السودان لا يركع .. والعدالة قادمة    وزير الخارجية يستقبل مدير عام المنظمة الدولية للهجرة التابعة للأمم المتحدة    منع قناة تلفزيونية شهيرة في السودان    ماذا قال ياسر العطا لجنود المدرعات ومتحركات العمليات؟! شاهد الفيديو    شاهد بالصور.. ما هي حقيقة ظهور المذيعة تسابيح خاطر في أحضان إعلامي الدعم السريع "ود ملاح".. تعرف على القصة كاملة!!    البرهان يطلع على أداء ديوان المراجع العام ويعد بتنفيذ توصياته    تقارير صادمة عن أوضاع المدنيين المحتجزين داخل الفاشر بعد سيطرة الدعم السريع    لقاء بين البرهان والمراجع العام والكشف عن مراجعة 18 بنكا    السودان الافتراضي ... كلنا بيادق .. وعبد الوهاب وردي    د.ابراهيم الصديق على يكتب:اللقاء: انتقالات جديدة..    لجنة المسابقات بارقو توقف 5 لاعبين من التضامن وتحسم مباراة الدوم والأمل    المريخ (B) يواجه الإخلاص في أولي مبارياته بالدوري المحلي بمدينة بربر    الهلال لم يحقق فوزًا على الأندية الجزائرية على أرضه منذ عام 1982….    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    المالية توقع عقد خدمة إيصالي مع مصرف التنمية الصناعية    أردوغان: لا يمكننا الاكتفاء بمتابعة ما يجري في السودان    وزير الطاقة يتفقد المستودعات الاستراتيجية الجديدة بشركة النيل للبترول    أردوغان يفجرّها داوية بشأن السودان    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نخشى على المريخ اليوم من عبدالصمد وعلي جعفر
كورة سودانية نشر في كورة سودانية يوم 28 - 02 - 2015


دق الدلجة
محمد عبد الماجد
نخشى على المريخ اليوم من عبدالصمد وعلي جعفر
اذا ناس جمال الوالي وعبدالصمد محمد عثمان والفريق طارق ..ما ثبتوا…ما وقفوا.
ما ركزوا.
البثت ناس علي جعفر شنو؟.
البثت بكري المدينة شنو؟.
بكري المدينة ليه حق يوديها الكشافات.
علي جعفر كانت حقت ابوه.
مالو ومالها؟.
داقي فيها حجر (دغش).
بمناسبة (الدغش ) انتوا تعالوا هنا – انتوا ما بتتفقوا معاي انو
(الدغش) اختفى من حياتنا.
يومنا بقى ما فيه (دغش).
ولا (دغشاية) واحدة.
عدمنا (الدغش).
بقينا قاعدين في الصقيعة.
طبعا عشان الامور تبقى ليكم واضحة – (الدغش) غير الصباح.
والصباح غير (الدغش).
الدغش بكون ليه (دخان) كدا – والدنيا متغابشة…يا دوب الواطة عاوزة تفتح.
عليك الله في يوم زي دا ما تعملها لينا كلها (دغش) كدا.
شنو عاوز تفك لينا الموضوع الرئيسي؟.
ادخل لينا على حتة (الاستقالات) القدموها.
قبل ما ادخل ليكم على موضوع (الاستقالات) دي ..نحب نسمع اغنية (الجنيات
الجرو وسابو عروضهم وهملوا) ونهديها للاخوان جمال الوالي برئاسة المريخ.
وعبدالصمد بنيابة الرئاسة.
والفريق طارق بالامانة العامة.
انتوا فاكرين لو اعلام المريخ ما سألكم وما حسابكم وما قال ليكم حاجة
في البتعملوا فيها دا – بتفتكروا نحن بنخليكم.
حق المريخ دا – لو ما خلصوا ليكم اعلام المريخ – نحن ما بنقصر.
إلّا تشوفوا حاجة.
اصلو في حاجات زي دي ما بنلعب.
ولا بنقبلها للمريخ.
ولا بنرضها للمريخاب ذاتهم – اذا هم رضوها لي نفسهم.
كلام زي دا نحن ما عندنا.
صلاح ادريس في الهلال استقال – اعلام الهلال حتى الان بهاجم فيه.
صلاح ادريس ذاتو بفتش ليه في طريقة عشان يرجع ما لقى ليه طريقة.
نزل انتخابات مرتين ..ما عرف الدرب.
رئيس ونائب رئيس ..وفريق في الشرطة ..قدموا استقالاتهم …ناس بلة جابر
الجابرهم شنو؟.
