قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة    اختبار نسخة مدفوعة جديدة من "إنستغرام"    "آبل" تستعد لإطلاق أول آيفون قابل للطي    النفط ينخفض 1% بعد تقرير ترامب إنهاء حرب إيران    "يغفر الله للجميع إلا باجيو!".. مأساة اللاعب الذي مات واقفا – فيديو    عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية    قرار لحكومة السودان بشأن معبر أدري    قيادي بحزب المؤتمر الوطني يحسم جدل مثير    صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم*    عثمان ميرغني يكتب: فساد.. الفساد..    والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي    جهاز المخابرات العامة يدشن مبادرة العودة الطوعية للاجئين السودانيين من مصر    إكتمال فتح الطرق والشوارع الداخلية بمنطقة وسط الخرطوم    ارتفاع جديد في أسعار الوقود بالخرطوم    شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة    شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية    الهلال يواجه أُماجوجو لتوسيع فارق الصدارة    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    الأهلي يخسر من ساردية بدوري شندي    (أماجوجو والنقطة 54)    برشلونة يتلقى دفعة معنوية قبل مواجهة أتلتيكو مدريد    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    كريم عبد العزيز وفريق مطلوب عائليا يبحثون عن دولة أوروبية للتصوير الخارجى    أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف"    أيهما أكثر فائدة القهوة أم عصير البرتقال صباحًا.. والكميات المناسبة    آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا    فصيلة الدم تكشف احتمالية الإصابة بالسكري    السيسي للرئيس ترامب: لا أحد يمكنه وقف الحرب في المنطقة إلا أنت    "فيفا" يتّخذ موقفًا حازمًا بشأن مشاركة إيران في كأس العالم    مصر.. الدولار يقترب من 54 جنيها لأول مرة    سارة بركة: أحمد العوضى مجتهد بشكل كبير وبيحب شغله جدا    اختيار غير متوقع لمستقبل "الملك المصري"    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    بسبب ضعف الراتب.. وزير الثروة الحيوانية بالسودان يبحث عن عمل إضافي    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    السكوت على هذا الأمر لا يرضي الله ولا رسوله!!    ارتفاع أسعار الذهب في السودان    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مزلقان باسكال ...تراوري (3) مدافعين ما بثبتوه شوفوا ليه (3) تسعات
قوون نشر في قوون يوم 11 - 03 - 2013

ممكن تحصل شيء واحدة...هنا ...وهناك ..ويكون الاحساس مختلف ، مع ان الامر الذي حدث لا اختلاف فيه.

المكان عنده شروطه واحساسه ..وسلطته...وبفرض طقوسه بكل تفاصيلها.

بعيدا عن هذا وذاك ...(الامكنة) اكثر وفاء ، واخلاصا من (الازمنة) ..الزمن بتغيّر ..لكن المكان يبقى يمنحك الاحساس الذي اعطاك له في المرة الاولى.

قديما كتب فاروق جويدة ..(العطر ..عطرك ..والمكان هو المكان لكن شيء قد تكسر بيننا لا انت انت ولا الزمان هو الزمان).

في قول جويدة هذا اثبات على تغيّر الشخص وتغيّر الزمن ...(بين الضيق والفرج والعكس).

صروف الزمن كثيرة ..وإلا ما قيل ان الايام دول ..من سره زمنا ابكته ازمانا.

لكن المكان مثل (العطر) يحتفظ بنكهته ابد الدهر...حتى وان تغيّر شكليا.

البيت الولدوّك واتربيّت فيه ...تحتفظ له بحنين خاص ..ومودة معينة ..وان ابتعدت عنه سنوات وسنوات...(وما حب الديار شغفن قلبي ولكن حب من سكن الديار).

الشباك الكنت بتطلع فوقو ...بتجمعك معاه الفة كبيرة.

الباب بذكرك موقف..والحيطة القصيرة ...(كانت لنا ايام).

الشجرة البتقعد تحتها ...تمشي وتجيّها بدون ما تشعر.

وكذلك (الشارع) الذي تفجرت فيه قصة حبك الاول ...كل ما تمر عليه قلبك يدق ..وتشعر انك زي المخطوف.

