سودارس :

السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان بعد غياب 8 سنوات.. عبلة كامل تعود وتثير ضجة ب"إعلان" في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا لو ليك فى الرومانسى.. لا تفوت هذه المسلسلات فى دراما رمضان 2026 كاكا قال لدوائر فرنسية إنه يتوقع إنهياراً وشيكاً لقوات التمرد السريع اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج قرارًا جديدًا لوزير التعليم العالي في السودان عقوبة مالية على الإتحاد وإيقاف عضو الجهاز الفني لنادي المريخ الجيش يفشل هجومًا عنيفًا لميليشيا الدعم السريع والي النيل الأبيض يشيد بالليلة الثقافية الأولى لهلال كوستي (ده ماهلالك ياهلال؟؟) مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

*…و….*
محمد عبدالماجد
*الما شاف المجموعات بتخلعو سيكافا*
. …و
. قالوا ليك في (عريس) جاء من برة – ابوها طوالي قبضو خطب ليه بنت اخوه.
. قال يثبتو قبل ما يدخل (فيس بوك).
. بنت اخوه دي اتقدموا ليها (21) عريس اول ما شافوها فسخوا الخطوبة –
كلهم هاجروا والي الان ما رجعوا.
. المشى استراليا – والمشى روسيا – والمرقها للهند.
. الزول الما هجار فيهم قال احسن يقضي الخدمة الالزامية (بدل ما يفكر في
العرس الان).

