. ومسكننك في شقة.
. وبصرفوا ليك بالدولار.
. ومجنسنك.
. عشان يجيبوا فيك قون من النص.
. طلعت يوغندي اي كلام.
. لكن انا هسع ما عاوز احكم على الحارس دا.
. وما عاوز اقول عنو اي شيء.
. ولا اعمل عنو اي تلميحات.
. خشمي وعندي.
. بس انا عاوز اتكلم عن (التهنئة) دي.
. المريخ يهئني الالمان بالفوز بكأس العالم.
. يمكن المريخاب يقوموا يحسبوا لينا فيما بعد (التهنئة) دي بطولة.
. يقوموا يقولوا لينا دي تهنئة جوية.
. ويعملوا ليها احتفال كمان.
. وان جينا للجد تهنئتكم دي افضل ليكم من كأس مانديلا.
. دي تهنئة بي كأس العالم.
. وتهنئة كمان للالمان.
. يعني حاجة ما ساهلة.
. يا ربي الكتب التهنئة منو؟.
. إلّا تجيبوا حسن محجوب – هو الزول الوحيد البعرف الماني في المريخ.
. لو جبتوا ليكم هلالابي عشان يكتب ليكم التهنئة بقوم يمقلبكم.
. الهلالابي بقوم يكتب ليكم شتيمة.
. يشتم ليكم الالمان ويقول ليكم دي (تهنئة)..وانتوا طبعا بتصدقوا.
. عشان كدا اضمن ليكم حسن محجوب.
. لو ما لقيتوا حسن محجوب جيبوا ليكم زول يرسم ليكم التهنئة.
. ما ضروري تكتبوها عديل.
. رسمة كفاية.
. و…
. اقول ليكم حاجة.
. يا رمضان ..انتوا دي فاتتكم كيف؟.
. اول الشهادة السودانية عمل معاه الزميل نصر حامد في صحيفة (اليوم التالي) وحوار وقال انو (هلالابي).
. يعني الكلام دا طلع من جريدة مزمل ابوالقاسم ذاتو.
. والعمل الحوار ذاتو مريخابي.
. عشان تعرفوا اي زول بجي (الاول) هلالابي.
. اضمن ليكم العشرة الاوائل كلهم ما يكون فيهم (مريخابي).
. ان عصرتوا علينا شديد بطلع موردابي.
. يا ناس الهلال كرموا عبدالجبار احمد عبدالجبار الزول دا هلالابي بكاتل.
. زي كأنو شرط اي زول عاوز يجي الاول – لازم يكون هلالابي.
. عقدتوا المريخاب.
. اصلو كدا اي زول شاطر وفطن ..ودمه خفيف كمان ..بكون هلالابي.
. جابوا اي زول جاء الاول في امتحانات الشهادة السودانية لو ما طلع هلالابي تعالوا لوموني.
. هسع مامون ابوشيبة يقوم يشكك في النتيجة.
. ويقوم كمان يقول لجنة التصحيح في (15) درجة ما حسبتها لطالب مريخابي كان يمكن اي يأتي الاول.
. اقول ليكم حاجة ..شوفوا (سيحة).
. شوفوا سيحة بقول ليكم عبدالجبار أحمد عبدالجبار دا عندو (درجة) تسلل واضح.
. تسلل ما في شك.
. لكن بالجد كدا جمال سالم بالغ.
. بالغ عديل كدا.
. و…
. الليلة اليوم دا مالو مسخن من الصباح؟.
. يوم شنو يا زول؟.
. اطلع سريع واتخارج.
. و…
. وانتهى.

انقر هنا لقراءة الخبر من مصدره.