سودارس :

images (23) شاهد بالصورة والفيديو.. خجل وحياء عروس سودانية من عريسها في ليلة زفافهما يثير اهتمام جمهور مواقع التواصل شاهد بالصورة والفيديو.. خجل وحياء عروس سودانية من عريسها في ليلة زفافهما يثير اهتمام جمهور مواقع التواصل شاهد بالفيديو.. قائد قوات درع الشمال "كيكل" يدخل في وصلة رقص "عفوية" مع (البنيات التلاتة) شاهد بالفيديو.. القيادي بالدعم السريع إبراهيم بقال يظهر بأحد الملاعب العالمية ويتابع مباراة كرة قدم.. تعرف على الحقيقة!! شاهد بالصور.. المذيعة نسرين النمر توثق للحظات العصيبة التي عاشتها داخل فندق "مارينا" ببورتسودان بعد استهدافه بمسيرات المليشيا ونجاتها هي وزميلتها نجمة النيل الأزرق شاهد بالفيديو.. القيادي بالدعم السريع إبراهيم بقال يظهر بأحد الملاعب العالمية ويتابع مباراة كرة قدم.. تعرف على الحقيقة!! باريس يقهر آرسنال ويتأهل لمواجهة إنتر في نهائي دوري الأبطال بهدفين مقابل هدف.. باريس يقهر آرسنال ويتأهل لمواجهة إنتر في نهائي دوري الأبطال بيان توضيحي من مجلس إدارة بنك الخرطوم عندما كان المصلون في مساجد بورتسودان يؤدون صلاة الصبح.. كانت المضادات الأرضية تتعامل مع المسيّرات سقوط مقاتلة أمريكية من طراز F-18 في البحر الأحمر ريال مدريد وأنشيلوتي يحددان موعد الانفصال المسابقات تجيز بعض التعديلات في برمجة دوري الدرجة الأولى بكسلا ما حقيقة وجود خلية الميليشيا في مستشفى الأمير عثمان دقنة؟ التضامن يصالح أنصاره عبر بوابة الجزيرة بالدامر اتحاد بورتسودان يزور بعثة نادي السهم الدامر محمد وداعة يكتب: عدوان الامارات .. الحق فى استخدام المادة 51 أمريكا: الهجمات بالمسيرات على البنية التحتية الحيوية تصعيد خطير في الصراع بالسودان المضادات الأرضية التابعة للجيش تصدّت لهجوم بالطيران المسيّر على مواقع في مدينة بورتسودان "آمل أن يتوقف القتال سريعا جدا" أول تعليق من ترامب على ضربات الهند على باكستان في مباراة جنونية.. إنتر ميلان يطيح ببرشلونة ويصل نهائي دوري أبطال أوروبا الهند تقصف باكستان بالصواريخ وإسلام آباد تتعهد بالرد والي الخرطوم يقف على على أعمال تأهيل محطتي مياه بحري و المقرن "أبل" تستأنف على قرار يلزمها بتغييرات جذرية في متجرها للتطبيقات وزير الطاقة: استهداف مستودعات بورتسودان عمل إرهابي ما هي محظورات الحج للنساء؟ توجيه عاجل من وزير الطاقة السوداني بشأن الكهرباء وقف الرحلات بمطار بن غوريون في اسرائيل بعد فشل اعتراض صاروخ أطلق من اليمن الأقمار الصناعية تكشف مواقع جديدة بمطار نيالا للتحكم بالمسيرات ومخابئ لمشغلي المُسيّرات إسحق أحمد فضل الله يكتب: (ألف ليلة و....) حين يُجيد العازف التطبيل... ينكسر اللحن أبوعركي البخيت الفَنان الذي يَحتفظ بشبابه في (حنجرته) تتسلل إلى الكبد.. "الملاريا الحبشية" ترعب السودانيين استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان ارتفاع التضخم في السودان شندي تحتاج لعمل كبير… بطلوا ثرثرة فوق النيل!!!!! انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

دق الدلجة
محمد عبد الماجد
ثقافة (المروحة) الواحدة في البيت
مرة اسحق أحمد فضل الله كتب في عموده هذا المدخل ..طلع ليك الناس برة الموضوع.
او دخلهم ليك وطلع هو.
كتب اسحق : (والشرطة في مسرحية شكسبير تعتقل الاسكافي الذي يقود مظاهرة
ضخمة ضد القصر ..ويسألونه.
قال : تسألون لماذا أقود الناس واجري بهم في الطرقات ؟..اقودهم لأن
الجري يمزق احذيتهم ..ويكثر عملي).
شفتوا فهم (الاسكافي) خطير كيف؟.
اي زول في همو.
يمكن بكرة يظهر قانون جديد.