اعلام المريخ بعد مباراة الذهاب امام عزام – قبّلوا ليك على (علي جعفر).
طلعوا ليك (علي جعفر) سبب.
عملوه (الضحية).
انتوا ساكت كنتوا بتنتقدوا لينا في (علي جعفر).
انتوا ساكت كنتوا بتهاجموا في ود الناس.
قالوا على جعفر ما بثبت ..بلف عكس عقارب الساعة ..والكورة وقت يكون
عاوز يطلعها من المنطقة تقول واقع ليه في بئر.
بقع وبقوم – وما بشوف قدامو.
حركتو تقيلة ..ولفتو فيها مشكلة …(مشكلة الشرق الاوسط كلو).
علي جعفر غلط ..عزام جاب القون الاول.
يعني شنو جابوا فيكم قون؟.
يعني شنو لو طيرتوا كلو – كلو من (التمهيدي)؟.
انتوا (الطيران) غريب عليكم.
انتوا من سيكافا متعودين على الطيران.
المشكلة في (الاستقالات).
الغريبة – الاستقالات بعد ما قدموها – رجعوا نكروها.
الشينة منكورة.
يا جماعة..يا بتاعين (الفهم).
وبتاعين اي شيء.
المشكلة ما في علي جعفر.
المشكلة ما في لفتو التقيلة.
ولا في انو فاهم غلط.
المشكلة في الجماعة البيستقيلوا قبل المعركة ..وبيستقيلوا (سرا) كمان
..ماعاوزين زول يعرف.
انتوا وقت استقيلتوا (الجقلبة) ليكم شنو؟.
ما تنستروا.
جماعتكم بعد مباراة (مريخ الفاشر) قنعوا ليك ظاهر وباطن.
عرفوا ليك الموضوع صعب.
الموضوع خطير.
وماشي على الهواية ..قالوا احسن يتخارجوا.
في موقع (الزاوية) القريبة من الاحداث المريخية والقريبة من المصادر
امس نشر هذا الخبر:
(أثارت التصريحات الساخنة التي أدلى بها عبدالصمد محمد عثمان نائب رئيس
نادي المريخ لقناة بي ان سبورت موجة من الاستياء في أوساط النادي، خاصة
وأنها جاءت في توقيت غير مناسب والفريق مواجه بمباراة مصيرية أمام عزام
التنزاني يوم السبت ، وعلمت الزاوية أن رئيس النادي جمال الوالي غير راض
عن التصريحات التي أطلقها عبدالصمد وأبدى امتعاضه من توقيت التصريح ونفي
للمقربين منه أن يكون قد تقدم باستقالة مكتوبة وأن كل تركيزه ينصب في
مباراة عزام ، مصادر الزاوية أفادت بأن عددا من رجالات المريخ ورموزه
أبدوا اسفهم من تصريح عبدالصمد وطالبوا جمال الوالي بتوضيح الحقائق قبل
مواجهة عزام ودعوا المجلس للتماسك والتكاتف حتى تجاوز عقبة عزام ومن ثم
لكل حادث حديث ومن المنتظر أن تشهد الساحة الحمراء اجتماعات ونشاطات
مكثفة خلال ساعات اليوم الجمعة لتداول ردة فعل هذه التصريحات).
عبدالصمد اشتر.
عبدالصمد ..ما عاوز يصبر حتى بعد انتهاء مباراة الاياب.
زولكم كشف ليك (السر).
ويقولوا ليك فريق عزام رفض خدمة (الجواسيس).
ويقولوا ليك في (جواسيس) اتبرعوا بالمعلومات لفريق عزام.
عليكم الله في (جاسوس) اكتر من عبدالصمد دا.
في داعي عليكم الله – عبدالصمد يقول جمال الوالي ونائبه والامين العام
قدموا استقالتهم للوزير.
الكلام دا وين؟.
في قناة بن سبورت.
نوع ديل – عاوزين ليهم (جواسيس).
النوع البتبرع ليك بي معلومة تنسف ليك اي حاجة.
الموضوع دا لا طلع من جاسوس.
ولا ظهر من اعلام الهلال.
الموضوع دا طلع من عبدالصمد.
وعبدالصمد ما قال الكلام دا في قهوة.
ولا قالوا في نادي.
ولا في جلسة سرية.
ولا في شارع النيل.
عبدالصمد قال الكلام دا في قناة بن سبورت.
الغريبة ..ان عبدالصمد قبل ما يقدم استقالتو ..جفف ليك منابع صديق علي
صالح وعادل ابوجريشة وكمال دحية.
