سودارس :

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

دق الدلجة
محمد عبد الماجد
التمساح يا ريتو لو اكلني
في الدنيا دي ..في ناس بتحس انهم جاءوا لهذه الحياة ، فقط من اجل حاجة واحدة بس.
بس عشان يرسلوا (الشفع).
جنهم مراسيل.
متعتهم في الحياة يرسلوا (الجُهال).
والجهال جاءت هنا من (النوم تعال نوّم الجهال).
والجهال هم (الشفع) ما تقعدوا تشرعوا لينا …عشان ناس الحكومة ما
يقوموا يفهموا حاجة ويقولوا قاصدين حاجة تانية.
او قاصد ازمة الغاز.
يمين كلامي دا ما عندو اي علاقة بازمة الغاز.
ازمة غاز الدخلها كمان في (دق الدلجة) شنو؟.
في واحد كان بتفش ليه لي (سكن).
عاوز ليه بيت فيه حوش وغرفتين بي منافعو.
يلقى الغرفتين ما يلقى الحوش.
يلقى الحوش ما يلقى المنافع.
يلقى المنافع ما يلقى الغرفتين.
في سمسار مفتح كدا ..قال ليه انا ممكن القى ليك بيت في الحاج يوسف لكن
حوشو في الكلاكلة…ومنافعو في السوق العربي.
قال ليه دا (بيت) وإلا داخلية طلاب الموزع كدا.
كوتشينة هو.
لكن هسع دا ما موضوعنا.
موضوع (السكن) دا لو مسكتو ليكم بقوم اجهجه ليكم العمود دا ساكت.
احسن خلوني في موضوعنا.
وما تقاطعوني.
وما تلخبطوني.
وما تتكلموا بره رأسكم.
عندنا زول في الحلة ..جاتو ملاريا بقى يتكلم برة رأسو.
رأسو زي ال (ام بي ثري).
يكون بغني لعثمان حسين يقوم فجأة يخش ليك في حسين شندي ..فجأة كدا يجيب
ليك الاخبار.
لخبطة شديدة.
ما علنيا ..دا برضو ما موضوعنا.
ولا عندنا شغلة بالكلام دا.
ولا بنشتغل بيه.
في ناس اتخصصوا في الدنيا دي في المراسيل – الواحد فيهم لمن يشوف ليه
(شافع) لو ما رسلو ما بستريح.
روحو ما بترقد.
ايدو بتاكلو.
يقوم من يشوف ليه (شافع) يخترع ليه (مرسال) من مافي.
مرسال ما في ليه اي داعى.
بس عشان يتعب ليك ود الناس دا ..ويقوم يرسلو ليك…(بستمتعوا بالحاجات دي).
لاحظو للحاجات دي ..وقت في ناس يقعدوا ليهم في (صينية) ..في واحد من
الجماعة ديل بدون ما يعاين في الصينية بكورك في اقرب (شافع) وبقول ليه
امشي جيب (الملاحة).
الملاحة تكون قاعدة في الصينية ..بس زولكم دا من حبو للمراسيل ما بشوف الملاحة.
وفي زول من يدخل ليه بيت ما بيتو ..بشوف ليه اي (شافع) حايم وبقول ليه
جيب لي شاحن موبايل.
مرضة بس.
الموضوع دا برضو بندرج تحت حب المراسيل.
الواحد من ديل تسألو اغنيتك المفضلة شنو؟- يقول ليك اغنية محمد وردي (المرسال).
تقول ليه وتاني بتحب شنو؟.
يقول ليك بحب (مرسال الشوق) لابي عركي البخيت.
يقعد يسك ليك في (المراسيل) دي في الاغاني ما بخليها.
حكاية المراسيل دي ذكرتني ليكم بالزول العذبوه بالحكي.
زول مرق من التمساح بمعجزة ..وقام عمل ليه كرامة ..بقى اي زول يجي
يزورو يقول ليه اها الحاصل شنو؟.
يقعد يحكي ليه ..(وانا قاعد في القيفة كدا ..التمساح لغفني ليك ..بدون
ما اشعر لقيت نفسي في نص البحر).
اها وحصل شنو تاني؟.
التمساح فتح خشمو…في خشمو (27) سن ..وقال كدا قضم ليك الضراع.
اها وانت عملت شنو؟.
عملت شنو يعني؟ ..قنعت خلاص ..لكن ربك رب الخير …التمساح وقت فتح
خشمو في (سمكة) دخلت ليه بين السنون…التمساح عاوز ينفض السمكة ..قام
نفضني ليك برة الموية.
زولكم دي القصة دي حكاها 1800 مرة.
اي زول يمشي عليه ..عاوز يسمع القصة بي تفاصيلها كلها.
وفي ناس بسألو كمان؟.
السمكة قدر شنو؟.
وليه سنون التمساح كانت 27 سن؟…في سن ناقص.
الواطة تمغرب واول ما تصبح تاني يوم الوفود تتقاطر على الزيارة ..واي
واحد عاوز يسمع القصة.
قصة التمساح.
لمن زولكم في النهاية تعب من الموضوع دا – وبقى يقيف ليك في نص الحوش
ويقول : (يا ريت لو التمساح اكلني).