يعملوه هنا في المنطقة الصناعية دي.
اصلو (القوانين) بقت يفصلوها حسب المزاج.
ممكن يقولوا ليك الحلاقة من غير قطعية تعرض الزبون للمسالة القانونية.
وممكن يقولوا ليك لو قبضو ليهم سيد لبن ما بزيد اللبن (موية) يتعرض
لمحاكمة عسكرية.
البلد كلها بتزيد اللبن موية ..انت ليه ما بتزيد؟.
يعني عامل فيها امين.
وقد يظهر قانون ..يقولوا ليك فيه الشخص الذي يضع (نظارة) طبية على
عينيه..شخص ما اعتيادي ..يمنح شهادة تقديرية.
طبعا الشهادات التقديرية في البلد دي بتمنح من طرف.
من غير اي داعي.
اي (ديك) بعوعي في وقت ما وقتو..يعتبر مضلل للعدالة.
ديوك اخر زمن.
الديك بقى ينوم لي عشرة.
عليكم الله في ديوك في الدنيا بهذا الكسل.
لو الامور بتاعة القوانين دي كانت في ايدي ..كنت اي مهاجم يصل المرمى
ويلعب الكورة في (الكشافات) ..يعلقوه طوالي في الكشافات التى لعب فيها
الكورة.
طبقو القانون دا ..شوفو تاني بتلقوا ليكم مهاجم يلعب ليه كورة في الكشافات.
الكلام دا طبعا بعد محاكمة بكري المدينة وعنكبة.
اشوف ليكم قانون تاني.
مثلا – عشان ما تقولوا الزول دا بتكلم ساكت…الموضوع دا لو ما حصل
ليكم قبل كدا ..بحصل ليكم قريب.
ممكن يلاقيك (رجل المرور)..يوقفك في نص الشارع ..الحركة كلها
تقيف…اول حاجة يشوفك (رابط الحزام).
بحفظوهم (الشوفة) دي.
الواحد فيهم جاري على ربط الحزام.
يلاقيك رابط الحزام.
كمان نحن بوصونا.
كان على الحزام بنربطو.
يعني بقت على حزام الامان.
30 جنيه.
تقول ليه (30) جنيه في شنو؟.
يقول ليك انت رابط الحزام شديد ..مغالطنك.
يعاين ليك في (الشبشب) ..يلاقيك لابس (شبط).
ينفخ في (الهوا) زي بطلع ليه في زلابية من الزيت.
دمو بيغلي.
يقول ليك (الشبط) مقاسو كم؟.
تقول ليه (42).
يقول ليك كمان بتقولها في وشي …انت مفروض تلبس (43) ….يقطع ليك وصل
ب (30) جنيه ..فروق نمر في الشبط.
تدفع تعمل شنو عاد؟.
الحكومة قالت كدا.
(42) دي بيلبسوها ناس المعارضة.
رجل المرور يعاين للقزاز ..يلقاه ناصع البياض ..ما فيه اي نسبة (تظليل).
يقول ليك قزازك دا كان (مظلل) صاح.
30 جنيه.
يرجع ..ويجيك تاني.
يقول ليك الترخيص.
تتطلع ليه شهادة البحث.
ينطنطن وقت يلقاها صالحة ..يقول ليك مالها ضاربها الشمس كدا.
30 جنيه.
يأخد ليه لفة حول العربية.
ويرجع ليك تاني ..وهو بنكرش كلو.
يقول ليك رخصتك.
تسلمو الرخصة.
يقول ليك صورتك في البطاقة صغيرة شوية.
30 جنيه.
يتنفس بصوت عالي..زي كأنو ما عاجباه صورتك.
يقول ليك وين اللستك الخامس؟.
تمشي توريه اللستك الخامس.
يقول ليك اللستك دي سنة ونص تاني ما بقعد ليك ..احسن تغيرو.
30 جنيه.
ويشيل ويتكلم براهو.
يقول ليك وين (العفريته)؟.
تطلع ليه العفريتة.
يقول ليك العفريتة حقتك دي فيها (رخية) شوية كدا في الياي القدام.
30 جنيه.
يعاين فوق وتحت ويقول ليك الريحة دي ريحة شنو؟.
تقول ليه دي ريحة معطر.
يقول ليك (30) جنيه.
معطر …البلد محتاجة لي اي قرش ..وانتوا تعطروا لي في العربيات.
يمشي يدور حول العربية ..ويقول ليك مشغل (المكيف) في كم؟.
تقول ليه في تلاتة.
يقول ليك في تلاتة يا مفتري في ازمة البنزين دي – 30 جنيه.
تدفع وتتخارج.
بعد (24) ساعة ..يقوم يلاقيك رجل المرور نفسو.