حاجة غريبة بتحصل.

(شيء ما يحدث في صدري).

بل الاغنية التى ترددها في ذلك الشارع ..او في ذاك المكان ..كل ما تجي في الشارع او المكان ..بتذكر الاغنية.

والعكس ، كل ما تسمع الاغنية بتذكر الشارع والمكان. وان كان يفصلك عنه اللاف الاميال.

المدينة او القرية ..التى نشأت فيها ...لعبت ..وقريّت ..وحمت فيها شارع ..شارع . تظل هى اجمل بقعة على وجه الارض بالنسبة لك.

لو مشيت (عدن) تظل تحن لقريتك ..ومشوار العصاري ...وشاي المغرب...ودافوري اليوم الخميس.

وهكذا دواليك.

نطلع فاصل ..ونرجع.

احساس (المطرة) في الخرطوم ...وفي امستردام ...ما واحد ...(عودوا الي بداية العمود ..اول سطر ، عشان ما تفتشوا كتير).

مطرة هطلت في الخرطوم الساعة العاشرة مساء ..وهطلت كذلك في نفس توقيت هولندا في العاشرة مساء في امستردام.

شوفوا (الصدف) الغريبة دي.

مقدار المطر في الخرطوم ...هو نفس مقدار المطر في امستردام ...(نفس الكمية).

حاجة غريبة بالجد.

لكن هناك اختلاف في الاحساس....تباين في المشاعر.

المطرة عندما تهطل في الخرطوم ..بقفز في رأسك ..شوارع الخرطوم ح تتقفل ...(تاني لو عاوز تمشي السوق العربي إلا ترسل رسالة فاضية).

ووالي الخرطوم بكرة ح يطلع في الجرايد والفضائيات ..ويقول اتفاجأنا بالخريف.

تتفاجأوا بالخريف ليه؟.

حصل (الخريف) دا مرة جاكم (متنكر) في (ربيع).

حصل (الخريف) دا من غير ميعاد كدا ..تلب ليه في بيت واحد فيكم في فصل الشتاء.

بتتفاجأوا ليه؟.

نفسي اعرف ..ليه؟.

يا جماعة الله ...الزول لو جاتو (رسالة) بتديّهو (جرس)...انتوا لى هسع قاعدين لي تتفاجأوا بالخريف.

طيب لو (الخريف) بفاجاؤكم ...(العدو) بعمل ليكم شنو؟.

الطيارات الاسرائيلية دي بتصرفوا معاها كيف؟.

وانتوا (جراد) بجهجهكم...اقصد (خريف).

عليك الله بس ..لو سمحت ...(الجراد) ما تدخلوا لينا في الموضوع دا.

ما تلخبط لينا الكيمان ساكت.

شفتوا نحن بعيدين كيف ؟...الخريف كل سنة بجي في البلد دي ...كل سنة بجي في نفس التوقيت ...مع ذلك نحن مازلنا بنتفاجأ (بالخريف).

ناس امريكا واستراليا ..المتغيرات والزلازل الذي يأتي لهم في كل 400 سنة مرة ما قاعدين يتفاجأوا بيهو.

بكونوا منتظرينو بالساعة والدقيقة والثانية.

عارفنو بجي الساعة كم ؟..ووين ؟...وح يعمل شنو؟..وح يستمر كم ثانية او دقيقة؟.

ديك العواصف بحسبوا ليها (خسائرها).

لمن تجي مطرة في الخرطوم ...انت بتكون بتفكر على هذا النحو..(التنظير دا خلينا منو؟).

الباعوض ح يتكاثر ...نوم ما في من بكرة وانت ماشي لي غادي.

كمان (جبرة) دي فيها باعوض ..الباعوضة اول حاجة تعمل ليك رسالة فاضية.

تقوم من السرير ..وتجدع الملايا والبطانية ، وتولع النور عشان تشوف الرسالة ..الباعوضة تدخل ليك.

عشان كدا ..اي رسالة تجيك بعد تسعة ما تفتحها.

ولمن تجي مطرة ..برضو بتفكر.