قفل ليك (الحنفية).
وقدم استقالتو.
اها يا جماعة ..عليكم الله بعد الكلام دا الخطر على المريخ من منو؟.
من علي جعفر؟.
وإلّا من الجماعة القدموا استقالاتهم ديل؟.
الخطر على المريخ من (الجاسوس)..وإلّا من عبدالصمد محمد عثمان؟.
فالحين لي في علي جعفر.
البعمل فيه عبدالصمد ..لا علي جعفر ولا ضفر ولا الريح علي بعملوه.
عشان كدا الليلة الخطورة الحقيقية على المريخ لا من علي جعفر ولا من تشي تشي.
الخطورة الحقيقية على المريخ من عبدالصمد.
في زول بقول نحن استقلنا في هذا التوقيت.
ناس بكري المدينة الليلة لو كورتهم مشت (الكشافات) ما تزعلوا.
المشكلة ما في بكري المدينة..المشكلة في عبدالصمد.
لو علي جعفر قدم ليه (هدية) لمهاجم عزام – ما تزعلوا ولا تقولوا حاجة.
المشكلة ما في علي جعفر..المشكلة في عبدالصمد.
المدهش في الامر ان مجلس المريخ سار على نهج اعلامه واصدر بيان في
اشتباكات وقعت بين ركاب حافلة وبص لاعبي المريخ ..وشتائم قيل انها وجهت
لبكري المدينة.
مجلس المريخ في هذه الواقعة اصدر بيان واكد ان هناك استهداف يتعرض له المريخ.
الاستهداف الذي يتعرض له المريخ يتعرض له من اعلامه الذي صور جماهير
الهلال بالجواسيس وظل يستفز فيها ويشكك في وطنيتها.
اذا كان هناك استهداف على المريخ فهو من مجلس ادارة المريخ الذي استقال
ضباطه الثلاثة ..واصدروا (بيان) عن واقعة الشتائم التى تعرض لها بكري
المدينة.
في المريخ الكل يبحث عن مبررات للخسارة ..والخروج.
الكل يريد ان يؤكد ان هناك عملاء وجواسيس واستهداف يتعرض له المريخ.
عليكم الله استهداف شنو؟..وانتوا الشرطة من الملعب طلعوها ليكم.
انتوا الجماعة ديل ما بخجلوا.
ما بخافوا الله.
لماذا صوّر اعلام المريخ ومجلسه مباراة اليوم بين المريخ وعزام – على
انها مباراة بين المريخ والهلال؟.
لماذا ادخلوا جماهير الهلال في طرف في مباراة هم لا دخل بيهم؟.
فان حدثت مناوشات او مهاترات هنا او هناك ..فليس ذلك دليل (حرب
قذرة)..في كل مباريات الهلال والمريخ تحدث مثل هذه الاحداث.
اعلام المريخ ومجلسه فقط ..اراد ان يصنع (الشماعة) قبل حتى الخسارة والخروج.
زادوا المواضيع.
هولوا الحكاية.
على جماهير المريخ ان تركز على دعم فريقها اليوم وان تسانده ..دون
الاهتمام بما يكتب في الصحف وما تتداوله المواقع.
شجعوا فريقكم وساندوه دون شد او ضغط او تصوير الاحداث على انها احداث كارثية.
ابعدوا هذه (الاوهام) التى صنعها اعلام المريخ ومجلسه ..وحاولوا ان
توفروا للاعبي المريخ (اجواء) يمكن ان يتحقق فيها الانتصار والتأهل.
حقا نشفق على لاعبي المريخ اليوم ..فما يجدوه من مجلسهم واعلامهم ليس
للحجار طاقة له.
المريخ سوف يخسر اليوم اذا ساير جمهور المريخ اعلام فريقهم ومجلسهم
وسار على نهجهم.
اخرجوا لاعبي المريخ من هذه الاجواء.
……….
و
لا نخشى على الهلال من كل الظروف التى يمكن ان توجهه اليوم في زنزبار.
مباراة تأتي في اجواء هادية ومثالية.
لكن برضو الكورة ما عندها ضمان.
مرحب بكل النتائج.
……….
السيدة (ل) – لو الغاز عارف (غلاوتي) دي …كان بقى (دهب)…وكان بقوا
يجيبوه في شيلة العرس.
يقولوا ليك الغاز جابوا اربعة – اربعة.
وقرّض على كدا.

انقر هنا لقراءة الخبر من مصدره.