يدعي ويقول : (يا ريت لو التمساح اكلني انا).
حكاية – يا ريت التمساح لو اكلني – زي حكاية بكري المدينة مع الفيفا.
بكري المدينة ..الهلالاب عذبوه عذاب.
حرقوا ليه اعصابو.
خلوه يفتش للنوم ما يلقوه.
كل واحد يقول ليه قصة ..انت ح يوقفوك ..وح يغرموا المريخ ..ويمكن
يمنعوه من التسجيل مستقبلا.
وبكري المدينة بعد ما الفيفا ترجعو للهلال ..ناس الهلال ح يحولوه للرديف.
ان شاءالله عمرو (40) سنة ..برضو ح يتحول للرديف.
وبالكتير كدا لو جاملوه ناس الهلال ..يمكن يمسكوه (بص) الهلال الجديد.
لكن لعب مع ناس فيصل موسى ووليد علاءالدين ..ما عندو طريقة.
مع ناس (كيبي) يلعب وين يعني؟.
لكن لو بسوّق كويس ..ممكن يمسك (بص) الهلال.
بس يا بكري المدينة مع (الروشنة) بتاعتك دي ..ما تقوم تدخل لينا بالبص
في كشافات استاد الخرطوم.
المهم يا جماعة بكري المدينة هسع عايش على اعاصبو.
اي واحد يمشي عليه بقول ليه انت الحاصل شنو؟.
يقوم بكري المدينة يقعد يحكي ليهم : والله انا وقعت عقد مع الهلال
واتصورت مع اشرف الكاردينال.
اها وبعد كدا.
بعد ما وقعت مع اشرف الكاردينال واتصورت معاه ..قمت اتسلمت (800) مليون
جنيه من الهلال.
وتاني.
وتاني مشيت وقعت في المريخ.
بالغت لكن.
وال (800) مليون جنيه.
ال (800) مليون جنيه سلمتها الاتحاد العام.
كمان.
الاتحاد العام دخلو شنو بالموضوع دا؟.
بالخلي الاتحاد يستلم القروش دي شنو؟.
الموضوع دا الفيفا ..مع معقابته لبكري المدينة والمريخ سوف يعاقب ايضا
الاتحاد العام لكورة القدم.
بكري المدينة ينتهي من الحكاية ..يقوم تاني يدخل عليه زول تاني ويقول
ليه انت تعال هنا ناس الهلال ديل عملت معاهم شنو؟.
بكري المدينة يقعد يحكي ..والله انا وقعت معاهم عقد واتصورت مع اشرف الكاردينال.
وبعد داك.
وبعد داك استلمت (الشيك).
كمان.
وتاني.
لكن الشيك سلمتو الاتحاد العام.
الاتحاد العام بخليه يستلم الشيك منك شنو؟….دا اتحاد وإلّا بوستة.
الزول يطلع يجي زول تاني.
يا بكري الحاصل شنو؟.
والله الحاصل اني وقعت مع الهلال واتصورت مع الكاردينال.
والبخليك تصوّر مع الكاردينال شنو؟..انت قايل نفسك في عرس.
انت ما عارف الكاردينال دا الزول البتصور معاه …بتعب.
ما عارف الكاردينال جنو وجن الصور الساكت.
الزول يطلع.
زول اخر يحضر.
انت يا بكري المدينة قصتك شنو مع ناس الهلال..
بكري يقعد يحكي….و..وانا …ولكن …والشيك …والاتحاد
…والفيفا…واتصورت مع الكاردينال.
لمن بكري المدينة وصل لمرحلة وقف فيها في نص الحوش ..و قعد يكورك
ويقول : (يا ريت الفيفا لو وقفتني).
يا ريت التمساح لو اكلني.
قالوا ليك نحن بنخلي الفيفا توقفك طوالي كدا يا بكري.
اول حاجة نأخد حقنا في جرايدنا دي.
وبعد داك الفيفا تشوف صرفتها معاك.
يوقفوك ..يخلوك ..يعملوك وكيل صور.
على كيفهم..ما في زول بيسألهم.
ان شاءالله يفتحوا ليك (استديو).
والله انا ما حارقني التوقيع.
ولا حارقني ال (800) مليون جنيه.
حارقني الصورة مع الكاردينال.
انت قالوا ليك الكاردينال دا بتصوروا معاه ساكت كدا.
تصور مع الكاردينال ..وتلعب مع جمال الوالي.
……
و
يا كافي البلاء ..البلد دي فيها 150 محترف اجنبي غير تراوري ما في زول
بلعب في بطولة الامم الافريقية.
تراوري ذاتو قاعد في الكنبة.
بل قاعد في الفندق.
تراوري شنو كمان؟.
تراوري قالوا زائغ من قمة الاستقلال.
ناس معتصم ديل ..حلاقتهم ..حلاقة شفتنة.
و….
السيدة (ل)…ذكري رحيل الحوت الثانية في استاد الخرطوم مفروض كانوا
ينقلوها في بي bein10 بدل الجهجهة البعمل فيها التلفزيون القومي دا.
وقرّض على كدا.

انقر هنا لقراءة الخبر من مصدره.