آنيا ...الكهرباء ح تقطع ، هسع دي ح تقطع من غير شك ...(ح تصرف كيف في المطرة دي؟)...بطارية موبايلك ما مشحونة ...(يا دي الحكاية اتعقدت خالص).

الحاجات كلها بتتعقد في ساعة واحدة.

الصالون ذاتو يمكن يقع ...(سقفو) على الهبشة ...لو المطر (مسكلت) ليه ..بجي الواطة.

عندنا في الحلة (صالون) واقف على الرشة.

الصالون دا فيه (حيطة)...لو سمعت حمد الريح بغني في (عجبوني الليلة جوا ..ترسوا البحر رجعوا) ..تجي واقعة.

احساس ساكت بوقعها.

لمن الولد يقيف يرش جنبها بالخرطوش ..ابوه بقول ليه : يا ود تعال جاي الحيطة دي ما تقع فيك.

لو كنت داخل هذا الصالون ..بتلقى في تنبيه واضح وصريح ، على شمالك بقول ليك ..حفاظا على الارواح والممتلكات شغل موبايلك (هزاز)...رنة الموبايل خطرة على السقف.

والمطر لمن تصب ...بتقعد تتلخبط كدا.

قد تقفز ابعد من ذلك ..وتقول الواحد مع (الزيفة) دي ياكل شنو؟...اكيد ح تجوع ...والتلاجة فيها علبة زبادي واحدة ليها 21 يوم...وبيضة ..وعلبة ساردين فاضية.

حافظها حفظ التلاجة دي.

والبوش لا بنفع مع المطرة دي ...ولا حاجة ...(البياكل ليه بوش منو في الاجواء المكفهرة دي؟).

هذه بعض النماذج التى تمر على الشريط ...والمطر (شغالة).

طبعا لما المطر تصب ..اي واحد قريبك ..ما قريبك ..بضرب ليك يقول ليك عندكم (مطرة) ؟...والله هنا عندنا (مطرة) اسكت خليها ساكت ...المخازن القدام شارع الزلط ..كلهن وقعن.

وخالتك (ست النفر) ام عثمان بتاع زريبة الفحم ..وقعت في الخوار الفاصل بين حارتنا وحارة ناس عباس ..كسرت كراعها ..شلناها للدكتور ..الدكتور قال ما بعالجها لو ما جبتوا ليه رقمها الوطني.

رجعناها البيت بي كسرها ...(نجيب ليها رقم وطني من وين في المطرة دي؟).

الدكتور يقول عاوز صورة اشعة ممكن ...عاوز يقيس الضغط ممكن ..عاوز يجيبو ليه (رسوم) الدخول اول حاجة ممكن.

لكن يقول عاوز (الرقم الوطني)...نجيبوا ليه من وين نحن؟...هو عاوز يعمل ليها عملية وإلا عاوز يطلع ليها تأشيرة.

كسر هو وإلا فتح حساب في البنك.

خالتكم دي ح تموت ...(الكسر) اثر في القلب.

اثر كيف؟..بحكي ليكم.

مشينا للدكتور (دكتور تاني) ...الخالة صحتها تتلتل زي (المرفعين)..ما عندها اي حاجة غير (الكسر).

والله دخلت المستشفي بي (كرعينها).

انا ما عارف ليه اي زول بموت في المستشفى بقولوا ليك دخل المستشفي بي (كرعينو).

عاوزنو يدخل بي حلف النيتو.

قالوا ليكم البدخل بي كرعينو ما بموت.

يدخل بي (امر قبض) يعني.

عادي الحاجات دي بتحصل.

دكاترة الزمن دا الواحد لو دخل ليهم بي (دبابة) بطلع من المستشفي على (عنقريب).

ميت ..ميت.

الدكتور عاين للكسر ..اتسلط علينا ...ادي ليك الخالة ..(حقنة).

الحقنة طوالي اثرت في القلب.

شفتوا كيف (الكسر) ظهر في القلب.

ساعة كدا ...الخالة اتوفت.

راحت فيها.

عادي كدا ..تمشي المستشفي ب (ملاريا)...يجيبوا ليك (فشل كلوي)..يرشوك (كينين) لمن يجيك الفشل الكلوي.

تمشي بي كسر ..يجبوا ليك (سكتة قلبية).