تعمل معاه نفس الخطوات.
اي حاجة تمام.
المعطر المرة دي ما في.
صاحبكم يقعد يشمشم العربية ما يلقى فيها اي معطر.
يقوم يكتب عليك (30) جنيه ..ويقول المعطرات دي عملوها لي شنو؟…انت ما
عارف (المعطر) بقى الزامي مع (العفريتة).
تدفع (30) جنيه.
يعاين للمكيف..ويقول ليك المكيف شغال في كم؟.
تقول ليه المكيف ما شغال ..مقفول عديل كدا…وانت بتدور في العربية.
يقول ليك (30) جنيه تاني …دي سخانة يقفلوا فيها مكيف.
يعاين للشبط ..يقول ليك المقاس.
تقول ليه (43).
يقول ليك انت بتلبس (42) البخليك تلبس (43) شنو؟.
30 جنيه.
الحاجات العملها معاك المرة الفاتت يعمل عكسها هذه المرة.
تنزل من العربية ..وتخليها ليه ..وتديه الموبايل ..وتقول ليه لو
الحكاية دي كلها ما غطت (الايصالات) حقتك دي عندنا قطعة ارض في الازهري
..ببيعها وارجع اكمل ليكم.
نعمل شنو عاد.
كتروها.
حدثتكم مرة عن قانون المروحة.
او قوانين المروحة لسنة 1989.
مالكم بتعاينوا لي كدا ..انا قلت حاجة غلط.
المراوح دي عندها (ادب) خاص بيها ..وفيها (علوم)..وكمية من (الفلسفة).
ناس عبدالعزيز كان عندهم (مروحة) اصلو ما بتقصر مع زول.
مروحة واحدة في البيت.
الزمن داك ..كان زمن صعب ..ما في زول بقدر يعمل ليه (مروحتين) في البيت.
زي الاحتراف زمان.
زمان كان بتلقى الفريق فيه محترف واحد.
اتنين بالكتير.
زولو وانقيدي.
كلتشي وقودوين.
ما اكتر من كدا.
هسع الفريق لو ما حافظو كويس ما بتعرفو.
الفريق كلو بقى (اجانب).
في واحد قال لي والله لو في ناشر طلع ليه الايامات دي صحيفة رياضية
فرنسية ..تنجح جنس نجاح.
تكسر الدنيا.
الفريق كلو اجنبي.
بس الجمهور ..السوداني.
باقى الفريق كلو (اجنبي).
قالوا ليك ما شاءالله كدا ..الهلال الرعاية الفيه (اجنبية).
شفتوا العلم دا كيف؟.
نحن الرعاية حقتنا (الثريا).
الهلال بقى فريق حاجاتو كلها من برة.
المهم دا هسع ما بهمنا.
اشوف ليكم موضوع (المروحة) دي.
ناس عبدالعزيز كان عندهم مروحة واحدة في البيت.
وقت عبدالعزيز يجيب ليه معاه ضيوف من السوق ..اول حاجة بيعملها برسل
(الشافع) وبقول ليها اجري افتح (المروحة) لي اعمامك.
خليها فاتحة ..عشان اعمامك وقت يصلو يلقوها باردة.
برادة المروحة تطير ان شاءالله…(الكلام دا قبل المكيفات).
وكان الناس في الحلة بيقيسوا الكرم على النمرة الشغالة فيها المروحة.
يعني بدل ما يقولوا ليك الزول دا ضبح ليهم ..بقولوا ليك الزول دا فتح
ليهم المروحة في نمرة خمسة.
الغريبة ..زمان (الشبابيك) في الصالون ما كانت بتغير من حكاية (المروحة) دي.
عادي جدا ..تلقى المروحة شغالة ..والشبابيك بتاعة الصالون مفتوحة.
ما في اي زول بقول حاجة.
هسع افتح المروحة ..وافتح الشبابيك ..يمين (الملايات) الراقد فيهن ما تلقاها.
الحرامية ما يخلوا ليك جناح في المروحة.
ينكتوا ليك الصالون دا فوق – تحت.
الدنيا زمان كانت بتقبل القسمة على البساطة ..ما في زول زعلان ..ولا
بتسمع بالغلط كدا في مروحة معطلة.
تعال شوف هسع.
………..
و
يا عمر بخيت قوم بالواجب.
نحن في الانتظار.
يمين ما نخلي لينا (مروحة) شغالة.
بس انتوا اعملوا العليكم.
و…
السيدة (ل)…خلينا نتكلم بي صراحة …رمضان باقى ليه اربعة شهور واربعتاشر يوم.
و…
وقرّض على كدا.

انقر هنا لقراءة الخبر من مصدره.