. طبعا في ناس من تجيب ليهم سيرة العرس يقولوا ليك (ورانا شنو نحن).
. بدري علينا.
. زولة ما عاوز اقول ليكم ما (سمحة) – لكن مفروض يوزعوا معاها (صبارات)
موية.
. تقطع الخميرة من العيش.
. عمكم الكبير قال ما في زول مجبور يغطي قدح بنت اخوي دي غير ولدي.
. ولدو كان برة البلد (17) سنة يعني ما عارف اي حاجة عن بنت عمو دي.
. وبنت عمو في (الواتس آب) واضعة صورة (آيشواريا راي) – وكلامها رقيق
وعباراتها رومانسية – صاحبكم ما عارف الصورة صورة (آيشورايا) والحالة حالة
(ميلا).
. شنة مرة.
. عطفا على هذه (الشنة) اهل العروس وابو العريس ما كانوا عاوزنو يشوف
(العروس) قبل ما يعقد.
. ابو البنت قال ليه نحن ما عندنا عروس بشوفوها قبل (العقد) – نحن ناس
صعبين – نحن حركات ناس الخرطوم دي ما بتنفع معانا.
. ابو البنت طبعا معذور ومجرب (الشوفة) اي عريس شاف بنتو – اليوم التاني
سافر ليبيا.
. شفتوا ليبيا بي جوطتها دي اخير ليهم من (العقد).
. ود العم – العريس قدر ما حاول يشوف العريس ما ادوه فرصة – وهو اخيرا
اقتنع بالموضوع وقال وقت الزولة دي واضعة صورة (آيشواريا راي) رأي لو شينة ما
بتطلع اقل من (نشوى مصطفى).
. طبعا نشوى مصطفى ما عندها اي ذنب بي سيكافتكم دي.
. العريس المسكين قعد يجهز في الحاجات ويحضر فيها ويجيب في الغالي
والنفيس للعروسة.
. ناس الحلة شايفين الحاجات البعمل فيها العريس دي كتيرة على (عروسهم)
دي.
. وما قادرين يقولوا ليه حاجة.
. وزلكم فرحان.
. يوم قابلو ليك (الدغيل ود الاتر) زول صريح وما بحب اللف والدوران
..شايف العريس بعمل في حاجاتو دي وما عاجبو الوضع.
. اول ما قابلو ليك قال ليه انت تعال هنا جايب لي حفلتك منو؟.
. العريس مغترب وفرحان وعندو قروش ..قال ليه جايب (الكابلي).
. الدغيل ود الاتر – اتهجم لينا في البرش – قال ليه جايب الكابلي مرة
واحدة – الموضوع ما بستاهل…انت عندك (قناة) جايب الكابلي لي شنو؟.
. العريس ما عجبو الكلام – قال ليه كيف يعني ما بستاهل – الزول بعرس مرة
واحدة – انت قصدك شنو؟.
. واحد من ناس الحلة لحق ليك (الدغيل ود الاتر) لكدو ليك ..(المعني ما
تخرب على بنت الناس).
. الدغيل ود الاتر قال ليه ابدا – بس الايام دي ايام مطر والظروف ما
معروفة جيب ليك (فنان) شاب كدا عشان لو الحفلة طرشقت بسبب الامطار ما تكون
خسرت حاجة.
. العريس قال ليه يعني اجيب طه سليمان.
. الدغيل ود الاتر قال ليه والله الموضوع دا ما بستاهل (طه
سليمان)…انت عاوز تسجل (اغاني اغاني).
. العريس هاج ليك في (الدغيل ود الاتر) كيف يعني ما بستاهل؟.
. الدغيل قال ليه ابدا بس (المطرة) والطقس ما معروف الايامات دي.
. العريس قال ليه يعني اجيب (طلال الساتة).
. الدغيل ود الاتر قال ليه والله طلال الساتة كيتر على موضوعك دا…انت
قايل طلال الساتة ساهل.
. يا زول انت ما تتكلم كويس.
. الدغيل قال ليه ابدا – بس خايف ليك من المطر…وخايف ليك من الخسائر.
. العريس قال ليه اجيب لي فنان من فنانين (نجوم الغد) يعني.
. الدغيل قال ليه انت قايل فنانين نجوم الغد ساهلين.
. العريس قال ليه اجيب واحد من شباب المراكز ديل.
. الدغيل قال ليه اقل من كدا شوية؟.
. زول من الحلة يعني يا الدغيل.
. الدغيل قال ليه والله لو لقيت ليك فنان اقل من كدا احسن.
. العريس قال ليه اقل من كدا كيف ؟..يعني بعد كدا ما اعمل حفلة.
. الدغيل قال ليه والله لو ما عملتها احسن ..عندك عروسة – اقصد المطر –
المطر يا اخوي وانا خايف عليك من الطقس.
. و…
. (اكمل ليكم).
. العريس طلع على كدا – في الشارع التاني قابلو ليك (الشفيتر ود الموية)
لابس ليه عراقي قديم وسفنجة من سنة تسعين ما طلعها من كراعو.
. الشفيتر ود الموية بتاع بهائم – عارف الاسعار وعارف اللحمة السمحة –
شاف ليك العريس قال ليه انت عاوز تضبح شنو في دعوتك؟.
. العريس قال ليه عاوز اضبح لي تور وعجل و5 خرفان وعنبلوك.
. الشفيتر ود الموية شايف العروس – قال ليه يا زول الموضوع ما بستاهل –
بهايمك دي كتيرة على الموضوع دا.
. العريس قال ليه يعني ننقص الخرفان نضبح تور وعجل و4 خرفان وعنبلوك.
. الشفيتر ود الموية – قال ليه الشيء دا كتير.
. نضبح تور وعجل و3 خرفان وعنبلوك.
. الشفتير ود الموية قال ليه حاجاتك دي كتيرة – انت اصلا عامل ليك عرس
جماعي ..البهايم دي كتيرة.
. العريس قال ليه نضبح تور وعجل و خروفين وعنبلوك.
. الشفتير ود الموية قال ليه برضو كتيرة.
. العريس قال ليه طيب تور وعجل وخروف وعنبلوك.
. الشفتير قال ليه كتيرة – كتيرة والله.
. العريس قال ليه نضبح تور وعجل وعنبلوك.
. الشفتير (شايف العروس)..قال ليه كتيرة – كتيرة يا زول.
. العريس قال ليه نشيل العجل يعني ونضبح تور وعنبلوك.
. الشفتير ود الموية قال ليه كتيرة.
. العريس قال ليه نشيل (العنبلوك) يعني ونضبح (التور).
. الشفيتر ود الموية قال ليه انت ليه ما تشيل (التور) وتضبح
(العنبلوك)…الواضح ما فاضح.
. العريس قال ليه لكن (العنبلوك) ما شوية.
. الشفتير ود الموية قال ليه ما شوية – والله يوم العرس تشكرني على
نصيحتي ليك…لو جبت ليك (ديك) يكون احسن.
. العريس طلع من الشفتير ود الموية قابلتو ليك في الشارع التالت (نفيسة
خشم الباب) ..قالت ليه تعال هنا يا العريس عملت شنو في عرسك؟.
. قال ليها والله يا نفيسة خشم الباب لسع بلقط في الحاجات.
. نفيسة خشم الباب دخلت ليه طوالي في الموضوع وقالت ليه اها جبت الشيلة
كم؟.
. قال ليها (12) قطعة – (12) قطعة.
. نفيسة خشم الباب قالت ليه انت الظاهر عليك صورة (آيشواريا راي)
الواضعها عروسك في الواتس آب خدعتك يا زول الموضوع ما بستاهل كل هذه الشيلة.
. العريس قال ليها يعني نجيب الشيلة 10 – 10.
. نفيسة خشم الباب قالت ليه كتيرة.
. العريس قال ليها 8 – 8.
. نفيسة خشم الباب قالت ليه كتيرة.
. العريس قال ليها 6 – 6.
. نفيسة قالت ليه كتيرة.
. العريس قال ليها 4 – 4.
. نفيسة قالت ليه كتيرة – يا زول الزمن بقى صعب.
. العريس قال ليها يعني نجيب الشيلة اتنين – اتنين.
. نفيسة قالت ليه كتيرة.
. العريس قال ليها كتيرة كيف يعني نجيب للعروس قطعة – قطعة.
. نفيسة قالت ليه والله لو ما جبت حاجة يكون احسن…يا زول الموضوع ما
بستاهل.
. الشيلة ما في ليها اي داعي.
. العريس طالع من نفيسة خشم الباب لاقتو ليك (العروس) طالعة من البيت.
. العريس شاف ليك العروس اتصدم ودخل في حالة هجرة تامة وقال ليها والله
انت (عنبلوك) كتير عليك.
. اها يا ناس المريخ فهمتوها.
. من قبيل عاوز اقول ليكم الحقيقة.
. والله سيكافا حقتكم دي (عنبلوك) كتير عليها.
. اوعى اعلام المريخ يغشكم – ويقوم يهود بيكم ساكت.
. و…
. انتوا تعالوا هنا اسعار (الزيت) حاصل فيها شنو؟.
. زيت شنو يا زول؟.
. ما تتكلم في الزيت – اتخارج احسن.
. يقوموا يفهموا كلامك (اعلان باريس) ساكت.
. احسن تطلع.
. و..
. والما وصل مرحلة المجموعات بتخلعوا (سيكافا).
. انتهى.

انقر هنا لقراءة الخبر من مصدره.