تمشي (مرافق)..يشبكوك فحوصات لمن قروشك تنتهي.

المستشفيات حالها كدا.

هسع عمتكم (الزينة) دي الله يرحمها ويغفر ليها ..موش اخطاء دكاترة.

يلا.

المهم هذا ما يحدث عندما تصب مطرة في الخرطوم...(الموضوع الطويل دا هسع فهمتوا منو حاجة).

اكيد بتفشتوا لي باسكال وتراوري بين السطور.

بين السطور متصور.

في ام مستردام ...نفس المطرة ..بنفس المقدار والتوقيت ..عندما تهطل ..(الزهور بسمت لينا)...(الخضرة) تبقى (بيرقر) عديل...والناس تطلع نظيفة في المطرة دي ..زي كأنها بترش فيهم بي عطر.

ما في اي مشكلة.

ولو كنت فاضي ...ممكن تشيل الكرسي ..وتقعد برة تكتب ليك (قصيدة).

الجو ..شاعري خالص.

دي المطرة ...هنا ..والمطرة في امستردام ...(الفرق واضح).

نطلع فاصل ...ونرجع ...(القعدة طولت).

الدرس التالي.

مزلقان باسكال.

مزلقني ...باسكلني...اعمل اي حاجة.

انت يا باسكال وقت بتنزلق بالطريقة (الانفراجية) المنبعجة دي ...يبقى فرقك شنو من (نجم الدين)؟.

قول ..اتكلم ...ما تقيف لينا كدا.

قالب (جلي) بس واندلق..تتكبكب متل اللحمة الضان ..تعاين ليها في الجزارة ..وتقول للجزار اعمل لي ربع بقري.

لو شايل موبايل ..صوّر لحمة الضان دي ..قالوا فيها زيادات.

يا بسكال ..اصحي ..الكلام دا في الاسبوع الرابع ما بنفع.

والله ترواري دا (تنزلق) ليه كدا ..إلا يلقطوك في (منديل).

انت كمان ما كلموك بي (تراوري).

ما قالوا ليك.

تراوري دا ..3 مدافعين ما بثبتوه..ولا تغشوا نفسكم ساكت.

اقنعوا بس.

يا ادخلوا الامتحان بالكتاب ، بالمقرر كلو.

بخرة في ورقة ما بتحلكم.

قالوا ليك عصام الحاج ..قال لي (نجم الدين) انت بس وقت تشوف تراوري ماشي عليك ..اطلب (3) تسعات.

الزول دا إلا يجيبوا ليه عربية الشرطة.

شن قدركم عليه؟.

الموضوع دا ذكرنا ليك موضوع حصل زمان في حلتنا.

زمن الحلة بكون فيها (تلفزيون واحد) و121 غنماية.

في حلتنا دي كان في عرس.

العريس جاب ليه (تور) ..لو عاوز تعاين ليه ساكت كدا ...(ما شاءالله ..ما شاءالله ...ما شاءالله ) إلا تطلع ليك في سلم.

تور عالي وماكن ..ما شفنا قبل كدا (تور) متلو.

انت شنو الايامات دي تطلع لينا من تور لي تور.

التور وقت بقينا على ضبيحتو...غلبتنا الحيلة جت.

قدر ما فكرنا ..وباصرنا ..عشان نقدر على (التور) دا ما قدرنا عليه.

غلبنا عديل كدا...ونفسنا اتقطع.

مشينا استعنا بي ناس الحلة التانية.

51 نفر ..اقل واحد فيهم 4 في 4..كلهم ما قدروا على (التور).

جبنا ناس الطواري وبوليس السواري ..والاحتياطي المركزي ...برضو فشلنا في ان نضبحو.

التور هاج فينا ..شاف (السكين) ......حلف ما يقيف.

قال السمات قريب ...هو ما قال كدا ..لكن انا حسيت بيهو.

اخر حاجة قنعنا ليك منو؟...العريس قال خلاص ما في مشكلة ..بكرة في الغداء ..اي زول يجي ادوه (رغيفة) ..وجيبوه قدام التور دا واحكوا ليه الحاصل.

نعمل شنو؟ ..ما قدرنا نضبح التور.

بكرة قمنا من صباح الرحمان (عيونا بي قضاها) ...جهزنا الاباريق والموية والصابون ..والرغيف والموية الباردة.

انا ما عارف الموية والصابون والاباريق ما جهزنها ليه؟.

الموية الباردة ممكن.

اي زول يدخل صيوان الدعوة ...بنصرف ليه اول حاجة (رغيفة) ونمسكو من ايدو ..نسوقو على الزريبة ..نوقفو قصاد (التور) نحكي ليه الحصل ..ونرجعو.

زولكم يسمع القصة ..يقرض (العيشة)..نجيبو (الكشف) يدفع ويتخارج.

والله بي كل امانة الناس كانت بتتفهم الحكاية ...وبتقدر الظروف.

اشتغلنا بالطريقة دي لمن الدعوة خلصت الحمدلله ..والتور ما انضبح.

وقت مشينا على الكشف ....لقينا ليك في 150 زول قرض عيش ساكت ..وما دفع في الكشف.

عشان العيش الجبناهو 1500 عيشة ...فضل فيه 321 عيشة ..اذن بعد طرح كمية العيش الاتقرض من كلية العيش ..بتعرف كم زول جاء المناسبة دي.

ما في زول زدناهو فوق (الرغيفة).

السريفي ود التمرجي ...عجبتو ليك الفكرة ...الخميس البعد خميس الزول دا ..جاء شال (التور) سلف..قال عاوز يعرس بيهو ويرجعو.

ساق (التور) وطبق نفس النظرية ...اي ضيف يجي ...يغسل ليه ..ويصرف ليه (رغيفة) ..يسوقو يحكي ليه قصة التور قدام التور في الزريبة ...الضيف يقرض (الرغيفة) يجبوه للكشف ..يخت الفي النصيب ويتخارج.

الموضوع بتاع التور دا ..مشي في الحلة مشي صاح ..اي واحد عاوز يعرس ...يجيب ليه (رغيف)..ويسوق التور يعرس بيهو ويرجعو.

التور الظاهر الموضوع ما عجبو.

كل خميس التور سايقنو مناسبة.

الموضوع دا عمل (نفسيات) عديل كدا للتور..زهج من القصص دي وقريض الرغيف قدامو.

بس في يوم كدا ..الناس الصباح لقوا (التور) مضبوح براهو ..باقى على (السلخ).

يا باسكال ..قصة التور دي ..ما تفوتها ساكت.

انتوا (تراوري) دا ..ما بتقدروا عليه ..جهّزوا (رغيفكم) ساكت ...عشان تجوا تقرضوه قدامو وتمشوا على الكسف.

ما عندكم حل غير الطريقة دي.

خطط (الكوكي) دي بتسقط حجركم.

انت يا باسكال مع (هلال كادوقلي) انزلقت.

قدام فضل بابور ..انزلقت.

قدام (سيد البلد) تعمل شنو؟.

المشكلة (الزلقة) حقت تراوري بتكسر (الترقوة) طوالي.

اعمل حسابك.

دا انت طلعت بتاع (مزلقانات) ساكت.

شنو (خارطنا) بي صبغة الشعر؟.

والهرجة في نجم الدين ...(هسع نجم الدين دا اديتو كم محاضرة).

وفي النهاية تزلق ..زيك وزي نجم الدين.

هسع نجم الدين يقول شنو؟.

فرقك شنو منو؟.

زلقتك دي لو كان عملتها في الهلال ..الامين البرير كان خصم منك مرتب 3 شهور.

دا لو ما شطبك.

نحن صعبين.

نحن ما عندنا محترف بنزلق.

ما تقول لينا ...المطرة ..والارضية كعبة.

اوعك تقول لينا كلام زي دا ...الكلام دا ممكن نقبلوا من (بلة جابر) لكن انت سببك شنو؟.

قبل 48 ساعة قابض ليك 45 الف دولار.

وتجي تنزلق عادي كدا ..زي كأنو ما في حاجة.

اقول ليك حل.

فكرة ..ما قلتها قبل كدا والله لي زول.

بكرة في مباراة القمة يا باسكال ادخل المباراة ب (مروحة تربيزة).

على الاقل تتقلك شوية.

احسن ليك بدل ما تتجهجه ساكت مع ناس بلة جابر.

المباراة دي سخنة شديد ..وبي انزلاقاتك دي ما في حاجة بتمرقك غير (مروحة التربيزة).

مروحة التربيزة دي الشيء الوحيدة الممكن تحنن قلب تراوري.

يا زول اقول ليك حاجة.

لو خجلت تتدخل ببيها الملعب ...شيلها (نجم الدين).

اصلو نجم الدين متعود على كواريكك.

ملحوظة : تراوري دا (تُر) منو كدا يا باسكال ...احسن ليك ..بلاش فضائح.

هوامش

مشيت الثورة ..قالوا لي دا شارع الوادي ..ودا شارع الشنقيطي ..ودا شارع النص.

قلت ليهم طيب شارع باسكال وين؟.

قالوا لي شارع باسكال دا لسع ..افتتاحوا يوم الثلاثاء ...ح يفتتحوا تراوري.

وقفت في ستوب شقلبان ..اتلفت ..قلت ليهم وين مزلقان باسكال؟.

قالوا لي شفت الخور داك.

قلت ليهم شفتو.

قالوا لي بس دا مزلقان باسكال.

غايتو يا باسكال مزلقاناتك كترت بشكل.

شارع التحدي ما بيلحقك.

الحاجة المحيراني (ديدان) نجيلة استاد المريخ دا جاء من وين؟.

يا ابوشيبة ...كمان جابت ليها (ديدان).

هسع الحضري بتمرن كيف مع (الديدان) دا.

نجيلة هى وإلا (كرشه).

دي (ام فتفت) عديل كدا.

هسع يقولوا ليك ..نجيلة استاد المريخ عندها (انفلونزا النجيلة).

في رجل غريبة دخلت على نجيلتكم دي.

ما عاوز اقول ليكم.

لكن شوفوها براكم.

علاءالدين طبعا ما غريب على النجيلة.

الكوكي ذاتو بي صلعتو دي ما غريب.

هسع انا قلت هيثم مصطفى.

انتوا براكم ...الفأر لعب في جلبابكم.

نحن عاوزين كشف منشطات.

اقصد نحن عاوزين كشف (ديدان) قبل المباراة.

يا الامين البرير اتشدد في الحتة دي.

اعملوا كشف (ديدان).

ناس بلة جابر ديل ..وضفر ما مضمونين ..يمكن يجبوا ليهم معاهم (ديدان) في طرفهم يفكوا لينا في نجيلتنا دي.

عشان كدا ..اعملوا كشف ..وفحص ..وتفتيش.

نحن نجيلتنا دي ما بنرضي فيها اي حاجة.

كلو شيء ..ولا النجيلة.

نجيلة فيها (ديدان)..دي اول مرة نسمع بيها.

الديدان دا ما بجي ساكت.

تكونوا بتاكلوا في (النجيلة).

يمكن ناس باسكال ديل كل واحد فيهم بدخل ليه بي (سندوتش) على الماشي كدا.

باسكال وبلة جابر.

معقولة بلة جابر ساعة ونص ما ياكل ليه حاجة.

بواقي الاكل ..والفتافيت ..بتكون بتقع في النجيلة ..تقوم تجيب (الديدان).

اقول ليكم حاجة.

اعملوا نفرة.

لقطوا (الديدان) دا ..مبيد ما بكتلوا ليكم ...ما تسمعوا كلام المهندسين ديل.

او جيبوا ليكم (كدايس)..فكوه في الاستاد.

لو عملتوا كدا ..(ديداناية) ما بتلقوها.

الموضوع دا خلوه سري.

لو (تراوري) سمع موضوع (الديدان) دا ما برضى.

دي شينة في حقكم يا بسكال.

بس انا عرفت السبب.

عرفت (الزلق) باسكال شنو؟.

يكون (الديدان) ود الحرام دا.

بكرة اترقبوا هدف نزار الصاقعة ان شاءالله.

عاجل : الحضري لو عرف حكاية الديدان دي برجع مصر، هو بدون ديدان ما قاعد ليكم.

انقر هنا لقراءة الخبر من مصدره.